اختكم ضائعة عاونوني

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم ورحمة الله تعالى وبركاته وبعد هادي شحال وانا حابة نسجل في المنتدى مي خويا ميخلينيش نسجل في حتى منتدى وانا كنت ديما نتبع هادا المنتدى واليوم حبيتكم تعاونوني
عندي عام تعرفت على واحد صدفة وانا كنت مريضة بزاف وعندي مشاكل المهم كنت في حالة وكنت وحدي بعد متعرفت عليه وقف معايا عاوني في كل مشكل مخلانيش نحس روحي وحدي خلاص وبدلي كل حياتي كي سقسيت عليه قالولي اخطيك منو راه تع بنات كي صارحتو بواش سمعت قالي صح انا كنت طايش وتع مشاكل وحكالي كلش سيرتو يامات الجامعة وقالي تاني بلي معرفنيش صدفة وهو كان حاب يعرفني كي شافني وعجبتو سقسى عليا قالولو راها مستحيل تهدر معاك بسكو كامل يعرفو تع دارنا ويقولولي غير اخت الامام تع المسجد المهم انا تقلقت منو مي منبعد عرفتو بلي صح تبدل ولا انسان اخر وبعد يامات قالي انا منقدرش نبقى نحكي معاك هكا لازم نجيب دارنا نجي نخطب انا قتلو مستحيل يقبلو بسكو مزلت نقرا وماهمش رايحين يزوجوني حتى نكمل قرايتي قالي نعلمك برك قتلو علابالي مايقبلوش المهم انا بعدها دخلت للمستشفى درت عملية ريحت 5 ايام تما ماخلانيش وحدي حتى دقيقة حتى قلتلهم متخرجونيش وقف معايا وقفة راجل وجابلي تع دارهم طلو عليا وكانو كامل حابيني ودايما يعيطولي المهم بقينا مع بعضانا قالي معليش نستناك حتى تكملي قرايتك مي كان ديما يقلي حاولي مع داركم باه نجي نخطب انا مكنتش نقدر نهدر معاهم بسكو علابالي بالجواب
المهم كان ديما واقف معايا كان ملاك ميش عبد كان يوصيني على صلاتي على والديا على دارنا كنت لي نحتاجها يديرهالى وهو كان متخلق بزاف وبعد ما سمعو تع الحوما وسيرتو واحد كان يحبني دارولي مشاكل مع تع دارنا قالولهم رانا شفناها معاه وهادا كامل كدب انا جامي تلاقيت بيه واول مرة حكيت معاه وجها لوجه كان في المستشفى المهم انا قاسيت بزاف مع تع دارنا وهو كان ديمايقلي معليه كن ماجاوش يحبوك وخايفين عليك ميديرولكش هكدا وبقينا بعاد على بعضانا فترة كان يقلي راني نتعدب كي مقدرت ندير والو وقالي راني معاك عرفت الطريق الصح وبعدت على صحابي وانا عرفتو صح بلي تبدل وبشهادة الجميع حتى تع دارهم وبعد ما تعلقت بيه وليت منقدرش نعيش بلا بيه وتع دارهم كانو علابالهم كامل وبعد ما فات علينا عام انا كنت حابا نشوفو وش يقول قتلو ارواخ تخطب هو طار من الفرحة قالي مديلي يماك ولا اختك باه نفوتلها يما تهدر معاها وتقلها قتلو لالا لازم تجي تخطب على اساس منعرفك ماتعرفني واذا قالولك لالا مازالت صغيرة نورمال قالي تع دارنا علابالهم بلي راني معاك وكي يجيو ويقولولهم لالا وش نبان انا قدامهم قالي راهي هدرة رجال ماشي لعب قالي كي تقوليلهم انت ويكونو قابلين نجيو انا قتلو نتا بالهدرة درت كلش هو زعف مني بزاف كي قتلو هكدا قالي يسما انا مانيش راجل راني نهدر برك وقالي سايي منجيش نخطب شوفي راجل لي يهدر ويطبق وكوبا عليا انا كتبتلو ميساج قتلو نتا خداع وانا علابالي بلي هو ميش قصدو بعدها عاودلي وكان مقلق بزاف جامي شفتو هكداك قالي كي عدت انا خداع ابقاي على خير انا عرفت روحي بلي انا لي غالطة عيطتلو قتلو اسمحلي بزاف محبش حتى يسمعني قالي راني مسامحك دنيا واخرة ولي بيناتنا خلاص كي عدت خداع ونهدر برك وقالي متزيديش تعيطيلي
انا علابالي بلي انا لي غلطت هو كان ناويني صح وكامل علابالهم بلي يحبني انا ضك راني محطمة معلاباليش لا خسرتو ولا راني حايرة علابالي بلي جرحتو بزاف وهو كان ديما يساعفني ويخاف عليا معلاباليش وش ندير عاونوني وقولولي لهادي الدرجه جرحاتو كلمة خداع
واخر مره عيطتلو قالي مازلتي صغيرة نهار تعرفي وش هي اصول الزواج راكي تعيطيلي
بليز عاونوني والمشكل تع دارنا رافضين يزوجوني ضك وهو في الاول قالي نستناك وضك راح خلاص وانا متاكدة بلي مزال يحبني وراه يتعدب
وش هو الحل انا طلبت منو السماح 1000 مرة وش ندير
 
