تجربتي مع طفلي في التخلص من الخوف

[ام منصف]

رد: تجربتي مع طفلي في التخلص من الخوف

أم رزق الله
الخوف من الحقنة هي فوبيا عند الاطفال كامل غير قوليلهم برك الابرة يتريـgـلو
الحمد لله انو ولدك ما عندوش هذا المشكل ربي يحفظو
​

 

[ام منصف]

رد: تجربتي مع طفلي في التخلص من الخوف

om mahmoud
عليها مليح تعويد الطفل من قبل ما يعرف صلاحو قصدي في الصغر خلاص انو يرقد في غرفة مستقلة عن الابوين هكذا يكبر ويوالف بغرفتو وتجيه حاجة عادية وسهلة
لكن الخوف من الظلام والوحدة اشياء عادية عند الاطفال الصغيري السن
بصح لازم نفهموهم بلعقل ونشرحولهم هكذا يتجاوزوها بكل سهولة
والقران الكريم احسن علاج في هذه الحالات
يعطيك الصحة ام محمد على المرور
​

 

[رونق الزهور]

رد: تجربتي مع طفلي في التخلص من الخوف

om ahla hadi
اعتقد انو مشكلة هادي تكمن في انكم عايشين وحدكم واعتقد انك مغتربة يسمى لاصق فيك نهار طول وانتوما مع بعضاكم حتى الوالد ماهوش يوم كامل معاكم بحكم عمله
حاولي دخليه للروضة هكذا يندمج مع اولاد من سنه وفهميه انو حتى اذا ابتعد عنك مش معناه انو راح يفقدك فهميه حسب عمرو بكلام يقدر يفهمو وان شاء الله تلقاي نتيجة
​

صح كامل واش قلتي كنت نسكن مع اهل زوجي كان يظل برا وماينكر حد وذرك كي رانا وحدنا ومغتربين يظل لاصق هو شوية مزال مايفهمش هذا 17مارس يدير عامين
ان شاء الله العام الجاي ندخلو الروضة هكاك يكون شوي كبير ونكون ان شاء الله نحيتلو الحفاظ
شكرا اختي على النصائح ديالك راكي افدتيني جعلها الله في ميزان حسناتك

 

[ام منصف]

رد: تجربتي مع طفلي في التخلص من الخوف

نور الحبوبة
تجربتك مع بناتك فيها من العبر الكثير
كفيتي وفيتي اختي
ومليح الانسان يتعلم من اخطاؤو ويستمد العبرة منها
هكذا ما يوقعش فيها مرة اخرى
شكرا على المرور والمداخلة الطيبة
​

 

[ام منصف]

رد: تجربتي مع طفلي في التخلص من الخوف

ام ايناس
الخوف من الرعد دليلة طبيعي عند الصغير لانو من الاصوات المخيفة والقوية
فهميها برك بلعقل وعلاه يجي الرعد وكيفاه يصرا هكذا ماتعودش تخاف
​

 

[ام منصف]

رد: تجربتي مع طفلي في التخلص من الخوف

حكيك
اهلا بيك حكيمة
كنت نتمنى انك تشاركينا تجاربك مع اولادك هكذا تعم الفائدة اكثر
شكرا لمرورك سيدتي
​

 

[ام منصف]

رد: تجربتي مع طفلي في التخلص من الخوف

ام سراج الدين وملك
بنتك مسكينة صغيرة ماعرفتش تعبر على خوفها من او قلقها من الشجارات التي تحدث بينكم وتجيها كي الخلعة تعود كرشها توجع فيها
حاولي ماتبينيش قدامها والا فهميها بلعقل انو حتى اذا سمعتكم تتعايطوا فهذا امر طبيعي وانكم تتناقشوا بصح بصوت مرتفع شوية وهذه امور عادية
بخصوص ولدك اللي رجع يخاف بعدما شاف هذاك الفيلم فهذا شيء طبيعي جدا الكبار ويخافو كيما قالت نعيمة
حاولي تبعديه على اي مؤثرات نتاع الرعب والخوف وفهميه بالتدريج انها مجرد تمثيل وافلام وماكانش منها
​

 

[ام منصف]

