اللي شدني ليها هو عدد مشاركاتها ميولاتها و التلميح لتوقيعها فقط + ماكنتش راح نعرفها بلا اسراء بنت الجزائر هههه
سلام
نعرفكم بروحي بوغتون مانحبش نهدر على روحي ياسر
وهاذوم بعض صفاتي:
الحاجة لمليحة فيا:
- متفائلة يـــــــــــــــــــــــــــــــــــــــــــــاسر، وهاذي لحاجة لي تخليني نتغاضى علىالامور لي توجعني وبطريقة اسرع، على الاقل اشفى منها اسرع من غيري
الحاجة الشينة فيا:
-عفوية لدرجة كبيرة لحد أنها أرهقتني، العفوية مليحة مي بدرجات
عفويتي تجيبلي المتاعب وبعض المشاكل وسوء الفهم.
ابرز صفاتي :up:
-مثابرة و مجتهدة
-نحاول على قدر المستطاع نفرح غيري
-من طفولتي لحد الآن، معروفة بأني عااااااااقلة ونفس الوقت مهبولة كيما نقولو :$
ولحد الآن راني هاك، كل من يعرفني يعرف عني هاذ الصفة ويقولوا: اقبضي طريق وحدة، اذا عقلتي ماكاش لي يفوتك واذا هبلتي ربي يجيب الخير
-مجازفة.
-نظل نضحك لحاجة الصغيرة تقتلني بالضحك (مش الضحك بلا سبة)
تلحق حتى كي نزعف من الناس ونحب نفهمهم بلي صح غاضتني لحاجة لي داروها يجيني الضحك ومايصدقوش بلي زعفت
ابرز صفاتي :down:
-نتسرع في اتخاذ القرار وين يوصلني مرات للخطأ
-مزاجية الطبع
-نمل بسرعة ماتقدروش تتصوروها.
المهم هاذا جانب من شخصيتي، وان شاء الله مانكونش ثقلت عليكم
