رسالة الناجي الوحيد الى سيده ... وثائقي

[قرصان الساحل]

خاوتي خواتاتي بلاكم من استعمال السرعة المفرطة واستخدام الهاتف النقال اثناء السياقة فالسيارة التي امامكم قادرة تتوقف في اي لحظة روحو وحدة وحدة فاولادكم في انتظاركم والي سليباير بحر عليه دير السرعة وسوق في حالة سكر وقلبها في كاش واد وموت مكانش لي يبكي عليك.. كنتم مع البائس في حملة ذات منفعة عامة



مرحبا بيكم وجوه البأس فالذي يجمعنا ويلمنا هو البأس نورمالمو فيكتور هيغو كتب علينا في رواية تاعو البؤساء باه نبقاو في التاريخ .. المهم باه منطولوش بزاف نحكيو في موضوع اليوم واللي هو عبارة على فيلم وثائقي قصير جدا يتكلم على اخر جندي في حربه الافريقية فكتب رسالته الى سيده نخليكم مع متابعة ممتعة مع رعاية البتيسويس والسنيكرز والشخشوخة معشوقة الملايين

ملاحظة هامة : وانت تقرا زير وجهك كيما هذاك تاع ناشيونال جيوغرافي

​

سيحكي التاريخ يوما...​

​

​

نعم يا سيدي انهم يضريون الثعالب ويشفقون عليهم فجأة ليتغنو بحقوق الحيوان وحقوق الانسان عندهم خطف الاطفال وذبحهم ... ثم انهم يا سيدي يعشقون الدجاج نعم الدجاج فهو وسيلة ترفهيهم الوحيدة فهم يستمتعون باكل الدجاج ويضحكون عندما يسمعون تاكلي الجاج وحياتهم مثل الدجاج ... لن تصدق عينيك يا سيدي عندما ترى سراق البيرة عندهم بطل قومي فيعشقه صغارهم قبل كبارهم ...​

​

سيدي هل سمعت بعبارة .. انت قصيرة ادن انت جميلة .. في حملة طلع المورال لخاوتك اﻻفارقة ... فالافريقي جميل الروح فقط ويعشق البولتيك .. المثقف اﻻفريقي يجيب على سؤالك دائما ب هادي هدرة شوارع وﻻ هدرة قهاوي على اساس هو شاد في الصح ...​

​

​

سيدي قبل أن أكتب رسالتي قرأت أنهم يستعملون الميلكا في الخطبة حتى سنيكرز لم ينجو من تفاهاتهم .. سيدي انهم شعب موسوس فلا تقل صباح الخير فانهم يقراوها طايرة في السما .. ثم انهم يرقصون رقصا غريبا على ايقاعات الاي الاي اطفالا وشيوخا يأكلون الحلوة ويقولون انها لاصقة يرقصون مشنفين حتى يطلع النهار .. الشابة صباح عندهم حديث العام والخاص تسب خواتاتهم ويديرو عليها فيديوات ... ​

​

سيدي انهم لا يحبون المساحات الخضراء ولا الجبال يعشقون القهاوي والتقرعيج همهم الوحيد ... لا يعشيون حياتهم يعيشون حياة الناس لي تفوت عليهم لديهم اجهزة سكانير ومحسسات صوتية بالغة في التعقيد .. ثم انهم يا سيدي يستعملون الكادنات ها الكادنة الكااادنة فهم لا يصطادون سمك البحر بل يصطادون شباب الشوارع في المقابر فيولي هذاك الشاب ممحون على اللي كادناتو افارها سانك ميل ويولي لاصق ..​

​

​

سيدي تكفيك عندهم نص ساعة لتعلم الانجليزية والالمانية وتنجح في امتحانك انهم شعب يذهب لليوتوب فبانشو دايما لديه الحل ... ان بناتهم جد حشوميات فهم لا يقبلون طلبات صداقات الذكور .. سيدي انهم ياكلو طمينة ام ياسمين هنا ويشبعون من الفوطوات -_- ..قبل ان انسى فهم شعب يزوخ ويفوخ وعشاهم بطاطا فهم يعشقون البطاطا كانت مرمية في الواد واليوم راهي ولات تتباع كي اللحم .. نعم سيدي فهم يتبعون مبدأ احييني اليوم واقتلني غدوة .. سيدي لاخدمة لا قدمة وقعادهم للتبياش ولي يضرب الموس عندهم يقولو ليه رجلة​

​

​

سيدي لن تصدق عينيك تركوا التكتيك الحربي لهتلر ورجعوه تحريشة وقالك لا استطيع احتلال شعب ... بن شيخ مرجعهم الكروي الوحيد فهو من اخترع كرة القدم .. المهم اني عييت ما نكتبلك يا سيدي ارواح تشوف بعينك خير حتى وسيلة ولات تعلق على الماتشات تاع الفوت وتتخلط ليا بينها وبين كريم ايت عثمان لن تفرق صوت الرجل فيهم من المرا..​

​

​

رسالة الناجي الوحيد الى سيده قبل لفظ انفاسه الاخيرة ...​

​

​

ههه خلاص الديكومونتار اضحكو دوك نورمال نحي تزيار الوجه حبيت برك ندير فيه مقتطفات شوي شوي من واش قريت ولا كتبت هنا كي شغل ملخص تاع بكري اكتب ملخص للنص .. وان شاء الله تكون عجبتكم وضحكتوا لابغى تبسيمة خفيفة خير من مكاش.​

​

خاوتي خواتاتي اتهلاو في رواحكم​

 

[لؤلؤة قسنطينة]

