آآآه نحشم خخخخ

[الباندي]

رد: آآآه نحشم خخخخ

وحد النهار نمشي حتى بالصدفة نشوف "الحشمة" اونباغسون لابسة حايك و تتخزن من بلاصة لباصة

..كي شافتني هربت ...!! وهنا مخي مركا erreur 404

قلتلها wait wait سيــنــيـــورا وين راكي هاربة ..هارواحي واش بيك ...شفتيني هربتي راه فيا الجرب مثلا !!

Gاتـلي ماشي هاربة مـنـك..!!

قلتلها او نتي راكي اللي تشوفيه تهربي مـنـو غي الخير !!

...قـاتلي النـاس هربت منـي...وولات مديرليش قدر ..قلت نهرب منهم خير ..هكذا باش مايروحش مني الحياء اللي بقالي و نولي كيفكم !!

فذهبت الى احد الــpوتـوات تاع التريسيتي و بدات اضرب راسـي ضربا مبرحا هههههه وكي فطنت لقيت روحي مكتف ولابس لبيض ...و دايريني في شموبرا مافيها والو عرفت روحي رامي في مصحة عقلية تهتم بتنمية العقل من جديد واعادة ادماجه مع متطلبات الحياة هههه

---------
(حوار مقتبس من احد المراكز الخاصة بالمختلين ذهنيا و نقله لكم احد المرضى اونباغسون )
----
مليك بارك الله فيك الموهيم ..تحيا انت sec وحدك في la piste هههههه

 

[ش مس بريكة]

رد: آآآه نحشم خخخخ

حسبتك تحشم صح هههههههههههههههه ربي يدومها لمة

 

[Skor m@k]

رد: آآآه نحشم خخخخ

موضوع جميل في قالب هزلي...
الحياء شعبة من شعب الايمان...غير انه تغير الزمان وتغيرت معه طباع الانسان
لم نعد نلمح مظاهره الكثيرة في مجتمعاتنا للاسف وذلك لسباق البشر مع الزمن فقد صرنا نلمح. سموم التكنولوجيا وسلبياتها
على الانسان ” من غزو غربي ...وتبعية عربية ” غبية” وابسط مثال ” مسلسلات الجياحة” ...فصارت الافادة من التكنولوجيا شبه مغيبة عنا...وحتما يرجع
السبب الى التربية السليمة من داخل بيوتنا...
بارك الله فيك على هذا الطرح الشيّق...دمت بخير

السلام عليكم
وفيك بركة أختي
والله غير خلاص مبقاتني حشمة ني حرمة
ضرك حتى الطفلة متقدرش تخرج للشارع مع خوها ولا يماها
اوو منهدروش على الطفل
لازم نعاودو التربية من الصفر اوو بلاك لا تتسقم الحالا
يعطيك الصحة
سلام​

 

[Skor m@k]

رد: آآآه نحشم خخخخ

الحمشة اخي مرات مليحة ومرات لالا
كاين ناس تحشم منهم بصح انا كي نلقى ناس مايحشموش حتى انا ندير واش نحب ومانحشم منهم
صحيت على الموضوع
​

السلام عليكم
ربي يخليك هانية ختي
بصح الناس يولو يهدرو فيك يقولو متحشمش ماشي مربية ميشوفوش رواحم
ياك الناس ضرك يعسوك غير وين تغلط
ربي يصلح أحوالنا ​

 

[Skor m@k]

رد: آآآه نحشم خخخخ

السلام عليكم
والله يا عبد الملك غضتني بزاف قتلاتك لحشومة ماعليش :$
الموهيم يعطيك الصحة على الموضوع
ياحسراه على لحشومة وماليها كل شي راح ما بقات لا حشمة لا قدر لا احترام للكبير
الشاب يسب الشيخ ...الطفلة تداوس مع الراجل قدام الناس نورمال .... يلا شفت طفل صغير يسب فالدين ويخرج من فمو كلام فاحش حبيت تنهيه رواح تشوف و تسمع.... تندم لي هدرت معاه اما اللباس لي راه يلبسوه لبنات حدث ولا حرج
والله ولينا نشوفو مواقف يمرضو
قالت ان لم تستح فافعل ما شئت
هاديك هي غاب الحياء و كثر الفساد
الحمد لله كاين كما قلت لي ما زالو شادين في الحياء بصح ماشي بزاف للاسف :down:
نقولو ان شاالله الدنيا تبق بخير و الله يجيب الخير و بارك الله فيك
الموهيم راك درت موضوع شباب زيد كمل:thumb_up02:​

