مشكلتي أني متكبرة جدا

[محبة الدراسة]

السلام عليكم

مشكلتي هي أني متكبرة جدا فوق اللازم

يعني ما نقيمش الناس نشوف الناس بنضرة إحتقار منحكيش مع أي واحد و هذا بسبب شكلي الجميل و أني ألبس جيدا

ارشدوني رجاء

 

[sahiko hamza]

وعليكم السلام ورحمة الله

صح فطوركم

انتي متكبرة ... مليح
الناس تشوفي فيهم بإحتقار ... مليح
مالا علاه حابة تنحي هاد الطبيعة ؟

يااختي لكان تكملي كيما هك راح تنتهي قصتك بوحدة نعرفها للآسف
شافت روحها ملكة جمال ومن بعد اعطاها ربي درس لن تنساه طول حياتها

انا نقلك حطي رجليك فالارض
وتفكري بلي الخالق هو لي صورك كيما هك وخلاك جميلة كيما راكي تحكي
مكان والو قادر يبليك بمرض راح يروح منك الجمال هادا اكل وتعودي ماتشافيش
احمدي ربي يديما على هاد النعمة لمدهالك
وحاولي تدخلي فالمجتمع . :up:
​

 

[خنشلية ومايعجبلي عجب]

اووووو خيتي ديري في بالك بلي الصغر نتاعك هو لي راه يلعب عليك

اذا كانت كل وحدة شابة تشوف روحها توخذت الحالة

كيما راكي تشوفي في ناس بنضرة احتقار

ناس ثاني يشوف للمتكبر بنضرة احتقار و مايقيموهش ثاني

هوما ماهمش خاسرين نتي لي خاسرة

ماكانش كيما واحد يكون اجتماعي

دنيا فانية خيتي

اذا الرسول صلى لله عليه وسلم و ما ادراك ما الرسول
وكان متواضع

شكون حنا حتى نتكبرو ؟

و الحاجة لي عجبتني فيك هي انك مستعرفة بروحك بلي راكي متكبرة و حابة تبدلي من روحك

صدقيني ماكي رابحة والو من الحالة هذي لي راكي دايرتها في روحك

بزاف ناس شابة و بزاف ناس تلبس مليح

مي عايشين كي لعباد وناس ​

 

[hadjer 1996]

والله ياختي مليح لي راكي فقتي لروحك وحبيتي تتبدلي وصح هدا تكبر مكاش منو قع مكاش خير من عبد متواضع و اجتماعي

​

 

[{مُدَلَّلَتُهُ}]

السلام عليكم و رحمة الله و بركاته

شوفي اختي اذا على الزين الواحد قادر بين ليلة ونهار ربي يبليه و يروح زينو

"شحال من وحدة تحرقت و شحال من وحدة صرالها حادث خسر وجهها "

تعياي تكوني شابة ماتلحقيش ذرة من جمال سيدنا يوسف عليه السلام الي زيادة على جماله كان نبي و malgré ça كان متواضع

و اذا على اللبسة اسمحيلي نقولك نلبسو واش نلبسو في التالي ما ندو فوق جلدنا غير قماش بيض !

و الرسول صلى الله عليه و سلم قال : 'لا يدخل الجنة من كان في قلبه مثقال ذرة من كبر'

قراي قصص الأنبياء و الصالحين تشوفي التواضع تاعهم كيفاش ! تتعلمي منهم و ان شا الله ربي يهديك اختي

اعترافك بهاد الـdéfaut راه أول خطوة و بقا عليك ضوكا الإجتهاد باه تروحلك هاد العقلية psk ما تبعديش بيها بعيد و تكره العباد فيك !

سلآمي . . . صح فطوركم
​

 

[sama 47]

السلام عليكم صح فطوركم وتقبل الله الصيام
أولا كي راكي قلتي مشكلتي أني متكبرة جدا....فهاذي بداية الحل لأنك اعترفتي بوجود المشكلة
ثانيا أنا نشوف بلي كونك جميلة أو تلبسي مليح ماهيش أسباب تخليك تتكبري على الناس أصدقاءك ولا زملائك
فالجمال هو من خلق الله سبحانو إحمدي ربي عليه، ولأنك تلبسي مليح فهادا لأنو مادياتك جيدة والحمد لله
نصيحتي ليك اندمجي مع الناس يمكن تجيك صعيبة مع اللول بصح معليش أبداي بالسلام ، كيف الحال،
ونهار آخر زيدي في الحوار مثلا على طبخة شفتيها وعجباتك إذا كنتي من هواة الطبخ ولا إذا عندك في عائلتك الكبيرة وحدة تقرا نفس المستوى كيما نتي تناقشي معاها على الدرس الفلاني أو الموضوع الفلاني (بناءا على إسمك محبة الدراسة :} )
معلاباليش واش تفضلي نتي المهم خيري أي مجال...وهكذا تلقي روحك بديتي تتأقلمي مع الناس ومبعد زيدي وسعي في المحيط تاعك إلى زملاءك في الدراسة وهكذا....نصيحتي الثانية ليك في أي حوار ولا نقاش تدخليه ولا تفتحيه ماتجبديش الأشخاص وإنما أهدري على الظواهر اللي راكي تشوفيها مثلا في عوض تقولي شفتي فلانة أو فلان دار هاديك الحاجة وتولي آخذة ذنوب قولي مثلا راكم تشوفو بلي الظاهرة أو المشكلة كثرت في المجتمع وحاولو تشوفو كيفاه تنقصو منها على الأقل في محيطكم....نتمنى نكون أفدتك ولو حاجة صغيرة وربي يوفقك إن شاء الله.

