كـرسـي التعآرف { الضيـف السادس} Ra Off

[أم منيــــــر]

رد: كـرسـي التعآرف { الضيـف السادس} Ra Off

Ra Off
:: عضو شرفي ::

https://www.4algeria.com/forum/t/421318-2/#https://www.4algeria.com/forum/t/421318-2/#​

تاريخ التسجيل : 26-02-2007
رقم العضوية : 1815
الإقامة : الجزائر - سوق أهراس
الجنس :

العمر : 25 - 30
المشاركات : 4,108
​

انا عندي سؤال واحد
انت عضو قديم وعندك مشاركات فوق اربع آلاف
علاش مراكش تدخل بزاف انا والله في البداية كنت ظانتك عضو جديد كشفت البيانات تفاجأت
اكيد كنت نشيط باش لحقت لهنا بصح علاش لاشيت
هادي البداية ومازال مازال
شكرا لك
​

 

[Ra Off]

رد: كـرسـي التعآرف { الضيـف السادس} Ra Off

السلام عليكم ورحمة الله تعالى وبركاته
وأخيرا أعزائنا الكرام اللحظة التي إنتظرناها بفارغ الصبر
الأخ رؤوف أهلا و سهلا بكم على الكرسي الذي طال إنتظارنا لك فيه

​

اهلااااااااا خويا سماعيلوووووو
شكرااااا هههه ما حطيتوش واعر هكا الكرسي هدا ايا مرحبا بيكم نتوما تاني هيه الاسئلة تعك فيها شوية صعوبة

الأخ رؤوف ماهو شعورك بعد ما حقت حلم الطفولة وراك تتواجد في كرسي اللمة ههه ؟

سعيد بلقائكم ، أنتم من اعرفكم وحتى من لا أعرفهم
هناك من لم التقيهم منذ سنين ففعلا تعبيرك في محله أنا اليوم كطفل يفرح بعيد
او غريب عاد من غربته

يقال الكثير من الأطراف هاجماتك و قضية الإستمارات اللي نحرقت في أرشيف المواضيع المكررة و المخالفة كاينة منها و أخرى قالو بلي تسرقت و راهي دور في منتديات أخرى كاينة منها ولا لا؟

ام قالو الأرشيف تعي داتو الزنزلة
وعندك الحق كاين منهم لي لقيتهم في منتديات اخرى جاري تجميعهم واعادتهم
للمجلس اللماوي

أحكيلنا على بدايتك في المنتدى الكل يعلم أنك تمشيت 48 ولاية أه قصدي كل الأقسام و تعرفت على شباب ويقولو أنك صديقهم الكل هل هذا صحيح؟ ورأيك فيهم ؟

بدايتي لا أذكرها جيدا ... سجلت في فيفري 2007 كنت نعمل في بحث على السكن المزابي .. ولقيت عن طريق GOOGLE موضوع هنا يتكلم على غرداية
ومن ثما بقيت نتابع في صمت تحركات الاعضاء والاخوة اللي بيناتهم والجو اللي كانو عاملينو هنا ... حتى قررت نحط اول موضوع
لكنو للأسف طله مكرر ههههه

وبالشوية بالشوية وليت مشرف وتعرف على اخوة واخوات ماشاء الله ومازال

أخبرنا عن رؤوف صغره ،كيف كبر ،مستواه الدراسي و عمله إن كان يعمل ؟
هوايات رؤوف؟

صغري تمتعت فيه كيما يلزم ... جريت حوست لعبت وهملت وتعاركت
ورغم كل هاذ الهملة
كنت دايما الأول في القسم

رؤوف من يحب أكثر الأم ام الأب ولماذا؟

والله في زوج عزااااااااااااااااااز على قلبي مانقدرش نعطي أولوية
نحبهم ونقدرهم وعلى بالي بلّي نخدم عمري كامل عليهم وما نرجعش جزء من خيرهم

رؤوف حاد الطباع أم متواضع رزين هاديء؟
إجتماعي أم وحداني؟

تعرف البحر ... راني كالم وهاذئ الى ابعد الحدود
لكن كاينة بوطونة حمرا اذا شعلت نولي تسونامي ومانعرف حتى واحد
الحمد لله ماصراتليش بزااف هادي ونتمنى نبقا دايما هادئ

