وحد النهار من ايام الصيف الحارقة والمشمسة
رحت نخطب اوف تلفتلي كنت مرريح نكونكتي خاشع مع اللمة
ليليا تهدر منا ومجاجو ملهيك واميرة قالت السخانة بزاف زعما انا ميسوم تاع الاحوال الجوية
ومريم ملهيك تكتب وتكتب وتكتب
حتى تدخل يما لعندي لشامبرا
ياوليدي نوض وصلني للعرس
آه واشنو عرس في هذي السخانا وين هذا
ديجا تاعمن العرس هذا
بوه عليا تاع بنت جد خال يمات باباك علاه مسمعتش بلي خطبوها وليوم راح تزوج
متقوليليش لي يسكنو في الدشرة لي جايا فلجبل
ايه هناك بدات ايا راح الحال نوض وصلني
واش يما راكي تزهزاي بيا سخانا كيما هاذي نروح للموزمبيق ومنروحش لهناك
اوووووف ايا وصلني ولعشيا نمدلك صوميل
ايا خلاص تفاهمنا اخرجي ضرج نبدل ونجي
( انا ماشي على جال الصوميل لي راني رايح انا باش نشوف بنت خالت يما ياو ميـــgرياا هههه )
يايما ونخرجو وتعطيني السخانة بوحد الكف حسيت روحي جمل يامحاينك
قلت في خاطر الميــgرية نحمل هههه
وصلنا لاري تاع الكيران وهناك كبرنا انا الموسطاج ناضلي مقوت لي سنينا بزاف
حتى ألمح سفينة .... لالا حافلة ويا ليتها حافلة
الاسموات كامل تتسما بيهم غير الحافلة لي متشبهلهاش
تقول تاع لهنودة رايبا كامل ومعمرة غاشي
هي غير محبست ونزدمو انا ويما
كنا تفاهمنا انا وياها لي يدير الروطار يبقى فلاري وواحد فينا مايولي للور هههه
المهم زدمنا بشق الانفس مقوت الغاشي لي راكب فيها بقيت معلق فوقهم رجليا موصلوش للارض حتى الفردة تاع الصباط راحتلي من رجلي هههه
بقيت نحوس عليها غير بصباعي لكبير تاع رجلي
لكن للأسف ملقيتهاش
المهم انا ويما واقفين في وسط الزحام حتى بدات الريحة الزكية تصعد
يامحاينك العمبر ماشي هكذاك عمبالي زدمت الدولة بالغازات المسيلة للدموع ولخنونة حشاكم
الحركات كامل تقدر ديرهم غير حركت التنفس
غير ربي سبحانو لي عالم بيا
حتى حدثت الكارثة واحد قدامي كان لاسق فيا عندو وحد الموسطاج تقول بالي
شعرو كبير والمشكلة كلاه شعرو ولازم يحكو هههه ايماجيني واش دار ياجدك
طلع يدو لي كانت مقابلتني وجي عباقة تاع الريحة ديركت لنيفي تقول حالفا فيا
هناك نصرعت ديركت مفقت بوالو علبالكم 50 كلم وانا مصروع بصح بقيت واقف تستعرفو هههه
حتى نسمع يما تعيط يا السكر ياوليدي نوض رانا وصلنا
فطنت مخلوع كامل تلفتلي gااع وين راني
المهم بالدبزة باش هبطت مالكار وليت زوفري بفردة صباط نمشي لقمجة الله الله قفلة مابقات فيها
مزيا القفلة تاع السروال لقيتها مزالها ههههه
قلتلها ليما واش وين راهي الدار مرانيش نشوف زعما كاش عرس هنا الحالا قيفار
بوووه عليك يا السكر يا وليدي راك تشوف لجبل هذاك هناك دار العرس
في الحلقة الجايا نكمل القصة
مديروش عليا
سلام
آخر تعديل:
نضحك برك . ربي يبارك فيك واصل .
