معانات طفلة بعد الزواج

[السائحة]

شكرا على الموضوع أخيتي،

لازم تعرفي يا اختي انو كاين في لعايلة لي رايحة ليها ممكن تكون راجل- الزوج- وعجوزة -ام الزوج- ومبعد اولاد هذا مفروغ منو ، بصح قاعدة نشوف هادو هوما لي عندهم ازهر ، يلقاو كلشي معاهم الراجل يسايس والعجوزة تعلمها بسيايس ، ممكن هي متعرفش شغل الدار بصح تعرف كيفاش تسير لوضع تاعها مع لعايلة لجديدة ...

 

[mà_dikrà]

السلآم عليكم
ان شاء الله تكونو بخير يا أهل اللمة
تـمآم الـحمدلله:d
اليوم حبيت نحكيلكم على موضوع:
معانات طفلة بعد الزواج
:cray02::cray02:
زمان كانت الطفلة كي تتزوج وعمرها 14 سنة تكون تعرف تخدم كل شيء:up:
عكس الزمان هدايا باسكو
:-r

ربي يـخليـنآ النت:-r​

وليت نشوف توجور الطفلة الي صغيرة في العمر نلقاها مخطوبة وعمرها مانبا
16 سنةوكي تتزوج عمرها يكون 18 سنة:-r
زعما هديا تقدر تتحمل المسؤولية نتاع دار :-o

لا ​

ولو جات هد الدار الي رايحة ليها فيها عايلة كبيرة زعما تقدر الطيب الماكلة لهدوما كامل

صـح والله ​

والله الي نشوفها متزوجة الشغل نتاع الدار وماتعرفوش تعرف غير تاكل وخلاص
:$:d

خــــآطيني :p​

وكي تقوليلها لازمك تتعلمي من يماك باسكو راكي رايحة لدار اخرى:-o
:-o
وحياتك رايحة تتبدل بزاااااف:s مكيش رايحة تبقاي كيما في داركم
تقولك نوغمال مع الوقت نولي ندير كل شيء
:-o:down:
ماششكيتش تقدر تتحمل المسؤولية نتاع عايلة كبيرة:s
:down:

صـح​

وزيد لبنات نتاع دوركايا مكاش الطياب صافي يحبو الواجد:-o
:d:$
ولوكان زوجها ماعندوش قدو قد حالو الله غالب منين يجيبلها الواجد

لازم على الطفلة انها تكون واجدة في هذه الحلات

وي صـح ربي يـعآون جـميع الـبـنآت ويقد حـآل الـرجـآل​

باسكو الزواج ماهوش نتاع نهار وفوت هديا حياة
:up:
صح لازمك تكوني تعرفي الطياب والخدمة نتاع الدار

باسكو مكاش الي يخدم عليك لازملك الاعتماد على روحك:up:
:up::regards01:
ومام باش مايضحوش عليك باسكو اي طفلة كي يعلقو عليها كلي علقو على يماها:$

:$

صـح :$​

لهذا لازمك تكوني قد المسؤولية وتتحمل كل شيء

:up:
هكدايا باش تفرحي والديك الحاجة الاولى
:regards01::-r
وتفرحي الزوج نتاعك ورحك باش واحد مايقيسك بكلمة
:d



​

مرسي عـلى الـموضوع 4444444 ملوووكة دمتي بـخير :-r​

 

[الحلم الوردي]

صصح هذا موضوع في الصميم.......انا وحدة مجربة كنت نحسب الزواج هو الراحة وهو ال.......الخ.....بصح عندي 2شهر متزوجة وحاسة روحي كبرت 20سنة .....راه مسؤؤلية كبيرة وماشي غير في الطياب ....لازم تتعلمي كيفاش تسيري ميزانية الدار ..ماشي كيما داركم الام تخمم والاب يقضي....التنظيف.....تستقبلي ضيافك.........الخ....الراجل وحدو راه مسؤؤلية...مشكورة اختي على الموضوع.راني نهرب للمنتدى باش ننسى شوية