السلام عليكم
اسمحيلي يا أمي كي قلت

كنت حاب ندير هذا الموضوع في منتدى الحوار والنقاش الهادف بصح هناك
يقولك غير الفصحى الفصحى وأنا تعرفوني منعرفش gاع الفصحى

نقجم برك والله غير نبغي ندير فيه مواضيع الوقت ميسرش برك
ان شاء الله مزالو اليمات الى كنا من الباقين

الموهيم كيما قلت خخخخخ
والله غير تبدل الزمان صح أنا بلاك منشفاش مليح
مي أنا اوو خاوتي اوو فاميلتي اوو ولاد الحوما كي كنا صغار ماشي هكذا العقلية
صح كنا قباح مع بعضانا بصح متربيين مع لكبار علينا مع النسا اوو لبنات
مكناش نتبلاو هوما يلعبو وحدهم وحنا وحدنا جامي خممنا نتبلاو
مرة والله شفت وحد الطفل في عمرو وحد 11 يتبلا في مرأة تاع 28 سنة اوو زيد كانت مع يماها
ملقيت واش نهدر جاتني وحد الحشمة هربت مناك
الله المستعان برك
ربي يهنيك أمي اوو يحفظك لوليداتك
سلام:regards01::bravo01:
​

 

[Skor m@k]

رد: آآآه نحشم خخخخ

فكرتني في مونولوج دارو اخ سوفي في قهوة القوسطو على الحشمة هاااايل
ولكن موضوعك أكثر هيلولة منه ههههههههه
للأسف هذا هو الواقع تعنا ، الحشمة انقرضت
وكي راحت الحشمة من المرا فلا أسف على الراجل
أوَتعرفون أن من علامات الساعة رفع الحياء من الدنيا؟
ما بقاتش بزاف علامات ونوصلو ليوم الساعة ربي يسترنا برك
موضوعك في القمة نتمنى نشوف مواضيع أخرى وهنا في واش راك تهدر
شكرا لك
​

السلام عليكم
شكرا ليك مييييناة
خخخخخ حشمتيني هاهاهاهاهو
والله قلت كلمة شاااابة
المرأة هي الأساس في أخلاق المجتمع
الى صلحت المرأة بالطبع سيصلح الرجل
وعلى ما أظن الحياء رفع مع البركة في المال والرزق
يعطيك الصحة ختييييييييي​

 

[Skor m@k]

رد: آآآه نحشم خخخخ

السلاام عليكم خويا عبد الماالك
الله يباارك راك حشوم نتااع الصح
اولاا مبرووك عليك او موضوع وراني قلتلهالك عبر ما تخليهااش في قلبك
واش نحو على الحشمة وواش نخلو في زماننا راهي نقصت الحاالة
شويااا وليناا نحشمو من الللي ما يحشموش
تشوف طفل صغير واش يهدر تهبط رااسك وكذالك بالنسبة للجنس الىخر ربي يهدينا وميرسي على الموضوع ماحبيتش نحكي بزااف باسكو موضوع تحكي فيه يتبلوكا المنتدى من الحشمة ربي يهدينا ويصلح احوالنا...​

وعليكم السلام خويا حكيم
بدات تروحلي ضرك الحشمة ماشي كي كيما كنت صغير
كانت يما تقولي روح جيبلي عند مرت عمك الملح كنت نحشم نروح هرب مالدار اوو منروحش نجيب
بصح ضرك :yahoo01::yahoo01:
الله يسلمك خيي
نخلوها فالستر برك
هاو الواحد من الحشمة يحشم يهدر على لميحشموش اللي يحَشْمُو الي يَحَاشمُو خخخخ
تخلطت
ربي يهنيك خوو​

 

[أم منيــــــر]

رد: آآآه نحشم خخخخ

السلام عليكم
اسمحيلي يا أمي كي قلت

نقجم برك والله غير نبغي ندير فيه مواضيع الوقت ميسرش برك
ان شاء الله مزالو اليمات الى كنا من الباقين

الموهيم كيما قلت خخخخخ
والله غير تبدل الزمان صح أنا بلاك منشفاش مليح
مي أنا اوو خاوتي اوو فاميلتي اوو ولاد الحوما كي كنا صغار ماشي هكذا العقلية
صح كنا قباح مع بعضانا بصح متربيين مع لكبار علينا مع النسا اوو لبنات
مكناش نتبلاو هوما يلعبو وحدهم وحنا وحدنا جامي خممنا نتبلاو
مرة والله شفت وحد الطفل في عمرو وحد 11 يتبلا في مرأة تاع 28 سنة اوو زيد كانت مع يماها
ملقيت واش نهدر جاتني وحد الحشمة هربت مناك
الله المستعان برك
ربي يهنيك أمي اوو يحفظك لوليداتك
سلام:regards01::bravo01:
​

