عرفنا به إن كنت بطيفه عارفا .. أو تعرف عليه ... Mïŋěţţe .....\\37\\

[ملكًة الاحسآس]

وعليكم السلآآآم
وسعوو وسعووو شكون الضيف هنآ حبوبتشي منوشتي ، يآمرحبآ يآمرحبــآ
ملووكـة يعطيك الربح على قولت ضيفتنآ كي جبتيهآلنآ للموضوع هذآ
بون نبدى بأسئلتي الخفيفة الظريفة طبعــآ ^^
ـ شكون هي مينآث في 2 كلمآت ؟؟ ـ تفوتي 2 منتفآهموش ـ
ـ وصفيلي شعورك نهآر قآلك بونسبة قولي لدآركم رآني جآي :$؟؟
ـ شحآل من مرة جيتي لجيجل ؟؟ نآوية تجي الصيف هدي ولآ نو :-r؟؟
ـ أجمل لحظة فآتت عليك فاللمة ؟؟ والكونثخآغ ـ هذآ اختيآري ـ
ـ parfum تموتي على ريحتهآ ؟؟
ـ ظفآريك مآزآلهم طوآل كمآ نهآر الخطبة ولآ حتشتيهم :p
ـ وحد السؤآل منعرف علآش جآ في بآلي دركـ ، وآش رايك في عقوبة الفيفآ
لسوآريز منطقية ولآ مبآلغ فيهآ :s؟؟
وأخيــرآ وليس آخرآآ وآش رآيك في ملكًة الاحسآس بصرآحة :$



​

 

[Nilüfer]

السلآم عليكم ورحمة الله

إخترت لكي موضوعا وآحدا ووحيدا وهو الصدآقة

ها هي أسئلتي اذا تكرمتي اجيبي عنها

ماذا تعني الصداقة بالنسبة لك ؟

هل تعرفتي يوما ما في حياتك على فتات تستحق كلمة "صديقتي" ؟

ما هي التضحيات التي قد تقدمينها إذا وجدتي صديقتك في موقف يستدعي التضحية ؟ وهل لك حدود في ذلك؟

مآرايك في الصداقة عبر النت ؟ هل تثقين فيها ؟

إذا كنتي تملكين صديقة غالية وتغيرت معك سلبا .. كيف سيكون موقفك اتجاهها ؟ هل تسامحين بسرعة ؟

هل وجدتي في المنتدى صديقة رغم غيابك عنه بقيت وفية لكي ؟



أعتذر عن الإطآلة

سلآآآآآآآآآآآآمي​

 

[الحلم الوردي]

اهلا مرة اخرى ^_^
انا في رايي المرأة إذا لقات خدمة محترمة في مكان محترم مافيش مانع تخدم هدا قبل الزواج
اما بعد الزواج وخاصة بعد انجاب الاولاد انا نشوف بلي المرأة هنا دورها الأساسي تربي ولادها
خاطر المرأة هي الرابط السميك اللي يربط الأسرة ويخليها متماسكة والعمل خاصة اللي بدوام كامل غالبا رح يشتت الأسرة الأم فالعمل والأب تاني والولاد ما بين المدرسة والحصانة والدار ودار الجد والجدة ...الخ
اللهم إلا من رحم ربي
و الله صح الوحدة قبل الزواج تخدم نورمال مي كي تتزوج نورمالمو تقعد في الدار باش تربي الاولاد
ايه صح لوكان تبقى المراة تخدم وهي عندها ولاد مايكونش كاين وقت للاولاد
مكاش قد وحدة تقعد تربي ولادها وتخلي زوجها هو الي يتكفل بالخدمة

اما بالنسبة لسياقة المركبات نشوف فيها عادي مع انو راجلي ما خلانيش ندير البارمي
صح هي نوغمال مي معليش اختي آمنة
باسكو السياقة صعيبة شوية

انا الصغيرة بين البنات عندي 2 أخوات متزوجات وأخ أكبر مني خاطب وأخ أصغر مني
انا حاليا مخطوبة منذ شهر ونصف تقريبا
الله يبارك ربي يحفظهملك ان شاء الله
ان شاء الله ربي يهنيك ويكملك على خير
ان شاء الله
وضحيلي هادي الخ ما فهمتهاش خخخخخخخخخ
الخ هي الى اخره
وراكي ووضحتيلي معناها المرتبة نتاعك في العائلة

