انا فتاة عنري 17 سنة ادرس السنة الثانية ثانوي وانتقل الى قسم الباكالوريا ان شاء الله نتزوجة باستاذي الذي درسني السنة الاولى وهو الذي درسني في السنة الثانية ثانوي ايضا واسكن في سكن تعليمي يعني الخاص بالاساتذة
المهم ليس هنا المشكل اتفقنا واتفقت العائلتين على شرط اكمالي للدراسة حتى وان كنت معه متزوجة وهو الان في عمر 25 سنة بالمناسبة هو سلفي وانا متجلببة واشهد على اخلاقه العالية واني احبه وهو يحبني والحمد لله هكذا كنا
وبمرور عام ونصف الان من زواجنا اصبح يكرهني ولا يتحملني اتعرفون لما لاني لمدة عام ونصف لم يتقربني ولم يلمسني الا مرتين وكنت دائما اخاف واتهرب واجد له اسباب كي لا يتقرب مني والان هو يقول لي بانه صبر معي اكثر من الازم وقال لي انه في الاول اعتقد اني مازلت صغيرة ولا افقه لكن الان قال لي بانه لا يستطيع التحمل بان نعيش في غرفة واحدة ولا يقربني وانا والله اخاف منه كلما يقربني والا اعرف ما الحل وهو يريد اطفال وانا اتسبب واجد اعذار باني اريد اولا اجتياز البكالوريا وقال لي لا باكالوريا ولا اي شيء
والله كارهة حياتي ولا اعرف ماذا افعل
انا الان في بيت امي وقلت لعائلتي اني جئت اليكم لعطلة وهم فرحين بي
لكن قلبي مقهور ولحد الان لم يتصل بي هاتفيا وانا مترددة ولم اصارح امي باني ارفض قرب زوجي مني لاني خائفة منها
ولاني شديدة الحياء لا استطيع ان احل مشكلتي ابداا وكلما كلمني زوجي عن المعاشرة يتغير لوني واشعر بلخوف الشديد على الرغم اني لم تحصل لي اي حادثة اغتصاب او ماشابه ذلك لكن لا اعرف لما اخاااف والله محتااارة
والان اخبرت عائلتي اني لن اعود اليه لكن قلت لهم بانه لم يتركني اكمل الباكالوريا ولم اخبرهم عن هذا الشيء وامي قالت لي بيتك اولى من الدراسة وانا ابكي حرقة وهم يظنون اني عن الدراسة ابكي ...........
افيدوني من فضلكم الانفصال افضل ام ماذا افعل لاني لا استطيع جربت ولكن لم انجح في التقرب واحسه انه يكرهني ونادم لانه تزوج بي
ودائما يقول لي ~ لا اظن ان هاك شاب سيصبر كما صبرت انا معك ~ وكم تالمني هذه العبارة ..ز
رد: لا استطيع التقرب من زوجي وهو الان يكرهني ساعدووووني
تم الاعتماد
صح ماكانش شاب يصبر عليك كما صبر هو
الله يهديك يا اختي
تقولين تحبينه؟؟؟؟؟؟ كيف؟؟؟؟؟؟؟؟؟؟؟؟الحب مش مجرد كلام
في عام و نصف تقرب منك مرتين؟ العام فيه 365 يوم يا اختي الله يهديك
اتقي الله في زوجك
اتقي الله في زوجك
اكيد تكوني حطمتيه و دمرتيلو احلامو
كل شاب يتوقع امور كثيرة من الزواج
مثله مثل اي بنت
هو ايضا يحلم بالاتقرار و الراحة و الحب و الرمنسية ووووو
حنا الجزايريين ما يعبروش لكن هذا هو الواقع
اتخيلي كم ليلة رقدتي و الملايكة ينعلو فيك ....
اتخيلي كم ليلة هو انتظر و ربما بشوق خاصة الشهور الاولى و انت ترديه ....
اتخيلي الاعذار لي عطاهالك............
كيفاش حبيتيه يفهم بلي تحبيه؟ اين الحب؟ انت انثى و الانثى تحتوي مش تتهرب
لا حكاية صغر و لا اي شي
راهم في الابتدائي و يفكرو في الحب و العلاقات ووو
وش نقولك حبيبتي
اتقي الله في زوجك
من المفروض انت تحصنيه
اتقي الله فيه و اتقي الله في نفسك
حبيت نقولك كلام كثير لكن هنا على الخاص ما نقدرش اكيد
اذا حبيتي تراسليني على الخاص مرحبا بك و راني معاك حتى تفوتي هذي الازمة ان شاء الله
رد: لا استطيع التقرب من زوجي وهو الان يكرهني ساعدووووني
لا اظن ان احدا سينصحك بالطلاق
جيدي لنفسك حل انت ادرى بزوجك
الاشياء هدي انا نعرف اطباء مختصيين يقدرو يساعدوك والطريق الى السعادة بين يديك لا بنصائحنا احبيه حاولي ان تتذكري كيف كنت من قبل
يعني ايام الحوالي تقدر ترجع.