ايه صح الواحد الي مجرب الزواج :$
وزيد
تلقيه عكس تمام باسكو تبدى المسؤولية نتاع الزوجة
ايه كل حاجة بحسابها
ايه دار الام ديري واش تحبي مي كي تتزوجي تتبدل حياتك كامل
ايه ربي يهنيك اختي
سعيدة بتواجدكي كل الشكر لكي
​

 

[الحلم الوردي]

صح اختي كلامك في ميزآنو
مي ماتجمعوش الظآهرة على الكل نعرف وحدة 17 سنة راهي مخطوبة وماتخليش شقا ماتخدموش يعني كل واحد وكيما تربى كاين اللي مزير كاين اللي مقلش
ايه مام انا ماقولتش كامل هكدايا
مي تاع الجيل هذايا مايخدمو والو
ايه كاين الي عمرها 17 والشغل نتاع الدار كومبيلي ديرو وحدو
وزيد مام الام تلعب دور كبير
باسكو تعلم بنتها كل شيء
بالنسبة لي تربيت كطفلة وحيدة ماما ربي يحفظهآ معلمتني كلشي والحمد لله مسؤولية خاوتي راهي عليَ درك
مي ربي يكون في عون هادو اللي يتقلشوا على والديهم ومبعد يحسبو الزواج راهو حاجة ساهلة تيجيهم الحالة شووووك
وربي يهدي المجتمع علاهادي الدنيا تبدلتــ ومابقاش فيها الخير
هكدا اموا تقدري تسلكي روحك مليحة
شفتي كيفاش ابسط حاجة الي ماشي متعود عليها تقولك مانقدرش
مي التعلم ومع اتلوقت تولي تعرفي كلشيء
اللهم آمين يارب
​

سعيدة بتواجدكي
كل الشكر لكي اختي
​

 

[الحلم الوردي]

السلآم عليكم
وعليكم السلآم والرحمة
الظاهرة هادي انتشرت بزآف
ايه وبزآف تانيك
والمالور ماشي غير جماعة الـ17 و 18
والله كاين اللي فاتت الـ20 وخاطيها صوالح الدار كامل
ايه مام انا نشوف ماشي غير نتاع 18 ولا 20 تقريب 22
خاطيهم كامل الشغل نتاع الدار
من ناحية اخرى تلقاي اللي ما شاء الله عليها
ايه كاين الي تلقي عمرها ضغيرة
وماشاء الله عليها
كاين اللي نعرفها 15 عام وتبارك الله عليها
تعرف الشغل نتاع الدار كومبلي

المشكلة انو البنت تكون تاكلة على الوالدة نتاعها ولا اختها الكبيرة
ايه توجور البنت تقولك كاينة يمــآ مب البروبلام الام نتاعها ماهيش دايمة ليها
وزيد واحد مايدوم لخوخ
وتقول غير مازال مازال ولا لاهيا غير بالقراية منبعد غير بالخدمة حتى تتقافل عليها
ايه صح شحال صرات هد المواقف ايه مام هكدا ماتلحق لوالو
رغم انو امور البيت لازملهم سنين باش تتعلميهم
ايه لازملها سنوات للتعلم

وتاني الام لازمها تكون شويا مزيرة مع بنتها لانو هاد الشي لمصلحتها ومجتمعنا مايرحمش
ايه صح اختي كل ماتكون الام مزيرة لى بنتها كل ماتكون البنت تتعلم كتر وكتر
شحال من وحدا خرجت غير على هاد الشي
ايه
وربي يهدينا اجمعين
اللهم آمين

​

سعيدة بتواجدكي
كل الشكر لكي
​

 

[samir batna]

معليش كي راكي تخممي هكذا انا قلت الي كيفك انقرضو !!

