الزواج كيفاش ولى

الحلم الوردي

:: عضو بارز ::
أحباب اللمة
إنضم
21 مارس 2010
المشاركات
44,625
نقاط التفاعل
68,161
النقاط
696
محل الإقامة
عالم النسيان
الجنس
أنثى
السلآم عليكم
ان شاء الله تكونو بخير يا أهل اللمة
اليوم حبيت نحكيلكم على موضوع:
الزواج كيفاش كان و كيفاش والى

v9v9net_187.gif

الزواج في القديم كان فيه احترام ومكاش شروط
يسمى واحد كي يخطب بنت فلان ماشي يقول باباها فلان ونتاع زمان كانو قانعين حتى بالقليل المهم يسترو باتهم وخلاص
مي نتاع دوركا
36_19_2.gif


هدي كي يجيئ يعقد موجتلو قائمة فيها شروط وهي كتالي:
في العقد لازمك تجبلي سلسلة و خاتم و مسياسة :s
و لازم تكون داري وحدي

nawasreh__5_21.gif

و بعيدة على دار يماك وخواتتك مانحبهم يجيوني كامل:down:
صافي الزواج نتاع دوركايا الزوجة هي الي تتحكم في زوجها و كلامها يكون امر طبق:mad:
صافي الزوج نتاعها يشوف غير بالعين

36_1_251.gif

مايهدر ماوالو
النقاش معاه ومكاش

140.gif

و الله نسمع لعجب كي تقوليلها و تنصيحها

36_1_7[1].gif

هدا زوجك مسكين ماعندوش دراهم باش يجيبلك هدوما

11907553993868.gif

كامل تقولك علاش امالا رايح يزوج بيا
:-r

وزيد نتاع بكري كانت الزوجة كي تروح عند دار بابا تروح الصباح وترجع لعشية لدارها

مي نتاع دوركا يديها لدار بابا تقعد حتى 21 ومايسقسي عليها لا على والو ماوالو

7153acfddc.gif

ومن كي تحب تروح لدار زوجها خوها الي وصلها
مي نتاع بكري زوجها هوالي يجيء يديها
وتانيك الزوج بكري هو الي يتحمل مسؤولية الزوجة و الاولاد
مي دوركا لالا الزوجة الي تتحمل كلشيء الا طبيب هي الي تديه
المهم هو يجيب المصاريف هدا مكان
علاش الزواج ولى هكدا
_ اسكو الراجل ولا مايقدرش على تحمل المسؤولية؟
_و لا الزوجة وكثرة المتطلبات؟

 
رد: الزواج كيفاش ولى

هو موضوع الزواج كل يوم نسمعو فيه أمور غريبة و كارثية
نعتمد الموضوع و نرجعلك
سمحيلنا على الروطار
لازملو قعدة ياملاك لي عودة
بلاصتي محجوزة

هاني رجعت ملاك

نقولك حاجة درك تخسرت عقليات الناس و رجعت هات هات برك
وماتخمم هذا عندو و هذا معندوش و كثرو المظاهر و نساو ربي واش قال
ولالقيتي الطفلة ماتشرطش يخرجو أهلها كونطر الراجل وكي تقول الطفلة علاه
يقولولها انت بهلولة متعرفيش صلاحك روحي تشوفي كيفاه تولي بونيشة في دار راجلك و من بعد يخوفوها و ترجع تشرط الدار و تبدى تطلع في روحها و تنسى انو هذاك الراجل ليه مسؤولية كبيرة ويتعمر الفساد و يكثر الطلاق
لازم الواحد يشوف قدو وقد روحو و يتكل على ربي و يعرف انو كل حاجة تبدى من الصفر و مع الوقت تبني حياتك شويا شويا
وثماك تحس بطعم الحياة و كاينة حاجة تعيشو على جالها
الله يجيب ساعة الخير
و يبدل الزمان الي رنا فيه
كل يوم نخافو منو أكثر


 
آخر تعديل:
رد: الزواج كيفاش ولى

الزواج رجع فيه بزاف متطلبات ومصاريف يقدرو الزوجين يغلقو بيهم باب واحد آخر على بيها رانا نشوفو الطلاق في شهرين وفي تلاتة مي زمان المرا اذا تزوجت تعمل المستحيل باش ما ترجعش لدار باباها ياك ناس زمان هوما اللي خلاولنا (اللي راح وولي واش من بنة خللى)
غير المظاهر الكدابة وعايشين في الهف ... المفروض كل واحد يعيش على حسابو علاش قبل الزواج الراجل تلقايه يتدين باش يصرف على بنت فلان وكي ياخذها وتفيق بليك راهو معمر بالدين تقوللو لوكان من الأول تدي على قدك
زمان على حساب ناسو الله يهدي