رد: تجربتي مع طفلي في التخلص من الخوف

ام ريهام
مليحة تجربتك نعيمة مع ريتاج بصح اللي ماهوش مليح هو الشونطاج اللي يديروه الابناء للاولياء وحنا من باب انه المهم يسكت نديرولو رايو
هذا يعلمهم انه كل طلباتهم مجابة وخطرة اخرى يتمادى في هذا الشيء
الحمد لله انك وصلتي الى نتيجة مليحة مع ريتاج وتخلصت من خوفها الذي في اعتقادي ماهوش خوف بصح لقاتها وسيلة باش تدي واش بغات
​

 

[ام منصف]

رد: تجربتي مع طفلي في التخلص من الخوف

ام رحاب
ماشاء الله على بناتك مليح كي ماراهومش يخافو ويعرفوا الاشياء اللي لازم يخافوا منها وخوفهم منطقي
شكرا على المرور
​

 

[ام منصف]

رد: تجربتي مع طفلي في التخلص من الخوف

أم أمين23
بانتظارك عائشة


بنت لبحر
ان شاء الله اختي بانتظار عودتك وتجاربك

​

 

[ЯǾᵯẫḭṧşẰ]

رد: تجربتي مع طفلي في التخلص من الخوف

بارك الله فيك سيدتي
لي عودة للموضوع إن شاء الله
تقبلي تحياتي
​

 

[أم محمد وأمين]

رد: تجربتي مع طفلي في التخلص من الخوف

السلام عليكم أخوتي موضوع جميل وقيم بارك الله فيك أم منصف أنا الحمد لله لحد الآن لم أعاني من مشاكل الخوف مع ولداي ماعدا هذه الفترة الأخيرة وما حدث في بلدتنا للأننا كنا موجودين إبني محمد أصبح خائفا من الشارع لأنه رآهم من السطح يهاجمون علينا والرجال يصرخون وفي تلك الأيام كان الموضوع حديث الساعة وكنا عندما ندخل إلى اليتيوب ينظر من دون أن نحس ففي الليل ينهض من النوم ويبكي المجرمون سيهاجمون سوف يقتلون أبي فأقرأ له القرآن وأقول له أنهم رحلوا والشرطة تحرسنا لن يأتي إلينا أي أحد فيرجع إلى النوم وأصبحنا لا نتحدث أمامه ولا نتفرج شيئا أثناء وجوده وعندما هدأ الوضع أخرج أبوه وقاموا بجولة حتى يرى أنه لاشيئ في الشارع وقد تغلب على هذا الخوف بحمد الله تعالى حفظ الله بلادنا وسائر بلاد المسلمين تحياتي لكم

 

[ام عبد السلام]

رد: تجربتي مع طفلي في التخلص من الخوف

السلام عليكم وعذرا على التاخير
اولا ابدا قصتي بابني عبد السلام يخاف من الحقنة برك وكان من قبل يخاف من الرعد بصح ضوك الحمد لله بالشوية معاه حتى فهم
ومن قبل كان يخاف كي ينوض وحدو فالليل وضوك تهنيت منو اما الحاجة الوحيدة اللي راهي مقلقتني هي كي يروح لبلاصة وحدوخرى مثلا لدارنا يبات عادي وحدو بلا ما نروح انا بصح كي يكون في دارنا يقولي فرشيلي فالبيت نتاعك ومايحبش يرقد وحدو حتى ولو كانت عندي اختي ما يحبش يرقد معاها وما لقيت حتى حل معاه ياريت اختي ام منصف تساعديني باش يوالف و يعاندو اخوه اكرم

 

[أم أمين23]

رد: تجربتي مع طفلي في التخلص من الخوف

انا الخوف عانيت مع وليدي الكبير يخاف من كل شيء ابداها من التبرز للناس للرقاد وحدو وانا السبة كنت نعيط عليه بالزاف يخاف من اي شيء بابصح حاليا الحمد الله ولى افضل كي بديت نرقدو وحدو لازم نرقد معاه حتى يرقد خلاص ومن بعد نروح والا ناض يقلب الدنيا ومن بعد بالشوي بالشوي والف كي يخاف نهدر معاه ونصقصيه علاش وواش خوفك يقولي حلمت والا شفت فوليت نقولو لازم برك تقرى القرآن ونقرى معاه يرقد وولى كي يعود راح يرقد يعيطلي باش يقرى القرآن ويرقد ونخليلو الضو تاع ممر والا اي ضوء يكون قريب ليهم باش كي يفيقو ما يخافوش وحاجة اخرى ثاني لما يشوفو رسو متحركة تاع الهم تاع الوقت هادو الي ديما فيهم حاجة تخوف هاديك الليلة لازم ينوض اما الصغير صوفة طايرة من صغرو ما يخاف من والو وللضرك ساعة ساعة برك باش يخليه باباه يرقد معانا اقولنا اني خفت كي نكون انا غافلة مع مريم يديرها بباه ويرقدو معاه مي كي نكون انا نرجعو لبلاصتو نشعلو الضو ونقولو هاه ماكان والو نقعد عند راسو شوي اولي يرقد من تم عرفتو يلعب فيها برك باش نخلوه معانا
مالا لازم تكونو واعيين بولادكم راهم حيليين رغم صغرهم واحيانا والو ما يخوفهم يحبو برك اكلحونا