لالا ولا يهمك كلنا نحبو نعبرو بالدارجة الواحد وين يلق راحتو هداك هو و انت حر في الاختيار طبعا
قاع واش قلت صحيح يتبلاو عيناني
قلة الادب و عدم الاحترام للكبير رايحة تاخد المجتمع للحضيض
حتى رجعنا نسكتو على الحق باش نتجنبو المشاكل
ايه الله يجيب الخير برك بارك الله فيك:regards01:
​

 

[Skor m@k]

رد: آآآه نحشم خخخخ

هههههه أودي راك حشمت و حشمتنا معاك ..راني حشماانة منقدرش نرد واقيل خخخ:p

الموهيم ها راك عديتني :d ..أسلووب هاايل دخلتنا بيه للموضوع

و الله يا أخي على الحشمة واش نقولك في وقتنا يشوفوك تحشم يقولك ضعيف و خواف و يركبو على راسك ..و مانيش نقول مالازامش نحشمو بصح و الله يا اخي انا شفتها في الوالدة شافوها تحشم و تقادر يقولك نعفسو عليها هاذي ..ربي يهدي و خلاص
و كيما قالك الاخ حكيم وليناا نحشمو من الللي ما يحشموش و راك عطيتلنا احسن الامثلة
الموهيم انا نقول الحياء زينة المرأة و فضييلة الرجل و..و اذا كانت فالحق ..الواحد ينفض الغبار على روحو صح بصح يعرف كيفاش برك مش حتى يطيح القدر ..

ان شالله راك فهمتني مالصباح و انا نخلط خخخخ

يعطيك الصحة أخي و بالتوفيق
​

خخخخ يعطيك الصحة فولةةة هههه
حتى انت حشمتيني وقيلا منردلكش سسسسسس

صح كاينة منها الواحد كي يشفوه يحشم يقولو عليه بوجادي اوو بهلول
اوو هو تلقاه مربي اوو واش تقصدو يرونديلك السيرفيس لوجه الله

ضرك الزمان يقول كل واحد يولي يشوف غير روح
كل واحد يصلح نفسو
خاطرش ميتحاسب معيا حتى واحد
مييييي غسي

مفهمتش واش كنت تخلطي
يركبو على راسك ؟؟؟؟
اوو زينة او فضيلة شكونهم هادو
ينفض لغبار ؟؟؟؟
أيا سلام​

 

[Skor m@k]

رد: آآآه نحشم خخخخ

وحد النهار نمشي حتى بالصدفة نشوف "الحشمة" اونباغسون لابسة حايك و تتخزن من بلاصة لباصة

..كي شافتني هربت ...!! وهنا مخي مركا erreur 404

قلتلها wait wait سيــنــيـــورا وين راكي هاربة ..هارواحي واش بيك ...شفتيني هربتي راه فيا الجرب مثلا !!

Gاتـلي ماشي هاربة مـنـك..!!

قلتلها او نتي راكي اللي تشوفيه تهربي مـنـو غي الخير !!

...قـاتلي النـاس هربت منـي...وولات مديرليش قدر ..قلت نهرب منهم خير ..هكذا باش مايروحش مني الحياء اللي بقالي و نولي كيفكم !!

فذهبت الى احد الــpوتـوات تاع التريسيتي و بدات اضرب راسـي ضربا مبرحا هههههه وكي فطنت لقيت روحي مكتف ولابس لبيض ...و دايريني في شموبرا مافيها والو عرفت روحي رامي في مصحة عقلية تهتم بتنمية العقل من جديد واعادة ادماجه مع متطلبات الحياة هههه

---------
(حوار مقتبس من احد المراكز الخاصة بالمختلين ذهنيا و نقله لكم احد المرضى اونباغسون )
----
مليك بارك الله فيك الموهيم ..تحيا انت sec وحدك في la piste هههههه

السلام عليكم
وفيك بركة خويا حقو
والله كيما قلت الناس مولاوش يديرو لقدر للحشمة
كيفاه الحشمة بغيتها تبقى
ياودي راهم مهبلينا اللي وجهم مبلص
سورتو هدوك الي ماشي رجال اوو ماشي نساء الي يدوخو معمن تصنفهم
غير يتزعبلو فالطريق

عجبتني هادي

تحيا انت sec وحدك في la piste هههههه

مي غسي
سلام​

 

[Skor m@k]

رد: آآآه نحشم خخخخ

حسبتك تحشم صح هههههههههههههههه ربي يدومها لمة

آآآآخخخخخ
وعلاه منحشمش ؟؟؟؟؟؟ هههههه
شكرا ليك ختي​

 

