صابلي بلا تعب

nanoche

:: عضو بارز ::
أحباب اللمة
إنضم
19 مارس 2013
المشاركات
1,093
نقاط التفاعل
1,548
النقاط
71
السلام عليكم
اليوم حبيت ندير صابلي مي ديمة ديمة يتعبني يا اما يكون هشيش و يتفتت يا اما العجينة ترجع مطاطية و تعيي
ايا زدتلو اضافة من عندي و خدمتو بلا تعب و جاتني الكمية ماشاء الله زاكية على الوصفة اللي كنت نخدم بيها
نبدا في المقادير
علبة مارغرين كل واحدة وواش تحب النوع أنا نستعمل صول - كاس سكر gــــــلاصي اللي تحبو حلو بزاف تزيد السكر- 4 حبات بيض كاملين - 2 خمارة حلوى-كاس مايزينة - مغيرفة لافاني+ زاست حبة قارص و الاضافة هي نصف كاس زيت و الفرينة حسب الحاجة
معجون و نوادكوكو في الاخر
التحضير
نخدم الزبدة مع السكر و الزيت بالباتور نضيف البيض بالواحدة حتان يبياض الخليط نضيف لافاني و الزاست ديال القارص ونبدا نخدم بالسباتول في الفرينة و المايزينة + الخمارة حتان تتلم العجينة ماتكونش تلصق في اليد و ما تكونش يابسة
نخليها ترتاح نصف ساعة ومن بعد نبدا نحل غير بالشوية وكل واحدة واش تحب تستعمل طوابع
ندخلوه للفرن مدة 12 دقيقة على درجة 180° كل واحدة على حساب الفرن ديالها و صدقوني ما كانتش عندي ابدا مشكلة العجينة المطاطية و لا العجينة اللي تتفتت وكي يبرد نلصقو حبة مع اختها و نرمدو الاطراف بالنوادكوكو أنا استعملت شوية بمعجون المشمش وشوية بمعجون الفراولة
وهادوما الصور ان شاء الله يعجبوكم



 
رد: صابلي بلا تعب

مممممممممممممم يعطيك الضحة اخرجلك يهبل
 
رد: صابلي بلا تعب

يعطيك الصحة وصفة كتير سهلة و بسيطة و لذيذة اكيد
مرسيييييييييي ننوش
 
رد: صابلي بلا تعب

معليش اختي الله يخليك حابة نسقسيك على المارغرين واش قداش الكمية 250غ ولا 500غ و المايزينة قداش انتي درتي على خاطر نخاف نكتر من المايزينة يخرجلي الصابلي هش بزاااف و الله يعطيك الصحة حبيبة روعة
 
رد: صابلي بلا تعب

معليش اختي الله يخليك حابة نسقسيك على المارغرين واش قداش الكمية 250غ ولا 500غ
أنا حطيت علبة 500غ
و المايزينة قداش
وحطيت كاس مايزينة مع كيلو فرينة مي زدت فوق الكيلو ما لمليش العجينة
انتي درتي على خاطر نخاف نكتر من المايزينة يخرجلي الصابلي هش بزاااف و الله يعطيك الصحة حبيبة روعة
مرحبا بيك اختي مي صدقيني اول مرة ما نعانيش مع الصابلي جربيه و قوليلي
 
رد: صابلي بلا تعب

صابلي روووعة
وكيما قولتي اختي مايتعبش بزااااف
جاك رووووعة
يعطيك الصحة على الوصفة
بصحتك
 
رد: صابلي بلا تعب

الله يحفظك اختي على الرد شكراا هاكا نجربه و انا مرتااحة​
 
رد: صابلي بلا تعب

روووعة
سلمت يدااك اختي
 
رد: صابلي بلا تعب

669678.gif
 
رد: صابلي بلا تعب

يعطيك الصحةة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top