تجربتي مع طفلي في التخلص من الخوف

ام منصف

:: عضو شرفي ::
إنضم
11 سبتمبر 2009
المشاركات
5,472
الإعجابات
9,786
النقاط
351
#1





الخوف هو انفعال قوي غير سار ينتج عن الإحساس بوجود خطرٍ ما وتوقّع حدوثه

ويعدّ الخوف إشارة تهدف إلى الحفاظ على الذات
إذا كان هذا الخوف لا يُؤثِّر في حياته اليومية فهذا أمرٌ طبيعي وسيزول
امَّا إذا كان هذا الخوفُ يُسبِّب إجهاداً نفسياً كبيراً للطفل أو يُعيقه عن مُمارسة نشاطاته اليوميَّة، فعندها يجب أن ندق ناقوس الخطر

وتعد المخاوف الطبيعية شائعة عند الاطفال مثل
- الاصوات العالية والمفاجئة و من الغرباء أو من الانفصال عن الوالدين أو من الأجسام الكبيرة.
- الخوف من الظلام أشياء خيالية، مثل الأشباح والوحوش والنوم وحيداً وسماع أصوات غريبة.
- الخوف من الذهاب إلى المدرسة




يتعلم الطفل الخوف منايحاءات الكبار وهذا من خلال

- طريقة التحدث مع الطفل مثلا عن الظلام
- القصص التي نرويها لاطفالنا ودايما فيها - الغولة - وما شابه ذلك
- الحصص التلفزيونية وافلام الكرتون
- تهديدات الاباء لاطفالهم واستخدام الضرب او العقوبة البدنية كاسلوب تاديبي
- الحذر المفرط قد يكسب الاطفال لا شعوريا الخوف من اشياء محددة
- النبذ والنقد والتهديد والاستخفاف بمخاوف الطفل واتهامه بالجبن وغير ذلك من الأساليب القاسية كلها تؤدي إلى كبت الخوف وتفاقم المشكلة




وغالباً ما يظهر الخوفُ عن الأطفال عندما يتعرَّضون لخبراتٍ أو تجارب لا يستطيعون فهمَها وتبدو وكأنَّها تُهدِّدهم لهذا لابد علينا كاباء وامهات مساعدتهم على تخطي هذه المرحلة وفهمها لضمان نمو نفسي سليم لدى اطفالنا وذلك عن طريق

- يجب على الوالدين تقبُّل حقيقة مخاوف الطفل على أنهَّا شيءٌ منطقي وعدم السخرية منه
- ابعاده عن كل انواع العنف والضوضاء والازعاج
-انقاص مستوى التحسُّس لديهم من خلال التعرُّض للمواقف التي تُثير لديهم الخوف مع اقرانها بمكافاة
- محاولة دمج الصغير مع اقرانه ان كان في الروضة او في المدرسة او ابناء العائلة والذين هم من نفس سنه
- يمكن أن يُمارسَ الوالدان مع الطفل الأنشطةَ العمليَّة التي يخاف منها على شكل لعبة لأنَّ معظمَ الأطفال يستجيبون بشكلٍ أفضل عندما يلعبون


وهذا ابدا لا يمنع من ان للخوف ايجابيات
كتعليم الطفل الخوف من الاشياء الضارة كالنار والاماكن المرتفعة
الخوف من السيارات وعبور الطريق
الخوف من الغرباء



ومن هنا اخي / اختي
احببنا ان نتشارك التجارب ونستخلص النتائج لتعم الفائدة


فتجربتي قد تفيدك /كِ
و
تجربتك/كِ قد تفيدني

فهناك الكثير منا يبحث عن تجربة الاخر ليستفيد
فلا تحرمونا من اكتساب المعرفة
ولا تحرموا أنفسكم من الأجر

ضعوا بصمتكم
و شاركونا تجاربكم مع اطفالكم او اخوانكم




 

راضية حامدة

:: عضو شرفي ::
إنضم
30 أفريل 2010
المشاركات
1,281
الإعجابات
2,521
النقاط
71
#2
رد: تجربتي مع طفلي في التخلص من الخوف

بارك الله فيك ام منصف
عندي كلام كثير في هذا الموضوع
لي عودة ان شاء الله
المقال رائع
جزاك الله خيرا
 

رونق الزهور

:: عضو مُتميز ::
إنضم
17 جانفي 2014
المشاركات
654
الإعجابات
2,563
النقاط
51
#5
رد: تجربتي مع طفلي في التخلص من الخوف