قسنطينة هي غرامي ،، قسنطينة مدينة العلم والعلماء ومدينة الجسور المعلقة
مكانش اللي ما يحلمش يزورها ،، احنا ولادها كل يوم نشتاقولها
جمالها يسحر العقول ومهما فرطو فيها مسؤوليها موحال تتكره
ربي يحفظها ويخليها لينا
العلامة ابن باديس رحمة الله عليه ابن قسنطينة بصمتو في تاريخ الجزائر مكانش اللي ينكرها
لو نكسبو بعض من ابن باديس في وقتنا الحالي الأكيد رح يطلع علينا النهار ونكونو قوة عالمية
صح العلامة رمز للعلم ولوكان جا واحد يهدر مايقدرش يمدلو حقو
ربي يرحمو ويوسع عليه

مع اني كنت نلبس هاد النوع من الحجاب مي الحمدلله هداني ربي وعرفت صلاحي وبلي هادا مش الحجاب اللي امرنا بيه ربي
هاد اللباس اللي ما يستاهلش نطلقو عليه اسم حجاب لا علاقة بالدين
حجاب انا نقولو " لابسة من غير هدوم" يعري كتر ما يستر
السبب هو الانحلال الأخلاقي والتقليد الأعمى للغرب اللي هدفهم الأساسي طمس معالم الثقافة الاسلامية
صح الحجاب نتاع دوركايا والله لعجب
مكاش قد السترة
الواحد ةكي يكون صغير صح يلبس السروال و الخمار مي الواحد كي يكبار
يتبدل يولي يعرف صلاحو ومكاش قد اللباس السترة
لباس لا علاقة بتعاليم الدين الاسلامي ،، ما فهمتش برك علاه بناتنا متمسكين بيه وتقولك ستايلي
والله ما كانش خير من الستر والله
ربي يهدي بناتنا مكاش قد الستر

ميسا ملكة الإحساس مشرفة عالم المرأة نموت فيها
ربي يخليكم لبعضاكم

الموت رحلة يقوم بها كل كائن حي لا فرار منها ليست مهمة أين وكيف
بل الأهم بالنسبة لبني آدم أن يكونوا قد أعدوا العدة والزاد لهذه الرحلة المصيرية
أنا نقول ربي يرزقنا حسن الخاتمة وجنة عرضها السماوات والأرض

اللهم امين يارب

للأسف كنت لكن الآن الحمدلله نقصت من هاد الصفة
الحمد لله

خليتيني نربش فالماضي
والله أجمل ذكرياتي نجاحاتي دوما في المرتبة الأولى في جميع الأطوار
وكي تروح معايا ماما وينادو اسمي وتنوض معايا تستلم الجائزة نحس بالفخر والاعتزاز
وتاني من أجمل ذكرياتي كي رحت مع العائلة لسكيكدة كومبينا 3 اشهر كان بابا يخدم تما فوتنا صيف فووووور كنت نقرا فالابتدائي كنا نروحو للبحر فالليل وهو أمر نشتاقلو بزاف خاطر دوكا نروحو نهار ونرجعو وانا من عشاق البحر كون نصيب نقعد تما
كل الشكر لكي لمشاركتنا ذكرياتكي
الجميلة
سلامي ليكي ملاك
​

سلامي لكي اختي آمنة
​

 

[الحلم الوردي]

السلام عليكم و رحمة الله و بركاته
وعليكم السلآم والرحمة

الله الله من في الضيافة .. الغالية Mïŋěţţe
بنت قسنطينة .. المدينة الحسناء التي لا تمل :-r

أحسنت أختي ملاك اختيار الضيف .. بوركت
الله يسلمك اختي حاملة المسك:$

دخلت نسلم عليك مينيات .. ان شاء الله بخير و عافية ..؟
قد تكون لي عودة لطرح الاسئلة
ان شاء الله في انتظاري عودتكي
تحياتي للمضيف صاحب البيت الاخ العمدة :regards01: الاخ سيف الخير الاخت ملاك :regards01:
اكيد صاحب الموضوع اخي العمدة والاخ سيف الخير
كل الشكر لهما
ضيافة خير في ترقب هلال شهر الخير ..
بلغني الله و اياكم رمضان و جعلني و اياكم من عتقاء الشهر المبارك .​

ان شاء الله يارب
اللهم امين
اللهم بلغنا رمضان ايمانا واحتسابا
في انتظاري عودتكي
:regards01:
​

 

[الحلم الوردي]