تم الاعتماد

الله يجيب الخير
ساعفيه انت ايضا
 
وعليكم السلام
ربي يسهلك اختي والله ملقيت واش ندبر عليك الاستخارة لو فيه خير ربي راه يجمعكم ولو مافيهش راه يبعدو ويرزقك غير وافضل منو .
 
السلام عليكم
أختي ماكي ضايعة ماوالو والمفروض ماتكمليش في علاقة هكذا مجهولة ومش واضحة ونهايتها مش باينة !
كان الافضل مني قالك نخطبك كن خليتيه يهدر مع اخوك في الجامع
يقلو راني جاي في الحلال مانظش خوك وتقولي عليه امام انو يغلط معاه ولا ينشعو

كن خليتيه يجي وفرات قبلو ولا لا هاذيك مشكلتو
لكن نتي بقيتي تهدري معاه حتى غلطتي وسي نورمال توصلو لهذ النتيجة لانو الاساس هش

حاولي تعتذري وامبعد اجبدي روحك ، اذا حابك صح راه يعمل المستحيل باش يعاودي ويجي يخطبك
واذا كان من مكتوبك اعرفي كفاش تهدري المرة الجاية معاه وخمي مليح قبل لتتكلمي
واذا مش مكتوبك ربي يعوضك براجل احسن منو

كثري من الاستغفار و صلي الاستخارة كما قالت الاخت ساندريلا ولي فيها الخير يجيبها ربي

دعواتي
 
وعليكم السلام
مع أنك ماقولتيش حاجة لي تخليه يزعف لهاد الدرجة
انت طلبتي السماح ودرتي لي عليك الآن أنا في رأيي ديري كرامة لروحك ومتزيديش تعيطيلو
خليه يحس بقيمتك وصدقيني إدا كان يحبك هو لي راح يعيطلك -مع أني نفضل أنو يخطبك أولا ثم تتعارفو لأني لا أحب العلاقات الغير شرعية-


وربي يهنيك وبعد أيام ان شاء الله تسجلي في المنتدى وتقولينا راه جا وخطبك هاكدا نفرحو معاك ;)


 
نفس المشكل في كل مكان...اختي انتي كي سمحتيلو يفوت على قلبك كان بشكل غير شرعي حتى لو بس بالكلام تما راكي جيتى على حق ربي على جال عبد تلك هي النتيجة اختي اذا من الاول دستى على قلبك على جال ربي كان ربي قدم لك افضل ما عندو ليك لكن للاسف العباد ولاو يجيو على حق ربي على جال قلوبهم.تعتقدي سيفلحون؟؟
 
ربي يسهلك اختي
كان الله في عونك
 
اختي نتي درتي لي عليك و هو لاكان باغيك راهو يرجع ليك
 
أختي راني قريت موضوعك .. و فعلا تأثرت معاك .. راني نتفهم شعورك .. الأمر صعيب .. و راهو مصيري ..أنا راني مع اللي ردولك قبلي .. تبعي نصيحتهم تفلحي أختي .
حبيت نعرف و نطمن عليك .. هل من مستجدات مع قضيتك .. هل مازال مصرا على قطع العلاقة أم هو عتاب لك فقط .
إن شاء الله يفرجها عليك و يفتحها في وجهك .. تقبلي تحياتي
 
