أمي جعلت منّي كسولة

[السلطانة]

في موضوعي هذا أريد التحدث عن ظاهرة رأيتها في بعض العائلات الجزائرية
والتي هي:
تدليل البنت من طرف أمها

بحجة الدراسة أو صغر السّن

فنجد البنت هي الآمر الناهي
تأتي من المدرسة فتطلب من أمها أن تحضر لها حليب المساء :regards02:
ينضج العشاء فتأتي لهاوالدتها بالأكل إلى غرفتها كأنها ملكة :bravo01:

أمي،أمي عليكِ بغسل المأزر وتحضير ملابس الأسبوع لي
بمعنى آخر

مارأيكم في الأم التي تجعل من ابنتها كارثة في الكسل ؟
وتحضّر لها الأكل وتقوم هي بالواجبات المنزلية
وكأن ابنتها ملكة من ملكات القصور

وفي المقابل نجد البنت التي تتحجج بالدراسة
فاتحة لحاسوبها وهاتفها وتلهو على النت
أو مع صديقاتها أو نائمة ..الخ

نرجو مناقشة الموضوع من جوانبه التي ترونها حسب رأيكم

​

 

[Salam Fleur]

رد: أمي جعلت منّي كسولة

السلام عليكم

واووووو .... صح مانكذبكش شفتها حتى انا ... ودهشت .. حتى قلت انا ماما شريرة ههههه .... في عمري 9 سنين بديت نطبخ الكسرة ........ حرام عليها ضيعتلي طفولتي ....خخخخخ

و الله يا هاذي .... اواه زيد تدوشها و خلاص و ديرلها سوساتة .....

ربي يعين هاذي الام وربي يهديها تاني على هاذ التربية .. الطفلة مهما يكون لازم تتعلم الاعمال المنزلية و انا من الناس لي مع تربية الاطفال بنات ولا دراري في المساعدة داخل المنزل ... و من بعد تقولك عييت و هبلوني وراجلي زوج عليا و مانعرف واش ...

ربي يعين و ربي يهدي

شكرا على الموضوع القيم ساندي

تقبلي مروري ​

 

[♫الباحثة عن الحظ♫]

رد: أمي جعلت منّي كسولة

سلام عليكم غاليتي
موضوعك جميل جدا
ممم ربما تدليل الام يدخل في جزء من هذا الامر
لكن انا يبدو لي تدليل مع مسل الفتاة
لان كلنا كبرنا على الدلال كما يقال عندنا الفشوش وهذا لا يجب ان يتخد ك - سبب لان ندعي ان الام هي المسؤولة
حتى الفتاة ربما لما تكون في عمر صغير ربما لن تعرف المسؤولية التي امامها وتراها لا تهتم كثير
لكن مع مرور لوقت ووكبرها هنا يجب هي من تبدا في الرغبة في تحمل المسؤولية والتعلم
ايضا هناك عائلات اين توجد اخوات اكبر سنا بالتالي تعتمد عليهم
يعني جميعنا كبرنا في جو التدليل لكن مع الوقت وكلما تقدمنا في السن اصبحنا نحن من نبحث عن المسؤولية ونرغب في معرفة كل شىء وحتى والدة لما تراها تعمل لوحدها -- تغيضك--
لكن هناك فتيات ربي يهديهم قلوبهم حجرة ربي يجيب الخير
تحياتي وشكرا واعذري عربية الفصحى ههه من مدة ام اكتب بها اعتدت الدارجة
​

 

[Hakan]

رد: أمي جعلت منّي كسولة

موضوعك راائع ولكن لاصدق اختي القول
انا من جعلت اخواتي يحرثن حرثاا هههه
تدللت عليهن فاصبحن شاطرات والحمد لله
اما الام هذيك نضن لما نجيو لحياتها
تلقايها هي في نفسها ما تعرفش حوايج بزااف
والشي هذا عيب يعني طفلة 13 سنة نضن لازم تتعلم شوياا
خواتاتي بقالهم غير الكسكس ما زال ما يعرفوش يفتلوه
وجاي النهار نضرب بزوج شكاير دقيق خشن ونقلهم يفتلو ويتعلمو الكسكسي
ربي يهنيك ع الموضوع..​

 

[مريم.]