وعليكم السلآآآم
وسعوو وسعووو شكون الضيف هنآ حبوبتشي منوشتي ، يآمرحبآ يآمرحبــآ
اهلا بيك اختي ميساء
:$
ملووكـة يعطيك الربح على قولت ضيفتنآ كي جبتيهآلنآ للموضوع هذآ

الله يسلمك ختيتي :p

​

سعيدة بتواجدكي
اختي ميساء
دمتي سالمة
:regards01:
​

 

[Hakan]

الله يبارك على menat خيرات ربي راهي طايرة في المنتدى ربي يوفقها بصح انا رايح ندي المكان نتاعها بكل تواضح اسمحلي اختي مي كاين بلاصة ليا وحدي استناي الطاكسي الاخر ههههههههههههههه دمتي مبدعة اختي

 

[أم عبد الله]

خخخخخخخخخخخخ عوينـآتـ راكي لهنـآ وماقلتيليش موصيبة
واش راكي صافا
اصبري اصعب سعـآآآال عقلتيني شكون انـآ ...؟
استعنتي بالمساعدة ولا عقلتيني م هبالي هههههه ( راني استعقلت غير ماتقوليش عرفتي هبالي هههههههههه )
وين بيها الغيبة هادي يااختي توحشنـآك
والازرق ماواتاكش خلاص ولي للغووز هههههه
نجوتاميك ىههه
نروح نشوف واش سقساوك الخاوة قبل ​

 

[الحلم الوردي]

حالياً الأعضاء النشيطين الذين يشاهدون هذا الموضوع : 5 (3 عضو و 2 ضيف)
‏ملاك25, ‏إسراء بنت الجزائر+, ‏°أم عبد الله °+​

 

[بنت الـ25]

وعليكم السلآآآم

وسعوو وسعووو شكون الضيف هنآ حبوبتشي منوشتي ، يآمرحبآ يآمرحبــآ
ملووكـة يعطيك الربح على قولت ضيفتنآ كي جبتيهآلنآ للموضوع هذآ

ياه تيكوووون

؟ ميسووووو يا مرحبا يا مرحبا نورك غطى عالكهربا

خخخخخخ
يعطيك الربح آ موصيبة توحشتك طير عينك برك

بون نبدى بأسئلتي الخفيفة الظريفة طبعــآ ^^

كون جيت منعرفكش نقول صح ههههه
ايا ابداي راكي أوطوريزي

ـ شكون هي مينآث في 2 كلمآت ؟؟ ـ تفوتي 2 منتفآهموش ـ

سؤال صعيب نقدر نستعين بالبيبليك؟

خخخخخخ اك تعرفي صعيبة العبد يحكي على روحو خاطر ما يشوفش الشي لي يشوفوه الناس فيه

ومع هدا رح نحاول نستجمع أفكار حولي ونعطيك كونكلوزيون

مينات يا ميسا فتاة عادية (انتي قلتي زوج كلمات خخخخخ

)
بون ملي بديت نعرف صلاحي نحس في أعماقي بلي راني كبيرة
فوتت جميع مراحل حياتي بشكل طبيعي،، شفت وتعلمت الكثير في كل مرحلة
وراني بحول الله استفدت ومزال نستفيد ونحاول ما نوقعش في نفس الأخطاء

(تكفي ولا نزيد)

ـ وصفيلي شعورك نهآر قآلك بونسبة قولي لدآركم رآني جآي :$؟؟

والله ما شفيت مليح

،، جابهالي على غفلة كي شغل نمت مغناطيسيا

خخخخخ

ـ شحآل من مرة جيتي لجيجل ؟؟ نآوية تجي الصيف هدي ولآ نو :-r؟؟

جيت بزاف مي اللي نشفالها مليح نهار جيت مع زملائي وزميلاتي تع الجامعة فات نهار روعة

العام هدا معرف مع عرس خويا ما شكيتش نشوف لبحر ولا نشم ريحتو

(ديري جاست واعرضيني نضل نسنى فيك ما درتيهاش خخخخ)

ـ أجمل لحظة فآتت عليك فاللمة ؟؟ والكونثخآغ ـ هذآ اختيآري ـ

علاه تخربشيلي في مخي يا ميسووو واااااع

كاين بزاااف لحظات جميلة فاتت عليا فاللمة مي اللي استمتعت بيها بزاف نهار لي كنا نضلو نخلطو في منتدى التصميم