 

[knadja]

السلآم عليكم
ان شاء الله تكونو بخير يا أهل اللمة
اليوم حبيت نحكيلكم على موضوع:
معانات طفلة بعد الزواج
زمان كانت الطفلة كي تتزوج وعمرها 14 سنة تكون تعرف تخدم كل شيء:up:
عكس الزمان هدايا باسكو
وليت نشوف توجور الطفلة الي صغيرة في العمر نلقاها مخطوبة وعمرها مانبا
16 سنةوكي تتزوج عمرها يكون 18 سنة:-r
زعما هديا تقدر تتحمل المسؤولية نتاع دار :-o
ولو جات هد الدار الي رايحة ليها فيها عايلة كبيرة زعما تقدر الطيب الماكلة لهدوما كامل

والله الي نشوفها متزوجة الشغل نتاع الدار وماتعرفوش تعرف غير تاكل وخلاص
وكي تقوليلها لازمك تتعلمي من يماك باسكو راكي رايحة لدار اخرى:-o
وحياتك رايحة تتبدل بزاااااف:s مكيش رايحة تبقاي كيما في داركم
تقولك نوغمال مع الوقت نولي ندير كل شيء
ماششكيتش تقدر تتحمل المسؤولية نتاع عايلة كبيرة:s
وزيد لبنات نتاع دوركايا مكاش الطياب صافي يحبو الواجد:-o
ولوكان زوجها ماعندوش قدو قد حالو الله غالب منين يجيبلها الواجد
لازم على الطفلة انها تكون واجدة في هذه الحلات
باسكو الزواج ماهوش نتاع نهار وفوت هديا حياة
صح لازمك تكوني تعرفي الطياب والخدمة نتاع الدار
باسكو مكاش الي يخدم عليك لازملك الاعتماد على روحك:up:
ومام باش مايضحوش عليك باسكو اي طفلة كي يعلقو عليها كلي علقو على يماها:$
لهذا لازمك تكوني قد المسؤولية وتتحمل كل شيء
هكدايا باش تفرحي والديك الحاجة الاولى
وتفرحي الزوج نتاعك ورحك باش واحد مايقيسك بكلمة


​

andak hak ya khati
bazaf toufla da3ou 3ala hada assas

 

[علياء الجلفاوية]

عندك الحق بصح في زمان هذا لازم تخرج الطفلة تعرف كلش لان المجتمع الان ميرحمش خاصة اذا كنت مع العايلة .يعطيك الصحة اختي على الموضوع الرائع

 

[¬Đỉaмơŋđ ✿]

وعَليْكمْ السَلآمْ ورَحمَة اللهِ وبرَكآته


موضوعْ فالصَميمْ ويُحآكي الوآقعْ المُعآشْ ..
يَ أختِي للأسفْ أغلبْ بنآتْ هذآ الزمآنْ مآخذينْ فكرَة خآطئةْ عن الزوآجْ حآسبينُو ضحكْ ولعبْ ورُومآنسيةْ الأفلآمْ التُركيّة ووو ...
وممبعدْ كي يتزوِجوُ ينْصدمُوا بوآقعْ مآكآنوشْ دآيرين لوُ حتىَ حسآبْ ولتمآ تبدآ المشآكلْ ..
الخدْمة تآعْ الدآرْ تجِي منَ الأمْ هي اللي لآزم تعلمْ بنتهآ بآرسكُو هآذو حوآيجْ يفيدُوهآ في حيآتهآ مسْتقبلاً ..
كيمآ تقُول مآمآ ( ديآرْ النآسْ صعآبْ ) و الوحْدة قدْ مآتتعلمْ فالصْلآحْ .
أنآ نحيرْ في حآجةْ هآد النوعْ من البنآتْ تلقآيهمْ مآيعرفوُ يديرُو وآلو وكي تجِي للزوآجْ تقُولكْ أنآ نسْكنْ وحْدي .. !!!


