معانات طفلة بعد الزواج

الحالة
مغلق ولا يسمح بالمزيد من الردود.

الحلم الوردي

:: عضو شرفي ::
إنضم
21 مارس 2010
المشاركات
44,615
النقاط
1,191
محل الإقامة
عالم النسيان
الجنس
أنثى
السلآم عليكم
ان شاء الله تكونو بخير يا أهل اللمة
اليوم حبيت نحكيلكم على موضوع:
معانات طفلة بعد الزواج
زمان كانت الطفلة كي تتزوج وعمرها 14 سنة تكون تعرف تخدم كل شيء:up:
عكس الزمان هدايا باسكو
وليت نشوف توجور الطفلة الي صغيرة في العمر نلقاها مخطوبة وعمرها مانبا
16 سنة:mad:
وكي تتزوج عمرها يكون 18 سنة:-r
زعما هديا تقدر تتحمل المسؤولية نتاع دار :-o
ولو جات هد الدار الي رايحة ليها فيها عايلة كبيرة زعما تقدر الطيب الماكلة لهدوما كامل:(

والله الي نشوفها متزوجة الشغل نتاع الدار وماتعرفوش تعرف غير تاكل وخلاص
وكي تقوليلها لازمك تتعلمي من يماك باسكو راكي رايحة لدار اخرى:-o
وحياتك رايحة تتبدل بزاااااف:s مكيش رايحة تبقاي كيما في داركم
تقولك نوغمال مع الوقت نولي ندير كل شيء
ماششكيتش تقدر تتحمل المسؤولية نتاع عايلة كبيرة:s
وزيد لبنات نتاع دوركايا مكاش الطياب صافي يحبو الواجد:-o
ولوكان زوجها ماعندوش قدو قد حالو الله غالب منين يجيبلها الواجد:mad:
لازم على الطفلة انها تكون واجدة في هذه الحلات:)
باسكو الزواج ماهوش نتاع نهار وفوت هديا حياة
صح لازمك تكوني تعرفي الطياب والخدمة نتاع الدار
باسكو مكاش الي يخدم عليك لازملك الاعتماد على روحك:up:
ومام باش مايضحوش عليك باسكو اي طفلة كي يعلقو عليها كلي علقو على يماها:$
لهذا لازمك تكوني قد المسؤولية وتتحمل كل شيء
هكدايا باش تفرحي والديك الحاجة الاولى
وتفرحي الزوج نتاعك ورحك باش واحد مايقيسك بكلمة


 

Ma$Ter

:: مراقب عام ::
طاقم المراقبين
إنضم
25 سبتمبر 2007
المشاركات
15,663
النقاط
1,471
محل الإقامة
تبسة 12
الجنس
ذكر
السلام عليكم ورحمة الله
هاذ الضاهرة رايتها قبل اشهر
تخطبتى بنت خويا 19 سنة

والكارثة انها مقلشة فى دار باباها ونهار وصل وقت زواجها حصلت فى روحها
حبت تتعلم كل شئء فى اشهر
ربي يجيب الخير فى بنات هاذ الوقت خخ مع النت والتيلي
راقدة وتمونجى
وانتى ملاك كون جيت ما نعرفكش نقلك راك كيفهم ^^ بصح نعرفك شاطرة
شكراا على موضوعك المميز كالعادة

**** ربعد نجوم لموضوعك ^^


 

7anin el 9ods

:: عضو مُشارك ::
إنضم
18 جوان 2014
المشاركات
152
النقاط
13
صصح هذا موضوع في الصميم.......انا وحدة مجربة كنت نحسب الزواج هو الراحة وهو ال.......الخ.....بصح عندي 2شهر متزوجة وحاسة روحي كبرت 20سنة .....راه مسؤؤلية كبيرة وماشي غير في الطياب ....لازم تتعلمي كيفاش تسيري ميزانية الدار ..ماشي كيما داركم الام تخمم والاب يقضي....التنظيف.....تستقبلي ضيافك.........الخ....الراجل وحدو راه مسؤؤلية...مشكورة اختي على الموضوع.راني نهرب للمنتدى باش ننسى شوية
 

