ملتقى الحوامل.~ النسخة 1~

الحالة
مغلق ولا يسمح بالمزيد من الردود.

بنقابي افتخر

:: عضو بارز ::
أحباب اللمة
إنضم
11 ماي 2015
المشاركات
4,091
نقاط التفاعل
10,409
النقاط
191
محل الإقامة
في أرض الله الواسعة
الجنس
أنثى
السلام عليكم اخواتي
واش راكم حباباتي بخير


do.php


sdfsdfsd.gif


اليوم جبتلكم موضوع يخص النساء الحوامل
والي هو الحمل وما ادراك ما الحمل
الفكرة هي الدردشة طبعا كل واحدة تحكي على حالتها سواء حاليا او في الماضي بالنسبة لغير الحوامل مع تقديم النصائح

الى كل امراة عندها تجربة او نصيحة تفيد بيها الاخوات الحوامل خصوصا الحامل بالمولود الاول
المولود الاول كيما تعرفو عندو مشاكل بزاف بما انو التجربة الاولى نتمنى من النسوة لي عندهم تجربة ما يبخلوش علينا

sdfsdfsd.gif



هنايا تحكوا براحتكم في امور التربية و الرضاعة
لكل من تود ان تسئل ان تستفسر ان تدردش
هناا ملتقى الخاص بكن


sdfsdfsd.gif


وحتى العرايس تاعنا يشاركونا ويتعلمو باش يكونو فاهمين وما يضطربوش

في امان الله
 
آخر تعديل بواسطة المشرف:
رد: ملتقى الحوامل.~ النسخة 1~

السلام عليكم
انا صراولي قاع المشاكل. من اول الاشهر الاولى الى اخر لحظة لحظة الولاده عانية والله المستعان.
الحمد لله بنتي قدامي كملت المهمة لي بدات بيها في الكرش ههههه
المهم راح نحكي على اول مشكله كانت لما تخطيت شهر
كيما قاع النسا بداو الاعراض يبانو واول عرض هو القيئ وقريب سببلي اجهاض انعم
وهو كنت كل ما نجي نستفرغ نحس نزير على بطني وهدا اثر على الجنين ونحس راح يخرج من بطني ( زحمه ) و هدا سببلي نزيف وبقيت ننزف حتى لثلاث ايام انا قلت صايي البيبي راح بصح بفضل ربي بقات المشاغبة ههه
المهم الطبيب مركالي مثبت ( اليوق ) والابر طبعا لمدة اسبوع ومنع عليا الجماع لمدة 15 و البقاء مستلقية على السرير مع وضع الوساده تحت ركبتي ومنع علي بعض التوابل مثل الفلفل الحار والاسود والكمون و شرب المياه والامتناع عن الاكل الذي يسبب الاستفراغ هدا بعد ما تأكد انو الجنين حي يعني قلبو يضرب
ولي عودة مع مشكل اخر ولي هو المشيمة {خوت الصغار &توابع } ......
 
آخر تعديل:
رد: ملتقى الحوامل.~ النسخة 1~

ربي يجازيكم خيرا على المعلومات لازم نثقفو ربي يسعدك اختي
 
رد: ملتقى الحوامل.~ النسخة 1~

ان شاء الله ربي يسهل ولادة كل حامل
و ان يربزقكم الذرية الصالحة


اين انتن ؟
 
رد: ملتقى الحوامل.~ النسخة 1~




السلام عليكم

شكرا حبيبتي على الموضوع الرائع.... ♥

بالنسبة لي
الشهر الأول فات في احسن حال مع بداية الشهر الثاني في الاسبوع الاول راني نحس بآلام في اسفل الضهر و في صدري
و نحس بالدوخة و الارهاق و التعب و النعاس مع اني ماندير والو نضلي راقدة و كي نوض مالرقاد نريح نص ساعة باش نجم نتحرك ، و نحس بالغثيان بصح مازال ما. ستفرغش

حبيت اسألك اسماء ، مرات نحس بصداع شديد نجم نشرب مسكن ، و لا الدواء يضر الجنين ؟؟؟؟؟؟

