مشاركتي في مسابقة الطبخ الرمضانية (الطبق الرئيسي )

الحالة
مغلق ولا يسمح بالمزيد من الردود.

رابح66

:: عضو بارز ::
أحباب اللمة
إنضم
31 أوت 2014
المشاركات
3,261
نقاط التفاعل
9,076
النقاط
191
محل الإقامة
سكيكدة
الجنس
ذكر


السلام عليكم
كيف حالكم نتمنى أنكم بخير وعافية
ممكن تستغربوا نوعا ما لكن هذه هي الظروف تفرض على الواحد أحيانا بتقمص كل الأدوار على محطات من حياته
مقدمة : ليكن في علمكم أنني أعمل بعيد على الدار كما أنني أعمل شهر بشهر أي شهر عمل وشهر عطلة وهكذا دواليك وبالطبع كل مؤسسةتوفر الوجبات الثلاث لعمالها *فطور غداء عشاء* وأنا أعمل في التدخلات لحماية المؤسسة من النيران *إطفائي* توجب علينا
أن نكون في شبه ثكنة متكونة من 8أفراد لحماية مركز من مراكز المؤسسة تأتينا الوجبات طازجة وسخونة وبالكفاية الحمدلله ما يخصنا
حتى شيئ . لكن طبيعة الإنسان عندما يكون مقيم دائم في مكان ما يتشهى ويرغب أن يأكل من صنع يديه بعض الأكلات وخاصة في شهررمضان كما هو الحال الآن *
*** لذا أردت أن أشارك أخواتي الكريمات وأنافسهن في المطبخ بوجبة إفطار من تحضيري حتى لا تظنن أنه حكرا عليكن ***
اليوم حبيت نشارك بطبق والذي هو عندنا رئيسي وهو الشربة * شربة فريك *

المقادير :
1/2 حوالي نصف كيلو لحم غنم
1 كأس فريك زيادة شوية فوق النص
1 حبة بصل متوسطة مرحية
1 حبة طماطم فوق المتوسط مرحية
5 قروش ثوم مفرومة
1 ملعقة كبيرة طماطم مصبرة وزيد شوية
1 ملعقتان كبيرة زيت خليط زيت زيتون وزيت مائدة
1/2 نصف ملعقة كبيرة ملح
1 ملعقة صغيرة فلفل أكحل
1 ملعقة صغيرة راس الحانوت
وشوية حمص تحت الطلب أنا مانحبهاش لكن رغبة للزملاء
* راس فلفل حار و عرف نعناع يابس لآخر مرحلة *





طريقة التحضير
نحط كلش في البرمة من غير الفلفل الحار والنعناع في الأخير ونقليهم مليح حوالي 15 أو20دقيقة ثم نضيف لها الماء الكافي



بعد ساعة نشلل لفريك ونحطو في المرق وسط البرمة ونبقى مرة مرة ونحركها باش مايشبطش لفريك في قاع البرمة
وقبل ما نطفي عليها ب 15 دقيقة نحط الفلفل الحار وعرف النعناع باش يطلقوا بنتهم



ودرك نطفي عليها بعد ساعتان من الطبخ ساعة للمرق وساعة بالفريك



مرحبا بكم تفضلوا تاكلوا بصحة والهناء
تقبلوا تحياتي

 
آخر تعديل:
رد: مشاركتي في مسابقة الطبخ الرمضانية (الطبق الرئيسي )

السلام عليكم
مشاء الله عمي رابح راك جايبها
يعطيك الصحة
يسلموو ^^
 
رد: مشاركتي في مسابقة الطبخ الرمضانية (الطبق الرئيسي )

سلااااااام عمو

و الله تشهي شكراااااااااا
 
رد: مشاركتي في مسابقة الطبخ الرمضانية (الطبق الرئيسي )



الله يبارك خويا راك جبتها
بصحتكم
 
رد: مشاركتي في مسابقة الطبخ الرمضانية (الطبق الرئيسي )

Bayna bniba ya36ik saha
Saha ftorkon
 
رد: مشاركتي في مسابقة الطبخ الرمضانية (الطبق الرئيسي )

السلام عليكم
صح فطوركم
الله الله عليك أخي فريك وعليه الكلام الله يعطيك الصحه
 
رد: مشاركتي في مسابقة الطبخ الرمضانية (الطبق الرئيسي )

ماشاء الله هايلة
الله يعطيك الصحة
الطريقة الي قلت عليها رايحة نجربها في دوري في اعداد الفطور على فكرة انا وامي رانا دايرين النوبة
ماعدا وقت العزومات والضيوف الي يكون تعاون
شكرا على الوصفة باينة جات بنينة
 