ربي يسهل ان شا ءالله


ننصحك متكمليش فى علاقه كمى هادى

مش واضحه كيف راح تخلص

+++


رانى نشوف ديما نفس المشكل فى قسم هدا

ها زعما راكم تقرو فى مشاكل الي قبلكم ومزال تغلطو وتدخلو فى علقات مش مبينين وين يروحو
 
ويستمر مسلسل الحب وفي نهاية كل مسلسل من مسلسلاته اما موت البطلة او خيانة الحبيب او الافتراق او و او فقط لسبب واحد ان الجميع يبكي لهذه النهايات المئساوية ويتحرون جميع المسلسلات التي تنتهي نهاية سعيدة ويبحثون في قاموس الحب عن جملة *وعاشا بسعادة الى الابد.
اختي في الله اولا انا رايح نهدر لوكان جيت في بلاصتو :
مادام العايلة اي والديا واخوتي يعلمون اني معجب بك وموافقون على تقدمي لخطبتك فساضرب تفكريك عرض الحائط واهلك وكل الناس اولا من جهة اني نصفي نيتي مع ربي سبحانو تانيا نضرب عرض الحائط ما يرده اهلك منك لانه قبل ان تزوجو فان الله يزوج ثالثا اذا ما وافقوش اهلك اكون ضربت عصفورين بحجر واحد اني ما رايحش نتعذب لانك انت ما وافقتيش لانو مشروع الزواج مشروعك ماهوش مشروع اهلك وكي تكملي القراية ايه ومن بعد واش رايح تزوجي تزوجي باسكو اهلك واعتذر عندهم قصر نظر لانو ستة البنت الزواج واخيرا اكون عشت قصة حب بدات بهوى وانتهت بفراق ما نسمع منك كلمت خداع واذا صرا من بعد اي شيء لن اتحمل مسؤوليته و واخيرا ايضا فاتك شيء وهو استخارة المولى بالزوااج واخيرا ايضا انا نظن بلي هذا الشاب ضعيف الشخصية لاني لو كنت احبك نروح نضمن على اقل شيء الموافقة بعد ما تكملي قرايتك ونجي نخطبك هكذاك نكون ريحتك وريحت روحي ما نلعبها روميو ما تلعبيها نتي تاني جوليات واخيرا ايضا ربي يهنيك.
 
ويستمر مسلسل الحب وفي نهاية كل مسلسل من مسلسلاته اما موت البطلة او خيانة الحبيب او الافتراق او و او فقط لسبب واحد ان الجميع يبكي لهذه النهايات المئساوية ويتحرون جميع المسلسلات التي تنتهي نهاية سعيدة ويبحثون في قاموس الحب عن جملة *وعاشا بسعادة الى الابد.
اختي في الله اولا انا رايح نهدر لوكان جيت في بلاصتو :
مادام العايلة اي والديا واخوتي يعلمون اني معجب بك وموافقون على تقدمي لخطبتك فساضرب تفكريك عرض الحائط واهلك وكل الناس اولا من جهة اني نصفي نيتي مع ربي سبحانو تانيا نضرب عرض الحائط ما يرده اهلك منك لانه قبل ان تزوجو فان الله يزوج ثالثا اذا ما وافقوش اهلك اكون ضربت عصفورين بحجر واحد اني ما رايحش نتعذب لانك انت ما وافقتيش لانو مشروع الزواج مشروعك ماهوش مشروع اهلك وكي تكملي القراية ايه ومن بعد واش رايح تزوجي تزوجي باسكو اهلك واعتذر عندهم قصر نظر لانو ستة البنت الزواج واخيرا اكون عشت قصة حب بدات بهوى وانتهت بفراق ما نسمع منك كلمت خداع واذا صرا من بعد اي شيء لن اتحمل مسؤوليته و واخيرا ايضا فاتك شيء وهو استخارة المولى بالزوااج واخيرا ايضا انا نظن بلي هذا الشاب ضعيف الشخصية لاني لو كنت احبك نروح نضمن على اقل شيء الموافقة بعد ما تكملي قرايتك ونجي نخطبك هكذاك نكون ريحتك وريحت روحي ما نلعبها روميو ما تلعبيها نتي تاني جوليات واخيرا ايضا ربي يهنيك.