رد: رسالة الناجي الوحيد الى سيده ... وثائقي

السلام عليكم
ههههههههه واشوا هادا غير بؤس وبؤساء
على الاقل في البؤساء كوزات في الاخير تعيش حياة سعيدة
بصح حسب واش كتبت نتا في الجبانة ويلحقونا هههههه
والله ضحكتني خويا بموضوعك راك جمعت بعض مواضيع قسم واش راك تهدر
ودرت بيهم تعبير كتابي ولا ملخص وجا هايل صراحة
واش نديرو هادا هو المجتمع للاسف العوج ماشي فيه لكن هادا مايعنيش انو مافيهش امل
خاطر مازالت كاينة ناس خير وناس طيبة وحنا نبداو بأنفسنا وان شاء الله نغيرو ناس خلاف
لقوله تعالى{إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ}
حنا نقولو الحمد لله انو مازال فيها ضمير ينعتلنا الصح من الخطأ وندعيو ربي لربما تتغير الاحوال للأحسن
بارك الله فيك خويا هشام على الموضوع راط ماش غير رسمت ابتسامة راك ضحكتني صح
خاصة تاع السيليباتار يموت مسكين ويدير السرعة ههههه
شكرا خويا وننتظر جديدك
تحياتي
​

 

[Hakan]

رد: رسالة الناجي الوحيد الى سيده ... وثائقي

ههههههههههههه
ملخص رائع لمواضيع قسم واش راك تهدر ههههه
عجبني الملخص نتاع مواضيعي فيه رنة مليحة حتى اني حسيتو قالها من قلبو هههه
ربي يهنيك عبقري اللمة ياخويا خليلنا شويا اسباس راك رايح تدي علينا الشهرة
هههه معليه نشوفو كيفاش نعاندوك وما نحسدوك بارك الله فيك ..​

 

[ليليا مرام]

رد: رسالة الناجي الوحيد الى سيده ... وثائقي

السلام عليكم اييه يا هشام والله يا انت خرجاتك وحدها انا راح نقولك السيد لما قرا واش رد
قرأ الجنرال فتحي رسالة الناجي اللي كان يلقف وما جا يموت حتى خرجنا عمرنا وهو يعلق علينا وعلى افريقيا
تنهد وقولو الله لا تربحك موت ياكلك الدود غير ندفنوك قبل ما تبدا تريح
يا بني انت ميت ولا تجوز عليك غير الرحمة مي معليش حرقة تحرقك
الا ترى يا بني انو الشعب اللي تحكي عليه غرّق السودان فالاوندرمان ما شفتش العدرة والزينة اللي ما تستقبلش صداقات لو تجي قاورية تديك تقولها والشعر يطرطق على صااااااااااااااحبي ..... يا نكار الخير نسيت انك كنت توقف عند الليسيات بالساعات باه ترضى عليك هذي الفحلة يا بنتي مت فان ريحتك بدات تطلع
شخشوخة ماتو عليها النسا فالكوزينات وحفاو الرجال وهوما يجرو ... طيمنة ام يسمين حرق روحو عليها البوعزيزي امين محمد وعلقت روحها عليها لؤلؤة قسنطينة وخلي زهرة الزنبق المجاهدة بوحيرد وما دوبليهاش وخوك حكيم لارتيست
يا بني وما نقولكش يا بني الله لا تربحك نسيت خاوتك وقت تلعب الخضرا المصري واللبناني يتخباو تحت الكوفريطا وهوما يتفرجو علينا يحسابونا راحين نحتلوهم هذا هو شعبنا العظيم
انت لوما قتلوك كنت نجيفك بيديا ونرميك للبنات جويدة و الزهرا الحمرا وخلي بنقابي افتخر هذيك تعض
هناك ربي ومت وقتلوك تعفن
الجنرال فتحي شد البرية وقطها وقالهم لو مازال ما دفنتوهش ارموه للبحر هذا اذا قبلو

هههههههههههههه واااااااااع هذا ردي الشح

 

[قرصان الساحل]

رد: رسالة الناجي الوحيد الى سيده ... وثائقي

السلام عليكم
وعليكم السلام .. مرحبا بيك اختي
ههههههههه واشوا هادا غير بؤس وبؤساء
على الاقل في البؤساء كوزات في الاخير تعيش حياة سعيدة
اواه جامي هاذوك البؤساء تاع وراء البحار
اما البؤساء تاع لافريك ختي حالة خاصة يهربو من الملاريا ولا الفقر ولا واش
الشقاء مكتوب في جبهتهم
بصح حسب واش كتبت نتا في الجبانة ويلحقونا هههههه
ايه راهي معمرة كادنات الجبانة اهم منين ذاك يروحو ينيطاويو لا كان نروحو نعاونوهم نلمو شوي حسنات
والله ضحكتني خويا بموضوعك راك جمعت بعض مواضيع قسم واش راك تهدر
ودرت بيهم تعبير كتابي ولا ملخص وجا هايل صراحة
ايا الصح كامل كي ضحكتي ... الملخص هذا يعاونك باه ديري رابور تاع قسم واش راك تهدر لهاد الشهر شفتي شحال راني نعاون فيك -_-
واش نديرو هادا هو المجتمع للاسف العوج ماشي فيه لكن هادا مايعنيش انو مافيهش امل
واش من امل ا ختي لازم هاد الشعب كامل يروح ويجو واحد اخرين عيونهم زروقة وشعر اصفر وعندهم ضمير ويخدمو للضمير قبل الانسان
تماك يكون امل اما دوك انا ماني نشوف في حتى امل
خاطر مازالت كاينة ناس خير وناس طيبة وحنا نبداو بأنفسنا وان شاء الله نغيرو ناس خلاف
المشكل فيه ناس طيبة مش مكانش مي المشكل لازم نصيحة مي في وقتنا ننصح تولي ماكش مليح
لقوله تعالى{إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ}
حنا نقولو الحمد لله انو مازال فيها ضمير ينعتلنا الصح من الخطأ وندعيو ربي لربما تتغير الاحوال للأحسن
ان شاء الله نتمناو يجي نهار يولي عندنا ضمير صح يفيقنا مع اني متشائم في ظروف الحالية
هو كاين مبدأ مليح بزاف نحب انا نمشي بيه "ان لم تنصر الحق فلا تصفق للباطل"
بارك الله فيك خويا هشام على الموضوع راط ماش غير رسمت ابتسامة راك ضحكتني صح
اضحك الله سنك ختي .. هداك الصح كي نضحكو شوي دنيا وما فيها
خاصة تاع السيليباتار يموت مسكين ويدير السرعة ههههه
ههه تاع الصح تلقاي بلاكة يقلك لا تسرع اولادك في انتظارك ... وحنا نموتو نورمال تسمى
شكرا خويا وننتظر جديدك
عفوا ديما فيه جديد بتفاعلكم
تحياتي
​