مِيرسي ملآكْ علَى الطرْح

~


​

 

[آمال النجاح]

لي عودة للموضوع ​

 

[الحلم الوردي]

معندي منقول كلشي عندك الحق فيه

الله يخليك اختي
اسعدني تواجدكي
كل الشكر لكي
​

 

[الحلم الوردي]

يعطيك الصحة على الموضوع اختي

الله يسلمك اختي
​

بنات بزااف ماهمش يخمو في الزواج كمسؤولية وبيت وعايلة وواجبات تجاه الزوج ووالديه مي راهم يشوفو فيه راجل يقلشها قدام صحاباتها ويشريلها كامل واش تحب ويقلشها ، مي هاذي غلطة كبيرة

ايه مكاش بزآف الي يخمو هكدايا باسكو الزواج مسؤولية كبيرة
وحياتك كومبلي تتبدل
​

الطفلة قد ماتكون فحلة لازم تقول مازال كيما يقولو ناس بكري * نتعلمو حتى نموتو*

ايه سي فغي الطفلة الي تكون فحلة صافي تكون قادرة على اي شيء
وزيد ماتكونش خايفة من هد المسؤولية
​

انا عندي بنت خالتي الله يبارك عليها كل صبع بصنعة وهي لي كانت رافدة دارهم شاطرة ماشاء الله وتزوجت وهي كبيرة مي نهار تزوجت قاتلك حاسة روحي مانعرف والو باسك هاذوك الناس لي راحت ليهم كثر منها في الشطارة

ايه هكدا تتاكل عليها يماها
​

وبالمقابل كاينة وحدة تزوجت في الربيع مزال مالحقتش 18 سنة راهي حاصلة في روحها الهدرة ماتعرفش تهدر مع راجلها

ايه شفتي كيفاش يااختي مكاش قد الوحدة تتعلم كل شيء من يمـآها
​

الطفلة لازم ترزن روحها ولازم تتحمل المسؤولية في دار باباها قبل ماتروح لدار الناس

كيما قولتي لازم تكون رزينة وتتحمل المسؤولية ديــآلها
​

مشكورة مرة أخرى على الطرح القيم

الله يسلمك حنونة
سعيدة بتواجدكي
كل الشكر لكي
​

 

[الحلم الوردي]

OUI CVRAI KAYN LI TAL9AHA KBIRA WMAT3RAF DIR WALO FDAR WKAYN LI TAL9AYHA MN SGHORHA CHATRA WFA7LA WANA N9OL KOLCH 3LA HSAB TARBIYA
WACH T3AWDT TOFLA FI DAR BABAHA

ايه اختي كاينة تلقايها كبيرة وابسط الاشيــآء ماتعرفهمش
كامل ايه واينة الي من صغرها تعرف كل شيء باسكو راهي عارفة بلي مكاش الي يدوملهـآ ومام هكداك تكون قد المسؤولية قدام راجلها ودرارهم
سعيدة بتواجدكي
شكرا لكي
​

 

[الحلم الوردي]

doka michi kif bekri

صح دوركايا ماشي كيما زمان
مي الطفلة الي مقبلة على الزواج لازم تكون عارفة كل مسؤولياتها
خاصة شغل نتاع الدار
ومام باش دار راجلها مايضحكوش عليها باسكو اي وحدة ماتقبل يقولو عليها فنيانة
شكرا لتواجدكي اختي
سعيدة بتواجدكي
​

 

[الحلم الوردي]

العبد عاد يقدم يخطب يخاف كان من هادي الأشكال :s
أمالا نزيدك حاجة كاينة مولات 30 ماتعرف دير حتى شي
راقدة وتمنجي هههه على الاقل لوخرا راهي اصغيرة:d
​

ايه صح خويا مي هديا لازمها تتعلم كل شيء باسكو واحد مايدوملها
ايه صح تلقاها في دار باباها راقدة وتمونجي
مي في دار راجلها لالا
على هديا لازم كل وحدة تكون قد المسؤولية وتتعلم كل شيء من يماها
هكداك باش واحد مايقوللها كلآم يجرحها
سعيدة بتواجدك
كل الشكر لك
​

 

[الحلم الوردي]

