عمل الطبيب البيطري في الجزائر

[الاحلام الوردية]

واش رايكم في خدمة البيطري في الجزائر هل فتح عيادة بيطرية تدخل الدراهم بزاف ولا لا لاني تقدم لي واحد بيطري وانا ماعجبتنيش للخدمة نتاعو ارجوكم ساعدوني[/CENTER]

 

[السلطانة]

رد: عمل الطبيب البيطري في الجزائر

أهلا وسهلا أختي

أنتي حاgرة خدمة البيطري

:d

البيطري راه قبل كل شي طبــــــــــــيب
راه ماش جا برك يخدم هاكاك برك
راه قرى عليها وتعب وأكيد مهنة ناجحة وتأكدي بلي الرزق من عند ربي سبحانو.
أفضل الشعب في الدراسة :


الطب ومجالاتو :طب وصيدلة وطب أسنان وطبيب بيطري

مفهمتش السبب لي خلاك متعجبكش خدمتو
مع انها خدمة لاباس بيها والطب سواء في الانسان او الحيوان يبقى طبّ ومهنة شريفة

وهل أنتِ دارسة للطب أو ماشابه ؟

صراحة هذا رأيي وزيدي استخيري
انتي سألتي من ناحية هل الخدمة تاع البيطري تجيب المال ؟
كون قلتيلنا على الأخلاق والدين كنت ننصحك نصائح خلاف
لكن لابأس ربي يجيبلك لي فيه الخير
​

 

[ثَسْكُورْثْ نَثْدُوكْلِي]

رد: عمل الطبيب البيطري في الجزائر

سلام عليكم اختي

تفكيرك ضيقُُ جدََااا أختآه ...!!!

بيطري ...أخصائي نفساني ...طبيب الأمراض العقلية ...أستاذ ...أعمال حرة ....وغيرها من المهن ...

يعمل يعني وجد منصب عمل

إذن احمدي الله فهناك رجال يبحثون عن عمل كالبحث عن ابرة في كومة قش ...

احداهن سألتني هل أقبل بأحدهم لكن لم تعجبني مهنته

قلت ربما يعمل في ملهى ليلي ...!

اجابت لاااااا

قلت لها خير ان شاء الله

قالت يعمل طبيب ...!!!

قلت لها ولما لم يعجدبك الطبيب مثلااا ...

قالت لانه مختص في الامراض العقلية .............!!!!!!!!!!!!!!!!!!!!!!!!!!!!!

سبحان الله ...غادرتها ولم أجبها ...!

بخصوصك أختاه :

الله هو الرزاق
والعبد هو المسبب
كل عمل فيه رزق الحلال فلما الرفض يا ترى ...؟ الا اذا كان هذا البيطري ليس بالرجل الصالح ..!

موفقة








​

 

[الاحلام الوردية]

رد: عمل الطبيب البيطري في الجزائر

اخلاقه ماعندي مانقول فيها لكن كاين لي خوفني من هده الخدمة بلي تنقل الامراض الخطيرة من الحيوانات وايضا بلي ما عندهمش خدمة نهار كامل وهما قاعدين وانا بصراحة مانحبش الراجل لي ما خدامش لاخاطر انا خدامة ودايرة اعتقاد في بالي بلي الراجل هو لي يخدم ويصرف على الدار وانا نعاونو بلي نقدر ماش انا لي نصرف

 

[السلطانة]

رد: عمل الطبيب البيطري في الجزائر

اخلاقه ماعندي مانقول فيها لكن كاين لي خوفني من هده الخدمة بلي تنقل الامراض الخطيرة من الحيوانات وايضا بلي ما عندهمش خدمة نهار كامل وهما قاعدين وانا بصراحة مانحبش الراجل لي ما خدامش لاخاطر انا خدامة ودايرة اعتقاد في بالي بلي الراجل هو لي يخدم ويصرف على الدار وانا نعاونو بلي نقدر ماش انا لي نصرف

:s:s:s:s:s فشلني تخمامك أختي

كيفاه خدمتو تنقل الأمراض

السيد قاري عليها وأدواتو لي يخدم بيها تتعقّم

وكيفاه معندهمش خدمة هاذي

راهم يروحو للباطوار كاين لي يتعاقد معاهم هو لي يروح يراقب البقر والنعاج والدجاج يعمللها vيزيت قبل ماتتذبح يشوف كان راهي مريضة ولا نو

ويخلص اكيد ماش باطل وكاين لي يخدم مع مزااااارع يداوي الحيوانات ويراقبهم ووو

وكاين لي يروح مثلا لحبس ولاسبيطار ولاحاجة ويروح يفوتلهم كونترول كيف كيف على اللحوم قبل مايستهلكوها

هاذا كل انتي تشوفي في الطبيب البيطري يضل قاعد !