الحلم الوردي

:: عضو شرفي ::
إنضم
21 مارس 2010
المشاركات
44,615
النقاط
1,191
محل الإقامة
عالم النسيان
الجنس
أنثى
السلام عليكم ورحمة الله
وعليكم السلآم والرحمة
هاذ الضاهرة رايتها قبل اشهر
تخطبتى بنت خويا 19 سنة
ايه صح باسكو الطفلة في دار باباها حاجة وفي دار زوجها حاجة اخرى
والكارثة انها مقلشة فى دار باباها ونهار وصل وقت زواجها حصلت فى روحها
حبت تتعلم كل شئء فى اشهر
مي مع الوقت تتعلم كل شيء مي مكاش قد الوحدة تتعلم في دار يماها احسن
ربي يجيب الخير فى بنات هاذ الوقت خخ مع النت والتيلي
راقدة وتمونجى
ايه الظاهرة هديا ولات منتشرة بزااااااااااف
وانتى ملاك كون جيت ما نعرفكش نقلك راك كيفهم ^^ بصح نعرفك شاطرة
شكراا على موضوعك المميز كالعادة
الله يخليك خويا حكيم
****ربعد نجوم لموضوعك ^^

الله يسلمك


سعيدة بتواجدك
كل الشكر لك

 

ضيوف وسـنغادر

:: عضو فعّال ::
إنضم
18 أكتوبر 2013
المشاركات
1,734
النقاط
171
محل الإقامة
skikda
الجنس
أنثى
صح اختي كلامك في ميزآنو
مي ماتجمعوش الظآهرة على الكل نعرف وحدة 17 سنة راهي مخطوبة وماتخليش شقا ماتخدموش يعني كل واحد وكيما تربى كاين اللي مزير كاين اللي مقلش
بالنسبة لي تربيت كطفلة وحيدة ماما ربي يحفظهآ معلمتني كلشي والحمد لله مسؤولية خاوتي راهي عليَ درك
مي ربي يكون في عون هادو اللي يتقلشوا على والديهم ومبعد يحسبو الزواج راهو حاجة ساهلة تيجيهم الحالة شووووك
وربي يهدي المجتمع علاهادي الدنيا تبدلتــ ومابقاش فيها الخير
 

Nilüfer

:: عضو شرفي ::
إنضم
15 أكتوبر 2011
المشاركات
11,104
النقاط
351
السلآم عليكم

الظاهرة هادي انتشرت بزآف

والمالور ماشي غير جماعة الـ17 و 18

والله كاين اللي فاتت الـ20 وخاطيها صوالح الدار كامل

من ناحية اخرى تلقاي اللي ما شاء الله عليها

كاين اللي نعرفها 15 عام وتبارك الله عليها

المشكلة انو البنت تكون تاكلة على الوالدة نتاعها ولا اختها الكبيرة

وتقول غير مازال مازال ولا لاهيا غير بالقراية منبعد غير بالخدمة حتى تتقافل عليها

رغم انو امور البيت لازملهم سنين باش تتعلميهم


وتاني الام لازمها تكون شويا مزيرة مع بنتها لانو هاد الشي لمصلحتها ومجتمعنا مايرحمش

شحال من وحدا خرجت غير على هاد الشي

وربي يهدينا اجمعين

 

Only me

:: عضو فعّال ::
إنضم
27 مارس 2013
المشاركات
1,976
النقاط
411
محل الإقامة
BBA
يعطيك الصحة على الموضوع اختي

بنات بزااف ماهمش يخمو في الزواج كمسؤولية وبيت وعايلة وواجبات تجاه الزوج ووالديه مي راهم يشوفو فيه راجل يقلشها قدام صحاباتها ويشريلها كامل واش تحب ويقلشها ، مي هاذي غلطة كبيرة