موضوع شيق بالفعل انا ابني يعاني من خوف الانفصال كل ما نغيب عليه يبدا يبكي ويجري يحوس عليا لدرجة عندما ندخل للمرحاض اعزكم الله يبدا يبكي عند الباب
مايخرجش بلا بيا والو والو مايفارقنيش شوية راه متعبني ماعرفت كيفاه نعالجلو هذا المشكل
 

أم رزق الله

:: عضو مُتميز ::
إنضم
12 أفريل 2013
المشاركات
636
الإعجابات
3,098
النقاط
51
العمر
29
#7
رد: تجربتي مع طفلي في التخلص من الخوف

بارك الله فيك ام منصف
انا وليدي ما يخاف والو عندو حاجة وحدة برك يخاف كي يروح لطبيب يموت بالخوف مالحقنة خاطر شحال من خطرة يديرها
ربي يحفظ اولادكم كامل
 

om mahmoud

:: عضو مُشارك ::
إنضم
31 جانفي 2014
المشاركات
326
الإعجابات
1,320
النقاط
41
#8
رد: تجربتي مع طفلي في التخلص من الخوف

الصراحة اولادي ما يخافوش بزاااااااف يخوفو هههههه
لكن كي نبدا نعلمهم يرقدو في غرفة وحدهم ينوضو في الليل
ويجو عندي لغرفتي وقولولي رانا خايفين شفنا حاجة تتحرك او ..........
نحاول نفهمهم ما كاين والو ونقولهم قراو القران قبل ما ترقدو
يبعد عليكم الشيطان وما تجيكم الاحلام المزعجة
هدا واش تذكرت وكي نتفكر شيء جديد نرجع
سلام
 

نور الحبوبة

:: عضو فعّال ::
إنضم
1 فيفري 2012
المشاركات
1,673
الإعجابات
6,925
النقاط
71
العمر
44
#9
رد: تجربتي مع طفلي في التخلص من الخوف

موضوع هايل ومفيد نحكيلكم على تجربتي مع الخوف
انا بنتي لكبيرة ملي كانت متعرفش معنى الخوف لحدي الان والي بعدها كي كانت صغيرة كانت متعبتني وانا كنت منعرفش مليح في التربية السليمة كانت تخاف من نباح الكلب اعزكم الله وانا لقيتها فرصة منين متاخذش الراي نقولها ذورك نديك للكلب ياكلك الطفلة تولي ميت بالخوف ومتتحركش من بلاصتها وخاصة في الليل كي تنوض تبكي ومتحبش ترقد نقولها ذرك اجيك الكلب مسكينة تلصق فيا وتعود تترعد ذرك كي كبرت عرفت بلي كنت غالطة وهيا بالذراع منسات هذاك الشي كانت كبيرة وكي نفوتو على دار فيها الكلي تلصق فيا وتقولي ماما خفتو كان عندنا مول الحانوت عندو واحد فوق السطح متحبش تروح تشريلي منعندو
اما نور هيا من قبل مكانتش تخاف مي ملي عادت تسمع لحايات انتاع فلان سرقوه فلان قتلوه فلان خطفوه يعني الاختطاف الاطفال عادت تخاف متتحركش من بلاصتها حشاكم حتىالمرحاض متروحش وحدها لازم نروح معاها ومتروحش لشومبرة انتاعها تقرا لازم اكونو خايتها وفي الليل لازم نخليلها الضوء شاعل كانت مزال مدخلتش تقرا كي اعيطولها لبنات تخرج تلعب متخرجش حتى كي اكون بابها البرا تقولي نخاف السراق كي نقولها مكان والو تقولي لالا كيما فلان خطفوه كي عدت نعيط عليها عادت متقوليش تقول منبش حابة نخرج وخلاص
وهنا تعلمت من التجربتين
1ملازمش نغلعوهم بحاجة هوما من بكري اخافو لازم نشوفو كيفاه نحيولهم هذاك الخوف مهما كانو اقلقونا لازم نصبرو معاهم حتى يجتازو المحنةهذيك
2منحكيوش قدامهم حكايات انتاع السرقة والقتل ولا حكايات الجن لخاطر انا لكباراخافو كي يسمعو حكاية كيما هادي ونحاولو نبعدوهم على افلام الرعب ولا نشرات الاخبار الي فيها حوادث كيما هادي
هذي هيا تجربتي مع بناتي والخوف​
 