 
آخر تعديل:
رد: ملتقى الحوامل.~ النسخة 1~

اهلآ اخت زهرآء ان شاء الله تفيدوا و تستفيدوا من بعضاكم
ربي يسلكك على خير
 
رد: ملتقى الحوامل.~ النسخة 1~




السلام عليكم

شكرا حبيبتي على الموضوع الرائع.... ♥

بالنسبة لي
الشهر الأول فات في احسن حال مع بداية الشهر الثاني في الاسبوع الاول راني نحس بآلام في اسفل الضهر و في صدري
و نحس بالدوخة و الارهاق و التعب و النعاس مع اني ماندير والو نضلي راقدة و كي نوض مالرقاد نريح نص ساعة باش نجم نتحرك ، و نحس بالغثيان بصح مازال ما. ستفرغش

حبيت اسألك اسماء ، مرات نحس بصداع شديد نجم نشرب مسكن ، و لا الدواء يضر الجنين ؟؟؟؟؟؟


شكرا غاليتي فاطمه
اجل يمكنك ان تشربي باريستامول
وليس اي مسكن ولا يتعدى 500 غ
لا نريد ماشاكل
ولا تتعديوقرصين في اليوم
وزيد لما بدالك الوحم بالراس يعني لما تولدي راح يشتد اكثر انصحك حبيبتي
تشدي راسك بالحزام لما تولدي لأنو راح يتحل واي شيء يضرك راسك
لذا انتبهي لنفسك غاليتي
 
رد: ملتقى الحوامل.~ النسخة 1~

بارك الله فيك اختي على الموضوع

الحمل هي فترة نشوفها ممزة رغم كل المخاطر الي تعيشها المراة

انا عن نفسي بداية حملي كان صعيب ايضا فانا اعاني من مشكل في الدم و على هذي لازم نشرب يوميا الكاتالجين خاصة و صفتهالي طبيبة ديالي
اول حاجة بدات معاية هو الاستفراغ كان يوميا و في الفترة الصباحية و من بعد رجعت في اليل يبدالي بالم في الراس و من بعد نحس بجسدي يسخن كليا و الفشلة و نكملها بالاستفراغ لاكن بعد ما نستفرغ نرتاح كليا و مباشرتا لنوم

كملتها في الشهر الثاني و الثالث بتعب و ارهاق و كل مرة تحكمني حاجة بصح حمد الله الحمل ديالي سليم و شد روحو هذي المرة عكس المرة الاولى فقدته من الاول

و ثاني حاجة اثرت فيا هي لانفيكسيو حكمتها بسبب الحمل ثانيك و تعرضت لتمزقات شديدة عانيت كثيرا لاكن حمد الله جنيني بخير و الحمد لله

رح نرجعلكم ان شاء الله للمتابعة
 
رد: ملتقى الحوامل.~ النسخة 1~

على كل حامل
دلك البطن بالزيت زيتون يوميا خلال الليلة
اولا لتفادي التمزقات
ثانيا لتفادي ظهور الخطوط البيضاء الناتجه عن التمزقات بعد الولاده
صدقوني عن تجربه والله وقالتهالي سلفتي الله يجازيها خير
وثالثل تخفف الحكه ..
سبحان الله
 