الورود لن تذبل ان نحن لم نتوقف عن سقيها
حاولي ان تسقي هدا الحب بيدك وبإرادتك
وشكرا
لا تنسي الاستخارة والاستغفار
رد: لا استطيع التقرب من زوجي وهو الان يكرهني ساعدووووني
نقلك خيتي صرااحة وبلا ما تزعفي
لوكان جيت في مكان زوجك ياحسرااه لوكان راكي في بيت ابوك ثلاث نسوان حلو محلك
يعني سبحان الله انت عام ونصف ولم تقتربي من زوجك عن اي حب تتحدثين وعن اي خرطي تتكلمين
وتزيدي راكي جاية تسقسي فينا اسكو ترجعيلو ولا
نورمالمون كان الاولى بالزوج نتاعك هو اللي يجي لمنتدى اللمة ويكتب على المشكلة نتاعو ورايح ننصحو انا بالاتي
انو يحطك بين خيارين اما تكوني او لا تكوني
يااختي انت تقولي راكي محطمة علاش راكي محطمة راكي انت اللي تحطمي في الناس يعني راجلك والحلال
وراهو صبر هو تاني وبالاك غض البصر نتااعو على جال تلك الشهوة الحلااال وانت حابا تخليه يكره الحلاااال
وزيدي سبحان الله خلاااك تقراي وتكملي قرايتك يااختي مادامك عارفة بلي مارايحاش تكملي علاش تعبي في روحك
وزيدي في الاخير ننصحك تتقي الله في زوجك لوكان ما جاش من الاخيار لوكان راهم يقولو عليك مطلقة في عامها الاول
روحي شوفيلك اش رقاي مليح بالاك راهم ساحرينك باش تخافي من زوجك
ربي يهنيك انت واياه ويرزقكم الذرية الصالحة
ايه يا حكيم الناس تبكي على الحلال وما وصلتلوش
وناس عايشة ف الحلال وهاربا منو
ربي يهديكم يا نسااء....
رد: لا استطيع التقرب من زوجي وهو الان يكرهني ساعدووووني
السلام عليكم اختي
اختي استهدي بالله هذا زوجك في الحلال و يطلب في حقو بالحلال بهذي الطريقة الي راكي تعامليه بيها تخليه ينظر للحرام
شهد و استغفري و ارجعي لدارك و احكي معاه قوليلوا اني نخاف و هو راح ينحيلك الخوف و هو الي راح يداويك فقط اقتربي منوا و خلي نفسك بين ايادي زوجك راهو هو الامن و الامان تعك
و في اخير اتقي الله و خمي بعقل زوجة مدام راجل انسان صالح علاه تخليه و انت هي السبب في مشكل
في اخير نقولك صلي و استغفري راكي غالطة في حق زوجك و تغلبي على خوفك و ربي يفرجها عليك
رد: لا استطيع التقرب من زوجي وهو الان يكرهني ساعدووووني
السلام عليكم
أختي الله يهديك ويصلح بالك رأي ماراحش يكون مخالف للي قبلي
صارحي أمك وروحي لكاش إمام يرقيلك فأسرع وقت
تحية كبيرة لزوجك باين بلي يحبك وماسمحش فيك أختي القطار إذا راح مايرجعش للوراء اداركي أمورك استغفري مولاك اطلبي السماح من زوجك وروحي لبيتك وكفاك كذبا وافتراءا على زوجك بأنه لم يتركك تدرسين
راح يسببلك مشكل ويقدر حتى يكرهك بسبب كذبك عليه
الله يصلح بالك وترجعي لزوج وربي يباركلكم بالذرية الصالحة
لم يبق لديك وقت للتفكير توكلي على الله واخطي خطوة طلب السماح وارجعي إلى زوجك فالصبر مع الوقت ينفذ
نتمنى نسمعو أخبار سارة عليك
والسلام عليكم
رد: لا استطيع التقرب من زوجي وهو الان يكرهني ساعدووووني
السلام عليكم
نضيجتي اختي قوليلو يتزوج بوجدة ثانية هاكدا نتي ترتاحي نوعا ما الى غاية ماترتاحيله و تولي نورمال من جيهته و هو يحصن نفسه و يعيش حياته ,,,, تقبلي مروري
رد: لا استطيع التقرب من زوجي وهو الان يكرهني ساعدووووني
السلام عليكم اختي
اولا سامحيني على الكلام لي رايحا نقولهولك بالاك مايعجبكش ولا يغيضك
