نهاري شحال شباب ~~ الجزء 7 ~~ ‏

الحالة
مغلق ولا يسمح بالمزيد من الردود.

Skor m@k

:: عضو بارز ::
أحباب اللمة
إنضم
12 جويلية 2010
المشاركات
5,514
نقاط التفاعل
22,594
النقاط
2,406
محل الإقامة
دلس
الجنس
ذكر
السلام عليكم

كي العادا نظت صباح ربي
خزرت لساعة لقيتها 10 تاع الصباح
نحيت لزار عليا حسيت روحي خفيف بزاف
شديت وجهي لقيتو صغير

رحت نجري لمرايا
خزرت فيها وهناك كانت المفاجئة
وليت ذبانة
ايييه ذبانة متستغربوش
فرحت جاوني أفكار جهنمية كيخ كيخ كيخ

قلت نبدا معند بابا نروح نهبلو شويا
رحت لقيتو في الشمبرا ديالو
ريحت عند نيفو وبديت ندغدغ فيه
هو يحاوزني من نيفو نروح لوذنو حتى هبلتو
يا جدك ولا يسب فيا أنا حشمت هربت
لقيت يما فالكوزينا رحت لراسها باش نسلم على راسها ضربتني قريب حازتني
هناك جتني فكرة مليحة تاع الشيطان
قلت نروح عند كيري :love01: :love01: هاه هاهاها

ليميعرفهاش يقرى الجزء 4

خرجت من دارنا
لقيت وحد الناموس وسمو زرزو قلتلو أيا معايا
كاش ما ضربوني حامي عليا

وصلت للغرفة تاع كيري
لقيتها مريحة قدام لمرايا
وتغني في غنية تاع حسني هههه

وقيلا كانت تمعني عليا هاه هاها

ريحت فوق كتفها اوو راني نسمع في صوتها يهبل
يشبه لنعيمة دزيرية نهار تكون بلاgريب
مي عجبني صوتها :love01:

حتى نسمعها عيطت وحد العيطة آآآآي آآآآآي قلبي تقطع
يماها جات تجري كي الغولة
آآآيا بابا ياو اتخلعت النفس خلاصلي قلت تخلطت
اليوم تروبلها

واش بيك أبنتي
قالتلها قرستني ناموسة في كرشي
هردها عرفت بلي زرزو هو لي هلكلي الشانطي

حتى شفتو جاي ليا يضحك :d
قلتلو وااش درت
قالي بغيت نشوفها تشطح

قلتلو واش دخلك راك عميتها

جات يماها تجري مورايا بوحد لبيغا أنا نهرب اوو هي تجري
حتى مت بلعطش
رحت لوحد القرعة لقيتها تاع افري منديا هههه
أنا دخلت راسي باش نشرب
شافتني
ضربتني بوحد لبليغا للوجه النجوم شفتهم

فتحت عيني لقيت بابا قدامي قالي واشبيك
راهو عندو 15 دقيقة ملي أذن لفجر
بغيت تفطر

قلتلو اوو ضرك ليتنوضني
عطشت في الدقيقة الأولة
فلمنام اوو مخلتنيش نشرب حرام عليك

خزرت فيه اوو قلتلو :mad:
ان شاء الله نوم روحي المرة الجايا
ناموسة
نجي سبيسيال ليك نشبعك قريس أشفا عليها تنوضني بكف

قالي ولي سبع اوو كولني خير

تقلبت للهيك وضربتها برقدة حتى للمغرب

مديروش عليا

صح فطوركم
صح سحوركم
سلام

 
رد: نهاري شحال شباب ~~ الجزء 7 ~~ ‏

هههههههههههههه مالك هههه
ولله غير قلتنا بالضحك يا خووووو
غاضتني كيري مسكينة كي قرصها زورو هههههه
و بابك مسكين علاش تحلف فيه
ههههههههه ربي يهنيك رخوياااااا
 
رد: نهاري شحال شباب ~~ الجزء 7 ~~ ‏

هههههههههههههه مالك هههه
ولله غير قلتنا بالضحك يا خووووو
غاضتني كيري مسكينة كي قرصها زورو هههههه
و بابك مسكين علاش تحلف فيه
ههههههههه ربي يهنيك رخوياااااا

لكان تشوفي أنا قطعت قلبي كي قرسها زرزو
لكان منوضنيش بابا
ندير فيه المنكر ههههه
يعطيك الصحة ختي أسماء​
 
رد: نهاري شحال شباب ~~ الجزء 7 ~~ ‏

السلام عليكم اخي
ههههه نقرا وحاكمة كرشي من الضحك وقاعدة نيماجيني فيك وانت ذبانة هههه
وزيد قاعدة نيماجيني في باباك وانت تقلق فيه وبدا يخسر فالهدرة خخخخخخخ ياخي حالة
وغاضتني بزاااااف كيري مسكينة هاذيك الناموسة لي نسيييت اسمو وعجزت نطلع ونشوف اسمو ههههه مايحشمش قرصها
يعطيك الصحة خويا​
 
رد: نهاري شحال شباب ~~ الجزء 7 ~~ ‏

السلام عليكم اخي
ههههه نقرا وحاكمة كرشي من الضحك وقاعدة نيماجيني فيك وانت ذبانة هههه
وزيد قاعدة نيماجيني في باباك وانت تقلق فيه وبدا يخسر فالهدرة خخخخخخخ ياخي حالة
وغاضتني بزاااااف كيري مسكينة هاذيك الناموسة لي نسيييت اسمو وعجزت نطلع ونشوف اسمو ههههه مايحشمش قرصها
يعطيك الصحة خويا​

