كوزينة اللمة في شهر الخير تجمعنا

[jiji la star]

لنتعاون في رمضان مع بعض

تقبل الله صيامكم واسعد ايامكم وكل عام وانتم بخير

[كوزينة اللمة في شهر الخير تجمعنا ]



آنستي سيدتي لتحلى أيامنا خلو لمتنا في مطبخ لمتنا :d



كنت حايرة سقسي وتشاوري وهكآ رآح تتوصلي واش ديري اليوم
ولا شفتي ختك حايرة ساعديهآ بأفكار أو وصفات تسلكيهآ من حيرتها

إذا كملتي شغالاتك واش عليك ديري دركآ ^^ ؟

أنآ نقلك وآش راح ديري :d



​

​

 

[karimasgr]

رد: لنتعاون في رمضان مع بعض

فكرة شابة وعجبتني:up: بصح مانظنش يخلوا الماكلة ويبقاو يصورو :p

 

[jiji la star]

رد: لنتعاون في رمضان مع بعض

فكرة شابة وعجبتني:up: بصح مانظنش يخلوا الماكلة ويبقاو يصورو :p

إذا بغاو علاه لالا مي إذا مابغاوش تبغي السوقرية و تصورلنا طيابها

 

[LINA LOLO]

رد: لنتعاون في رمضان مع بعض

فكرة شابة وعجبتني:up: بصح مانظنش يخلوا الماكلة ويبقاو يصورو :p

ههههههههههههههه صح كاينة

 

[karimasgr]

رد: لنتعاون في رمضان مع بعض

إذا بغاو علاه لالا مي إذا مابغاوش تبغي السوقرية و تصورلنا طيابها

ااااا حوجي يانا نعرضك ارواحي فطري عندي شوفي وكولي مشي غي نصورولك :p الرسائل راهم مايبغوش يلحقوك علا خاطر مشاراكاتي قليلة

 

[karimasgr]

رد: لنتعاون في رمضان مع بعض

ههههههههههههههه صح كاينة

ههههههه باينة انتي ملي تاكل العين قبل الفم ربي يحفظك

 

[jiji la star]

رد: لنتعاون في رمضان مع بعض

ربي يخليك كريمة ختي

 

[karimasgr]

رد: لنتعاون في رمضان مع بعض

ربي يخليك كريمة ختي

امين ربي ينورك جيجي وماقلتيليش وين في تيارت :p راكي خايفة لنجي نهرسك في فطور :d

 

[jiji la star]

رد: لنتعاون في رمضان مع بعض

مرحبا بيك أنا بنت السوقر

 

[karimasgr]

رد: لنتعاون في رمضان مع بعض

مرحبا بيك أنا بنت السوقر

ياااااااااعمري مام انا :yahoo01: كي غاية انا فالدوك وانتي وين

 

[أشــواق 19]

رد: لنتعاون في رمضان مع بعض

فكرةة مليحة
يعطيك الصحة خيتيي

 

[مطبخ الأحلام]

رد: كوزينة اللمة في شهر الخير تجمعنا

ننتظر إبداعاتكم يا لماويات يا فحلآت

​

 

[ندى الورود]

رد: كوزينة اللمة في شهر الخير تجمعنا

السلام عليكم
رمضان كريم على الجميع
ان شاء الله تكون هذه الصفحة صفحة تبادل الوصفات الشهية بين العضوات

​

 

[jiji la star]

رد: كوزينة اللمة في شهر الخير تجمعنا

صح فطوركم يا لماويات
ليوم ماقدرتش نصور مي درت وحد المقبلة درتها رمضان لي فات وطرحت الموضوع في المنتدى ليوم عاودت بديت بيها رمضان:
فطرونا ليوم كان حريرة +سلطة +بوراك+مقبلة لي قلت عليها+ طاجين البطاطا المقلية +طاجين الحلو+فلان +ديسير فواكه....
مممم بالنسبة المقبلة لي درتها لي حبت الوصفة بالصور هاهي ليك

المقادير والطريقة هنا
من مطبخي إليك♥
بالنسبة لديسير جديد ممبعد نصوره ونديرلكم الوصفة إذا خرج مليح نذوقه ونعطيكم رأيي
ونتوما وين راكم ؟؟؟؟؟واش مدرتوش فطور ولا محبيتوش تشاركونا
​

 

[~lola.dz~]

رد: كوزينة اللمة في شهر الخير تجمعنا

صحا فطوركم
فطورنا ليوم شربة + طجين حلو + بوراك + غراتان باذنجان + شطيطحة جاج طريقة جديدة
وسلاطة نسيتها الله غالب تعبت ههههه
وماما مكاشها فالعمرة باش تفكرني ههههههه
الله يدومها نعمة يحفظها من زوال

 

[jiji la star]

رد: كوزينة اللمة في شهر الخير تجمعنا

يعطيك الصحة والعافية على الفطور يا الشاطرة و ربي يرجعلك يماك بالصحة

 

[مطبخ الأحلام]

رد: كوزينة اللمة في شهر الخير تجمعنا

صح فطوركم خيتاتي

جيجي ولولا يعطيكم الصحة كلشي يشهي تبارك الله بالصحة والهنا ان شاء الله

احنا ها واش درنا



















الحمد لله
​

 

[jiji la star]

رد: كوزينة اللمة في شهر الخير تجمعنا

يعطيك الصحة المشرفة نتاعنا بارك الله فيك حنونتي
​

 

[شاعرة المستقبل]

رد: كوزينة اللمة في شهر الخير تجمعنا

الله يبارك عليكم
اطباق تشهي

 

[touta04]

رد: كوزينة اللمة في شهر الخير تجمعنا

اخلين بحرائر اللمة :regards01::regards01::regards01:

صحا فطوركم

اليوم درت فطور لاول يوم في ومضان و كان نتيجة لاباس بها :d:d:d:d:d:d

عذرا عن الصور ماصورت كارت ميموار مفيرسة

درت شربة فريك و شربة بيضاء عندي اختي و ابي ياكلواها

و شطيطحة دجاج بالفطر

و عملت بوراك و سلاطة بيطراف و حميص و دلاع و عين بقرة

و للتحلية عملت تحلية بالتفاح و كريمة انجليزية

و بصحة الجميع