حكايتي مع الموطووووو

باسم السطايفي

:: عضو منتسِب ::
إنضم
13 فيفري 2015
المشاركات
35
نقاط التفاعل
22
النقاط
3
do.php

....... خطرة كنت مريح جاتني فكرة جهنمية درت قرعة فارغة فالرودة لاريار .. و هبطت الهبطة تاع لاسيتي
خرجت فيلو تاعي كي لحقت للحومة لقيت صحابي العرايا يلعبو بالرولمة داقتلهم كي شافوني خخخخخخخ

و كانت الفيلو تاعي دير شغل موطو ..... الغاشي كلها تكحل ...... فزلاو قاع يعاندوني ولاو يعيطولي سبيد رايسر
بطل السباق خخخ..... واحد النهار شافوني بالفيلو تاعي تان .. جا ليا واحد الانوش قالي أيا نبرزلك
الفيلو تاعك بفيلو كوكا محبيتش ورحت مشيت بيها بالا 6 كلم و بديت ندير لي فيراج و كنت شاعل البوست
آ فووو و كنت داير الغنية تع ''طيري طي طي طيت, تشيواوا !طي ري طي طي طيت. تشيواوا.. أوووووتشيواوا ''
.....و حدث ما لم يكن في الحسبان.... قاسني
كاميو من نوع سوناكوم K65..تيراني ما عرفتش روحي قاع وين طحت ... بقيت مكسل فالأرض ;واحد ما جا ليا بسك
انانيش يخافو الدم.... حتى جا ليا هداك لضربني ..قالي دوك نديك للسبيطار ..... طلعني
معاه فسوناكوم تاعو ودارلي الأغنية تع سلمى يا سلامةة رحنا و جينا بالسلامة.... و داني
للمستشفى فخيطوني في راسي دارولي بابيون.... السيد هدااك كـآن بقآآر موآآل و عندوو الشكارة
هو ضربني بفيلو تاعي و كي خآف عطاني شكارة دراهم وقالي هاك أوليدي شري بيهم وااش تحب
وسمحلي هدا مكاان ..... شريت بيهم موطو.....و رحت للحومة لقيت صحابي حارو فيا
كنت نتورني فلحومة فلموطو حتى حفظتلها قوالبها و ذات مرة جآ خبير موتو جي بي
ولقاني نرعّد فلموطو هاديك و نطير فيها و ندير العجب و هناك وقع بصره على موهبتي


تلك قصة أخرى كااش عام نحكيوها
أيا دمتك
 
آخر تعديل بواسطة المشرف:
رد: حكايتي مع الموطووووو

ايا دبرتها ههههههههههه خيطولك راسك وخيطت فيها شكارة صوارد
الصغر شحال فيه طوايش الواحد فينا يدير ديـgـا ومعلابالوش هههه
المهم خرجت سلامات كيما يقولو سالم غانم
شكرا على القصة نستناو القصة الثانية بفارغ الصبر
يضاف الموضوع لقائمة مواضيع http://4algeria.com/forum/threads/419250/ تع شهر مارس
 
رد: حكايتي مع الموطووووو

انا مزال مدخلتش في عقلي يعطيك شكارة تاع دراهم لوكات غير تصرالي و يعطوني 2 شكارات
شحال ف يها الصوارد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
رد: حكايتي مع الموطووووو

ايا دبرتها ب موطو
مي قداه فيها الدراهم هاديك الشكارة ؟هههههه
 
رد: حكايتي مع الموطووووو

بصحتك مزال عندك الموطو
 
رد: حكايتي مع الموطووووو

بصحتك خويا المشروع يتضمن ايضا الدراهم هههههههههههههههههههههههههههه
 
رد: حكايتي مع الموطووووو

قالك رب ضارة نافعة
ههههه والله طوايش الصغر يضحكو
الله يباركلك في رزقك
 
رد: حكايتي مع الموطووووو

انت سرالك كيما انا بصح انا الموطو ووو مايش تاعي سرقتها لوحد الشيباني و هربت و دخلتها في واحد حاط على الطريق يبيع في الكازيات تاع البيض اما منحكلكش كي وليت كازي مGعدله صحيح و انا ضلعة مبقات صحيحة نشفى عليها كيما دروك 17 مساك في كراعي و راسي هههههههههههههههه

انت صاحبي ههههههههههه مليحة تاع الغوزبونبون يخافو من الدم

مرسي عليك راك تسالني قهوة في الهبطة تاع الليسي
 
رد: حكايتي مع الموطووووو

سنعود بعد قليل

يا خويا حكايتك لازم نعاود نقراها ...
وأكدلي على رحتو للسبيطار بغنية ( سلمى يا سلامة ... ) عرس هههههه


do.php
 
رد: حكايتي مع الموطووووو

هههههههههههههه يليق يديروها فيلم هندو اكشن فارسيو جزائرية تحت اشراف سلمى يا سلامة ههههههه
do.php


مليح لحكاية صحيت خويا
 
آخر تعديل:
رد: حكايتي مع الموطووووو

ههه
سلامة راسك آخويا ومن الفيلو للموطو الله يبارك يعني مانضعرتش ههههه
ربي يحفظك خويا نستعرف بيك راك عشت الصغر ههههه
سلام
 
رد: حكايتي مع الموطووووو

ان شاء الله خويا ربي يعطيك ماتتمنا
 
رد: حكايتي مع الموطووووو

وقيل الردود اهنا بالمعريفة خويا صحيت
 
رد: حكايتي مع الموطووووو

سلام خويا
انت درت اقتباس لاعضاء من دون اخرين ومن بينهم ردودنا ولا ارني غالطة
 
رد: حكايتي مع الموطووووو

شكرا لك اخي
وكل التوفيق لك يارب
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top