رد: أمي جعلت منّي كسولة

اقسم بالله والله يشهد عليا اني السنة التامنة من التعليم الاساسي بدات في المطبخ ودلك لضروف عائلية ولكن ولله الحمد انا اليوم وبدون مجاملا ربت بيت من كل النواحي حتى زوجي ينبهر في وفي شغلي وفي كل شئ ولله الحمد والكمال لله سبحانه وتعالى

 

[نبض الحياة]

رد: أمي جعلت منّي كسولة

السلآم عليكم
موضوع رآئع وفي الصميم غآليتي
هي مشكلة نجدهآ في اغلب البيوت
لكن عوآقبها وخيمة لكلا الطرفين
شخصيا كنت احتج بالدرآسة في صغري
لكن منذ ان خطوت خطوآتي نحو المطبخ وجدت فيه رآحة أكثر
فامي دائما ما تقول لي مهما درست ومهما كآن مستوآك العلمي ستصبحين يومآ مآ ربة بيت
تعودين للطبخ فهاته هي اصول البنت
والحمد لله، فحآليا ماما تقول انني السبب في تخليها عن بعض الوصفآت
حتى احيانا تطردني بحجة انني لن ادوم معها في المطبخ
فتقول لا اريد التعود على التكاسل حتى اغرق بعد ذهابك
​

 

[آمِيْرَتُه]

رد: أمي جعلت منّي كسولة

السلام عليك

الحق تدللت لكن في أمور آخرى مش في شغل البيت ماما دللك حتى لتم مي وقت القضيان متعرفك متعرفيها ههه

يا لوكان تغسلي فنجان القهوة و متطلقكش خخخخ :d

بصح على بالك يرجع هذاك الدلال بالفساد على البنت

آختي مدلة بناتها هكا ميديرو والو يجيبو ب 19 معدل ماشاء الله مي ميغسلو ميطيبو فقط الكبرى دير شؤونها لأنها تربت عند الماما :p

و لكن كي نكونو ملمومين في كاش فرح يبانو مع البنات القافزات يبقو غير يتفرجو حتى يحشمو مي درك كي عرفوا و فاقو رجعو شوية يتحركو مع أنهم صغارات مش كبارات مي كاين أصغر منهم طيارات

عليهم الله يبارك

الدلال في أمور آخرى مش في تعليم و الطبخ و غيرها

مشكورة على الموضوع

 

[لؤلؤة قسنطينة]

رد: أمي جعلت منّي كسولة

السّلام عليكم أختي
بارك الله فيك على الموضوع القيّم
وبصراحة ماش رايحة نحكي على فلانة وفلانة رايحة نحكي عن نفسي
أنا اصلا مانحبش نقعد نتفرج وماما تخدم عليا, يعني صار باه تطلب كاس ما نوض فوراً
فمابالك انا راقدة وهي تغسل , مانكدبش صح ساعات لما نرجع من القراية على 4 نلقاها غسلت لماعن ودارت كلشي وحدها
ولما نقولها علاه؟ , تقولي ماش مليح لي مراض بالسكر يقعدو بزاف يعني لازمني نخدم
والأم تاعي بطبعها نشيطة, يعني كن نحط كاس مانجي نرجعلو نلقاها غسلتو بعد ماتحبش تقعد
ومانكدبش على روحي ولا عليكم, ساعات في في أيام الإمتحانات هي نفسها تقولي ماتغسليش لماعن ولا خلي عليك لعشا
والله نتقابدو انا وياها عليهم, بكري كنت شوي بصح دركا مام في الامتحانات وندير خدمتي
ربما ماش بالشكل لكبير بصح باه مانخليش التعب لكبير عليها
وخاصة في الصيف, خاطر الأم تاعي عندها مرض القلب وماتقدرش للصيف بصح في الشتا تولي غزالة ^^
ربي يحفظ كامل الأمهات وأكيد رايحين نقسمو وقتنا شوي هك وشوي هك
باه مايجيش التعب على الأم
تحياتي ​

 

[بنقابي افتخر]