 
رد: الزواج كيفاش ولى

بالنسبة للشرووط الكثيرة للبنات تاع ضرك والزواج أون جينيرال وين راهو لاحق
أنا جو سوي كونتر ... والنتيجة معروفة
الاحصائيات التقريبية راهي تقول أنو الراجل في الجزائر مقابل 6 نساء
يعني نزوجو لكل 4 وما نلحقوش

_ اسكو الراجل ولا مايقدرش على تحمل المسؤولية؟
الراجل يتحمل مسؤوليتو عادي جداااا ...( نحكو على الراجل )ماشي على الراجل هكا باش نتفاهمو
بويسك في مجتمعنا وفي الآونة الأخيرة يااااااسر لي ولو يتهربو من المسؤولية ويتحججو بحجج لا علاقة
_و لا الزوجة وكثرة المتطلبات؟

الزوجة من منظوري الشخصي أكبر شيء تعاون بيه الرااااجل هي أنها تتهلى في روحها وفي دارها وفي ولادها وزوجها
يعني ماشي تنوض على 8 تاع الصباح تروح ترمي ولادها في لاكريش ولا عند لجارة وترجع تهزهم على 4 تاع لعشية وراجلها والله ما علابالها بيه ودارها كيف كيف ....( أنا هنا ما نقولش لمرأة ما تخدمش بالصح المرأة تخدم في التعليم ولا تقعد أحسن ليها ) لا أنا جوسوي كونتر
والاهمال هدا هو ما يؤدي الى ما يحمد عقباه سوا طلاق مبكر , الأولاد يروحو فيها من الصغر , يكبرو ولاهم ما نعرف كيفاه دايرين ....

تبانلي دخلتها في بعضاها وحكيت ياسر ليوم ... تقبلو مروري



 
رد: الزواج كيفاش ولى

وعليكم السلآآم
ملوكة موضوع مليح ، نعمر الكريشة ونجي نرد عليك
بآش يجي الرد مدوزي بيآن خخخ
 
رد: الزواج كيفاش ولى

السلام عليكم

لحاب الستر لبناتو يسر و لحابها تبور يعسر
و لا صاب شكون يقبل بالشروط تشبع بنتو طول حياتها.. نتما عايلة ديال طمع
اما المسؤوليات معليش كيتقاسموها الدنيا ولات صعيبة و غالية
و الراجل كميخدمش جورني وحدة ضيع قوت نهار
تاني متليقش واحد يلوح الدرك كلو على التاني
المساعدة تكون بالاتفاق على كيفية توزيع المسؤوليات
و كل واحد يلزم يعذر الاخر و احيانا يتغاضى باش تستمر الحياة
ربي يوفق و يجيب ساعة الخير
بوركت ملوكة
 
رد: الزواج كيفاش ولى

أهلا بيك ملاك يعطيك الصحة على موضوعك الباهي
يعني انا راجل ومع ذلك نمد الحق للطفلة ألي تشرط مثلا تسكن وحدها وادرها وحدها
دارها وحدها تستقل وتجتانب بزاف مشاكل، اوان نتخيلها مثلا في بنتي نتمنى تسكن وحدها
ولكن المشكل ماوش كل الرجال يقدرو للشيء هذا
ثم الشروط 10 ملاين ماتكفيش الطفلة تجهز روحها ولكن مليح المساعة وسدد وقارب حتى تسهال الأمور
اما جانب المسؤولية فهاذي كل راجل وكيفاه
 
رد: الزواج كيفاش ولى

داك الزمن كانت الحياة بسيطة والقناعة
اما الان كل شئ بالمظاهر وكل واحد يبغي يتكبر على الاخر الزمن لم يتغير ولكن البشر تغير
 
رد: الزواج كيفاش ولى

السلام عليكم ورحمة الله
اختى ملاك الزواج هو مسؤولية الراجل والمراة
كل واحد عندو مهامو
وكلامك على كثرت شروط المراة قبل الزواج كاين منو
فى منطقتنا لى حاب يزوج لازمو +100 مليون
ما نعرف الاباء كيفاه ولو يفكرو
كاين واحد عندو بنتو تعمل
كى جا واحد يخطب قالو نعطيك غير المراة
الشهرية تبقى هنا
المهم نقلك بي يسهل لينا وليكم
وربي يعطينا قد حالنا