 

[miida]

كي راكي مستعرفة هاذي اهم خطوة وانتي الوجيدة اللي تقدري تصلحيها

 

[prince of love]

السلام عليكم


يـآ اختي التكبر راهو مرض وعقدة نفسية

واذا راكي تحكي على الجمال نورمال هاديك حاجة نتاع ربي سبحــآنو

وكيما يقولوها الزين في القلوب

الور ربي يهديك .. نصيحة لوجه الله

بدلي عقليتك ونضرتك للناس والله غير اخرتها ندامة ونعرف بنات بزااف كانو كيما نت

درك كون تشوفي وين راهم ناس كامل تحكي عليهم بالشر
​

 

[قَطٌر❀ الٌنَـدَى]

ان شاء الله متتكبريش علينااحنا ثان وتأخذى بالنصائح للي نقولوهملك
انا حبيت نقلك هاذا الحديث ان شاء الله تفهميه مليح مليح قال الرسول صلى الله عليه و سلم قال : 'لا يدخل الجنة من كان في قلبه مثقال ذرة من كبر'
ملا يا اختى مكلاه تزيدي تشوفي روحك على الناس ومتنسايش كامل اخرتنا حفرة وشوية قماش
ربي يهدينا
​

 

[السلطانة]

وعليكم السلام


المتكبر شخص لامكان له في قلوب الناس !

مامعنى ان تكون مثقفا او جميلا او شخصا له جاه وانت متكبر !!

مامعنى ان تكون مُعلما او طبيبا او او او وانت متكبر


التكبر صفة سيئة جدا ستجعل منكِ انسانة تُهين غيرها وتعتبرهم دائما في الاسفل وهي في الاعلى

كما قال الاخوة قبلي


يجب عليكِ تغيير نفسكِ


قبل فوات الاوان فالناس سواسية كأسنان المشط


ان شاء لله تقدري تتخلاي على هاد الصيفة وترجعي انسانة متواضعة فالتواضع يرفع صاحبو بزاف


تحياتي اختي

 

[adel._dz]

هههههه انتي تشوفي في روحك وتهزي في روحك على الناس
وواحد ماعلبالو بيك في الواقع
ياما فاتو علينا أمثالك
تبقى الدنيا فانية والدجاج يموت

 

[همس الوُرود]

السلآم عليكم ورحمة الله وبركآته

قولي الحمد لله واستغفري ربي و تعلمي بأنه

من تواضع لله .......رفعه

اسألي نفسك

"ماذا فعلت انا لأكون فى مصاف العظماء ؟!!! " ستجدين الاجابة فى الغالب "لا شىء"

1 ـ استذكار سيرة العظماء المتواضعين .. كيف كانوا على الرغم

من سعة علمهم وعظمة أعمالهم وجلالة قدرهم وخدماتهم للانسانية ، إلاّ أ نّهم كانوا لا يعيشون

حالة الورم في شخصياتهم ، بل تراهم كلّما ازدادوا علماً تواضعوا لله وللناس أكثر .. هكذا هم

الأنبياء .. وهكذا هم العلماء .. وهكذا هم سادات أقوامهم ، ولم يكن تواضعهم الجمّ ليقلّلهم أو

يصغّرهم في أعين الناس ، أو ينتقص من مكانتهم . بل بالعكس كان يزيد في حبّ الناس واحترامهم

لهم ، وتقديرهم والثناء على تواضعهم .


ـ تذكّر ـ كلّما داهمتك حالة من الغرور ـ أنّ الغرور والتكبّر خلق شيطاني بغيض ، فإبليس أوّل مَنْ

عاش الغرور والتكبّر في رفضه السجود لآدم حيث ميّز وفاضل بين (النار) التي خُلق منها و

(الطين) الذي خُلق منه آدم ، ونسي أنّ الخالق للاثنين معاً هو الله سبحانه وتعالى ، وهو الذي

يشرّف ويكرّم ويفاضل .