ام ايناس

:: عضو فعّال ::
إنضم
9 ماي 2010
المشاركات
2,414
الإعجابات
6,255
النقاط
111
#10
رد: تجربتي مع طفلي في التخلص من الخوف

شرييييفة والله الموضوع كنت نخمم فيه البارح على ايناس هي ماتخاف والو غير الرعد لي تخافو لي عودة للموضوع مشكوووورة على الموضوع
 
إنضم
7 أفريل 2013
المشاركات
1,150
الإعجابات
5,257
النقاط
71
#12
رد: تجربتي مع طفلي في التخلص من الخوف

السلام عليكم
موضوع رائع وبارك الله فيك اختي ام منصف
أنا عندي ولادي الكبار أعمارهم 11 و10 سنوات مايخافوش يباتو كل واحد في غرفتو فالظلام مايحبوش الضوء فالليل .نخرج نقضي ونخليهم وحدهم فالدار يعني الحمد لله والشكر مايعرفوش معنى الخوف
كاينة حاجة البنت لي عمرها 11 تخاف كي تشوفني انا وباباها بعض المرات نتخاصمو فقط بالكلام تقلي ماما كرشي وجعتني يمكن هدا نوع من الخوف
وعندي الولد الصغير 6 سنوات كان والـــــــــــــو مايخافش كي خوتو وحد النهار وراتلو أختو شريط فيديو باليوتيوب شاف شبح زعمى ميت وخرج من القبر من يومها لليوم مايرقدش وحدو مايمشيش فالضلمة يعني ولا يخاف من كلش حتى كي يطق الباب يموت بالخوف
 

نور الحبوبة

:: عضو فعّال ::
إنضم
1 فيفري 2012
المشاركات
1,673
الإعجابات
6,925
النقاط
71
العمر
44
#13
رد: تجربتي مع طفلي في التخلص من الخوف

نجوى اولادك ماشاء الله عليهم صغار ويرقدو كل واحد وحدو ربي يحفظهم
والبنت علبالك ماشي مليح تتخاصمو قدام لولاد ولو بالكلام كيما قاتي تعرفي انا 19 سنة زواج عمرهم بناتي مشافوني نتخاصم مع باباهم انا الحدود هيا غرفة النوم كي نحب نتخاصم نصبر ونكتم غيضي حتى كي نكونو وحدنا وكي نفوت نخرج من الغرفة نعود كي شغل مكان نعرفو بلي لولاد مهما كان سنهم صغير احسو ويعرفو وبنتك مقدرتش تعبر غير بالخوف وهذا ماشي مليح
وابنك كيما قلت من قبل ماشي مليح نغلوهم اشوفو حاجة تخوف باه متاثر عليهم انتي حاولي معاها وقوليلها بلي هذا تمثيل برك مكان والو ربي يحفظنا اولادنا جميعا​
 

رونق الزهور

:: عضو مُتميز ::
إنضم
17 جانفي 2014
المشاركات
654
الإعجابات
2,563
النقاط
51
#14
رد: تجربتي مع طفلي في التخلص من الخوف

الحمد الله اخواتي راني استفدت من تجاربكم التربوية
ولكن راني حابه تعطوني نصائح باش نحي لهادي خوف الانفصال وللعلم عمرو ماخليتو وحدو وكي كان بيبي مكانش كامل يحوس عليا وذرك راه لاصق فيا بزاف باباه ومايروحش ليه بزاف وكي يكون يلعب مع باباه وانا في الكوزينة يلعب شوي من بعد يجي يطل عليا لمزالني في الدار ولا رحت
 

ام ريهام

:: عضو فعّال ::
إنضم
20 سبتمبر 2012
المشاركات
2,248
الإعجابات
10,546
النقاط
111
#15
رد: تجربتي مع طفلي في التخلص من الخوف