رد: مشاركتي في مسابقة الطبخ الرمضانية (الطبق الرئيسي )

يعطيك الف عافية يا عمي
اكيد انو طعم اكلك طيب
موفق ان شاء الله

 
رد: مشاركتي في مسابقة الطبخ الرمضانية (الطبق الرئيسي )

السلام عليكم

بارك الله فيكم ربي يحفظكم
أعذروني راح الحال
غدا إن شاءالله نرد على كل وحدة ونكرمها بما تستحق من الدعاء​

تقبلوا تحياتي
 
رد: مشاركتي في مسابقة الطبخ الرمضانية (الطبق الرئيسي )

سلام عليكم عمو رابح...

الله يبارك ماشاء الله راك جبتها مليح وباينة بنينة...

يعطيك الصحة وبصحتكم..

ربي يدوم النعمة...

صح فطوركم وصح سحوركم..

صح رمضانكم...

موفق..

كن بخير..​
 
رد: مشاركتي في مسابقة الطبخ الرمضانية (الطبق الرئيسي )

السلام عليكم
يعطيك الصحة خاي رابح والله شاطر
بالصحة عليك والهنا
ربي يقدرك ويعاونك
تحياتي لك
 
رد: مشاركتي في مسابقة الطبخ الرمضانية (الطبق الرئيسي )

سلااااااام عمو

و الله تشهي شكراااااااااا

وعليكم السلام
العفو بنيتي الشكر موصول لك على زيارتك
سررت بتشهيك لوجبتي

السلام عليكم
مشاء الله عمي رابح راك جايبها
يعطيك الصحة
يسلموو ^^

وعليكم السلام ورحمة الله وبركاته
مشاءالله على تواجدك أنت بنيتي أميرة
الله يبارك فيك ويسلمك من كل أذى



الله يبارك خويا راك جبتها
بصحتكم

وفيك بارك الرحمان أختي هذيل
الله يباركلك في صحتك ويهنيك
Bayna bniba ya36ik saha
Saha ftorkon

الله يسلمك أختي فيكتوريا ربي يحفظك
البنة كلها في مرورك العطر بساحتنا

السلام عليكم
صح فطوركم
الله الله عليك أخي فريك وعليه الكلام الله يعطيك الصحه

وعليكم السلام ورحمة الله وبركاته
الله يسلمك إن شاءالله يتقبل منك الصيام والقيام أختي الفاضلة أم لقمان
سعيد أنا برأيك وإعجابك في وجبتي
ربي يسترك ويباركلك في ولداتك

تقبلوا تحياتي
 
رد: مشاركتي في مسابقة الطبخ الرمضانية (الطبق الرئيسي )

السلام عليكم
يعطيك الصحة خاي رابح والله شاطر
بالصحة عليك والهنا
ربي يقدرك ويعاونك
تحياتي لك

وعليكم السلام ورحمة الله وبركاته
ربي يباركلك في صحتك أختي مليكة وين نبان مع شطارتك
ربي يقدرك على طاعته ويتقبل منك وينفعنا بك
لك مني أجمل التحايا وأسمى الأمنيات

ماشاء الله هايلة
الله يعطيك الصحة
الطريقة الي قلت عليها رايحة نجربها في دوري في اعداد الفطور على فكرة انا وامي رانا دايرين النوبة
ماعدا وقت العزومات والضيوف الي يكون تعاون
شكرا على الوصفة باينة جات بنينة

مشاء الله عليك أنت ختي مرحبا بيك الله يبارك فيك
يسعدني ويشرفني أن تجرب وصفتي عندكم
عفوا بل بنينة بطيبة قلبك

يعطيك الف عافية يا عمي
اكيد انو طعم اكلك طيب
موفق ان شاء الله


الله يعافيك ويبارك فيك بنتي أماني
بلاك راك جيعانة برك سبنيتيها ههه
ربي يوفقك ويحفظك

سلام عليكم عمو رابح...

الله يبارك ماشاء الله راك جبتها مليح وباينة بنينة...

يعطيك الصحة وبصحتكم..

ربي يدوم النعمة...

صح فطوركم وصح سحوركم..

صح رمضانكم...

موفق..