ـ التجئ إلى (عبادة) الله كلّما أصابك (مرض) الغرور .. خاطبه بصدق ومحبّة وشعور قوي

بالحاجة : «إلهي ! كلّما رفعتني في أعين الناس درجة إلاّ حططتني مثلها في نفسي درجة» حتى

أتوازن ولا يختلّ تقويمي لنفسي .

وإذا أثنى الناس على عمل قمتَ به ، أو خصلة تمتاز بها ، فعوضاً عن أن يداخلك الزهو

ويركبك الغرور والتكبّر ، قل : «أللّهمّ لا تؤاخذني بما يقولون ، واغفر لي ما لا يعلمون ، واجعلني

خيراً مما يظنون» .

لم أود أن أنقل لك رأيي في الحل لأني أخآف أن أجرحك و لآ أحب ذلك

في أمآن الله​

 

[محبة الدراسة]

شكرا لكم على النصائح الثمينة و ان شاء الله سأتقيد بها قدر المستطاع

 

[yani thiziri]

علابالك فكرتيني فروحي كنت توجوغ طايح خشين ولاعبها في روحي طوم كروز

ونقلش ونشف ونتكسل ههههههههههه والله غي كنت نضحك

مي ضوك الحمد لله الواحد اهو حاط رجليه للارض

الرسول يمكن ان نقول عنه كامل والكمال لله سبحانه

وكان من اكثر المتواضعين

وتذكري ان التكبر لله وحده سبحانه ولا يشاركه احد فيه

 

[محبة الدراسة]

علابالك فكرتيني فروحي كنت توجوغ طايح خشين ولاعبها في روحي طزم كروز

ونقلش ونشف ونتكسل ههههههههههه والله غي كنت نضحك

مي ضوك الحمد لله الواحد اهو حاط رجليه للارض

الرسول يمكن ان نقول عنه كامل والكمال لله سبحانه

وكان من اكثر المتواضعين

وتذكري ان التكبر لله وحده سبحانه ولا يشاركه احد فيه

قولي كيفاش تغلبت على التكبر حابة نكون إنسانة متواضعة مي مقدرتش هاذ الشيء ولا طبع فيا صعيب باه يتنحى

شوف

أنا ذرك منحكيش مع أي إنسان يعني لازم مواصفات محددة لي يكونولي مندورش بيهم أصلا

لكن فيا شيء إيجابي

أني ملتزمة جدا جدا

 

["Màrià"]

بصح مادامك عارفة بلي فيك هاذ المشكل تقدري نتي تعالجيه
و زيد الجمال و النعمة ربي انعمهم عليك
"و للئن تشكرن لازيدنكم"
و الناس سواسية
و ربي يهدينا
​

 

[محبة الدراسة]

بصح مادامك عارفة بلي فيك هاذ المشكل تقدري نتي تعالجيه
و زيد الجمال و النعمة ربي انعمهم عليك
"و للئن تشكرن لازيدنكم"
و الناس سواسية
و ربي يهدينا
​

أنا ران حامدة ربي على هذي النعمة لكن مشكلتي هي تصرفاتي الفضة مع الناس

 

["Màrià"]

أنا ران حامدة ربي على هذي النعمة لكن مشكلتي هي تصرفاتي الفضة مع الناس

بصح كيفاه هاذي؟؟ :s:s:s
ياك تقدري تتحكمي في روحك !!

​

 

[محبة الدراسة]

بصح كيفاه هاذي؟؟ :s:s:s
ياك تقدري تتحكمي في روحك !!

​

شوفي

تصرفاتي الفضة هي أني منحكيش مع لي يكونولي كي نلقاهم في المناسبات

نبقى قاعدة وحدي و كي نشوف فيهم ندور وجهي

لأني نشوف في روحي أحسن منهم و ما زاد إحتقاري لهم هو أنهم يضحكواعلى الناس و مش شايفين في وجوههم كي مصورين

يضحكو على أتفه سبب و أنا الحيدة لي نقدر نوقفهم عن حدهم

مثلا مرة أنا شفت وحدة من لافامي تضحك على وحدة بويسك لابسة قندورة مسلفتها

كي قاتلي واش رايك قتلها قشك هاذا لي راي لابساتو يليق نمسح بيه الارض كيفاه تقدري تلبسي قش رخيس هي قاتلي و قشك هاذا شحال بويسك أنا قشي ديما زين قلتلها 2 ملاين*كنت لابسة ميني غوب من تركيا أحدث مودال* سكتت و من هذاك النهار ما عادتش تضحك مي أنا كرهتها هي و بنات عمها لي يديرو كيفها و هوما ديما يقولو عليا متكبرة و يغيروا مني بويسك ربي ما عطاهمش في القراية++سمعتهم موسخة من واحد لواحد يلعبوا بيهم و أنا نشوف فيهم كحشرات القمامة كيفهم كيف أمهاتهم منقيمهمش خلاص

 

[nahed86]

يجب عليكِ تغيير نفسكِ لمتكبر شخص لامكان له في قلوب الناس !