وانتي وقتها درتي القلب وتعلمتي خخخخخخخ
سيرتو نهار شفت الفراشة تع سارة درت انا ونونو بالضحك هداك النهار الدموع ولاو يسيحو

ونونو تقولها وشبيها الفراشة تاعك تقول يجري موراها كلب

هههههههه
أما أسوء لحظة نهار قريت وحد الميساج بايتة نبكي

(علاه تفكري فينا دوك نحط حسني ونبكي ولا كيفاه ههههههههههه ؟ )

ـ parfum تموتي على ريحتهآ ؟؟

évidence

ـ ظفآريك مآزآلهم طوآل كمآ نهآر الخطبة ولآ حتشتيهم :p

كي شغل هدوك تع الخطبة تع الصح

ياو راهم أغتيفيسيال يا بنتي

ههههههه
مي معليهمش دوكا ام ملاح برك يفوتولي العيد

هاهاهاها

ـ وحد السؤآل منعرف علآش جآ في بآلي دركـ ، وآش رايك في عقوبة الفيفآ
لسوآريز منطقية ولآ مبآلغ فيهآ :s؟؟

اسألي برك راكي أوطوغيزي اني قتلك

ههههههه
بوغطون 9 مباريات بزاف مي يستاهل
ساعات يدير وحد العفايس يشوكي

،، في 2010 طيش البالون بيدو قلنا معليش انقذ مرماه

مي يعض السيد

؟ سي با نوغمال

وأخيــرآ وليس آخرآآ وآش رآيك في ملكًة الاحسآس بصرآحة :$

بصراحة وبدون مجاملة ملكة بكل ما للكلمة من معنى

ملكة بأخلاقها ، بشفافيتها، بطيبتها والله راني محظوظة بيك حبيبتشي

ربي يخليك ليا ان شاء الله

نورتيني حبيبتي استمتعت برفقتك كوم دابيتيد
سلامي

​

 

[بنت الـ25]

السلآم عليكم ورحمة الله ​

وعليكم السلام اختي :regards01:

إخترت لكي موضوعا وآحدا ووحيدا وهو الصدآقة

على راسي :regards01:

ها هي أسئلتي اذا تكرمتي اجيبي عنها

ماذا تعني الصداقة بالنسبة لك ؟

الصداقة أجمل شعور فالدنيا
ومش بالضرورة تنحصر في الغرباء تقدري تكوني صديقة أمك، صديقة أختك، صديقة نفسك

هل تعرفتي يوما ما في حياتك على فتات تستحق كلمة "صديقتي" ؟

نعم

ما هي التضحيات التي قد تقدمينها إذا وجدتي صديقتك في موقف يستدعي التضحية ؟ وهل لك حدود في ذلك؟

كل ما يقتضيه الموقف،، بينما الحدود موجودة وهي أن لا تؤدي تضحيتي لأجلها إلى خسارتي لأشخاص آخرين

مآرايك في الصداقة عبر النت ؟ هل تثقين فيها ؟

الصداقة تع النت فيها وعليها ،، أهم حاجة الانسان يكون حذر ويعرف شكون ينتقي
أما عن الثقة فأنا أثق فيها كل الثقة بدليل تعرفي على صديقات عن طريق النت والله أعز من روحي

إذا كنتي تملكين صديقة غالية وتغيرت معك سلبا .. كيف سيكون موقفك اتجاهها ؟ هل تسامحين بسرعة ؟

ننسحب عادي بكل بساطة لأني نحب الناس يعاملوني كيما نعاملهم واللي يتبدل معايا نتبدل معاه سيرتو كي يكون بدون سبب :-r
اما عن المسامحة إذا هي اعترفت بلي غلطت معايا وطلبت السماح نسامح بسهولة منحبش نذل الناس فنحن في النهاية بني آدم وكل ابن آدم خطاء

هل وجدتي في المنتدى صديقة رغم غيابك عنه بقيت وفية لكي ؟

وجدت صديقة غالية والحمدلله
ميسا ملكة الإحساس رغم بعدي عن اللمة كانت ديما تتصل وتسأل وتبعت آسماسات خخخخخ
نبعتلها تحية ونقولها نحبك آطفلة

أعتذر عن الإطآلة

سلآآآآآآآآآآآآمي

والله لا إطالة لا والو
استمتعت وانا نرد :-r
انتي المشكورة على وقتك
سلام

[/QUOTE]

 

[Hakan]

Mïŋěţţe
لم اقرا الموضوع جيدا واضن انه يجب علي ان اطرح عليك سؤال او عدة اسئلة ...