رد: أمي جعلت منّي كسولة

هههه هزيتي اللمه بهذا الموضوع
هذا افضل موضوع ربما احببت ان اعلق عليه
لما نشوف الدلال الزائد للامهات اواه انا نقول ماما علاه ماديرليش هاك
وكي صرت ام وعرفت الاحساس نتاع المسؤوليه قلت الشه فيك تستاهلي كثر
لأنو لي عندو بنت كيما بنتي يا و يهبل هههههه
المهم الدلال الزائد مرض يصيب الامهات
كاين اللي تقولك انا ماما مدلعتني بنتي نديرلها كثر من
وهيا ماشا .....
والدنيا بالمقلوب ناس تقلد واش راها تشوف في الافلام زالمسلسلات والنهايه اما البنت تنحرف او تنجرف
وتتطفر فيهم في زوج
.ويقول ياليت الزمن يعود للوراء
.....

 

[ARCHICAD2016]

رد: أمي جعلت منّي كسولة

أخطاء كثيرة يقع فيها الاولياء من بينها الافراط اللازم في التدليل .. ولكن خير الامور اوسطها ...
االام عليها بالتكفل بالتربيه الحسنه لابنتها و توجيهها وتعليمها وهي مسؤوله عنها يوم القيامه ...
الافراط اللازم و التدليل يجعل الطفل او الطفله اتكاليه وكسوله وعدم وجود جدار الاحترام بين الام والبنت يجعل من كلام غير مسموع و يستهان به ... وصلنا الى نشاهد ونسمع صوت البنت يعلوا على صوت الام!!!!
الفتاة العشرينيه مفتوله العضلات يوميا امام الحاسوب والنت و الام الكهله منحي ظهرها في المظبخ!!!!
الاب الكهل يحمل قفته للتسويق والأبن يتفرج او في نوادي الأنترنيت.
ان اغلب حالات الطلاق التي تحدث لبعض الفتايات كان سببها فجوه في تربيه الفتاه .. الفتاه التي تربت على العناد والمشحانات والجدال والمراء ورفع صوته وعدم احترامها لمن اكبرمنها ... والفتاه التي تعودت على الكسل
في بيتها و تتزوج تخرج من بيت والديها لاتقوى حتى على طهي حبه بيض ... كيف لها ان تنجح في حياتها الزوجيه .. من يقبل العيش مع فتاه ملسونه اللسان و كسوله ..
صحيح انك ايتها الفتاه قد تتزوجين لاجل جمالك وجمال جسدك ولكن ثقي جيدا انهما لن يشفعا لكي ابدا في دوام ونجاح حياتك الزوجيه مع مرورالوقت...على قول احد الحكماء لماتزوج امراة جميله و كسوله قائلا لها
""عيت من زينك ننظرّ وعيت من شحمك ننتر وريني صنعة يديك"" *سي عبد الرحمن المجدوب طيب الله ثراه

 

[السلطانة]

رد: أمي جعلت منّي كسولة

السلام عليكم

واووووو .... صح مانكذبكش شفتها حتى انا ... ودهشت .. حتى قلت انا ماما شريرة ههههه .... في عمري 9 سنين بديت نطبخ الكسرة ........ حرام عليها ضيعتلي طفولتي ....خخخخخ

و الله يا هاذي .... اواه زيد تدوشها و خلاص و ديرلها سوساتة .....

ربي يعين هاذي الام وربي يهديها تاني على هاذ التربية .. الطفلة مهما يكون لازم تتعلم الاعمال المنزلية و انا من الناس لي مع تربية الاطفال بنات ولا دراري في المساعدة داخل المنزل ... و من بعد تقولك عييت و هبلوني وراجلي زوج عليا و مانعرف واش ...