الطفلة قد ماتكون فحلة لازم تقول مازال كيما يقولو ناس بكري * نتعلمو حتى نموتو*

انا عندي بنت خالتي الله يبارك عليها كل صبع بصنعة وهي لي كانت رافدة دارهم شاطرة ماشاء الله وتزوجت وهي كبيرة مي نهار تزوجت قاتلك حاسة روحي مانعرف والو باسك هاذوك الناس لي راحت ليهم كثر منها في الشطارة

وبالمقابل كاينة وحدة تزوجت في الربيع مزال مالحقتش 18 سنة راهي حاصلة في روحها الهدرة ماتعرفش تهدر مع راجلها

الطفلة لازم ترزن روحها ولازم تتحمل المسؤولية في دار باباها قبل ماتروح لدار الناس

مشكورة مرة أخرى على الطرح القيم
 

Ľă Mîšš HîBă

:: عضو مُتميز ::
إنضم
30 جويلية 2014
المشاركات
591
النقاط
551
محل الإقامة
Alger
OUI CVRAI KAYN LI TAL9AHA KBIRA WMAT3RAF DIR WALO FDAR WKAYN LI TAL9AYHA MN SGHORHA CHATRA WFA7LA WANA N9OL KOLCH 3LA HSAB TARBIYA
WACH T3AWDT TOFLA FI DAR BABAHA
 

kojak

:: عضو بارز ::
إنضم
18 أفريل 2008
المشاركات
5,749
النقاط
317
العمر
30
العبد عاد يقدم يخطب يخاف كان من هادي الأشكال :s
أمالا نزيدك حاجة كاينة مولات 30 ماتعرف دير حتى شي ;)
راقدة وتمنجي هههه على الاقل لوخرا راهي اصغيرة
:d
 

خديجة 24

:: عضو مُشارك ::
إنضم
14 جويلية 2014
المشاركات
370
النقاط
21
العمر
30
محل الإقامة
cannada
بعد اشهر قليلة عرسي ادعولي نكون قد المسؤولية حتي ومرانيش بنت 16 و17 لكن الزواج مسؤولية كبيرة مام سي راني متحملة مسؤولية دارنا الطياب الشغل وغيرها من الاعمال بصح كي نكون عيانة ولا مريضة مانخدمش ونقول لماما دبر راسك
ونزيد نقولكم عندي اختي في عمرها 16 سنة ماتحب دير والو اعطيلها الانترنيت والتلفاز وخليها ماشي تاع زواج نهائيا
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,431
النقاط
821
محل الإقامة
الشرق-الوسط
الجنس
أنثى
وعليكم السلام
الزواج مسؤولية ماش كيما الطفلة في دار باباها ماش كيما في دار راجلها وسيرتو لاعادت دار كبيرة

:dتبا لكي ايتها اللمة سأشتاق للتمهبيل فيكي تاع زمان

المشاكل لي تنوض بعد الزواج اغلبها على الكوزينة وعلى الهدرة كاين بنات يتزوجو مي ميعرفوش لايهدرو لايتعاملو لايطيبو لالا حوايج بزاف
وبعدها كي تطيح المشاكل يوليو يلعبوها ضحايا وهي كون تشوف تلقى روحها هي الغلطة بدات منها
شكرا ملاك
سلامي
 

R@MA

:: عضو مُتميز ::
إنضم
23 أفريل 2010
المشاركات
1,139
النقاط
51
اهلا ملوكة
والله عندك الحق المسؤولية ثم المسؤولية

انت لاشفتي وحدة 16 و19 سنة ماتعرفش
انا حشاك شفت بعيني 39سنة ولا شيئ يماها تخدم وتديلها البلا
حتى لفمها
عيب كبير الله يهدينا واش نقولوا

مرسي على سوجي
 

بنت لبحر

:: عضو مُشارك ::
إنضم
27 ماي 2013
المشاركات
460
النقاط
21
عندك الحق اختي في واش قلتي و هدا كامل راجع للام تاعها لي مرباتهاش على خدمة الدار