1-واش
غديتي اليوم واش تتسحري غدا رمضان
2- ماهو سنك الحقيقي بدون مجالات.
3- هل تقرئين كامل الموضوع لاحد الاعضاء في اللمة
شكرا ...شكرا...شكرا

 

[بنت الـ25]

الله يبارك على menat خيرات ربي راهي طايرة في المنتدى ربي يوفقها بصح انا رايح ندي المكان نتاعها بكل تواضح اسمحلي اختي مي كاين بلاصة ليا وحدي استناي الطاكسي الاخر ههههههههههههههه دمتي مبدعة اختي

مفهمتش كلش مي شكرا تبان مجاملة خخخخخخخخ
راك مسامح اي ليك لبلاصة مخي انا راني طايرة (عندي طيارة) وش ندير بالطاكسي خخخخخخ
شكرا على المرور :regards01:
​

 

[بنت الـ25]

خخخخخخخخخخخخ عوينـآتـ راكي لهنـآ وماقلتيليش موصيبة
واش راكي صافا

اهلا وسهلا بالقمر نيناتي

علاه بدلتي النقمة؟

اصبري اصعب سعـآآآال عقلتيني شكون انـآ ...؟

وهل يخفى القمر ،

، عرفتك من السعال

هههههه

استعنتي بالمساعدة ولا عقلتيني م هبالي هههههه ( راني استعقلت غير ماتقوليش عرفتي هبالي هههههههههه )

بلا كدب عرفتك من الصورة الرمزية

ونبشت عليك هداك نهار مي متخافيش او نعرف الاسلوب وشبيكي

خخخخخ
مي ما قلتيليش وقتاه جبتي عبد لله؟

وين بيها الغيبة هادي يااختي توحشنـآك

الله لا يغيبك يا لعميرة ،، ياو رانا والموت ورانا

انا تاني توحشتكم بزاااااااف

ربي يخليك حبيبتي

والازرق ماواتاكش خلاص ولي للغووز هههههه
نجوتاميك ىههه

شفتي وليت نحس روحي غريبة على روحي

خخخخخخخ
خلاص كي يكون الوقت ان شاء الله نعملو على اللون

ياو انتي اللي واتاك الغوز

مي مواتاتكش النقمة الجديدة ،، القديمة كانت أحلى

نروح نشوف واش سقساوك الخاوة قبل

وليتي تكتبي بلبيض؟

ههههههه
معليهش او مليح التقرعيج

انا تاني نجوتاميك حبيبة

​

نورتيني نينا مكانش أسعلة؟

 

[بنت الـ25]

Mïŋěţţe
لم اقرا الموضوع جيدا واضن انه يجب علي ان اطرح عليك سؤال او عدة اسئلة ...

معليش تصرا في أرقى العائلات خخخخخخخخ
​

1-واش
غديتي اليوم واش تتسحري غدا رمضان

وعلاه

؟ هههههههه
تغديت قليان ،، فريت ولحم وفلفل وسلاطة
السحور الله أعلم خلينا نخمو فالعشا سع :p
​

2- ماهو سنك الحقيقي بدون مجالات.

25 سنة
​

3- هل تقرئين كامل الموضوع لاحد الاعضاء في اللمة

ما فهمتش السؤال مي نقلك جامي قريت كل المواضيع لأحد الأعضاء
اللهم إلا مواضيع الإدارة اللي تهم الطاقم ،، طبعا لما كنت مشرفة
​

شكرا ...شكرا...شكرا

ألف تحية على المرور
​

 

[العروة الوثقى]

مشكورة عن الرد الله يحفضك ويسعدك دووووووم
سؤال اخر هل كنت حقا مشرف ولأي قسم

 

[بنت الـ25]

مشكورة عن الرد الله يحفضك ويسعدك دووووووم
سؤال اخر هل كنت حقا مشرف ولأي قسم

السلام عليكم
العفو اختي
انعم ايه كنت مشرفة منتدى واش راك تهدر ومنتدى اهنا فرغ وش كاين في قلبك
​

 

[أم عبد الله]