مشكورة ختي ديما ردودك راقية ونشرف بيها تكون في مواضيعي
بارك الله فيك لؤلؤة ربي هينك ختي
​

 

[قرصان الساحل]

رد: رسالة الناجي الوحيد الى سيده ... وثائقي

ههههههههههههه
ملخص رائع لمواضيع قسم واش راك تهدر ههههه
ايا مليح كي يعجب حكيم تسمى راح يعجب ناس الكل
عجبني الملخص نتاع مواضيعي فيه رنة مليحة حتى اني حسيتو قالها من قلبو هههه
ههه تاع الصح قالها من قلبو هاك عارف القلب معمر خويا غير تعبز يسيح وحدو
ربي يهنيك عبقري اللمة ياخويا خليلنا شويا اسباس راك رايح تدي علينا الشهرة
ههه واش من شهرة حكيم خويا انا نشتيو نضحكو برك هاك عارف تجيبها سيريو كبابل كاش عرق من تاع السيريو ولا كاش فيزيبل يتحرق وتفرها في روحك
هههه معليه نشوفو كيفاش نعاندوك وما نحسدوك بارك الله فيك ..
والله مام انا راني من المعجبين جدا بكتاباتك يعجبني القلم تاعك لكان تسلفولي نكتب بيه راك ماشاء الله خويا كتاباتك ابداع يشرفني نكون من قراءك
​

بارك الله فيك خويا حكيم ديما منور خويا سيرتو كي نلقاك في ردودي نحب ندردش معاك ونقطعو شوية
ربي يهنيك خويا
​

 

[قرصان الساحل]

رد: رسالة الناجي الوحيد الى سيده ... وثائقي

السلام عليكم وعليكم السلام مرحبا بيك مريومة ختي اييه يا هشام والله يا انت خرجاتك وحدها انا راح نقولك السيد لما قرا واش رد ههه ايه مادا بينا راني نسمع واش رد عليه السيد
قرأ الجنرال فتحي رسالة الناجي اه فتحي هو السيد متشرفين اللي كان يلقف وما جا يموت حتى خرجنا عمرنا وهو يعلق علينا وعلى افريقيا واش راح يدير القلب معمر عيا يكتب
تنهد وقولو الله لا تربحك موت ياكلك الدود غير ندفنوك قبل ما تبدا تريح اه صحا هذا جزاء سنمار ولا كيفاه
يا بني انت ميت ولا تجوز عليك غير الرحمة مي معليش حرقة تحرقك ايه هادي هي انا نسمعو السي الجنرال حالة لي يخدم خدمتو ديما تحقرو في زوالي مسكين ليه ربي معليش
الا ترى يا بني انو الشعب اللي تحكي عليه غرّق السودان فالاوندرمان ما شفتش العدرة والزينة اللي ما تستقبلش صداقات لو تجي قاورية تديك تقولها والشعر يطرطق على صااااااااااااااحبي ايه اهم يسموها القاورية الزين الغالي ويا دلالي فخامة الاسم تكفي بلا مندخلو في لي دي طاي لخرين ههه..... يا نكار الخير نسيت انك كنت توقف عند الليسيات بالساعات باه ترضى عليك هذي الفحلة يا بنتي مت فان ريحتك بدات تطلع اه هداك مش انا ولا هدا الجندي راكي تحكي على المسعود تاعكم حنا وبكل تواضع عندنا عروض كثيرة ورانا ندرسو فيها غير بشوية باه متحشلناش
شخشوخة ماتو عليها النسا فالكوزينات وحفاو الرجال وهوما يجرو اه شخشوخة هدرة صحيحة هنا عجبتيني بزاف دوك قلتي كلام صواب ... طيمنة ام يسمين حرق روحو عليها البوعزيزي امين محمد ههه والله امين محمد مسكين من قلبو حاب الطمينة قلب الدنيا وعلقت روحها عليها لؤلؤة قسنطينة وخلي زهرة الزنبق المجاهدة بوحيرد وما دوبليهاش وخوك حكيم لارتيست ايه كامل هاد المجاهدين في سبيل طمينة ام ياسمين نعم ان الطمينة يا سادة
يا بني وما نقولكش يا بني الله لا تربحك نسيت خاوتك وقت تلعب الخضرا المصري واللبناني يتخباو تحت الكوفريطا وهوما يتفرجو علينا يحسابونا راحين نحتلوهم هذا هو شعبنا العظيم مي شيخ دقيقة فهمني انت بعثت هاد الجندي باه يجيبلك رابور ديطايي وليت تقول احنا فهم روحك الشاف معانا ولا معاهم
انت لوما قتلوك كنت نجيفك بيديا ونرميك للبنات جويدة و الزهرا الحمرا وخلي بنقابي افتخر هذيك تعض ههههه ها بنقابي افتخر زادو ذكرو اسمها اي بدات شهرة تاعها على المعمورة وهي تظال تقلكم نسيتوني كي كان حي كان حاب تمرة وكي مات علقو ليه نخلة
هناك ربي ومت وقتلوك تعفن
الجنرال فتحي شد البرية وقطها وقالهم لو مازال ما دفنتوهش ارموه للبحر هذا اذا قبلو ايه اذن هكذا تكافئون جنودكم الاحرار الذين يقاتلون في سبيل هذا الوطن نعم انه جزاء سنمار سيكتب التاريخ هذا وصمة عار في جباهكم هههه