انا عندي بنت عمتي راهي في 24 سنة في عمرها و الله كي نقولكم بطاطا جااااااااااااااااااااااااااااامي قلاتها مدير والو و كي يهدرو لعمتي تقولهم الطفلة راهي تقرى و تجي عيانة و في لفاكونس نخليها تروبوزي بنتي مسكينة تعيا عام كامل و هس تقرى و دركا راهي خدامة و كيف كيف بنتي تجي عيانة من الخدمة و دركا الطفلة راهي مخطوبة و كيف كيف متمس والو غير خاوتها و مرت خوها لي يخدمو في الدار و كي تريكلامي مرت خوها و تقول عيت ميعجبهمش الحال راهي بقالها شهر و تتزوج في دار العائلة و الله يبارك هما في بزاف منعرف كيفاش دير في عمرها
كي نقولكم راهي ما تمس والو حتى الماء يجيبوهولها

يعني حنا كي قرينا و خدمنا و تعلمنا واش صرانا مرى اخرى كي نتزوجو نكونو قادرين على شغالنا

المعنى من لحكاية تاعي ان كلشي من الام هي لي تربي بنتها على خدمة الدار
الزواج مهوش غير حب و رومانسية برك راهو مسؤولية كبيررررررررررررررررررررررررررررررررة

والراجل مهما يكون يحب مرتو شاطرة و تعرف تقضي صوالح الدار و تحمرلو وجهو قدام الناس
 

BiG JoE

:: عضو مُتميز ::
إنضم
3 أوت 2010
المشاركات
628
النقاط
51

يا بنتي الطفلة لي تجيبها مكونيكتيا حتى 3 تاع الصباح واش تستناي منها ؟؟

إبكي على بنت لفاميلا أما لباقي ... يعيشو بالفريت أوملات عادي
وزيد يلقو واحد ماشو راجل على روحو هديك هي بالذات

وربي يهنينا
 

نبض المشااعر

:: عضو مُشارك ::
إنضم
27 أفريل 2013
المشاركات
157
النقاط
13
في دار باباه تكون مكسوة اليدين وكي تتزوج تبين قفازتها
بنات هاذ الوقت شاطرات صح بزاف خاطيهم لعجين بصح طياب وقاطو وشغل مكاش لي ماتعرفهمش
المهم بنات هاذ الوقت متخافيش عليهم يعرفو يعيشو وعندهم الزهر
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
كل واحدة والعقلية اللي تكبر عليها كاين اللي تزوجت ما تعرف والو و تعلمت و تلقاي الزوج و أهلو راضيين عليها و كاين اللي العكس كل صبع بصنعة و تلقايها تشرب في الهموم كل واحدة و سعدها يا اختي
هو الأكيد انو كل حرفة في اليدين مليحة سواء في الكوزينة او في اي اعمال اخرى مي هاد الجيل ربي يستر عليه
عندي خالتي غير ما جابت عروسة نهار الخطبة ديالها قالو فيها و قالو و هي كي تحكي معاهم في التيليفون تقولي هادي تحمر كل يوم كبش حتى انها قالتلهم احنا نخدمو لي كوموند ديال الحلوى في الأعراس و كي جابوها قالولها في العيد ها وريلنا شطارتك و اتحفينا بكاشي انواع ما نعرفوهمش
:s:s:s:s ههههههه والله ما عرفت حتى كيفاش تشكل حبة تشاراك ههههههه و الطيابات في رمضان O_ ° غير ما نقولش خير
شكرا على الموضوع اختي
 

شاعرة المستقبل

:: عضو فعّال ::
إنضم
29 مارس 2013
المشاركات
1,546
النقاط
71
في هاذي عندكم الحق الطفلة لازمها تتعلم
حنا تعلمنا ماما على 14 كلش ندي البيام متخرجة من الكوزينة
بصح تاع الزواج صغيرة ماعندناش لازم الطفلة تقرا وتخدم ومن بعد تتزوج
 
الحالة
مغلق ولا يسمح بالمزيد من الردود.
Top