راني جييتـ
سلامي حبوبة كيف مسيتي صـآفـآ :$:$:$
اولا نقولو صحـآ صيـآمكـ :dواش راه غـآلبكـ ولا غلبتييه :p
ونزيدولكـ سعـآل ع الكوزينة
تعرفي الطيبي
واش طيبتيلنـآ ليومـآ
تحبي الكوزينة ف رومضان ولا لالا
راكي عطشانة نجيبلك كويس مـآ:p
ايا ردي عليـآ مادامني لقيت لوكـآزيو نحط شو اسئلة
آه تفكرتـ اهم سعـآل النتـ ثقيلة م جوايهكم ولا غير عندي واااااااااع​

علاه بدلتي النقمة؟
اهااااااااااااه قصتهـآ قصة ياختي
تعرفيني نتبع النصـآئخ ايا استاذنا ابا ليث دار حملة لتغيير الاسموات واحياء السنن المهجورة واقترح عليا هذا الاسم ايا عجبني بدلتو
خخخخخخ واقيل ماعجبكش ههههههههه

وهل يخفى القمر

،

، عرفتك من السعالhttp://www.cute-
[COLOR="SlateGray"]يأآآعمري ع الشـآطرة ديالي عقلتني م السعـآل ( احم احم)[/COLOR]factor.com/images/smilies/onion/014.gifهههههه
بلا كدب عرفتك من الصورة الرمزية
واش م الصورة رمزية
ولا كل نينـآ تحسـآبيهـآ انـآ خخخخخخخخخخ وتقوليلي القمر هل يخفى ياو يتخبى م الصبـآح:p:p:p

ونبشت عليك هداك نهار مي متخافيش او نعرف الاسلوب وشبيكي
اهاه فعل نبشتـ هذا خطيير يامحـآينكـ هههههه نبشتي مي باش تسقسي لالا ( خلاص زعفتـ منكـ)

خخخخخ
مي ما قلتيليش وقتاه جبتي عبد لله؟
والله ماعلابالي نضتـ صباح لقيتو كاين ههههههههههههه
ماتبهدلينـآش حبوبتي ممممممممم مازالني دايرة لاغوشاغش ع باباه الا تلاقيتي بيه م جوايهكم قوليلي راه عندو الزهيمر المخلووووووووووق:d:d

الله لا يغيبك يا لعميرة ،، ياو رانا والموت ورانا

انا تاني توحشتكم بزاااااااف

ربي يخليك حبيبتي

شفتي وليت نحس روحي غريبة على روحي

خخخخخخخ
خلاص كي يكون الوقت ان شاء الله نعملو على اللون

ياو انتي اللي واتاك الغوز

مي مواتاتكش النقمة الجديدة ،، القديمة كانت أحلى
صايي م بعد انديير عليهـآ تصوييتـ والا قالو الاولى اجمل راني انردها هههههههههههه
مي ياك المهم انـآ ماشي الاسم يالمهبولة

وليتي تكتبي بلبيض؟
اششششش ماتبهدلينـآش خليها بيناتنا
راه اللون حالي ف السطر الاخير هذا ماكان

ههههههه
معليهش او مليح التقرعيج

انا تاني نجوتاميك حبيبة

​

نورتيني نينا مكانش أسعلة؟

النور نورك حبوبتي
ايا ماتبقايش اتغييبي وصيبي الوقتـ باش تولي النشاطكـ اللمة سامطة بلا بيكـ
اتهلايلي ف روحكـ
وبيناتنـآ ( عييتيني ف اقتباس هدرتكـ ههههههههه ماكفاش الكونكسيو وزاد الكتيبة ماقدرتش نرد عليهـآ بغرضي واااااااااااع حسييت روحي بقييت عام وانا نريبوندي ههههههههه)
سلامي​

 

[أم أُنٌَيسة]

السلام عليكم و الرحمة و البركة
صحى رمضانك حبيبتي الغالية ادخله الله عليكم بنور و ضياء القران الكريم
اتمنى تكوني بالف الف خير ان شاء الله يارب
أسأل الله لك : رزق مريم وقصر أسيا وتقوى عائشة وقلب خديجه ورفقة فاطمة وجمال يوسف ومال قارون وحكمة لقمان وملك سليمان وصبر أيوب وعدل عمر وحياء عثمان ووجه على وصحبة آل بيت رسول الله صلى الله عليه وسلم
ليس لدي اسئلة حبيبتي
ارجو تقبل مروري غاليتي
تحياتي احترامي و تقديري لشخصكم الكريم الغالي
صحى فطوركم و رمضانكم
استودعكي الرحمن الدي لا تضيع ودائعه
سلام الله عليكم​