نظن بلي تفكيرك محدود في كون البيطري يعالج القطط وحنا في دزاير منهمتوش بيهم مي اسمحيلي راكي غالطة

ان شاءا لله يدخل كاش واحد بيطري في الميدان ويفصّلك في الأمر

كي عادو البياطرة لي فاتحين يضالو قاعدين وميخلصوش هاذي معلومة جديدة

 

[آمِيْرَتُه]

رد: عمل الطبيب البيطري في الجزائر

السلام عليك
آختي أنت مثقفة ؟ قارية ؟ فاهمة ؟
كي تجاوبيني نرد عليك

 

[الورد الأحمر]

رد: عمل الطبيب البيطري في الجزائر

السلام عليكم ورحمة الله وبركاته

انتي أختي حاطة بلي راكي من سكيكدة وحتى أنا من سكيكدة واسمحيلي أنا أو نحكي غير الصراحة أقسم بالله لوكان تمديلي اسم هاذ السيد غير نعيا محوسة عليه سكيكدة كاملة ونقولو ربي يحفظك خويا غير شوف وحدة خلاف راك نويت برك تتقدم ديجا راهي تحوّس على العيادة البيطرية تدخل بزاف دراهم ولا لا وتحوس من درك عالمصروف وسمعت بيك جوجل !!
تحسبي البيطري يكسر في اللوز مثلا ؟ يخي قلتي عندو عيادة في بالك لوكان جا خاسر في لافاغ يبقى فاتحها !! اسمحيلي أختي بصح تفكيرك جد محدود ويا غبينتو مسكين .

 

[الاحلام الوردية]

رد: عمل الطبيب البيطري في الجزائر

الحمد لله راني قارية وفاهمة المشكل فقط اني ماعندي حتى فكرة على البيطري
وكي نسقسي على خدمته كل واحد يقول كلام مايعجبنيش وانا ماحاباش نضيع هده الفرصة لانه الراجل ولد فاميلية علا هده حابة نجيب الصح

 

[آمِيْرَتُه]

رد: عمل الطبيب البيطري في الجزائر

الحمد لله راني قارية وفاهمة المشكل فقط اني ماعندي حتى فكرة على البيطري
وكي نسقسي على خدمته كل واحد يقول كلام مايعجبنيش وانا ماحاباش نضيع هده الفرصة لانه الراجل ولد فاميلية علا هده حابة نجيب الصح

الحمد الله
بغيت نعرف باه لي نقوله تفهميه
شوفي الراجل لي يخدم و عنده منصب يالوكان يبيع الساشيات متخافيش قاع
قالك شوفو للآخلاق و الدين و منبعد المال
أكيد الكل يحوس على راجل عنده منصب مرموق مي متدوش الرسول الكريم قدوة في حوايج و البقية العكس الرسول صل الله عليه وسلم كان راعي و تزوج بوحدة كانت غنية و هذي القصة بلا منحكيهالك راكي تعرفي وحدك و نتاع ينقل العدوة و منعرف ملا قاع لي يخدمو بيطري محسوبك مرضى ؟
خلينا نحكوا حكاية يتقبلها العقل مهنة البيطري كيفها كيف المهن الآخرى
باغية تعرفي روحك كان راح تعيشي هانية ملا شوفي لعقله و آخلاقه
قادرة تعيشي بكاس ما و طرف خبز و متعيشيش بقناطر لحم كل يوم

 

[الاحلام الوردية]

رد: عمل الطبيب البيطري في الجزائر

اسمحيلي اختي انا كنت مغمومة وكنت حابة نفرغ واش في قلبي يقلك ما يحس بالجمرة غير لي ماضي عليها بصح ظاهرلي راني غلطانة كي سقسيتكم ودير في بالك بلي راني مايهمونيش الدراهم المهم يكون قادر على داره ونقلك حاجة ياسعدو يلي يطيح في الحمد لله ذات خلق ودين ونخاف ربي وانا حبيت نحي وسواس الشيطان من راسي على هده سقسيتكم باش نرتاح وشكرا خروج

 

[الورد الأحمر]

رد: عمل الطبيب البيطري في الجزائر

اسمحيلي اختي انا كنت مغمومة وكنت حابة نفرغ واش في قلبي يقلك ما يحس بالجمرة غير لي ماضي عليها بصح ظاهرلي راني غلطانة كي سقسيتكم ودير في بالك بلي راني مايهمونيش الدراهم المهم يكون قادر على داره ونقلك حاجة ياسعدو يلي يطيح في الحمد لله ذات خلق ودين ونخاف ربي وانا حبيت نحي وسواس الشيطان من راسي على هده سقسيتكم باش نرتاح وشكرا خروج

السلام عليكم

يا أختي احنا ما شفناش في كلامك كلام وحدة مغمومة تفرغ في قلبها انتي طول سقسيتينا إذا العيادة البيطرية تدخل بزاف دراهم !! واحنا جاوبناك على حساب ما انتي سقسيتينا !!