[MiriRina]

رد: آآآه نحشم خخخخ

لكل دين خلق وخلق الاسلام هو الحياء

بارك الله فيك ع الموضوع

 

[السلطانة]

رد: آآآه نحشم خخخخ

وعليكم السلام
وانا حشمت باه نرد حتى اليوم باه جيت :d
علاه بقيت لدرك باه كتبت ياو
اسلوبك هايل بمعنى الكلمة هادي كامل الحشمة اكيد لي مخلاتكش تكتب
بون الحشمة في وقتنا راهي على حافة هاوية كيما يقولو
كاين ناس معندهمش هاد الصيفة خلاص
والحمد لله لي مازالت شوي عند بعض الناس
وتاع لبحر هادي صح ميحشموش كاين ناس رايحة سبيسيال باش متحشمش
بنات ودراري
ربي يهدي من خلق
العبد يشد في الكعبات تاع الحشمة لي عندو وخلاص ههههه

صحيت

​

 

[آمِيْرَتُه]

رد: آآآه نحشم خخخخ

السلام عليك

موضوع فور


الحشمة راحت مع مواليها


مرسي على الموضوع

 

[غريب الديار]

رد: آآآه نحشم خخخخ

كي تروح الحشمة يروح الدين ..

مشكور على الموضوع الهادف ..

دمت سالما ..

 

[ثَسْكُورْثْ نَثْدُوكْلِي]

رد: آآآه نحشم خخخخ

سلام عليكم خويا مالك

ههههه ركزلي على جو رامي ..

المهم نعود لمضمون الموضوع على الحشمة او الحياء

مانقولش راحت كااامل راني ضد لقالو راحت كاامل مي نقولو بلفظ نقصت او نقصت الحشمة ونقص الحياء والاحترام

لخاطر الحمد لله مزال شوية حشمة ومزال الحيا عند العايلات الجزائرية ومزال رحمة ربي الحمد لله

وللاسف الشديد كثرة قليلي الحياء زاد للطين بلة وطغى اليابس على الاخضر

على كل ربي يسترنا وان شاء الله الحشمة تقعد وتولي كيما الزمان

شكرااا على الموضوع

ههه وعفوااا مانعرفش نفلسف بزاااف تروحلي الحروف تع الدرجة ^^ راني نستعين بالفصحة شوية ههه

ايا سلام وبالتوفيق

تحياتي​

 

[أم أُنٌَيسة]

رد: آآآه نحشم خخخخ

السلام عليكم
لا حول ولا قوة الا بالله اخي الكريمربي يهدي من خلقه


*قولولي واش رايكم فالموضوع ديالي الى مليح نزيد نكتب ولا عيان ندورها للحوارو النقاش

الله يبارك اخي ، اقل ما يقال انه رائع والله بروعة حضوركم و جمال قلوبكم و نقائها

* واش رايكم في لي ميحشموش كامل

ربي يهديهم وخلاه ، هدا مانقولوا يا اخي


بارك الله فيك و جزاك خيرا
دمت مميزا و دام تالقك الكريم
في يزان حسناتك ان شاء الله
تحياتي احترامي و تقديري
في امان الله
سلام الله عليكم
​

 

[الزهرة الحمراء]

رد: آآآه نحشم خخخخ

السلام عليكم خويا
ويعطيك الصحة على موضوعك
ياااو الحشمة راحت مع الحايك تع جداتي
ديجا كاين شي عباااد نهار يتولدوا الطبيب هذاك يغلط باه ينحيلهم الصرة ينحيلهم الحشمة عليها يخرجوا هكذاك لا حشمة ولا ندبة
آني قلتلهم ذرك لازم يديروا مارشي تع الحشمة والواحد يروح يشري من ثم وكي يفوت على واحد ماعندوش ريحة الحشمة يصدقها علييه
واش نحكي وواش نخلي نحكي على لبحر لي الواحد ولا مايقدرش يروح ليه مع مالييه لا من ناحية اللبسة ولا من ناحية الهدرة الزينة لي كي تكون قاعد مع داركم حتى تسمع كاش كلمة تتقصف بيها حتى انت تصفار وتخضار قدام داركم
ولا نحكوا على كي تخرج برا وتجي فايت نورمال حتى تلقى جماعة قاعدين هوما يكونوا ساكتين ووين تفوت عليهم عايلة تجيييهم الأشعار تع طياح الهدرة من حيث لا تدري
نحكي ولا نحبس ياااه نحبس خير ولا الواحد ذرك يبدا يكي ويندب ومايحبسش
خويا ربي يهدينا ويصلح حوالنا اللهم آمين
ودمت في رعاية الله وحفظه ​