بعد اشهر قليلة عرسي ادعولي نكون قد المسؤولية حتي ومرانيش بنت 16 و17 لكن الزواج مسؤولية كبيرة مام سي راني متحملة مسؤولية دارنا الطياب الشغل وغيرها من الاعمال بصح كي نكون عيانة ولا مريضة مانخدمش ونقول لماما دبر راسك
ونزيد نقولكم عندي اختي في عمرها 16 سنة ماتحب دير والو اعطيلها الانترنيت والتلفاز وخليها ماشي تاع زواج نهائيا

ربي يهنيك اختي ويكملك علبى خير ان شاء الله
وان شاء الله تكوني قد المسؤولية
ايه الحمد لله صافي راكي عارفة المسؤوليات ديالك هكدا باش ماليكونش عليك ضغط كبير
باسكو الزواج فيه مسؤوليات كبيرة
واختك مع الوقت تتعلم كل شيء
مي مكاش قد الوحدة الي تتعلم وهي في صغر سنها
سعيدة بتواجدكي
كل الشكر لكي
​

 

[الحلم الوردي]

وعليكم السلام
الزواج مسؤولية ماش كيما الطفلة في دار باباها ماش كيما في دار راجلها وسيرتو لاعادت دار كبيرة
ايه مسؤولية كبيرة اختي ساندي والي تكون عارفة مسؤوليتها متانش عندها ضغوط كبيرة
ايه سيغتو لوكان تكون دار زوجها كبيرة
:dتبا لكي ايتها اللمة سأشتاق للتمهبيل فيكي تاع زمان
ايه صح سنشتاق لكي اختسي سـآندي
المشاكل لي تنوض بعد الزواج اغلبها على الكوزينة وعلى الهدرة كاين بنات يتزوجو مي ميعرفوش لايهدرو لايتعاملو لايطيبو لالا حوايج بزاف
ايه صح تلقايها توور على الكوزينة والطيـآب
مام التعامل عندو حوايج خاصة التعامل مع عجوزتك
وبعدها كي تطيح المشاكل يوليو يلعبوها ضحايا وهي كون تشوف تلقى روحها هي الغلطة بدات منها
وعلاش ماشي الزوجة تايفيتي كامل هدوما المشاكل وتخدم شغلها وماتقلق روحها موالو
شكرا ملاك
سلامي
​

سعيدة بتواجدكي
اختي سـآندي
كل الشكر لكي
​

 

[آمِيْرَتُه]

السلام عليك
الزواج مسؤولية كبيرة
ماشي غير رواح و قول تزوجت
كاين بنات منعرف كي مخدومات مازالها تنوض على 12 و تتفرج مسلسلات الحب و الغرام وووو
و كي تجيب ولد يتربى على ربي
المهم تتزوج و يقولو دارت راجل لا مسؤولية لا هم يحزنو
يعطيك الصحة على الموضوع

 

[الحلم الوردي]

اهلا ملوكة
اهلا بيك اختي رحمة
والله عندك الحق المسؤولية ثم المسؤولية
الله يخليك
انت لاشفتي وحدة 16 و19 سنة ماتعرفش
انا حشاك شفت بعيني 39سنة ولا شيئ يماها تخدم وتديلها البلا
حتى لفمها
ايه صح تشوفيها كبيرة ومتعرف دير والو وكي تنصحيها تقولك
كل شيء يتباع وعلاش نعيي روحي
مي مكاش قد الوحدة الي تتعلم كل شيء

عيب كبير الله يهدينا واش نقولوا
ربي يهديهم وخلآص
مرسي على سوجي
​

اسعدني تواجدكي اختي رحمة
كل الشكر لكي
​

 

[الحلم الوردي]

كاينة وماكانش خاطر ماشي البنات كامل كيف كيف
مي راني معاك ميرسي على الموضوع

ايه صح ختيتي ماشي كامل كيف كيف
ايه باسكو كاينة الي تعلمها يماها من صغرها وكاينة الي ماتعلمهاش
صافي كل وحدة والتربية ديالها كيفاش
سعيدة بتواجدكي
كل الشكر لكي
​