مبصح راكي تقولي حابة تكملي قرايتك لوكان جيتي تخمي في قرايتك مازربتيش روحك على الزواج اختي الزواج ماهوش هارب لوكان على الاقل كملتي البكالوريا تاعك من بعدة تزوجتي اختي
وزيد انا كي نشوف عمر 17 سنة ومتزوجة وكي تزوجتي انا من وجهة نظري راكي انت تخليتي على دراستك كان على الاقل بعد زواجك تعطي لزوجك الحقوق تاعو كزوجة
انا مانيش رايحة ننضحك بالطلاق اختي
مبصح ذرك مادامك زوجتي واش يقول راجلك ديريه قالك ماتقرايش معليش سجلي للبكالوريا مترشحة حرة هكا تقدري تقعدي في دارك وتقراي وحاولي تعطي لزوجك الحقوق الزوجية تاعو حتى لوكان استدعى الامر شوفي طبيبة نفسية متخصة فالامور هاذو
وربي يفرج علييك ان شاء الله
رد: لا استطيع التقرب من زوجي وهو الان يكرهني ساعدووووني
سلام الله عليكم ورحمة الله وبركاته وبعد:أختنا الكريمة أنتي في وضع لا تحسدين عليه وهو زواجكي من استاذك مما أدى إلى تأزم الأمر وغلب عليك طبع الاستاذ على طبع الزوج بحيث كلما اقترب منكي نكرته نفسك وغشيكي من الخجل ما غشيكي وذاقت عليكما الدنيا لمدة عام ونصف ولو تواصلتما على هذا الحال فمألكما الانفصال لا قدر الله ..ففيه من النساء ما تفعلن مثلكي في أول الامر ومع الزمن تخلصن من هذا المشكل وقد صبر عليكي زوجكي صبرا جميل حتى نفذ ذاك الصر ووضعكي في واقع الامر فتحول حبه لكي الى عكسه مع العلم انه لا يزال متمسكا بكي ...لا ادري ربما تفخفين اسبابا اخرى لا نعلمها وهذا يؤدي إلى الخطأ في تشخيص العلة كما فعلتها مع امكي واخفيتي عنها الجزء الاهم من المشكل وتركتها تبحث عن حلول بعيدة عن مشكلتي
يا أختنا الفاضلة اسمعي مني ما أقول:كوني لزوجكي أرضا ليكون لكي سماء حتى إذا أصاب غيثه أرضكي أنببت هذه الارض بحول الله قرة أعين لكما
فرج الله عنكما وبادري أنت له بالاتصال ولا تؤزمي الامر فأنتي بهذا الحال تصطادين رياح الجبال بشباك المحال ولكي بذلك الاجر إن شاء الله المتعال
رد: لا استطيع التقرب من زوجي وهو الان يكرهني ساعدووووني
اختي في الله ننصحك تصارحي امك فهي اقرب الناس اليك
و يليق تعرفي سبب الخةف تاعك و تعالجي
و يليق تفهمي باللي راكي غالطة و راكي ضيعي في فرصة حياتك كيما هاد الانسان عمرك ما راح تصيبي
رد: لا استطيع التقرب من زوجي وهو الان يكرهني ساعدووووني
السلام عليكم
من كلامك حسيت فيك نبرة انك لا تفقهين شيئا في الحب والتودد والتقرب من زوجك
كيفاش حابة تقربي منو وهو اصلا مش باغيك وي مش باغيك يعني مش كارهك وانما بدا يمل لانك بصراحة طولتي عليه بزاف يا اختي كم ليلية والملائكة تنعل فيك ؟؟
زوجك صبر عليك بزــــــآف مي محسيتش فيه انو تاني من النوع لي يعرف كيفاش يتقرب من زوجتو ويكسبها ويحببها ليه
يعني لربما من خلال حديثك نفهم انو المشكل منك ومنهو هو باغيك تنصاعي ليه وانتي خايفة وبطبع الحال هو دورو هنا يكمل في تهدئتك و و و كذا امور ..
على كلن اختي مزالت عندك فرصة كبيرة ومتضيعهاش على روحك روحي اشتري كتاب تاع العلاقات الزوجية وتعلمي منهو شويــــآ ، زوجك مهما يكن صبر عليك كان على اقل تقدير تعطيلو حقو واذا مكيش قـآدرة صارحيه بلي اكي خايفة وهكذـآ باه يعرف كيفاش يتعامل معاك ويغير طريقتو تجاهك ،
على كلن عندي كلام كبير كنت راح نحكيه من افكاري مشتتة ومقدرتش نربتها ونعطيك نصائح في القمة يكفي انو الاخوة كفو وفو ونقولك ربي يهديك يا اختي وقرــــآت
