طريقة أمي في صنع الرgـــآق ولا المفرمسة

الحلم الوردي

:: عضو بارز ::
أحباب اللمة
إنضم
21 مارس 2010
المشاركات
44,625
نقاط التفاعل
68,161
النقاط
696
محل الإقامة
عالم النسيان
الجنس
أنثى
السلام عليكن
tongue-leaf-emoticon.gif

واش راكم ان شاء الله راكم ملاح
speakerphone-leaf-emoticon.gif

اليوم جبتلكم
طريقة أمي في صنع الرgـــآق ولا المفرمسة
ليوم بمناسبة المولد النبوي الشريف
ماما دارتنا

الرgـــآق
المكونات

سميد
درت تلات كيلات سميد متوسط
كيلة فرينة
ملح وماء
وفي الاخير نحتاج الى كمية من الزيت
الطريقة
اولا نحضر كمية السميد والفرينةونضيفلها كمية من الماء الكافية لتبليل العجينة وليس كثيرا
نخليها ترتاح لمدة 10 دقائق ثم نبقى نضيف في الماء تدريجيا
وفي اخر خطوة نضيف الملح مع شوية ماء وندلك حتى نتحصل على فقاعات في العجينة وتكون ملساء
مانرخفهاش بزاااف ليسهل التحكم فيها

عندما تجهز العجينة يكون شكلها كالاتي

381810965.jpg

نبلل اليدين بالزيت ونشكلها كويرات او لوزات متساوية على صينية مدهونة بالزيت
714840210.jpg

نغطيها بغلاف بلاستيكي ونتركها ترتاح بينما تسخن الطاوة
ثم نبدا بتحضير لوزتين او كويرتين
نسطحهم قليلا بكمية من الزيت

89706897.jpg

ثم نضعهم فوق بعض ونفردهم باليد على شكل دائري وخاصة الاطراف حتى لا تكون معجنة في النهاية
155463719.jpg

نحل مليح العجينة حتى تكون شبه شفافة
677036733.jpg



نسخن الطاجين على نار متوسطة الحرارة
ونرش عليها قطرات من الزيت ونحط عليها العجينة ونرش فوقها قطرات من الزيت ايضا
718302565.jpg

عندما تنتفخ دليل على نجاحها
نقلبها من الجهة الاخرى
485227889.jpg

نواصل طهيها من جميع الجهات ولا نكثر من التقليب حتى لا تيبس


هنا ماما تحط كل حبة فوق بعضاها

وتوليها وتقطعها بالسكين

هذيا بعد ماتقطع

هذا هو الرقــآق



 
رد: طريقة أمي في صنع الرgـــآق ولا المفرمسة

روععععععععععععععة
مشكورة غاليتي
 
رد: طريقة أمي في صنع الرgـــآق ولا المفرمسة

حنا نسموه فطير اول مرة نسمع بهاذ الاسم
تاكلو بالصحة ومولد نبوي شريف تتهنو فيه​
 
رد: طريقة أمي في صنع الرgـــآق ولا المفرمسة

وعليكم السلام ورحمة الله تعالى وبركااته
ما شاء الله تبارك الرحمن
يسلمو دياات المامااا وربي يحفظها
وشعاال نمووت على الرقااق
حاولت نجرب حبات مين نعمل المحاجب لكن المشكلة مين نجي ترفدها تتبهدلي لعجينة هههههه
ان شاء الله مع الوقت نتعلمه
مرسي حبوووبتي
بصحااتكم وربي يحفظلك الماما ويخليهالك يا رب
 
رد: طريقة أمي في صنع الرgـــآق ولا المفرمسة



يم يم شكلها يشهي، عـــآشت ايدين الوالدة الغالية
ربي يحفظها
بصحتكم أختي الحبيبة وبارك الله فيكِ على الطريقة
دمتِ بخير
 
رد: طريقة أمي في صنع الرgـــآق ولا المفرمسة

الله يسلم اليدين هدوك لي دارو المفرمسة
احنا نقولولو المشلوش نفوروه ونديرولو العسل وبالصحة والهنا
وإذا كنا رح نديروه شواط نشخشخوه باليد برك منقصهش بالموس ونفوروه ونسقيوه بالمرقة
بصحتكم ملاك
 
رد: طريقة أمي في صنع الرgـــآق ولا المفرمسة

الله يبارك ربي يحفضلك لميمة
نفس طريقتي اللي تعلمتها على امي الله يرحمها
غير انا نفتتها بيدي منقصهاش
يعطيك الصحة
 
رد: طريقة أمي في صنع الرgـــآق ولا المفرمسة

الله يسلم اليدين هدوك لي دارو المفرمسة
احنا نقولولو المشلوش نفوروه ونديرولو العسل وبالصحة والهنا
وإذا كنا رح نديروه شواط نشخشخوه باليد برك منقصهش بالموس ونفوروه ونسقيوه بالمرقة
بصحتكم ملاك
بنت قصنطينة هيه نقولولو لمشلوش كي نديروها رفيس
نفوروها ونسقيوها بالعسل والزبدة ونديرولها اللوز والجوز
لكن تاع نهار اليوم راح تكون بالمرقة حمرا تاع طماطم ولحم وحمص وفلفل
وهي شخشوخة المولد
اهل قصنطينة نضنكم متعرفوهاش والا القليل اللي يديرهاتعرفو لشخشوخة الضفر
 