ربي يعين و ربي يهدي

شكرا على الموضوع القيم ساندي

تقبلي مروري ​

وعليكم السلام
كاين امهات يربيو بناتهم هكا ويوالفوهم

كي تكبر ماتحس ب امها ماتعاونها ماتكون هي فايقة لخدمة الدار كوم متعلمتش الاساسيات تبات فيها حتى وتعلمت ديما تبقى خدمتها مفرفشة وناقصة

شكرا اختي على المرور الطيب

 

[السلطانة]

رد: أمي جعلت منّي كسولة

سلام عليكم غاليتي
موضوعك جميل جدا
ممم ربما تدليل الام يدخل في جزء من هذا الامر
لكن انا يبدو لي تدليل مع مسل الفتاة
لان كلنا كبرنا على الدلال كما يقال عندنا الفشوش وهذا لا يجب ان يتخد ك - سبب لان ندعي ان الام هي المسؤولة
حتى الفتاة ربما لما تكون في عمر صغير ربما لن تعرف المسؤولية التي امامها وتراها لا تهتم كثير
لكن مع مرور لوقت ووكبرها هنا يجب هي من تبدا في الرغبة في تحمل المسؤولية والتعلم
ايضا هناك عائلات اين توجد اخوات اكبر سنا بالتالي تعتمد عليهم
يعني جميعنا كبرنا في جو التدليل لكن مع الوقت وكلما تقدمنا في السن اصبحنا نحن من نبحث عن المسؤولية ونرغب في معرفة كل شىء وحتى والدة لما تراها تعمل لوحدها -- تغيضك--
لكن هناك فتيات ربي يهديهم قلوبهم حجرة ربي يجيب الخير
تحياتي وشكرا واعذري عربية الفصحى ههه من مدة ام اكتب بها اعتدت الدارجة
​

اهلا وسهلا بيك اختي نورتي الموضوع بالعربي :p
صح كامل دلونا امهاتنا لكن عرفو كيفاه يعلمونا في نفس الوقت كيفاه نعاونوهم ونسلكو راسنا
وانتي هدرتي على حاجة مهمة جدا وهي الرغبة
كاين بنات عندهم الرغبة يتعلمو وكاين لي معندهمش ميتعلموش وتطفر فيهم من مباعد
بارك الله فيك

 

[السلطانة]

رد: أمي جعلت منّي كسولة

موضوعك راائع ولكن لاصدق اختي القول
انا من جعلت اخواتي يحرثن حرثاا هههه
تدللت عليهن فاصبحن شاطرات والحمد لله
اما الام هذيك نضن لما نجيو لحياتها
تلقايها هي في نفسها ما تعرفش حوايج بزااف
والشي هذا عيب يعني طفلة 13 سنة نضن لازم تتعلم شوياا
خواتاتي بقالهم غير الكسكس ما زال ما يعرفوش يفتلوه
وجاي النهار نضرب بزوج شكاير دقيق خشن ونقلهم يفتلو ويتعلمو الكسكسي
ربي يهنيك ع الموضوع..​

اهلا وسهلا خويا حكيم
ههههه تكون تضال تشرط كل يوم تحب تاكل حاجة
حتان تعلمو بسبتك
هاذا مسمن وهاذو محاجب وهاذا عيش
لعقوبة لفتيل الطعام ان شاءالله
نورت
كون كل دار فيها اخ كيما انت خلات :tongue02:

 

[السلطانة]

رد: أمي جعلت منّي كسولة

اقسم بالله والله يشهد عليا اني السنة التامنة من التعليم الاساسي بدات في المطبخ ودلك لضروف عائلية ولكن ولله الحمد انا اليوم وبدون مجاملا ربت بيت من كل النواحي حتى زوجي ينبهر في وفي شغلي وفي كل شئ ولله الحمد والكمال لله سبحانه وتعالى

اهلا اختي

اكيد لي تدخل الكوزينة بكري تتعلم وترجع فنانة مع الوقت
ربي يحفظلك عايلتك

شكرا على المرور

 

[السلطانة]

رد: أمي جعلت منّي كسولة

السلآم عليكم
موضوع رآئع وفي الصميم غآليتي
هي مشكلة نجدهآ في اغلب البيوت
لكن عوآقبها وخيمة لكلا الطرفين
شخصيا كنت احتج بالدرآسة في صغري
لكن منذ ان خطوت خطوآتي نحو المطبخ وجدت فيه رآحة أكثر
فامي دائما ما تقول لي مهما درست ومهما كآن مستوآك العلمي ستصبحين يومآ مآ ربة بيت
تعودين للطبخ فهاته هي اصول البنت
والحمد لله، فحآليا ماما تقول انني السبب في تخليها عن بعض الوصفآت
حتى احيانا تطردني بحجة انني لن ادوم معها في المطبخ
فتقول لا اريد التعود على التكاسل حتى اغرق بعد ذهابك
​