اجتماعي ونقلق كي نكون وحدي
أما في الأقات لي نكون تعبان ونحب نرتاح نحب نكون وحدي

متزوج خاطب ولا مازال تعيش الشباب؟هههه

هههههه علاه الل مش متزوج دفع كوارط الشباب مابقاش شاب هههه؟؟
يا خويا تقدر تقول الخطبة في سبتمبر ان شاء الله

نكتفي بهذا القدر مازال الخير القدام

شكرااااااا سماعيلووووو
ماخليت فيا والو ههههه
​

 

[Ra Off]

رد: كـرسـي التعآرف { الضيـف السادس} Ra Off

السلآم عليكم
آهلآ ببيك روروروروف هههه شحال ستنينا هاد النهار
اهلا بك على كرسي الجمر كما سماه نجيب
شد الهمة راني نوجدلك فسيري تع الاسئلة رانا حالفين فيك ههه
ربي يكون فالعون ​

وعليكي السلااااااااااااااااااااااام
وبيك اهلا ميرة شكراااا ههههه هرمنا من اجل هذه اللحظة

ااه يا ميرة بشوية برك نحكم عليك الاسئلة كامل مي بار فاسيليتي
آمين ياربي شكرا ونوّرتي القعدة

نجيب او راح يشري فالجمر ههههههه
​

 

[♫الباحثة عن الحظ♫]

رد: كـرسـي التعآرف { الضيـف السادس} Ra Off

رؤوف راه اهنا
اهلا اهلا خويا مرحبا بيك
في الكرسي
ربي يحفظك و يعطيك ما تتمنى
مش راح نطول سؤالين فقط
شكون رؤوف اوصف روحك شوي
وواشراك في بادشونص

تحياتي
​

 

[آمال النجاح]

رد: كـرسـي التعآرف { الضيـف السادس} Ra Off

السلام عليكم و رحمة الله

أهلا و سهلا و مرحبا بالضيف الكريم

نورت الكرسي (( كرسي الاعتراف ))

أسئلتي اليك هي

اذا كنت تحفظ القرآن الكريم الي أين وصلت في الحفظ ؟

اذا كنت تستمع الى قراء من مقرئي القرآن الكريم ماهو القارئ الذي تفضله و تحب أن تستمع اليه كثيرا ؟

تفضل الصلاة في المسجد و مع الجماعة أو الصلاة في البيت ؟

هل تصلي و تصوم النوافل ؟

ما هي أكلاتك المفضلة و تحب تناولها دائما ؟

ماذا تفعل في أوقات فراغك اذا كان لديك أوقات فراغ ؟

ماهي هوايتك المفضلة ؟

ماهي الأمنيات التي تريدها أن تتحقق لديك ؟

هل لديك أي شخصية من الشخصيات المشهورة في أي مجال المجالات تأثرت بها أو أثرت فيك ؟


ان شاء الله أكون خفيفة الظل و أسئلتي بسيطة و لم تتضايق منها

في أمان الله ​

 

[Ra Off]

رد: كـرسـي التعآرف { الضيـف السادس} Ra Off

وعليكم السلام

قلت المرة هادي نزرب قبل مايفوتوني الاعضاء بالاسئلة شوي لقيت نجيب واسماعيل تهلاو في الحالة ههه :p
اهلا وسهلا بالأخ رؤوف

هههههه أيا مليح لاباس راكي مالأوائل
مرحبا بيك اختي شوشو كيما يعيطولك ... شكرا على الترحيب والحفاوة

​

جاري العزيز
آنعم جارتي العزيزة باسم الله :


-علاش زمان كنتي داير اسمك جوكر وبعدها بدلتيه ؟
تقدري تقولي تطير هههههه ما خرجش عليا وحان الأوان باش نرجع رؤوف
لالا في الحقيقة مازال لدرك يعيطولي جوكر فالكرتي وصحابي لي نعرفهم كامل
مي هكدا نحب اسمي برك رؤوف تاني مليح

​

-واش تحب تاكل ؟
البارح كنا نحوسو انا وصاحبي وحبسنا عند واحد تونسي يدير مأكولات تونسية
دارلنا وحد العفسة اسمها المقلوب .. أول مرة ناكلها وعجبتني ( ساعة وانا نبرّد فيها )

-شحال عندك من اخوة ؟
أنا وأخوين خليل ويوسف وأخت وحدة متزوجة

-المقرئ اللي تحب تسمعلو ؟
سعد الغامدي وماهر المعيقلي الله يبارك في أصواتهم

-سورة اقرب لقلبك في القرآن؟
سورة الإسراء .. كنت من بكري فالصغر كل ما أملك بوست وكاسيطة وحدة تع قرآن الشيخ عبد الباسط عبد الصمد تلاوة لسورة الإسراء كنت كل ليلة نحطها قبل ما نرقد