هههههههههههههه واااااااااع هذا ردي الشح الشح فيك وحدك -_-

يعطيك الصحة ختي مريومة كملتي لينا الحكاية ديما سابقك الفرح بليلة ما تخليش السوسبانس خلاص ههه خلي الاعضاء اوموا يوسعو من مخيلتهم شوية
دايما متألقة بردودك ختي تزيد النص في الموضووووع
شكراااااااااااااا
​

 

[الحلم الوردي]

رد: رسالة الناجي الوحيد الى سيده ... وثائقي

السلام عليك
الله يبارك خويا هشام
كي بديت نقرا
عندك موهبة مليحة كيفاش جمعت بين المواضيع
وكتبتهم باسلوبك
روووعة
ونتاع الصح يا لا الاسف على هد الظواهر
واي واحد يامن بهد الحوايج
ان شاء الله برك
يفيقو هد الاشخاص
هههههههههههههه
عجبتني هديا

سيدي هل سمعت بعبارة .. انت قصيرة ادن انت جميلة .. في حملة طلع المورال لخاوتك اﻻفارقة ... فالافريقي جميل الروح فقط ويعشق البولتيك .. المثقف اﻻفريقي يجيب على سؤالك دائما ب هادي هدرة شوارع وﻻ هدرة قهاوي على اساس هو شاد في الصح

يعطيك الصحة
في انتظاري جديدك
دمت متميزا
​

 

[الزهرة الحمراء]

رد: رسالة الناجي الوحيد الى سيده ... وثائقي

السلام عليكم خويا هشام معليش نسقسيك ...انت مريض ولا مريض هههههه
وين ندخل لمواضيعك تقتلني ضحك ...ربي يدومها ضحكة عليها ويجعل أيامك زاهية ...راني دعيتلك باه مابقيتش تقولنا انا البائس سجل .....
قعدت نقرا فالرسالة ونتخيل أنو هداك المترجم كفماه يحكي
سيدي إنه يقول أنهم هههههههه ماتجيش بالكتيبة بالصوت أحسن يبدا يجعد فالحروف
نرجعو للميضوع واش رايك نديرلك تحليل نص تع فلسفة وااااااااع ....حياتي الدراسية كامل مادرتوش زعما نجي هنا نديرو ماتصراش
صراحة أخي راكم عايشين حياة حقيقة بائسة جدا في ماما افريقيا
علاش ماتجوش عدنا حنا وين كاين الامن والسلام والحب والسعادة وكاين كل ماتبحث عنه
وزيد علاه مسكين الباير كي يموت ماكانش لي يبكي عليه .....ها تبكي عليه ميمتو واش يحوس بحبيبتو
واذا ماكانش لي يبكي عليه اعطوني انا نبكي عليه ههههههه
بالمناسبة تحب نجبدلك السيف ....راني شفتك ذكرت كلمة قصيرة فالموضوع واش مثلا قاعد تتمسخر حط عينك في عيني وقول آآه تتسمخر ههههه
احترموا مشاعرنا 1:52م ماتزيدوش تجبدو الموضوع هذا مادامني حية ههههه
كي نموت الله يسهل عليكم
وزيد عفسة نضمنلك أنو الشاف تاعو بعد ماقرا الرسالة هو تاني دايم الله في ملكو وربي يرحمو ههههه
يعطيك الصحة خويا هشام ديما ترسم البسمة على وجوهنا
ربي يحفظك
تحياتي اللندنية
​

 

[قرصان الساحل]

رد: رسالة الناجي الوحيد الى سيده ... وثائقي

السلام عليك
وعليكم السلام
مرحبا بيك اختي ملاك بالبراكة عليك الاسم The pink dream
ربي يحققلك احلامك الوردية هادوما وش هو فليكسيلي معاك شوي
الله يبارك خويا هشام
يبارك في ايامك ختي
كي بديت نقرا
عندك موهبة مليحة كيفاش جمعت بين المواضيع
وكتبتهم باسلوبك
روووعة
والله هذا وسام شرف ليا نلقى اسلوبي المتواضع ينال اعابكم
لأني نعتمد البساطة هذا مكان
ونتاع الصح يا لا الاسف على هد الظواهر
واي واحد يامن بهد الحوايج
ان شاء الله برك
يفيقو هد الاشخاص
حاجة نفيقو ما نظنش رانا نتمشاو والحالة زايدة غير تتغرق مي معليش الواحد ديما ينصح بالشي لي قدر عليه
كنت قلتها في رد قبل للؤلؤة ان لم تستطع ان تنصر الحق فلا تصفق للباطل
الواحد حاجة مش مليحة ما يسكتش عليها يقول كلمة الحق حتى وهو ماشي مليح ولا يسكت المهم ما يصفقش ويزيد يشجع
هههههههههههههه
عجبتني هديا
خخخخ شفتي افريقيا هاذي مهبولة قالها انت قصيرة اذن انت جميلة وكيفاه الطول نحاوه من قاموس الجمال ولا كيفاه
وي قالو ناس بكري القط كي يبعدو العنب يقول حامض
يعطيك الصحة
الله يسلمك
في انتظاري جديدك
دمت متميزا
تميزي بردودكم الاكثر من متميزة وحضوركم الراقي بمواضيعي
​