رد: طريقة أمي في صنع الرgـــآق ولا المفرمسة

وعليكم السلام يعطيها الصحة ماماك الله يبارك

حنا نسميوه النعمة ولاالفطير ومنشخشوههش هاكاك نديروه كبير شوي ونحطوه يفور ونطيبولو لاصوص
بالخضرا ونسقيوه

كل عام وانتم بألف خير
 
رد: طريقة أمي في صنع الرgـــآق ولا المفرمسة

روععععععععععععععة
مشكورة غاليتي
الله يسلمك اختي
سعيدة بتــوآجدكي
كل الشكر لكي
 
رد: طريقة أمي في صنع الرgـــآق ولا المفرمسة

جا هايل الله يبارك يعطيها الصحة
 
رد: طريقة أمي في صنع الرgـــآق ولا المفرمسة

حنا نسموه فطير اول مرة نسمع بهاذ الاسم
تاكلو بالصحة ومولد نبوي شريف تتهنو فيه​
كل منطقة وكيفــآش حنا نقولو نعمة ولا الفطير
الرقاق نتاع ناس الغرب
المفرمسة نتاع سطيف
الله يخليك حبوبة
ان شـــآء الله
وانت تانيك مولود سعيد
سعيدة بتــوآجدكي

 
رد: طريقة أمي في صنع الرgـــآق ولا المفرمسة

وعليكم السلام ورحمة الله تعالى وبركااته
ما شاء الله تبارك الرحمن
يسلمو دياات المامااا وربي يحفظها
وشعاال نمووت على الرقااق
حاولت نجرب حبات مين نعمل المحاجب لكن المشكلة مين نجي ترفدها تتبهدلي لعجينة هههههه
ان شاء الله مع الوقت نتعلمه
مرسي حبوووبتي
بصحااتكم وربي يحفظلك الماما ويخليهالك يا رب
الله يبارك فيكي
الله يخليك حنونة
اللهم آمين
ايه بلعقل دورك تولي نوغمال
وتجيك كيما هكا
الله يسلمك اختي
سعيدة بتــوآجدكي
كل الشكر لكي
 
رد: طريقة أمي في صنع الرgـــآق ولا المفرمسة



يم يم شكلها يشهي، عـــآشت ايدين الوالدة الغالية
ربي يحفظها
بصحتكم أختي الحبيبة وبارك الله فيكِ على الطريقة
دمتِ بخير
اللهم آمين
الله يسلمك اختي سكون
وفيكي بــآرك الله
سعيدة بتــوآجدكي
كل الشكر لكي
 
رد: طريقة أمي في صنع الرgـــآق ولا المفرمسة

الله يسلم اليدين هدوك لي دارو المفرمسة
احنا نقولولو المشلوش نفوروه ونديرولو العسل وبالصحة والهنا
وإذا كنا رح نديروه شواط نشخشخوه باليد برك منقصهش بالموس ونفوروه ونسقيوه بالمرقة
بصحتكم ملاك
الله يبارك فيكي
ايه المشلوش هداك الي يجيء حلو بالمكسرات والعسل
ايه موالفين تانيك نديرو الشواط
ماما برك بدلت الطريقة نتاع الفص برك
باسكو موالفين نشخشخوه باليد كيما نتاع زمــــآن
الله يسلمك اختي مينــــآت
سعيدة بتــوآجدكي
كل الشكر لكي
 
رد: طريقة أمي في صنع الرgـــآق ولا المفرمسة

الله يبارك ربي يحفضلك لميمة
نفس طريقتي اللي تعلمتها على امي الله يرحمها
غير انا نفتتها بيدي منقصهاش
يعطيك الصحة
الله يبارك فيكي
اللهم آمين
ربي يرحمها ويوسع عليها
ايه مام ماما ديرها بيدها
مي دوركايا بدلت الطريقة
مام كي تقصيها تجيء مليحة
الله يسلمك اختي سمــآح
سعيدة بتــوآجدكي
كل الشكر لكي
 
رد: طريقة أمي في صنع الرgـــآق ولا المفرمسة

وعليكم السلام يعطيها الصحة ماماك الله يبارك

حنا نسميوه النعمة ولاالفطير ومنشخشوههش هاكاك نديروه كبير شوي ونحطوه يفور ونطيبولو لاصوص
بالخضرا ونسقيوه

كل عام وانتم بألف خير
اللهم آمين يارب
ايه حنا تانيك نقولو النعمة ولا الرقاق
ايه من زمان كانو يشخشخوه باليد نوغمال
ماما بدلت برك قصاتو بالموس
ايه تحطيه يفور ديري مرقة حمرا بالخضرا ولا الحمص
الله يسلمك اختي
سعيدة بتــوآجدكي
كل الشكر لكي
 
رد: طريقة أمي في صنع الرgـــآق ولا المفرمسة

جا هايل الله يبارك يعطيها الصحة
الله يبارك فيكي
اللهم امين
سعيدة بتــوآجدكي
كل الشكر لكي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top