-حلم مازالت تحلم باه تحققو؟
الانسان مهما حقق يبقا طمّاع .. فاللي مازال حاب نحققو هو تكوين اسرة صغيرة
زوجة صالحة وابن او ابنة نعيشو في سلام كيما قال نجيب

-واش رايك في الحجاب تاع اليوم ؟
كارثة .. لا أسميه حجاب وحتى الفولارة شكلية اذن نسمية HIJAB PROFORMA

-كيفاه تحب اختك او مرتك تكون لابسة حجاب ؟
حجاب لما تمري في الشارع واحد يشوف فيك .. حتى اللي نظر فيك ينظر نظرة احترام وتقدير ليك وللي ربّاك مش نظرة شهوانية ... نتمني البنات كامل يفهمو هاد الشيء

:graduation::graduation::graduation:نتمنى تكون اسئلة خفيفة
لالا كيما المقلوب خفيفة وبنينة ههههه شكرا اخت شوشو على المرور الطيب
نوّرتي بطلتك ونتشرف بيك في كل وقت

 

[ثَسْكُورْثْ نَثْدُوكْلِي]

رد: كـرسـي التعآرف { الضيـف السادس} Ra Off

سلام عليكم خويا رؤوف
نتمنالك قعدة حلوة ان شاء الله
وعلبالي الاعضاء راحين يتهلاو فيك الله يبارك

فقط عندي ه>ي الاسئلة

~ واش تعلمت في هذي الحياة ؟؟
~اذا قلتلك قدملي نصيحة حتى ولوكان ماتعرفنيش واش هي النصيحة لتقدمهالي ..؟؟؟
~هل الاخ رؤوف من متتبعي السياسة ...؟؟؟

ايا اكتفي بهذ القدر مانعرفش نمد بزاف ليكيستيو
بالتوفيق ليك
راني نجي نقرعج هههه برك
تحياتي

 

[Ra Off]

رد: كـرسـي التعآرف { الضيـف السادس} Ra Off

بسم الله نبداو
​

هياااا بسم الله .. رورورو :sport01:


ادا تقرا واش تخصصك + السنة ؟وادا خدام نوع خدمتك ؟
كملت لقراية في 2012 مهندس دولة في الهندسة المعمارية
وحاليا راني نخدم في مكتب دراسات privé
ترتيبك فالعايلة ؟
أنا هو الجادور ههههه كبير القوم .. حنا الذكور بين كل واحد وخوه 10 سنين
انا 29 خليل 19 ويوسف 9
شحال عندك اخوة ؟بنات وولاد
2 ذكور .. وبنت وحدة
بلاد متمني تزورها ؟
بلاد مافيهاش التقرعيج .. حاليا راني متمني نلقى فرصة في الخليج
لأنها تناسب عملي
اجمل فترة مرت عليك ؟
من 2008 الى 2013
حكمتك في الحياة ؟
petit a petit l'oiseau fait son nid
حبة حبة ونجيبوها فالفيلي ههههه

فالحالة الاجتماعية حاط انك خاطي .. تع صح خاطب ولا غي باش تبعد الذبان ؟هههه
خاطي ولا خاطب ههههه
لالا الحمد لله عندي شريكة

روروروف من النوع لي فقلبو على لسانو ولا كتوم ؟
في حاجة الحق قلبي على لساني
وفي بعض الأحيان نخبي في قلبي اذا كان كلامي يجرح او يقيس انسان اخر
ساعات نرضاها نسكت ومانقيس الناس

آخر مرة تضاربت مع شي واحد ؟
هههه تضاربت مع مقاول سرّاق انا نقولو تريب واش بنيت وهو يقولي خلاص درك نتفاهمو .. هازلي بالة وجايني وانا علابالي بيه مايقيسنيش خاطر هو الغالط
وهكداك كان منا لغدوة راب البناء المغشوش وتعاود من الأول

زرت تلمسان ولا جامي ؟
نتمنى نزورها والغرب كامل .. ماجاتنيش الفرصة نجي

وش هما الولايات لي رحتلهم ؟
تقدري تقولي راني ابن بطوطة في الشرق فقط
سوق اهراس لي راني فيها وعنابة لي عشت فيها اكثر من 8 سنين سكيكدة الطارف
قالمة تبسة ام البواقي بجاية جيجل سطيف باتنة
والعاصمة وتيبازة كأبعد نقطة