أختي ملاك مش غريب عليا ابدا تألقك في ردودك ولا وفائك وحضورك المميز والدايم في مواضيعي وهذا الشي يخليني ديما نتشوق ناقش ردودكم هنا
دمتي مميزة اختي واحلاما وردية سعيدة
تحياتي
​

 

[قرصان الساحل]

رد: رسالة الناجي الوحيد الى سيده ... وثائقي

السلام عليكم خويا هشام وعليكم السلام ختي الوردة الحمراء معليش نسقسيك بالدراهم -_- ...انت مريض ولا مريض هههههه راك مريض انت تعاندني انا ههه وي مريض كون نبرا نولي منعجبكمش علابالي
وين ندخل لمواضيعك تقتلني ضحك سلامتك صديقتي وانا نحب نشوفك تضحكي ...ربي يدومها ضحكة عليها ويجعل أيامك زاهية امين ويزهي ويبهي ايامك ...راني دعيتلك باه مابقيتش تقولنا انا البائس سجل .... ههه تعرفي راكي فكرتيني اني هنا نقلكم البائس مي مالغري البأس هذا مي خوك ديما زهواني وخلاص صياد وقناص ماركي عندك هذا اللقب الحصري اول واحد نقولو عليه
قعدت نقرا فالرسالة ونتخيل أنو هداك المترجم كفماه يحكي
اي والله وانا كتبتها في ملاحظة هامة قبل الموضوع لأنك إذا ما قريتش كيما هو مش راح تحس البنة تاع الموضوع اخخخخ قال بنة قال
سيدي إنه يقول أنهم هههههههه ماتجيش بالكتيبة بالصوت أحسن يبدا يجعد فالحروف
هههه هاديك بعد اكي فهمتيني صحيتي
نرجعو للميضوع واش رايك نديرلك تحليل نص تع فلسفة وااااااااع ....حياتي الدراسية كامل مادرتوش زعما نجي هنا نديرو ماتصراش
الفلسفة اووو مزال فريتوها شكون لولى البيضة ولا الجاجة اني قريت من سمانة قالك توصلو يعرفو في بريطانيا سر هاد اللغز مي ما قريتش لارتيكل
صراحة أخي راكم عايشين حياة حقيقة بائسة جدا في ماما افريقيا
ربي يكون معانا يقولو الفقر والسعادة يكدبو عليكم عمرو ما كان الفقر معاه سعادة
علاش ماتجوش عدنا حنا وين كاين الامن والسلام والحب والسعادة وكاين كل ماتبحث عنه
تمنيت نجي اني كل يوم نبعث لجدتي الملكة ايليزابيث في رسائل لحد ساعة كتبت 125486 رسالة
لكن لم ألقى اي رد للأسف
وزيد علاه مسكين الباير كي يموت ماكانش لي يبكي عليه .....ها تبكي عليه ميمتو واش يحوس بحبيبتو
ههه هوما قالو اولادكم في انتظاركم ماشي انا لو قالو ميمتك في انتظارك نقولها ..
واذا ماكانش لي يبكي عليه اعطوني انا نبكي عليه ههههههه
ايه هذا وش تعرفو غير تطيحو دموع -_-
بالمناسبة تحب نجبدلك السيف هل تقبلين مبارزتي سيدتي ....راني شفتك ذكرت كلمة قصيرة فالموضوع واش مثلا قاعد تتمسخر حط عينك في عيني وقول آآه تتسمخر ههههه
ههه يا ودي هبلتونا بأنت قصيرة اذن انت جميلة واش رديتوها استلزام منطقي معليش كاينة قصيرة وجميلة وكاينة قصيرة مش جميلة
احترموا مشاعرنا 1:52م ماتزيدوش تجبدو الموضوع هذا مادامني حية ههههه
احترموا مشاعرنا نحن كذلك .. سيدي نسيت نقلك عندهم وحدة يسموها راد فلاور قصيرة وجميلة اهاه طلع المورال ههه
كي نموت الله يسهل عليكم
ربي يطول في عمرك مزال نحتاجوك او كي ما ترديش عليا من لندن شكون يرد
وزيد عفسة نضمنلك أنو الشاف تاعو بعد ماقرا الرسالة هو تاني دايم الله في ملكو وربي يرحمو ههههه
اجل توفي فور قراءته الرسالة وفي رواية اخرى يقال انه قال لا استطيع احتلال شعب ولم يرى له اثر بعدها
يعطيك الصحة خويا هشام ديما ترسم البسمة على وجوهنا
الله يسلمك صدقيني ختي كي نشوفكم تتبسمو كي تقراو مواضيعي دنيا وما فيها
ربي يحفظك
تحياتي اللندنية
تحياتي الافريقية البائسة
​