 
رد: الزواج كيفاش ولى

هو موضوع الزواج كل يوم نسمعو فيه أمور غريبة و كارثية
نعتمد الموضوع و نرجعلك
سمحيلنا على الروطار
لازملو قعدة ياملاك لي عودة
بلاصتي محجوزة

هاني رجعت ملاك
اهلا بيك اختي فلة:)
نقولك حاجة درك تخسرت عقليات الناس و رجعت هات هات برك
ايه صح ولات عقليات الناس تبدلت بزاف:mad:
وماتخمم هذا عندو و هذا معندوش و كثرو المظاهر و نساو ربي واش قال
ايه دوركايا المظاهر هي الي تتمشى :s
ولالقيتي الطفلة ماتشرطش يخرجو أهلها كونطر الراجل وكي تقول الطفلة علاه
يقولولها انت بهلولة متعرفيش صلاحك روحي تشوفي كيفاه تولي بونيشة في دار راجلك و من بعد يخوفوها و ترجع تشرط الدار و تبدى تطلع في روحها و تنسى انو هذاك الراجل ليه مسؤولية كبيرة ويتعمر الفساد و يكثر الطلاق
لازم الواحد يشوف قدو وقد روحو و يتكل على ربي و يعرف انو كل حاجة تبدى من الصفر و مع الوقت تبني حياتك شويا شويا
ايه هي درجة درجة باسكو الزواج لازمو مسؤولية لكل من الزوجة و الزوج
و لازم يكون هنالك صبر علخاطر الزوجات نتاع دوركايا مايصبروش
يحبو كل شيء متوفر وزيد الزوج كاين الي قدو قد حالو
:-o
ايه وكتر الطلآق
لازم واحد يبدى من الصر ومن بعد درجة درجة تبني حياتك
وتانيك لازم تون الزوجة صابرة
وثماك تحس بطعم الحياة و كاينة حاجة تعيشو على جالها
الله يجيب ساعة الخير
ايه كي يفرجها ربي سبحانو تماك تحس بطعم السعادة
ان شاء الله يارب
و يبدل الزمان الي رنا فيه
الزمان نتاع دوركايا صعيب بزاااااااااف
كل يوم نخافو منو أكثر

ايه نخافو باسكو كل شيء تبدل في هد الدنيا
ربي يستر وخلاص
اسعدني تواجدكي
كل الشكر لكي اختي فلة
 
رد: الزواج كيفاش ولى

الزواج رجع فيه بزاف متطلبات ومصاريف يقدرو الزوجين يغلقو بيهم باب واحد آخر على بيها رانا نشوفو الطلاق في شهرين وفي تلاتة مي زمان المرا اذا تزوجت تعمل المستحيل باش ما ترجعش لدار باباها ياك ناس زمان هوما اللي خلاولنا (اللي راح وولي واش من بنة خللى)
ايه صح اختي الزواج في الوقت هدايا صعيب بزاااازاااااف
وزيد كثرة المصاريف وغلاء المعيشة
على هديا صح تزوج من مان با شهر شهرين يقولك راهي طلقت:mad:
ايه زمان الزوجة كانت مقتنعة حتى بالشيء القليل:up:
مي دوركايا لازم كلشيء يتوفرلها و لا تقولك نطلق:mad:
باسكو الحاجة كي تروح ماعندها حتى بنة كي تولي:up:
غير المظاهر الكدابة وعايشين في الهف ... المفروض كل واحد يعيش على حسابو علاش قبل الزواج الراجل تلقايه يتدين باش يصرف على بنت فلان وكي ياخذها وتفيق بليك راهو معمر بالدين تقوللو لوكان من الأول تدي على قدك
زمان على حساب ناسو الله يهدي

ايه دوركا كتر الكدب وعايشين غير في الهف كي قولتي بعد
ايه صح قبل الزواج يكون حاجة ومن بعد كي يتزوج يتبدل 360 درجة:-r
باسكو واحد مايعرف واحد حتى كي تعاشريه
مي المشكل الناس الي تتبدل في دقيقة وحدة:down:

سعدت بتواجدكي اختي:up:
كل الشكر لكي

 
رد: الزواج كيفاش ولى

السلام عليكم
والطلاق ما شفتوش كيفاش ولا المرا المطلقة كل طفل بمليون
هههههههههههههههه
المرا رابحة في كلت الحالتين ههههههههههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top