كن بخير..​

وعليكم السلام ورحمة الله وبركاته
الله يبارك فيك بنيتي سارة كلامك أطيب من الوجبة
ربي يتقبل منك الصيام والقيام وصالح الأعمال
نتمنالك دوما الخير والعافية

تقبلوا تحياتي
 
رد: مشاركتي في مسابقة الطبخ الرمضانية (الطبق الرئيسي )

ما شاء الله لا قوة إلا بالله، شوربة تشهي ولا غبار عليها
تسلم ايديكم أخي وبارك الله فيكم
بصحتكم، بالتوفيق
 
رد: مشاركتي في مسابقة الطبخ الرمضانية (الطبق الرئيسي )

ما شاء الله لا قوة إلا بالله، شوربة تشهي ولا غبار عليها
تسلم ايديكم أخي وبارك الله فيكم
بصحتكم، بالتوفيق

السلام عليكم
ماشاء الله عليك أنت أختي سكون تواجدك هو الذوق والطعم الحقيقي
يسعدني أنها لاقت إعجابكم وإستحسانكم
تسلمين أنت من كل أذى يارب وأدام الله عليك الصحة والعافية
وفقك الله لما يحب ويرضى
كما لا يفوتني أن أشكر جزيل الشكر لصاحبة الفضل على في هذا الموضوع ربي يحفظها ويفرج كربتها​

تقبلوا تحياتي
 
رد: مشاركتي في مسابقة الطبخ الرمضانية (الطبق الرئيسي )

سي رابح راك طاهي كبير و كل مرة نزيدو نعرفوا عليك حاجة

اليوم عرفنا الطياب ان شاء الله برك يجي نهار و ناكلو من يدك

انا على حساب ما شفت المقادير هههه و الله راك طيب احسن

من بعض لبنات في اللمة .

و زيد على حساب ما نعرف و نسمع يقولوا بلي الرجل يطيب احسن من المرأة

و الله اعلم .

حكم العمل نتاعك خلاك تعرف اكثر و اكثر عن الطهي و الاطباق الي تختلف من ولاية لولاية

و بلاك كاين ناس يخدموا معاك من كل ولاية .

اخ رابح انا و الله ما نعرف ندير حاجة من غير البيض .

بارك الله فيك خويا و ان شاء الله نتعلموا حتى حنا .
 
رد: مشاركتي في مسابقة الطبخ الرمضانية (الطبق الرئيسي )

سي رابح راك طاهي كبير و كل مرة نزيدو نعرفوا عليك حاجة
مرحبا بخويا لعزيز نجيب نهار مبروك علي بتواجد

اليوم عرفنا الطياب ان شاء الله برك يجي نهار و ناكلو من يدك
ولما لا ممكن يجي هداك النهار وفي القريب يارب

انا على حساب ما شفت المقادير هههه و الله راك طيب احسن

من بعض لبنات في اللمة .
وين يبانوا بنات اللمة لكبارات وراني نافس فيهم حتى ياهوما ههههه

و زيد على حساب ما نعرف و نسمع يقولوا بلي الرجل يطيب احسن من المرأة

و الله اعلم .
أحم أحم هذا كلام ولا خلي بالطبع حنا يا حنا هههههه

حكم العمل نتاعك خلاك تعرف اكثر و اكثر عن الطهي و الاطباق الي تختلف من ولاية لولاية

و بلاك كاين ناس يخدموا معاك من كل ولاية .
كلامك صواب ومؤكد هو الي خلا الواحد يجرب من ويجرب من حتى يتعلم وراحت البال هي الدافع الأول

اخ رابح انا و الله ما نعرف ندير حاجة من غير البيض .
ههههههههههههه
والله ضحكتني أجدك على الأقل زيد معاه لفريت هههههههه


بارك الله فيك خويا و ان شاء الله نتعلموا حتى حنا .
وفيك بارك الرحمان خويا نجيب وجزاك الله خيراً على جميل متابعتك

تقبلوا تحياتي
 
رد: مشاركتي في مسابقة الطبخ الرمضانية (الطبق الرئيسي )

الله يبارك مشاء الله تبارك الرحمان عمو
راك شاطر ههه بصحتكم
و ربي يتمم عليكم رمضان في الخير
صح فطوركم
 
رد: مشاركتي في مسابقة الطبخ الرمضانية (الطبق الرئيسي )

الله يبارك ماشاء الله
راك جبتها مليح
ومن شكلها تشهي
يعطيك الصحة
يالتوفيق لك
 
رد: مشاركتي في مسابقة الطبخ الرمضانية (الطبق الرئيسي )

السلام عليك
ماشاء الله عليك خويا وربي يقدرك في عملك راه من أصعب المهن
ربي يكون معكم و بالتوفيق و اعتبر روحك راك رابح يا سي رابح
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top