حكايتي مع زواجي الفاشل ..

[مهدي الثعالبي]

رد: حكايتي مع زواجي الفاشل ..

ربما الرجل الذي لديه شخصية قوية يصعب عليك التأثير عليه ، لانه شخصية متمردة ، ماذا تختارين ؟

 

[أم منيــــــر]

رد: حكايتي مع زواجي الفاشل ..

ربما الرجل الذي لديه شخصية قوية يصعب عليك التأثير عليه ، لانه شخصية متمردة ، ماذا تختارين ؟

للاسف كاين شي رجال ميحبوش يستعرفو بلي كاين فيهم وحوش:down: يحوسو يمسحوا كل شي في لمرا وهدا غرور
​

 

[bilel milano]

رد: حكايتي مع زواجي الفاشل ..

و عليكم السلام
للاسف معرفش قيمتك اختي وانتي قداه راك صابرة معاه
بالصح الراجل كيف يزوج لازم يعرف قيمت مرتو اولا و من بعد ادا كان عندو حوايج ميحبهمش يستعرف بيها باه متتعداش الحدود
وبالعكس لازم كلمتو تمشي في دارو على الناس كامل لخاطر معضم المشاكل تجي من التساهل
يعني يدير عائلة و خلي الناس تاثر فيه بكلامهم
انا نقلك هذا مكتوب و ان شاء الله يكبر ولدك في عزتك و طاعة المولى عز و جل
و مشكورة على النصيحة صحيح لازم الانسان ميتسرعش و يرزن روحو قبل الزواج
تقبلي مروري اختي الكريمة​

 

[مابقاش بزاف.Dz]

رد: حكايتي مع زواجي الفاشل ..

مكتوب..الله يفرج ..و ربي يشدلك في وليدك و يحفظهولك

 

[مريم.]

رد: حكايتي مع زواجي الفاشل ..

ربي يفرجها عليك من بابه الواسع

 

[لؤلؤة قسنطينة]

رد: حكايتي مع زواجي الفاشل ..

السّلام عليكم
هذه هي الدنيا يوم مليح ويوم حاير
الحمد لله في الأاخير أنو ولدك راهو قدامك وماداوهولكش
وهادي هيا المشاكل العائلية لي تصرا, لما تكون العروسة تعرف الأصول تلقاي العجوزة العكس
وإذا العجوزة ناس ملاح تلقاي العروسة العكس
وكيما قلتيها ختي لربما كان سنك صغير بصح هادا مكتوب ربي
كاين لي تزوجو 16 في عمرهم وماصرالهم والو

وعجبتني نصيحتك في الأخيرة, لأنو البنات لي يخافو وتقولك يفوتني قطار الزواج
انا بالنسبة ليا مايهمنيش إذا يفوتني وإلا لا , المهم نعرف وين يديني هاد القطار
إذا كان يديني للهلاك ماعندي مانيدر بيه وخلي يروح على روحو
مكتوب ربي يلحق وحدو ماش حتى نجري وراه

ربي يعوضك غاليتي على كل الأمور لي فاتت والحمد لله عندك ولدك لي بيه تفرحي وبيه ترجعلك الروح
ان شاء الله يكونلك من الذرية الصالحة وينسيك في كل سنين القهر

وتاني نوجه تحية لوالديك, لأنو كاين بزاااف والدين بمجرد ماتتزوج بنتهم وتطلق يرميوها ويقولولها مانقبلوكش وخاصة إذا كان معاها ولاد, بصح نتي والديك ما شاء الله قامو بيك وبولدك لمدة 13 سنة كاملة

ربي يخليهملك وربي يهنيك ان شاء الله ويبعد عليك كل الحزن غاليتي
تقبلي مروري​

 

[بقايا إنسان]

رد: حكايتي مع زواجي الفاشل ..

سلام الله عليكم وبعد أختنا الكريمةنقولك:ممكن زوجك غاب عليه لعقل خاطربيناتكم طفل وزواجكم فشل واصحب النميمة والنية الفاسدة هو البطل
متندميش ختي على حلال درتيه الناس تندم ع الحرام وبنت 22 اذا رفضت الزواج في هذا السن فاتها القطار او الطرام
الناس مش كيف كيف
نقولك حاجة اختي راس مالك هو بنك وربي واصاه عليك متخافيش أما ابوه فممكن مغلوب على امرو واحد مشاف ضروفو
خاطر من غير المعقول الرجل يفرط في بنو او بنتو بهذي السهولة
ربي يرزقك برجل خير منو ويبني عليك الدار وتكوني انت هي صاحبة القرار

 

[Happy Girl]

رد: حكايتي مع زواجي الفاشل ..

السلام عليكم
راني متاكدة انك كتبتينا هاذ الحكاية بدموع و انا لما قاعدة نقرا تخيلتك قدامي تحكي لانو و الله حسيت بكل كلمة كتبتيها و تخيلت ما هو مخفي بين السطور
ديري في بالك انو كل شيء مكتوب عند الله قبل ما نخلقو عليك بتسليم للقضاء و القدر لانه جزء هام من الايمان و شوفي لولدك ربي يخليه و يكبرو في طاعة والديه و هذه الا الحياة الدنيا و تذكري شيء مهم اننا خلقنا لنعبد الله قبل كل شيء اما الامور الاخرى دعيها للقدر فما عند الله اكيد خير من كل شيء اتمنى لك دوام الصحة و العافية

 

[مريم.]

رد: حكايتي مع زواجي الفاشل ..

ربي يعوضك برجل احسن منه