كوزينة اللمة في شهر الخير تجمعنا - 2017 / 1438هـ

[MAROUA HAIBER]

هذي الحلوة تلقايها في اطباقي في رمضان اللأخت ام زين الدين انا ديت الوصفة من عندها هي قطعتهم على شكل قلوب خرجو هايلين

مممممم مليح مرسي ربي يحفظك ا الشاطرة

 

[MAROUA HAIBER]

ههههه هذي الوصفة تقدري تقولي من عندي
اولا تغلي الروز وغلي حبات بيض لتزين
ثانيا تخذي كمية من اللحم المفروم تبليه بالبهارات لي تحبها وفصين ثوم مرابين وشوية لاشابلور (خبز يابس مطحون ) يخلق لحم طري وتلميه مليح وتشكليه صبيعات صغار
في قدرة ديري شوية زيت كي يسخن حطي هذوك الصبيعات يتقلاو وديري عليهم البهارات وشوية ثوم وفلفل لحمر (عكري ) ومرقي بماء دفي (تحبي ضيفي حمص طايب نصف طياب )وخليها تطيب
جيبي الكوسا (قرعة )قطعها مربعات وقليها
أيضا بالبادنجال تقطعها مربعات وتقليها جي مليحة
في صحن التقديم فرغي الروز وصقيه بلاصوص وصبيعات اللحم وزينيه بالبيض والقرعة المقلية
وبصحة والراحة (إن شاء الله تكوني فهمتي عليا )

الله يبارك
يعيشك وي فهمتك صحيتي بززاف إن شاء نهار نطبقهم نوريلك النتيجة

 

[Oum Loukmane]

السلام عليكم
الله يبارك كل شئ شباب
انا اعذروني راني مشغولة كانت عندي حالة وفاة لهذا غبت عليكم
صح فطوركم

 

[ام تسنيم واحلام]

السلام عليكم
الله يبارك كل شئ شباب
انا اعذروني راني مشغولة كانت عندي حالة وفاة لهذا غبت عليكم
صح فطوركم

ربي يرحم المتوفي وعود ميمونة ان شاء الله
صح فطوركم

 

[Oum Loukmane]

ربي يرحم المتوفي وعود ميمونة ان شاء الله
امين
صح فطوركم

شكرًا حبيبتي على السؤال : المتوفي أخت زوجي

 

[سكون الفجر]

السلام عليكم ورحمة الله وبركاته
ما شاء الله عليكن أخواتي وخالاتي والله أطباقكن تحفة بحق وبدون أي مجاملة
دامت دياركم عامرة بإذن الله وربِّ يجعله هناء عليكم
بارك الله فيكن على مشاركتنا أطباقكن حبوباتي
وحدة وحدة بإسمها
الله يسعد قلبكن