اهلا وسهلا عزيزتي
صحيح المطبخ هو عالم ومتنفس آخر تجد فيه الفتاة الراحة حيث تتعلم وتستمتع
وامك معها الحق
كانت امي تتكل علي كثيرا وبزواجي صارت تتعب
حتى انها نسيت بعض الوصفات بعد ان صارت من اختصاصي
دمت بخير

 

[السلطانة]

رد: أمي جعلت منّي كسولة

السلام عليك

الحق تدللت لكن في أمور آخرى مش في شغل البيت ماما دللك حتى لتم مي وقت القضيان متعرفك متعرفيها ههه

يا لوكان تغسلي فنجان القهوة و متطلقكش خخخخ :d

بصح على بالك يرجع هذاك الدلال بالفساد على البنت

آختي مدلة بناتها هكا ميديرو والو يجيبو ب 19 معدل ماشاء الله مي ميغسلو ميطيبو فقط الكبرى دير شؤونها لأنها تربت عند الماما :p

و لكن كي نكونو ملمومين في كاش فرح يبانو مع البنات القافزات يبقو غير يتفرجو حتى يحشمو مي درك كي عرفوا و فاقو رجعو شوية يتحركو مع أنهم صغارات مش كبارات مي كاين أصغر منهم طيارات

عليهم الله يبارك

الدلال في أمور آخرى مش في تعليم و الطبخ و غيرها

مشكورة على الموضوع

وعليكم السلام صح الدلال ماش في خدمة الدار هههه
خاصة في وقتنا الحالي
بنات اختك غير يشطارو لاتطفر فيهم
كاين بنات ميعرفوش حتى يحطو الصينية كي يجيضيف يبهدلو
نورتي

 

[السلطانة]

رد: أمي جعلت منّي كسولة

السّلام عليكم أختي
بارك الله فيك على الموضوع القيّم
وبصراحة ماش رايحة نحكي على فلانة وفلانة رايحة نحكي عن نفسي
أنا اصلا مانحبش نقعد نتفرج وماما تخدم عليا, يعني صار باه تطلب كاس ما نوض فوراً
فمابالك انا راقدة وهي تغسل , مانكدبش صح ساعات لما نرجع من القراية على 4 نلقاها غسلت لماعن ودارت كلشي وحدها
ولما نقولها علاه؟ , تقولي ماش مليح لي مراض بالسكر يقعدو بزاف يعني لازمني نخدم
والأم تاعي بطبعها نشيطة, يعني كن نحط كاس مانجي نرجعلو نلقاها غسلتو بعد ماتحبش تقعد
ومانكدبش على روحي ولا عليكم, ساعات في في أيام الإمتحانات هي نفسها تقولي ماتغسليش لماعن ولا خلي عليك لعشا
والله نتقابدو انا وياها عليهم, بكري كنت شوي بصح دركا مام في الامتحانات وندير خدمتي
ربما ماش بالشكل لكبير بصح باه مانخليش التعب لكبير عليها
وخاصة في الصيف, خاطر الأم تاعي عندها مرض القلب وماتقدرش للصيف بصح في الشتا تولي غزالة ^^
ربي يحفظ كامل الأمهات وأكيد رايحين نقسمو وقتنا شوي هك وشوي هك
باه مايجيش التعب على الأم
تحياتي ​

ربي يحفظهالك ان شاء ا لله ويشفيها
راهي تقولك نكمل الخدمة باه متتعبكش
وانتي اخلفيهالها في كل لحظة
نورتي اختي

 

[السلطانة]