لوكان قلتي تقدملي واحد ودارنا قابلين ومدوني وأنا لا مانيش حابة ووو كنا فدناك بأمور ودعاوي خير وبالاك طرق باه يا تتأقلمي معاه يا تبدلي راي داركم مي انتي سقسيتينا طول على الدراهم !! واش نفهمو احنا ؟؟ زيد لي قلقك خدمتو يظل قاعد معرف شكون كذب عليك في هذي !! وخايفة لا من كثر ما راه قاعد على حسب تفكيرك ما يدخل دراهم بزاف !! وانتي قلتي انا حايبة هو لي يصرف عليا ماشي انا لي نصرف وخليتي بالنا كامل مركز أنو لي زاعتك هي نقطة الدراهم مش نقاط أخرى من بعد كي نقولولك كلام تقولي غلطانة لي سقسيت !!

عموما ربي ييسرلك أمورك وكي عدتي واعية مادابيك تتولهي للتفكير مرات يخلي الإنسان يبان لا علاقة بالوعي وتفاهات الأمور ما تركزيش عليها كي يعود الراجل أولا ذو خلق وناس ملاح وزيد بخدمة باينة ما عندك علاه تعايبيه إلا إذا الله غالب مرات تصرا وين الوحدة كي تشوف الشخص ما تقدرش ولا بأي شكل من الأشكال تتخيل روحها مرتو حتى لوكان لاباس بيه من كلش .

بالتوفيق .

 

[لؤلؤة قسنطينة]

رد: عمل الطبيب البيطري في الجزائر

السلام عليكم اختي
واسعد الله اوقاتك
يا اختي حطي ربي في قلبك وعلاه تخمي من المستوى المادي فقط
علاه عينينا ديما كبار ونحوسو على واحد عندو مكانة في المجتمع؟
اذا الشخص طيب ومحترم وصاحب اخلاق غير اتوكلي على ربي وروحي وعينيك مغمضين
واصلا واش خصو البيطري؟؟ انا راني بكيت لي تحرمت من هاد المهنة لدرجة نحبها
وانا نعرف بيطريين راهم بالفيلات لدرجة وصلتهم المهنة تاعهم لمكان مليح، ربما ماكانش بزاف في مجتمعنا
ثقافة تربية الحيوانات، بصح المهنة تمشي نورمال كيفها كيف اي مهنة
واصلا الراجل كيما قاتلك احدى الاخوات يكون طبيب ولا بناء ولا معلم ولا اي مهنة المهم مهنة شريفة
يعني مافهمتكش اختي الحبيبة لقيتي انسان تقدملك على سنة الله ورسوله ومثقف وخدام ماشاء الله
بصح نتي تخمي على المستقبل وواش فيه وعلى الدراهم اذا يدخلو بزاف، نتي تحوسي على الهنا ولا الدراهم يدخلو بزاف
وأتأكدي الارزاق بيد الله، كاين لي كانو عندهم مصانع واموال كي التبن وبين ليلة ونهار صبحو برا،
مالا بركايك من هاد التفكير وصلي صلاة استخارة باه تتأكدي اذا الانسان صالح ماش على دراهمو
واتوكلي على ربي ومايكون غير الخير
وربي يهنيك ان شاء الله
تحياتي
​

 

[Hakan]

رد: عمل الطبيب البيطري في الجزائر

لا حول ولا قوة الا بالله

السلام عليكم اختي في الله اولا انا طبيب بيطري ونكلمك شخصيا
راني نقرى ونشوف في البيطرة اللي محتقرينها الناس وماعلابالهمش بكمية المعلومات او المستوى العلمي في مجال البيطرة
البيطرة غير قاعدين كيما قلت انتي لانو اولا ما يخدمش في الدار او في لاكابين نتاعو يعني خدمتو في التيران
وين كاين الموالة
في الحقيقة البنات نتاع اروبا يكحلو باش يلقاو طبيب بيطري وانت الله يبارك تتقلشي عليها
باين عليك تبعي في الصوردي وهذا حقك
وزيدي انت قلت متخلق مي مانحبوش يقعد ماش خدام
يااختي العزيزة الانسان المتخلق اصلا ما يخليكش تريحي هكاك ولا انت تشوفيه ماش خدام
المهم ربي يفك هذا البيطري منك لانك مع كل احتراماتي ناقصة عقل ودين ..​

 

[Hakan]

رد: عمل الطبيب البيطري في الجزائر

هذي بعض الصور من لاكلينيك نتاعنا :

المهم مانشرحش بزااف على قرايتنا اللي فينا يكفينا سلام..​

 

[فعل الخير غايتي]

رد: عمل الطبيب البيطري في الجزائر

ما هذا الهراء اختي
خدام الرجال سيدهم
ميهمش واش يخدم الصح انو يكون خدام
و اطلبي زهرك و الهنا هدا مكان
ربي يسرلك امورك