كانت معنا الراد فلاور من عاصمة الضباب لندن .. شكرا لمشاركتك لنا وتضامنك معنا نحن البائسين الافارقة .. ربي يجازيك الافارقة اي قاتلتهم السعادة
ههه يعطيك الصحة ختي دمتي وفية
ربي يهنييييييك
​

 

[sosobibicha]

رد: رسالة الناجي الوحيد الى سيده ... وثائقي

سلام عليكم
سيداتي سادتي معكم الاخت sosobibicha ما وراء الشاشة الافريقية البائسة تحيي الاخ هشام و تقول الحملة ذات المنفعة العامة حقا رائعة و تقول يا سيدي هناك ناس اللمة مهابل من الدرجة الرفيعة و كيما قالوا وحد الناس نسبة اللماوين الملاح و الصحاح كيما نسبة براف 1 بالمئة برك هههه سيدي احترم نفسك و لا غاديين نضربوها بزعفة اخرى واش هذي قصيرة و جميلة معك بنت قامتها طولها معتبر و قصيرة شوية برك ههه يعني لا داعي للتجريح سيحكي التاريخ يوما انني ضحكت على مواضيع الاخت زهرة الزنبق مي هذا صايي قتلني و في دارنا حسبوني هبلت هههه سيدي اقول في ختام قولي الله يعيطك الصحة على التلخيص الجميل مي راك كررت بزاف و ديت كلمات من النصوص و هذا عكس خصائص التلخيص علامتك 9.5 من 10 جيد جدا واصل :p
ما عرفتش نقلدك مليح مي راني نتعلم
خلط و زيد تتعلم هو المفيد :$
تقبل مروري و تحياتي :regards01:​

 

[الامين محمد]

رد: رسالة الناجي الوحيد الى سيده ... وثائقي

هههههههههههههههههههه
ما تنساش يا جندي أن اكثر واحد فيهم يفهم في السيارات
عمره ما كسب سيارة

و ان ملكة الطبخ اللي اللي تعرف طيب الفريت
ما تنساش تخبر الجنرال أن لي روسطورو يبدا يجيهم الغاشي من السبعة نتاع الصباح
و ما تنساش تخبره ان و لا واحد فينا يلعب الفوت مليح و ما يعرفش
يفرق بين لورجو و لاتوش و لما تلعب البرسا و الريال يقولك ميسي حمار

و تنساش تخبره اننا حابين نتوبو و ما خلاوناش العرب لأننا ما ناش عارفيم أننا حنا العرب

و ما تنساش تخبره أن العشق المسموح راه ممنوع عندنا و الممنوع راه مسموح

و تنساس تخبره أننا نحب نخدم كلش في نصف ساعة و نولوا ملياردارات

و ما تنساش تخبره أننا نعشق الأفلام الهندية لأنهم يخلون نبكو و نرقصو

و اذا برحّو علينا في عرس كامل العام و المورال طالع

و ما تنساش تخبره اننا كل اليوم و حنا خاطينها و كي يجي وقت الرقاد نشهدوا و نقولوا حسن الخاتمة

هاذي تبريحة ف خاااطرك خويا هشااام ههههههههههه سلاااام​

 

[قرصان الساحل]

رد: رسالة الناجي الوحيد الى سيده ... وثائقي

سلام عليكم وعليكم السلام مرحبا ختي
سيداتي سادتي معكم الاخت sosobibicha ما وراء الشاشة الافريقية البائسة امم سوسو بيبيشا واش هاد الاسم ديجا قريتو برك خممت نحبك هههه البائس معندوش مشاكل مع هاد الكلمة تحيي الاخ هشام وهو يبادلك التحية ايضا و تقول الحملة ذات المنفعة العامة حقا رائعة وانت الاروع ختي والى راكي سليبايرة اني علمتك طريقة القيادة و تقول يا سيدي هناك ناس اللمة مهابل من الدرجة الرفيعة و كيما قالوا وحد الناس نسبة اللماوين الملاح و الصحاح كيما نسبة براف 1 بالمئة برك هههه ههه وي يحياو المهابل خاوتنا العقل ما عندنا ما نديرو بيه سيدي احترم نفسك و لا غاديين نضربوها بزعفة اخرى ايه وهذا الزعاف حاطاتو بجنب على مكانش تجبديه واش هذي قصيرة و جميلة معك بنت قامتها طولها معتبر و قصيرة شوية برك ههه يعني لا داعي للتجريح نعم لقد طبزتي ليا راسي وخرودتيه وما فهمت والو قصيرة طول معتبر جيت نقيسك الميترة تاعي تكسرت سيحكي التاريخ يوما انني ضحكت على مواضيع الاخت زهرة الزنبق مي هذا صايي قتلني و في دارنا حسبوني هبلت هههه هه بصحتك ختي سلامة راسك انا تسمى راني سفاح كي قتلتك واش هاد الاتهمات الخطيرة سيدي اقول في ختام قولي الله يعيطك الصحة الله يسلمك ختي على التلخيص الجميل مي راك كررت بزاف و ديت كلمات من النصوص هه هذا علاش قدرت هذا حد جهدي و هذا عكس خصائص التلخيص علامتك 9.5 من 10 جيد جدا واصل :p واو المنفلوطي وما لحقش دا 9.5 حشمتيني في حياتي ملحقتش ديت 9.5 /10
ما عرفتش نقلدك مليح مي راني نتعلم
لاه يا لالة راكي وليتي خير مني كملي هكا برك
خلط و زيد تتعلم هو المفيد :$
اي والله حلاوتها التخلاط يجي موضوعك هايل قولي حجرة حمامة حفرة وانت درتي موضوع مميز
تقبل مروري و تحياتي :regards01:​