رد: أمي جعلت منّي كسولة

هههه هزيتي اللمه بهذا الموضوع
هذا افضل موضوع ربما احببت ان اعلق عليه
لما نشوف الدلال الزائد للامهات اواه انا نقول ماما علاه ماديرليش هاك
وكي صرت ام وعرفت الاحساس نتاع المسؤوليه قلت الشه فيك تستاهلي كثر
لأنو لي عندو بنت كيما بنتي يا و يهبل هههههه
المهم الدلال الزائد مرض يصيب الامهات
كاين اللي تقولك انا ماما مدلعتني بنتي نديرلها كثر من
وهيا ماشا .....
والدنيا بالمقلوب ناس تقلد واش راها تشوف في الافلام زالمسلسلات والنهايه اما البنت تنحرف او تنجرف
وتتطفر فيهم في زوج
.ويقول ياليت الزمن يعود للوراء
.....

اهلا بيك اختي
ايه صح هههه حنا بكري خدمنا عن نفسي كنت نحسب لازم كل طفلة تخدم هاكاك هههه
وزيد ماما تخدم لازمني نعوضها
صح المسلسلات اثرو على النسا والبنات ويحسبو هاداك الصح حتى يجنيو النتيجة

نورتي

 

[السلطانة]

رد: أمي جعلت منّي كسولة

أخطاء كثيرة يقع فيها الاولياء من بينها الافراط اللازم في التدليل .. ولكن خير الامور اوسطها ...
االام عليها بالتكفل بالتربيه الحسنه لابنتها و توجيهها وتعليمها وهي مسؤوله عنها يوم القيامه ...
الافراط اللازم و التدليل يجعل الطفل او الطفله اتكاليه وكسوله وعدم وجود جدار الاحترام بين الام والبنت يجعل من كلام غير مسموع و يستهان به ... وصلنا الى نشاهد ونسمع صوت البنت يعلوا على صوت الام!!!!
الفتاة العشرينيه مفتوله العضلات يوميا امام الحاسوب والنت و الام الكهله منحي ظهرها في المظبخ!!!!
الاب الكهل يحمل قفته للتسويق والأبن يتفرج او في نوادي الأنترنيت.
ان اغلب حالات الطلاق التي تحدث لبعض الفتايات كان سببها فجوه في تربيه الفتاه .. الفتاه التي تربت على العناد والمشحانات والجدال والمراء ورفع صوته وعدم احترامها لمن اكبرمنها ... والفتاه التي تعودت على الكسل
في بيتها و تتزوج تخرج من بيت والديها لاتقوى حتى على طهي حبه بيض ... كيف لها ان تنجح في حياتها الزوجيه .. من يقبل العيش مع فتاه ملسونه اللسان و كسوله ..
صحيح انك ايتها الفتاه قد تتزوجين لاجل جمالك وجمال جسدك ولكن ثقي جيدا انهما لن يشفعا لكي ابدا في دوام ونجاح حياتك الزوجيه مع مرورالوقت...على قول احد الحكماء لماتزوج امراة جميله و كسوله قائلا لها
""عيت من زينك ننظرّ وعيت من شحمك ننتر وريني صنعة يديك"" *سي عبد الرحمن المجدوب طيب الله ثراه

اهلا وسهلا بك اخي
تطرقت في حديثك لنقطة مهمة
وهي فرط الدلال الذي يؤدي الى تعدي حدود البنت لاحترام امها
ومن ثم تتعدى ح
دود احترام زوجها واهله مما يجعلها انسانة فاشلة في حياتها

 

[الامين محمد]

رد: أمي جعلت منّي كسولة

السلام عليكم
أخواني اغلب الامهات اللواتي فعلن هذا
ساعدن في زيادة نسبة الفشل الأسري و في
زيادة نسبة المطلقات
فحالات جمة كان سببها عجز و تقصير الزوجة
في بيتها و زوجها
سبب تقصير الزوجة أكيد هو بسبب
خطأ تربوي فادح كالتي اتيت عليه

وصية للأمهات اللواتي يأخذن هذا المسار في التربية
لما يأتي الخطاب غير شدي بنتك لأنها رايح تجيبلك المعايرة
و يقول عليها جاااايحة

امهاتي العزيزات الدواء مر لكن أخذه يأتي بالشفا
كذالك الشدة في بعض الأمور لابد منها
لكي تنجح ابنتك في حياتها​