العيش مع أهل الزوج

[اريج المحبة]

رد: العيش مع أهل الزوج

افضل البيت العائلي
على السكن منفرد
تربيت في وسط عائلة كبيرة
ويوميا جمعات ولمات
لذلك ما نقدرش نتخيل نفسي نعيش وحدي
والله نهبل هههههههههههههههه
البيت منفرد هاداك يجي وقته مع مرور الايام
وان حصل يكون قرب بيت العائلة لاصق فيهم
نروح عندهم ويجوا عندي
لذلك اصوت لبيت العائلة

 

[saho souhila]

رد: العيش مع أهل الزوج

من جهتي حبذا لوكان في بيت العائلة و هكذا ستجدين الفرصة للاندماج مع العائلة و التقرب منهم و خدمتهم

و شكرا على الاستطلاع

 

[باتنية و نص]

رد: العيش مع أهل الزوج

السلام عليكم

سواء كان بيتا منفردا او بيت العائلة

فانه لا يضاهي (دار باباك )

 

[hadjer 23]

رد: العيش مع أهل الزوج

السلااام عليكم خاوتي
انا نصوت لبيت منفرد
لضمان حريتي و خصوصيتي

 

[بنت الـ25]

رد: العيش مع أهل الزوج

السلام عليكم
يوم لي خطبني قالي نسكنو وحدنا قتلو لالا نسكن مع امك
لأني انا بطبعي منحبش الوحدة وهو اكيد مش رح يقعد في جنبي طول النهار
خصوصا أنو هو أصغر إخوتو والمدلل ويحب امو وانا ما حبيتش نبعدو عليها
وهي انسانة طيبة وانا حبيتها من اول يوم شفتها فيه وحابة نسكن معاها ونعاملها مثل أمي
والشي لي ريحني انو نسا خاوتو في غيابها يشكرو فيها قالولي تعاملنا كي بناتها وما تعتبرناش كناينها
علابالي باللي لمرا كي تسكن وحدها تلقى راحتها في شحال من حاجة ، مثلا تنوض وقتما تحب وترقد وقتما تحب
وتلبس في دارها ما شاءت وتتعامل مع راجلها بكل حرية وتخدم فالدار بالنفحات ، وهدا الشي نقدرو نقولو صعيب شوية مع أهل الزوج
لكني أنا والفت في دارنا نوض بكري لأني خدامة برا ، واصلا انا البنت الوحيدة حاليا فالدار يعني الشغل تع الدار طايح طايح على راسي منذ الأزل خخخخخ
بالنسبة للباس الله غالب لازم نلتزم بالمستور وهاد الشي مش صعيب لأني انا اصلا في دارنا نلبس عادي علابيها راني نشوف فالمعيشة مع اهلو عادية
الحاجة الاخرى اللي يقلقو منها بنات اليوم تقولك كي نسكن مع والديه يرجعو خواتاتو ولا نسا خاوتو كل يوم طي عليك وما يخليونيش نتهنا في معيشتي
لكني أنا والحمدلله هاد الوضع عايشاتو في دارنا خخخخخ يعني مالفة بخواتاتي كي يجيونا ضياف كيفاش تتقلب الدار من ولادهم والشغل تع الدار يطيح كلو على راسي يعني عادي كي هنا كي لهيه
القضية برك قضية وقت وتأقلم وعقليات
وأخيرا نقول لكل متزوجة او مقبلة على الزواج او حتى الصيليباطار أنو ام زوجك او خواتاتو كي يحبوك رايحين يخليوك تهناي في معيشتك حتى لو كنتي ساكنة معاهم ويعاملوك كوحدة منهم
وإذا كرهوك رايحين يكرهوك في معيشتك حتى لو كنتي ساكنة وحدك وبعيدة عليهم
الكرة في ملعبك من أول يوم لازمك تكسبيهم بلطفك ومعاملتك الحسنة ليهم باش تعيشي الهنا لي اي وحدة تتمناه
​

 

[دعاء الجنات]

رد: العيش مع أهل الزوج

سلام عليكم
أنا نفضل بيت العائلة الكبيرة لأننا حنا عشنا وحدنا وكانو خوالي في ولاية اخرى وعمومي عندي غير عمي واحد مايجيش عندنا بزاف لخلافات قديمة .... ماكنتش نحس روحي كيما الناس لوخرين لي عايشين مع عمومهم وجدودهم ويوقفو مع بعضاهم حنا كنا وحدنا نباتو بلاماكلا واحد مايسمع بينا علا هاذا نتمنا اولادي مايعيشوش واش عشت انا ونخليهوم يعيشو في جو العايلة لي حاجة ماتعوضو.

 

[imaneBBA]

رد: العيش مع أهل الزوج

أكيد مع العائلة نحب الونس والالفة

 

[youcef.as.dz]

رد: العيش مع أهل الزوج

الكل يفضل العيش مستقل لكن الظروف هي التي تحكم

 

[lina algeria]

رد: العيش مع أهل الزوج

إذا كانت البنت تحب زوجها لازم تحترم أهلو و تقدرهم خاصة الوالدين مهما كانو ،، و أفضل لوكان تكون المحبة و التفاهم بين أهل الزوج و الكنة ،،، بالنسبة للعيش مع الأهل حسب الحالةإذا كانت العائلة كبيرة من أحسن يكون مؤقت حتى يفرج ربي لأنو حتى إذا تفاهمت الكنة مع العائلة راح يجو الأولاد ...‘و إذا كان الزوج عايش غير مع الوالدين وعلاش لالا الكنة تكون بمثابة الإبنة لهم

 

[meriem milagro]

رد: العيش مع أهل الزوج

بيت منفرد لأن الزواج الهدف منه تكوين اسرة و ليس اللجوء الى اسرة اخرى​

 

[belkhir amine]

رد: العيش مع أهل الزوج

السكن لوحدي لاكون حر

 

[~أمِيرَة الخَجل~]

رد: العيش مع أهل الزوج

أنا نحب نكون مع زوجي مرتاحة ان شاء الله
هاذا مش لأني متكبرة على عايلتو لالالا
هاذا لأني انا نحب نكون عزيزة مكرمة في بيتي وحدي
و أكيد ما ننساش نطل عليهم ^^​

 

[الباحثة عن الحق]

رد: العيش مع أهل الزوج

** السلام عليكم **

تم التصويت مع بيت الاهل

لقد اخترت مع بيت الاهل لانه لايرد للزوجي الابتعاد عن اهله هذى اول حاجة وثانيا كيما يروح الراجل للخدمة مثلا مانبقاش وحدي ولكن هناك نقطة اخرى ان بيت الاهل ممكن يكون فيه الاسلاف

وانا مانحبش الاختلاط للذلك يجب السترة دائما والاهم من كل شيئ الهناء

 

[لآ شَيْـئَ مُهـمْ]

رد: العيش مع أهل الزوج

من الي شفتو فالواقع القريب نقول من الافضل العيش بيت منفرد
ذلك انه افضل من كل النواحي
تم التصويت