والله يعطيك صحا سارة بيبيشا درتي رد هايل اي عجبتني الطريقة تاعك واصلي واصلي وتولي نجمة اللمة
موفقة اختي بارك الله فيك
​

 

[قرصان الساحل]

رد: رسالة الناجي الوحيد الى سيده ... وثائقي

هههههههههههههههههههه
ما تنساش يا جندي أن اكثر واحد فيهم يفهم في السيارات
عمره ما كسب سيارة
واش من سيارة او سوق يشوي تمس تتحرق

و ان ملكة الطبخ اللي اللي تعرف طيب الفريت
ايه الفخيت وقريب تروحلهم لامان فيه اهم يحرقوه
ما تنساش تخبر الجنرال أن لي روسطورو يبدا يجيهم الغاشي من السبعة نتاع الصباح
ههه شعب ينوض جيعان ما ينجموش يستحملو
و ما تنساش تخبره ان و لا واحد فينا يلعب الفوت مليح و ما يعرفش
وي وي نعرفو نحللو حنا برك
يفرق بين لورجو و لاتوش و لما تلعب البرسا و الريال يقولك ميسي حمار
وعلاه منك بالصح ميسي ماشي حمار -_-
و تنساش تخبره اننا حابين نتوبو و ما خلاوناش العرب لأننا ما ناش عارفيم أننا حنا العرب
اه هادي سقسي زهرة الزئبق هي لي مخلاوهاش العرب توب
و ما تنساش تخبره أن العشق المسموح راه ممنوع عندنا و الممنوع راه مسموح
كيف كيف الخط اليكي زهرة الزئبق انا خاطيني العشق كي الممنموع كي المسموخ
و تنساس تخبره أننا نحب نخدم كلش في نصف ساعة و نولوا ملياردارات
ههه وي كيف تصبح ملياردير في يومين تاع حكيم هادي
و ما تنساش تخبره أننا نعشق الأفلام الهندية لأنهم يخلون نبكو و نرقصو
وييي هادي تاع الاخت لؤلؤة يا خويا متنساش والو ههه
و اذا برحّو علينا في عرس كامل العام و المورال طالع
وهادي تاع المتحدث وقهاويكم يا جماعة راهم خالصين
و ما تنساش تخبره اننا كل اليوم و حنا خاطينها و كي يجي وقت الرقاد نشهدوا و نقولوا حسن الخاتمة

هاذي تبريحة ف خاااطرك خويا هشااام ههههههههههه سلاااام
صحييييييييييييت نشتي حالة كي يبرحو عليا يعجبني الحال
​

امين خويا رك تقولي خبره خبره السيد راه بعث هاذيك الرسالة ومات موراها انت تزيد عليه ايا ابعثها في بلاصتو وخلاص ههه
مشكووووور امين خويا ديما ردك يكمل موضوعي .. دمت متألقا
​

 

[ضآحكة مستبشرة]

رد: رسالة الناجي الوحيد الى سيده ... وثائقي

السلآم عليكم خويا هشام
ياو قتلك المرة الماضية راك داير الروبلا انت رايح تطلع بيك تم تم في اللمة
ايلا وليت كاش اطار في اللمة متتكبرش علينا برك
رانا ناس زواولة

هههههههههههههه موضوعك توووووووب مونفخاغ
ربي يهنيك و يعطيك ما تتمنى لقطات و مقتطفات راااائعة من واش راك تهدر
متحرمناش خويا لعزيز من طلاتك لهنا راك مزهي الحالة
و مواضيعك توجور توب
معرفتش نرد على قيس الموضوع
دعوة خير تكفي
روح ان شاء الله تلقاها من قدامك خضرا ومن موراك خضرا

ابقا على خير​

 

[شاعرة الأمل]

رد: رسالة الناجي الوحيد الى سيده ... وثائقي

اه بون سواغ مون فخاغ واش غاك صافا
ايا ستفي روحك أحم احم
اولا نوجه ليك تحياتي الحارة والله فخونشمون راك داير البوز فاللمة واصل واصل على هاد المنوال
اه يا خويا هشام مشكور على الغيزومي هههه والله غير هايل للحفظ
والله راك كل خطرة تخرجنا بطلة الله يسترك من العين خير ماتقول عاينتني ولا خاطيني
والله غير ماعرفت واش نقولك راك هدرت كفيت وفيت وما انا هدرتي غير زيادة فوق الطعام
وزيد مازالني زعفانة على تاع ندى والراس الخشين اييييييييييييه راني حابة دير موضوع وسمو ندى والعقل الزين ههه :love01:
ولا ندى الحنونة ولا ماشي هادي بويسك تشبه لوحد الكلمة برك كون نزيدولها . اماالا دير ندى الحنينة اللطيفة الرقيقة (ماشي على لاطاي) وكل شي مليح ههه
راك بورتني اه هشام غير الطبخ انا مانروحش منجيهتو وزدت قلتلهم راسها خشين ببف مسعود ومايدينيش زوجة تالتة :down:
بصح معليش نردهالك غير في الخير ان شاء الله هههههه :p :regards01:
ها تقبل مروري بسيف عليك وصايي سلام
​

 

[قرصان الساحل]

رد: رسالة الناجي الوحيد الى سيده ... وثائقي

السلآم عليكم خويا هشام
وعليكم السلام ختي عاشقة الجنة مرحبا بيك
ياو قتلك المرة الماضية راك داير الروبلا انت رايح تطلع بيك تم تم في اللمة
ههه واش تطلع بيا نولي وزير مثلا ... ايه مليحة روبلا نتحركو شوية خير من رقاد
ايلا وليت كاش اطار في اللمة متتكبرش علينا برك
رانا ناس زواولة
اواه ما تخافيش سمعت هنا بلي ما يخلصوش مليح .. مش راح نولي اطار راح نبقى زوالي معاكم ناكل الكسرا بالما