فـعـلآآآآآآآ كـلآآآمك صـحيح 100%
خـويآ وهـدي كل وحدةتـقول نورمآل تـفـسـدهآ
ربي يـهديهم برك:down:
 
  • أعجبني
التفاعلات: Hakan
jLd81689.png

do.php

السلام على من اتبع الهدى
على بركة الله
اولا اختي مع كل الاحترام شوكيتيني
انت بعد مكيش فاهمة روحك
علاش راك تأولي في حوايج معلبلكش بيهم
كان سمعتي كلامه احسن
منيش نانب فيك مي راك غلطانه
واش نقلك ... دام بدا معاك رح يبقى معاك ( من كلامك راه فيدال )
و الله اعلم
_ اطلبي السماح الا قدرتي
_ قوليله بلي راكي موافقه على الشيء لي قاله
و الباقي يتصرف فيه سبحانه
و ربي يهنينا ...
 
بغض النظر على طريقة التعارف

هو نشوف فيه دار لي عليه حب يجيب والديه وانت رفضتي وقابلتيه بكلمة خداع ؟؟
امالا لو لعب بيك وش تقولي عليه ؟؟
نظن المشكل منك لو خليتيه يجي يا اسود يا ابيض انت بقيتي تاولي في الحكاية في راسلك القلوب بيد ربي بالاك لو خليتيه جاء لكان والديك قبلوا

عمرها المسائل ما تبني على ظنون وشكوك
 
حبيبتي أنت درتي إلي عليك

طلبتي منو السماح خلاص خليه

إلا كان يحبك يرجعلك

وإلا صابها برك سبة باش يجبد روحو والا باش يذلك الله لا يردو
 
الله يجيب الخير
 
السلام عليكم
اذا كان يحبك صح مايخليكش
ممكن الراجل أساء فهمك
اعطيلو وقت خليه يهدأ و شوفي
اذا رجع راهو مزال يحتاجك في حياتو

بالتوفيق
 
اعذريني على تدخلي القاسي لكن طالب النصيحة مستمعو
يعني انا مستغربا كيفاش بنت عاقلة و مثقفة ومن عائلة متدينة ( اخت امام مسجد ) لها وزنها تتصرف هكذا تتكلم مع واحد غريب حتى ولو كان عبر الهاتف يبقى غريب و نقولو يا رب كملي بالخير يا الله .نسأل الله ان يهديك و يهدينا جميعا يعني حتى هو يخمم بينو و بين روحو بنت منعرفهاش وكانت تكلمني في الهاتف سي نورمال تقولي هذا الهدرة و كيما قالت الاخت عليك بالاستخارة ولو انها من المفروض تكون قبل ما تتطور هذا العلاقة مي كيما يقولو طفرت و ما تنسيناش الاستغفاااااااااااااار و سامحيني♡:(
 
السلام عليكم
أختي ماكي ضايعة ماوالو والمفروض ماتكمليش في علاقة هكذا مجهولة ومش واضحة ونهايتها مش باينة !
كان الافضل مني قالك نخطبك كن خليتيه يهدر مع اخوك في الجامع
يقلو راني جاي في الحلال مانظش خوك وتقولي عليه امام انو يغلط معاه ولا ينشعو

كن خليتيه يجي وفرات قبلو ولا لا هاذيك مشكلتو
لكن نتي بقيتي تهدري معاه حتى غلطتي وسي نورمال توصلو لهذ النتيجة لانو الاساس هش

حاولي تعتذري وامبعد اجبدي روحك ، اذا حابك صح راه يعمل المستحيل باش يعاودي ويجي يخطبك
واذا كان من مكتوبك اعرفي كفاش تهدري المرة الجاية معاه وخمي مليح قبل لتتكلمي
واذا مش مكتوبك ربي يعوضك براجل احسن منو

كثري من الاستغفار و صلي الاستخارة كما قالت الاخت ساندريلا ولي فيها الخير يجيبها ربي

دعواتي


كلام جدا منطقي ورائع
 
حبيبتي أنت درتي إلي عليك

طلبتي منو السماح خلاص خليه

إلا كان يحبك يرجعلك

وإلا صابها برك سبة باش يجبد روحو والا باش يذلك الله لا يردو

صحيح ربي برك اللي يعرف بنيته ... وربي يجيب اللي فيه الخير يارب
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top