شفت من تعليقاتك انك شخصية مرحة هكا حتى فالواقع ولا غي هنا ؟

نعم نحب نوصل الفكرة بطريقة مرحة .. لانو ساعات ندخل مواضيع
تالمو السيريو فيها نبدا نتثاوب .. شوية هك وشية هك
وحتى في الواقع خدمت مع جماعة شهرين قلبتلهم البيرو .. لدرك ومول البيرو
يقولي نزيدك واش تحب وارجع اخدم معانا
​

 

[Ra Off]

رد: كـرسـي التعآرف { الضيـف السادس} Ra Off

راني خايف الى ضحك علي كيما فقير ضحك على روراوة رايح نحوس عليه بلاك راح منتدى أخر​

هههههه
ياويله ويكون دارها
شكيت يكون خايف يدخل يلقى الصدمة
بلاك راه عاد يدعي ويصلي صلاة الاستخارة​

هههههههههههه ما تخافوش أني عضو ليلي حتى لوكان تلقاوني فالنهار موكنكتي
لكن نرد عليكم غير فالليل

​

 

[Hakan]

رد: كـرسـي التعآرف { الضيـف السادس} Ra Off

سلام اهلا بالشيخ رؤوووف
المهندس المعماري
الكبير وابن الكبير
اسئلتي تقرعيجية بزيادة
اولا واش راك تخدم درك كاش ما تريال يعني سيارة ولا ماكاش
لوكان تبانلك خرجة لاروبا تسكن لتم وتزور دزاير منين ذاك تروح ولا؟
رؤوف الطفلة اللي قلت عليها حبيتها ولا هكاك شافوهالك ايا قلت بسم الله؟
واش رايك في الزواااج ؟
رؤوف يعرف يلعب كورة ولا؟
حاب نتعلم الفطوشوب نتاعك ماشاء الله تقدر تعطيلي خطواات باش نتعلمها ؟
حاب منك تخدملي صورة تقدر خويا ولا نديرونجيك؟
ايا احكيلنا على البنت اللي كنت ضحية ليها خخخخخ؟
وفي الاخير هل انت ملتزم ولا انسان عادي ؟
واخيرا ربي يهنيك بصح مازال اسئلة راني نرجع ان شاء الله..​

 

[Ra Off]

رد: كـرسـي التعآرف { الضيـف السادس} Ra Off

السلام عليك
الله الله شكون الضيف هههه روفو

آهلا بيه راه منور ههه القعدة ليوم يسلخوه

أهلاااااا منيني وعليكم السلااااااااااااام
مرحبا بيك نوّرتي القعدة
خلاص راهم ماخلاو فيا والو

​

الأسئلة :

شكون لي خيرلك الدومان نتاعك أنت و لا الأهل و لا جات صدفة ؟
أنا من بكري عندي موهبة في الرسم .. ومع أني ما خيرتهاش في أول قائمة الاختيارات كنت حاب ندير محروقات وكيمياء تع بومرداس لكنهم بعثوني هندسة معمارية ... مكتوب ربي ( لوكان قريت محروقات راني درك شوماج كيما شكيب خليل )

الألوان لي تبغيها ؟
الأزرق والأسود ههههه كيما الفستان العجيب هاذي في اللبسة

الأكلة لي تبغيها ؟
نبغي الأكلات الخفيفة مانعرفش الأسماء مثل أطاكوس والبيتزا تع البيت والمحاجب

حكمة تؤمن بيها ؟
على قدر حسن ظنّك بالله تجد ما تظنّه ( وعن تجربة )

سورة قرأنية تعني لكَ؟
سورة الإسراء


و أكيد راح نرجعلك ههه
ههههه خلوني نتنفس شوية مرحبا بيك منيني نورتي

 

[Ra Off]

رد: كـرسـي التعآرف { الضيـف السادس} Ra Off

السلام عليكم
أهلا بضيفنا رؤوف
ما نكثرش على صديقي الأسئلة
​

اهلا بصديقي وزير الرياضة جمال
وعليكم السلام خويا لعزيز .. عابالي بيك سبورتيف ماتكثرش
ربي يحفظك خويا هههه


- درست الهندسة المعمارية عن قناعة و لا المكتوب هو اللي خلاك تقراها ؟؟
هي كتبتلي خلاص ماعندي حتى مفر منها .. لكن لأني ماكنتش مقتنع بيها كثيرا واجهت صعوبات كبيرة في هضمها
مش قضية صعيبة لكن اك تعرف كي تكون انت مثلا شبعان ويجيبولك طبسي رفيس كيفاش رح توكلو ؟