شكرا شريفىة على هذا الموضوع الرائع
نحكيلكم على تجربتي ريهام ما تخافش من لي فطمتها في عامين ولات ترقد في شمبرتها وحدها عادي مكاش خوف
لكن ريتاج شوية كانت تخاف تقولي نرقد معاك وكي نقوللها علاه ترقدي معايا روحي ترقدي مع ختيتي ريهام تقولي نخاف من واش تخافي تقولي نخاف وخلاص المهم ترقد معايا وكي ترقد نرفدها ونحطها في بلاصتها مع اختها طي تفطن برط جي تجري عندي وتقولي خطرة جا دب خطرة جات قطة وكل خطرة جيبلي حديقة الحيوانات لداري هههههههه
ما لقري انا وين نسكن مكاش كامل هاذ الحيونات صح كاين بعظ القطط بصح كاين وين تقعد بالاسبوع ما تشوفهمش المهم بالسيف باش ولات ترقد وحدها ولات تشرط عليا نرقد وحدي اشريلي بوبية تاع دورا والله نشريلها غير باش نتهنى منها ترقد يوم ولا يومين تولي لعادتها تقولي جيبلي بوبية تاع فلة ......وباربي نونورس المهم كل خطة تغنيلي بغنى جديدة ونلبلها طلبها واخر مرة كنا برا شافت بوبية في بوسات دايرة شغل طفلة تاع الصح قالتلي ما ما اشريهالي نولي نرقد وحدي قلتلها لالا كي تولي ترقدي وحدك نشريهالك خفت تحشيهالي ههههههههههه ايا من هذاك النهار ولات ترقد وحدها ..................ولكن.................لازم التلفزيون يكون شاعل لازم ما ترقدش بلا بيه واكيد بعد 5 ايام قالتلي ما ما قلتيلي ارقدي وحدك نشريلك هاذيك البوبية قلتلها كي نزيدو نخرجو راني نشريهالك وكي رحت شريتهالها قلبت لمول لحانوت راني نديها لريتاج بصح كون ما ترقدش وحدها نرجعالك الطفل ولا يضحك فهم اني راني نعاني معاها قالي ايه ...............والان الحمد للله راهي في 5 اشهر ترقد وحدها عادي كي يلحق وقت الرقاد نقوللها روحي لبلاصتك تروح تشعل التيلي وترقد وربي يدومها على هاذ الحالة
وكاين مرات وهي كثير ما علاباليش اسكو تكون تنوم ولا ما عرفتش علاه تنوض تعيط في اليل كي نروح عندها تقواي خفت نمدلها تشرب ماء ونقوللها لالا ما تخافيش ريهام راهي قدامك راقدة
راني هدرت بزاف سلام
 

ام رحاب

:: عضو فعّال ::
إنضم
15 أكتوبر 2012
المشاركات
1,680
الإعجابات
3,470
النقاط
71
#16
رد: تجربتي مع طفلي في التخلص من الخوف

شكرا شريفة على الموضوع انا بناتي لامعنى للخوف في حياتهم في الليل ينوضو يمشيو عادي مايخافو من والو مي يعرفو بلي النار تحرق مايلمسوهاش والسيارة تضرب يحرزو رواحهم اما انهم يخافو من حاجة معينة فلا على الاغلب وارثينها مني انا كنت ولازلت هكذا
 

بنت لبحر

:: عضو مُشارك ::
إنضم
27 ماي 2013
المشاركات
460
الإعجابات
595
النقاط
21
#18
رد: تجربتي مع طفلي في التخلص من الخوف

موضوع هايل و عندي خبرة لاباس فيها في الموضوع هدا على خاطر قرايتي عندها علاقة بيها

لي رجعت ان شاء الله
 

ام منصف

:: عضو شرفي ::
إنضم
11 سبتمبر 2009
المشاركات
5,472
الإعجابات
9,786
النقاط
351
#19
رد: تجربتي مع طفلي في التخلص من الخوف

راضية حامدة
بانتظار عودتك نسرين


انريس
ماطوليش علينا اسماء باش تحكيلنا على المشاغبة انريس


om mahmoud
ان شاء الله تشاركينا اختي بتجاربك لانو المواضيع بدون تفاعلكم ماعندها حتى معنى


ام عبد السلام
ماطوليش علينا ام عبد السلام

 
آخر تعديل:

ام منصف

:: عضو شرفي ::
إنضم
11 سبتمبر 2009
المشاركات
5,472
الإعجابات
9,786
النقاط
351
#20
رد: تجربتي مع طفلي في التخلص من الخوف

om ahla hadi
اعتقد انو مشكلة هادي تكمن في انكم عايشين وحدكم واعتقد انك مغتربة يسمى لاصق فيك نهار طول وانتوما مع بعضاكم حتى الوالد ماهوش يوم كامل معاكم بحكم عمله
حاولي دخليه للروضة هكذا يندمج مع اولاد من سنه وفهميه انو حتى اذا ابتعد عنك مش معناه انو راح يفقدك فهميه حسب عمرو بكلام يقدر يفهمو وان شاء الله تلقاي نتيجة
 
Top