وعليكم السلام
أنا هو لي كرهلي النوم هذاك الناموس
لكان نعرفو شكونو نروحليه منخليلوش ههههه
شكرا لك أختي على المتابعة
صح فطورك
 
رد: نهاري شحال شباب ~~ الجزء 7 ~~ ‏

هههههههههههههههههه
 
رد: نهاري شحال شباب ~~ الجزء 7 ~~ ‏

هههه يسلموا اخ مالك
وشكرا جزيلا على السلسلة
 
رد: نهاري شحال شباب ~~ الجزء 7 ~~ ‏

هههههههههههههههههههههههههههه
 
رد: نهاري شحال شباب ~~ الجزء 7 ~~ ‏

هه مازلت صغير
اكبر من فضلك
 
رد: نهاري شحال شباب ~~ الجزء 7 ~~ ‏

هه مازلت صغير
اكبر من فضلك

السلام عليكم
والله يا أمي مجرد خربشات وقصص خيالية
لا تمت بصلة لحياتي
قصص للتسلية والضحك فقط
فأنا الحمد لله لا أزكي نفسي
سلام
 
رد: نهاري شحال شباب ~~ الجزء 7 ~~ ‏

ههههه روح تمثل راك ديتهالهم ههههه
منين يجوك هاذ الأفكار هههه
نقولك نصيحة ارجع فراشة كيري تحطك بين عينيها كي تروح ليها
هههههه
 
رد: نهاري شحال شباب ~~ الجزء 7 ~~ ‏

هههههههههههههههههههههههههههههه

والله وحدك خويا مالك ههههههههه

ننتظر حكاياتك القادمة :regards01::regards01:
 
رد: نهاري شحال شباب ~~ الجزء 7 ~~ ‏

السلام عليكم
والله يا أمي مجرد خربشات وقصص خيالية
لا تمت بصلة لحياتي
قصص للتسلية والضحك فقط
فأنا الحمد لله لا أزكي نفسي
سلام
فرحتني كي قلت هكدا
 
رد: نهاري شحال شباب ~~ الجزء 7 ~~ ‏

هههههههههههههه ياخي مهبوول

ههههه روح تمثل راك ديتهالهم ههههه
منين يجوك هاذ الأفكار هههه
نقولك نصيحة ارجع فراشة كيري تحطك بين عينيها كي تروح ليها
هههههه

هههههههههههههههههههههههههههههه

والله وحدك خويا مالك ههههههههه

ننتظر حكاياتك القادمة :regards01::regards01:

فرحتني كي قلت هكدا

شكرا على المرور الطيب
صح فطوركم
 
رد: نهاري شحال شباب ~~ الجزء 7 ~~ ‏

ههههههه منين يجيو هاد الأفكار يعني ههه
أنا كن جيت ذبانة نروح للبحر ونحي ضيقة الخاطر هههه
المرة الجاية ولي حوتة خير نهارها كامل داخل الما هكا واحد ما يقلقك
وتشرب وقت ما حبيت هههه
والله إبداع يا أخي ، وضحكتني معاك ، واسمحلي إذا كنت ثقيلة عليك
تحياتي ليك وتقبل مروري
 
رد: نهاري شحال شباب ~~ الجزء 7 ~~ ‏

ههههههه منين يجيو هاد الأفكار يعني ههه
أنا كن جيت ذبانة نروح للبحر ونحي ضيقة الخاطر هههه
المرة الجاية ولي حوتة خير نهارها كامل داخل الما هكا واحد ما يقلقك
وتشرب وقت ما حبيت هههه
والله إبداع يا أخي ، وضحكتني معاك ، واسمحلي إذا كنت ثقيلة عليك
تحياتي ليك وتقبل مروري

السلام عليكم
اوو بابا شكون يخيقو ههههه
الحوتة متخيق حتى واحد وانا نبغي نديرونجي هههه
يعطيك الصحة ختي
بلعكس فرحتيني قي قريتيها اوو عجباتك
صح سحورك
 
رد: نهاري شحال شباب ~~ الجزء 7 ~~ ‏

ههه غي لـهبآآل يـديروهآ خخخ
 
رد: نهاري شحال شباب ~~ الجزء 7 ~~ ‏

هههههههههههه
والله وش نقلك مالك فريمون حكاياتك هايلين عندك ديزيدي شاابين
عمبلك وين راح نلحقك كود الشربة تيعي تبلوكآآ ههههههههـ
يعطيك الصحة ليماجيناسيون تيعك فوووور
وااصل كيمك عندك موهبة تقتل ،
صحيت [
 
رد: نهاري شحال شباب ~~ الجزء 7 ~~ ‏

هههههههههههه
والله وش نقلك مالك فريمون حكاياتك هايلين عندك ديزيدي شاابين
عمبلك وين راح نلحقك كود الشربة تيعي تبلوكآآ ههههههههـ
يعطيك الصحة ليماجيناسيون تيعك فوووور
وااصل كيمك عندك موهبة تقتل ،
صحيت [

يعطيك الصحة ختي أماني
كولي البوراك بزاف تلقاي الكود الجديد ههه
شكرا على التشجيع
سلام
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top