- من Jocker إلى Ra Off واش هو اللي تغيــر ؟؟
ما تغير والو حبيت نبدل برك لأنو اسم جوكر فيه ذكريات اليمة
تخليت عليه

- نوع لباسك المفضل ؟؟
عادي ماعنديش ستايل محدد نلبس واش يحلالي في عيني
مع أني ما نحبش بزاف الكلاسيك

- هل أنت من هواة المطالعة ؟؟
نعم لكن خفيف ظريف .. لكن ميولي دائما الكتب العلمية
اما الادبية ففففف مش بزاااف

- فريقك المفضل ؟
الميلان مسكينة .. والريال في اسبانيا

​

 

[Ra Off]

رد: كـرسـي التعآرف { الضيـف السادس} Ra Off

عندك الحق نجيب راه يبان ما ظهرش :d
الله يسلكها على خير
يلا دارها صح نهربو انا وياك من المنتدى حتى يكمل الاسبوع ونرجعوا:$:$
​

ههههههه شكون يخلي حبابو ويهرب


​

 

[Ra Off]

رد: كـرسـي التعآرف { الضيـف السادس} Ra Off

Ra Off
El artista del mundo

تَحِيَّةُ كَبِيرَةٌ لَكَ حَفَّظَكَ اللَّهُ وَرِعَاكَ​

الله يحفظك خويا الفنان الكبير مينو
نوّرت خويا

​

 

[SOFIANE020]

رد: كـرسـي التعآرف { الضيـف السادس} Ra Off

سلام عليكم
رؤوف خويا واش راك ان شاء الله بخير
ما عندي اي سؤال ليك
ساكتفي بالتقرعيج
بالتوفيق ليك
​

 

[Ra Off]

رد: كـرسـي التعآرف { الضيـف السادس} Ra Off

نجيب ادخل ما كان لاه تحشم هاودا رؤوف دخل مادارش كما فقير
الحمد لله خرجت سلامات هههههه
​

ههههههه سامحوني على الإطالة
​

 

[Ra Off]

رد: كـرسـي التعآرف { الضيـف السادس} Ra Off

القعدة مطولة ريح راسك بفنجان قهوة

من بعد نجيبو لعشا لاخاطر انت منا ما راكش متحرك حتى تجاوب على كل الاسئلة
​

هههههه لحقت لعشا وهدا وين وصلت للفنجان ياختي راهو برد
الصح الصح هذا ما خصني

فنيجين قهوة
ربي يحفظك ويكثر خيرك نشلله
​

 

[sahiko hamza]

رد: كـرسـي التعآرف { الضيـف السادس} Ra Off

حبيبي رؤوف


هععع اني جيت ... احم احم وجد روحك


بون اسئلتي واضحة


نعطيك الاسامي وانت قلي واش يعنولك

vip_sa zazou_psy ali4lgeria sami.23
المشرفة لي كانت معاك في المنتدى العام نسيت اسمها
hard_way
سامي وليد عمك
سي فلان مول الكوستيم
احمد الجزائري
hitler


الصور الجماعية لاعندك

2-اول حوار بيناتنا لاتشفالو
3- جاوب على هذو ومن بعد ساهل الحال

​

 

[العـآئـدة إلـى الله]

رد: كـرسـي التعآرف { الضيـف السادس} Ra Off

بسم الله الرحمان الرحيم
السلام عليكم ورحمة الله تعالى وبركاته
لو خيروك تكون مشرف أي قسم تختار ؟
- صــف نفســـك بكلمتيـــن فقـــط..!
-مــاهــو الشــئ الذي ندمــت علــي عمـلــــه؟!؟
-كـلمـــة تمنيـــــت ان تسـتطيـــع سحـبهــــا؟!؟
كلمة تود سماعها كل يوم؟!؟
غرق المنتدى ومعك قارب مايشيل الا ثلاثه من تاخذ معك ؟
-حلم لا تستطيـــع تحقيقه؟!؟
سلام
​

 

[سفيان اسلام]

رد: كـرسـي التعآرف { الضيـف السادس} Ra Off

السلام عليكم اخي نشالله تكون بخير
سؤال واحد فقط

1-شخـــص لطــالما حـــلمـــت بــــه؟!؟
وكل التوفيق لك اخي