رد: ملتقى الحوامل.~ النسخة 1~

السلام عليكم

موضوع رائع ... نستفادوا شوية ...بصح ماتخلعوناش ...هههه
 
رد: ملتقى الحوامل.~ النسخة 1~

على كل حامل
دلك البطن بالزيت زيتون يوميا خلال الليلة
اولا لتفادي التمزقات
ثانيا لتفادي ظهور الخطوط البيضاء الناتجه عن التمزقات بعد الولاده
صدقوني عن تجربه والله وقالتهالي سلفتي الله يجازيها خير
وثالثل تخفف الحكه ..
سبحان الله
السلام عليكم ورحمة الله تعالى و بركاته
جزاكم الله خيرا على المعلومات القيمة جعلها الله في ميزان حسناتكم
اعجبني موضوعكم كثيرا و احببت ان اشارككم بتجربتي
انا في حملي الاول طبعا عانيت كثيرا من كل النواحي بسيف باه حكمت البنوتة ملي هزيت و انا في حالة كل يوم عند الطبيبة السطر كان يقتلني كانت ديما هابطة بالسيف باه شدت روحها المهم عانيت في الاشهر الاولى و كي لحقت للشهر 7 دخلت للسبيطار كانت رايحة تولد ومن بعد حكموني اسبوع و انا من الابر و السيروم باه تتسكر الولادة المهم كي شافوني و لقاوني تسكرت خرجوني و بعد 15يوم زدت دخلت و ياريتني ماعست هديك التجربة الزيادة اللولى و كي دخلوني حطوني مع النساء اللي يزيدو الخلعة حكمتني كي شفت هذيك الحالات النساء يعانيو و انا الخلعة حكمتني وخفت و مزية زدت قعدت 4ايام و خرجوني من الخلعة راح السطرالمهم زدت قعدت مكتوب ربي و جاء نهار الزيادة يوم 7.6.2013 على الساعة10 ليلا كيما يقولو طرطقت السقية وجابت الراس معاها وجات رتوجتيكي جاني السطر جاء على ظربة زدت شوية وما ولدت في السيارةههههه و الحمد لله كل ام تعاني لحظة الولادة بصح كي تولدي سبحان الله العظيم كل السطر يروح لحظة تشوفي الصغير و الان الحمد لله انا و زوجي و ابنتي فرحانين و هانيين و زرك الحمد لله ربي رزقني بالحمل و انا في الشهر الاول و انساء الله ربي يفرحكم كامل و يهنيكم و يجزيكم الخير
السلام عليكم
 
رد: ملتقى الحوامل.~ النسخة 1~

على كل حامل
دلك البطن بالزيت زيتون يوميا خلال الليلة
اولا لتفادي التمزقات
ثانيا لتفادي ظهور الخطوط البيضاء الناتجه عن التمزقات بعد الولاده
صدقوني عن تجربه والله وقالتهالي سلفتي الله يجازيها خير
وثالثل تخفف الحكه ..
سبحان الله
من فظلك اختي نقدر نديرها و انا في الشهر الاول نبدا
 
رد: ملتقى الحوامل.~ النسخة 1~

انا ولدت زوج ولادات بالقيصري
الاولى جوزت كامل الالم و ما تفتحش الكول و ما تمزقش الكيس لي فيه البيبي و كنت باقيلي 3 ايام و نغلق 41 اسبوع
و الثانية ارتفاع ضغط الدم في الاسبوع 38 دخلوني استعجالي


 
رد: ملتقى الحوامل.~ النسخة 1~

نعم تقدري تبداي فيه من الشهر الاول
اما عن المعانات كل وحده واش اعطاها ربي
لا يكلف نفسا الا وسعها اما عن الكوا عن تجربه والله العظيم صدقوني
لما جاني الوجع ما حبوش يشدوني في السبيطار باغسكو الكول كان محلول 2 دوا برك
رحت لدار عجوزي دارتي البصله هههه علابالي تشيكيتو
ايه غلت الماء قيس قدر و رمات البصل الاحمر وخلات البخار تحتي ووخريها من النار
وخلي روحك قيس التحمل نتاعك
ومن بعد دوشي دووش خفيف غير باه تروح منك الريحه
وتشوفي الشد على اصولو ههههه​
 
رد: ملتقى الحوامل.~ النسخة 1~

الحمد لله الله رزقني الحمل الثاني
اليوم انا في الشهر الثاني اي الأسبوع الثامن
الحمد لله مافي اي مشاكل
كان عندي برك نزيف في الاسبوع السادس والسابع
ونزول ضغط الدم المفاجئ
لكن الدكتورة طمنتني وقاتلي انو الجنين معه شويا دم آكرمكم الله وهو الآن ينزل أما عن ضغط الدم قاتلي الحمد لله انه ينزل وما يطلعش الحمد لله
ادعولي الله يتمملي على خير ويثبتلي حملي
وراح أشارككم تجربتي اول بأول
 
رد: ملتقى الحوامل.~ النسخة 1~

ربي يفرح كل الأمهات ويرزق كل محرومة واحدة منهم
شحال راني حابا نجرب شعور الأمومة شهيتوني هههه
 
رد: ملتقى الحوامل.~ النسخة 1~

ربي يفرح كل الأمهات ويرزق كل محرومة واحدة منهم
شحال راني حابا نجرب شعور الأمومة شهيتوني هههه
اللهم آمين
ربي يرزقك بالذرية الصالحة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top