هههههههههههههه موضوعك توووووووب مونفخاغ
ميغسي شيغي ههه ما تخرجش عليا
ربي يهنيك و يعطيك ما تتمنى لقطات و مقتطفات راااائعة من واش راك تهدر
متحرمناش خويا لعزيز من طلاتك لهنا راك مزهي الحالة
والله ربي يهنيك ختي طلاتي بيكم انتوما برك مدامكم هنا رانا ديما نطلو ونقسرو والحياة حلوة
و مواضيعك توجور توب
معرفتش نرد على قيس الموضوع
لا والله انا لي نحشم كون موضوعي ميلقاش لتطلعاتكم ما قصرتيش ختي ردك كفى ووفي وزيادة
دعوة خير تكفي
روح ان شاء الله تلقاها من قدامك خضرا ومن موراك خضرا
امين .. هه اي ديجا خضرا سبقاتك ندى بهاد الدعوة مرسي ربي يحفظكم
ابقا على خير
في لالمان ان شاء الله
​

يعطيك الصحة ختي عاشقة الجنة راكي وليتي فيدال لمواضيعي الاونة الاخيرة هادي دوك نمد ليك كارت د فيديليتي باه تبقاي اجووور ههه
ربي يوفقك في امتحاناتك ختي
​

 

[قرصان الساحل]

رد: رسالة الناجي الوحيد الى سيده ... وثائقي

اه بون سواغ مون فخاغ واش غاك صافا
والله مرحبا بيك مولات الطلات زينة وانا نقول كاين واحد ديما يطل
وينها لي موالفة تسرق ستيلو ايا مزية لي بنتي
ايا ستفي روحك أحم احم
مزية فقتي مع روحك سييت في رد قبل تاع عاشقك الجنة نقول بونسواغ مجاتش عليا خلاص
اولا نوجه ليك تحياتي الحارة لأمي وابي واختي بريزة في فرنسا واخي محمد في سويسرا هه والله فخونشمون راك داير البوز فاللمة واصل واصل على هاد المنوال
اني مواصل ومواصل كامل قولتوها ليام ما تخافوش لمارش اريار مسودي
اه يا خويا هشام مشكور على الغيزومي هههه والله غير هايل للحفظ
عجبك الغيزومي ويا عمري كي تنطق الفخونسي ههه
والله راك كل خطرة تخرجنا بطلة الله يسترك من العين خير ماتقول عاينتني ولا خاطيني
عارف عينك باردة ما دير والو المشكل او في راسك -_-
والله غير ماعرفت واش نقولك راك هدرت كفيت وفيت وما انا هدرتي غير زيادة فوق الطعام
يا ودي الصح في الجريوات والزرودية والفلفل لي فوق الطعام بلا بيهم طعام سامط
وزيد مازالني زعفانة على تاع ندى والراس الخشين اييييييييييييه راني حابة دير موضوع وسمو ندى والعقل الزين ههه :love01:
في المستقبل القريب ان شاء الله كي نشوف راسك ولا ماشي خشين وزيد الراس الخشين واش خصو بوغ موا يعجبني بزاف سيرتو والا خبطتو على كاش حيط خخخخ
ولا ندى الحنونة ولا ماشي هادي بويسك تشبه لوحد الكلمة برك كون نزيدولها . اماالا دير ندى الحنينة اللطيفة الرقيقة (ماشي على لاطاي) وكل شي مليح ههه
اممم اني نشوف في اقتراحاتك مي صدقيني شحال حلوة ندى راس اليابس فووور بزاف ههه
راك بورتني اه هشام غير الطبخ انا مانروحش منجيهتو وزدت قلتلهم راسها خشين ببف مسعود ومايدينيش زوجة تالتة :down:
يا سيدي هاديك بكري كانو يحوسو على الحنونة دوك راه صاري روشارش كبير على راس لخشين
بصح معليش نردهالك غير في الخير ان شاء الله هههههه :p :regards01:
ها تقبل مروري بسيف عليك وصايي سلام
هههه واش دانا للسيف كامل حابين تولو فايكينغ دوك ولا كيفاه
نتقبلو وبلا مزيتي وفوق راس والعين تاني
​

ههه واش ندى شديتيهالي تاع الراس الخشين يا جماعة اي تكتب بالاسود من نهار قلتلها الاسود يليق بيكي ونحات خشانة الراس اي نحو عليها تيتر هذا او زعافها وصل حتى لبنغلاديش
صحيتي ندى ديما ردودك تنورني بوركتي
موفقة
​

 

[شاعرة الأمل]

رد: رسالة الناجي الوحيد الى سيده ... وثائقي

ههه واش ندى شديتيهالي تاع الراس الخشين يا جماعة اي تكتب بالاسود من نهار قلتلها الاسود يليق بيكي ونحات خشانة الراس اي نحو عليها تيتر هذا او زعافها وصل حتى لبنغلاديش
صحيتي ندى ديما ردودك تنورني بوركتي
موفقة
​

منورة بوجودك يا غالي
ايه والله غير صح الاسود يليق بي وعجبتني هاديك بوغ موا لي كتبتها راهي خرجت عليك هههههه
خلاص راح زعافي وليت فرحانننننننة بزاف يعني ماتقدروش تتصورو شعوري شحال صااييييي
صاييت
مرسي خيو وبالتوفيق نتا تاني ماشي غير انا ​