 

[يعقوب 1967]

رد: تجربتي مع طفلي في التخلص من الخوف

انا اولادى ما عانيتش معاهم فى مسالة الحوف مى كيى انخوفهم من حاجة اخافو اهنا نستنتج بلى الخوف احنا اللى نغرسوه فيهم لانه الطفل كى يولد ما يعرفش الخوف من الاشياء اخاف من البردمن السخانة من حاجة سقطت على الارض لكن الخوف اللى يمارسوه من بعد هذاك احنا نغرسوه فيهم يعنى حاجة بيدينا احنا نقدرو انربو اولادنا على الخوف ادا حبينا يعنى الطفل كى خاف من الظلمة او من حيوان معين مثل القط الكلب هذاشىء عادى يمر بيهاى طفل وكاين الاطفال اللى يسطنعو الخوف لجلب الانتباه وهذا يلجا ليه الطفل حين يخف اهتمام الاسرة

 

[يعقوب 1967]

رد: تجربتي مع طفلي في التخلص من الخوف

الطفل فى اول عمره يخاف من الصوت العالى والسقوط وخوفه من الاشياء الاخرى طبيعة مكتسبة احنا اللى نعلمهالو بتصرفاتنا يعنى الخوف عند ما يبدء يتعلم احنا اللى نغرسو فيه هذا الطبع انتاع الخوف ...........هذا مالقيت ما انزيد فى هذا الموضوع ......وشكرا حبيبتى ام منصف

 

[ام سندس]

رد: تجربتي مع طفلي في التخلص من الخوف

موضوع مفيد شكرا

 

[ام منصف]

رد: تجربتي مع طفلي في التخلص من الخوف

ЯǾᵯẫḭṧşẰ

بانتظار عودتك اختي
شكرا على المرور
​

 

[ЯǾᵯẫḭṧşẰ]

رد: تجربتي مع طفلي في التخلص من الخوف

ЯǾᵯẫḭṧşẰ

بانتظار عودتك اختي
شكرا على المرور
​

بارك الله فيك أختي الكريمة

للأباء دور مهم في مساعدة الطفل على التعامل مع الخوف والمشاعر والسلوكيات المرافقة له كما أن للطفل مشاكل نفسية كثيرة و الخوف أمر طبيعي لكن في حدود المعقول

بنتي كانت تخاف من خويا الكبير و مرة شافها تلعب مع القط تاعها هي وصحاباتها ف حديقة المنزل زقا عليها وضربها ودخلها لدار ولات تسمع صوتو تموت في بلاصتها الطفلة ولات تخاف بزاف و ف الليل تنوض شاهقة بالبكا وتقول خالو خالو حكمت خويا قتلو الطفلة تخاف منك بواف روح اهدر معاها خليها تحس بالراحة من جيهتك العب معاها احكيلها ياك معاها معاها الحمد الله
قاتلو متزيدش تزقي على الدراري يكرهوك ويولو ميحبوكش كيما كنت أنا ماشي كلش بالضرب والعياط مخو حبس خويا مافهم والوا ههههههههههه

شكرا سيدتي



​

 

[ام منصف]

رد: تجربتي مع طفلي في التخلص من الخوف

أم محمد وأمين
اكيد الاحداث اللي تكلمتي عليها ام محمد وامين من شانها تولد الخوف عند الكبير قبل الصغير
والحمد لله انو تعدى المرحلة بسهولة وان شاء الله تفوت ايضا على جزائرنا بردا وسلاما
عملتو مليح كي ماوليتوش تهدروا والا تتفرجوا قدامو هكذا احسن باش يتخطى الخوف بكل سهولة
​