آدم و حواء يتساألان (العدد الثاني)

[Hakan]

رد: آدم و حواء يتساألان (العدد الثاني)

هل آدم يقدر التضحيات و التنازلات الي تقدمهم زوجته على جاله و لا يشوف أنهم حوايج لازم تديرهم 'بلا مزيتها' و ما يحسش أنها تنازلت على جاله ؟
​

ضركا على قدر التضحية يكون الشعور
كاين تضحيات ديرهم بلا مزيتها
وكاين تضحيات الله يبارك ترفعها فوق فوق ..
​

 

[{مُدَلَّلَتُهُ}]

رد: آدم و حواء يتساألان (العدد الثاني)

سؤال :
ههه نتفكر هذا السؤال نضحك على واحد صاحبي ههه
نعرفو الغنا حرام هذي ما نختالفوش
لكن ساعات الواحد يديه الشيطان ويسمع
المهم كاين رجال يحبو يسمعو اغاني نتاع نساء
يعني الاغنية تغنيها طفلة خخخ
واش رايكم في رجال كيما هذو
يسمع اليسا مثلا وغيرها ونجوى كرم
وفيروز وام كلثوم ؟؟

شوف تقولي يسمع مرة في الزماان نقولك معليناش . . بصح باه هي تغني و هو حافظ و يتبع في ألبوماتهم و ما نعرف شاهي أوااه ما نبغيش . . . أصلا مش عارفا علااه ما يعجبنيش الراجل الي يتبع الغنا و يحوس عليه نحسه ماكان ماكان
​

 

[Hakan]

رد: آدم و حواء يتساألان (العدد الثاني)

سؤآل

ما رأيك في حوآء التي تحب كرة القدم هههه​

تحبي البالون على روحك بصح ما تتفرجيش معايا
اععع طفلة تتفرج في ماتش نحسها طفل صغير وقاعد يحلل
او نلقاها كل يوم شاريتلي توني نهار
كريتيانو نهار زيدان نهار ميسي خخخ
توجع القلب ..
​

 

[sosobibicha]

رد: آدم و حواء يتساألان (العدد الثاني)

سؤال لآدم :
جات ليك يماك و قاتلك حاجة مش مليحة على زوجتك او العكس
ما موقفك ?يعني دير تحريات و لا متعمرش راسك بهدرة النسا {محقق كونان هههه} ​

 

[همس الوُرود]

رد: آدم و حواء يتساألان (العدد الثاني)

هههههه شبعتوني ضحك

هذا يدير ماكياج ولاخر يخاف ولاخر يسمع لبنات

أوووووو​

 

[Hakan]

رد: آدم و حواء يتساألان (العدد الثاني)

سؤال :

علاه البنات يحبو يسمعو قصص الغدر وتلقايهم يروشارشيو عليهم ويتأثرو بيهم ؟
​

 

[Hakan]

رد: آدم و حواء يتساألان (العدد الثاني)

سؤال لآدم :
جات ليك يماك و قاتلك حاجة مش مليحة على زوجتك او العكس
ما موقفك ?يعني دير تحريات و لا متعمرش راسك بهدرة النسا {محقق كونان هههه} ​

خخخخ نرقد كيما توgوموري
ونخليها على روحها راني قتلك مانحبش واحد يحكيلي على واحد :tongue02:
​

 

[{مُدَلَّلَتُهُ}]

رد: آدم و حواء يتساألان (العدد الثاني)

وينتا يترااجع آدم عن تنفيذ وعد وعده ؟ و شا يحس كي يتراجع ؟
​

 

[همس الوُرود]

رد: آدم و حواء يتساألان (العدد الثاني)

سؤال :

علاه البنات يحبو يسمعو قصص الغدر وتلقايهم يروشارشيو عليهم ويتأثرو بيهم ؟
​

ههههههههههه

فريمو سؤآل مآلقيتلوش إجآبة​

 

[sosobibicha]

رد: آدم و حواء يتساألان (العدد الثاني)

سؤال :

علاه البنات يحبو يسمعو قصص الغدر وتلقايهم يروشارشيو عليهم ويتأثرو بيهم ؟
​

هههه اول مرة نسمع بها البنات يحبوا قصص الغدر ?
المهم انا من وجهة نظري ربما باش تكون عارفة بكل الحالات و تحاول تجنب اسبابهم ​

 

[{مُدَلَّلَتُهُ}]

رد: آدم و حواء يتساألان (العدد الثاني)

سؤال :

علاه البنات يحبو يسمعو قصص الغدر وتلقايهم يروشارشيو عليهم ويتأثرو بيهم ؟
​

ما نعرف . . خخخخ بفطرتنا نميلولهم باه ندو العبرة زعما
​

 

[همس الوُرود]

رد: آدم و حواء يتساألان (العدد الثاني)

ما نعرف . . خخخخ بفطرتنا نميلولهم باه ندو العبرة زعما
​

بلآك حنآ لبنآت نحبو نبكيو هههه​

 

[sosobibicha]

رد: آدم و حواء يتساألان (العدد الثاني)

سؤال لآدم :
نغير في سؤال حكيم هههه
واش رايكم في المرأة لي تسمع الغناء ?​

 

[Hakan]

رد: آدم و حواء يتساألان (العدد الثاني)

وينتا يترااجع آدم عن تنفيذ وعد وعده ؟ و شا يحس كي يتراجع ؟
​

اذا ما قدرتش نفي بيه او اذا كانت مصلحتي او مصلحة غيري رايحة تنضر
نعقد نورمال ههه الله غالب المخاطرة ماشي مليحة
اما شعوري اكيد ما نحسش بالذنب لانو درت حاجة مليحة او لنفسي ثانيا للناس اللي رايحة
تنضر اما اذا كان وعد مليح وممكن نسبب بالتخلف اذى للناس اواه ما نديروش ونحس باحراج قادر ما نتلاقاش مع السيد الف يوم
واذا شفتو نتعرق في الشتا
​

 

[لؤلؤة قسنطينة]

رد: آدم و حواء يتساألان (العدد الثاني)

واش رايك في البنت لي ماتشبهش بنات اليوم ( ....) هل هي معقدة

اذا كانت ماتشبهلمهش بالتزامها، مالا معقدة ونص و 25 وتفتخر بروحها
الشبه هادا يحكموه ليهم

لوخيروك بين التعدد او الطلاق ؟ كلمة فقط لا نريد نقاش عقيم

هنا حسب الموقف وكل موقف والقرار تاعو

زوجك انسان خواف يعني يخاف في الليل
ويخاف من الرسراقة او عندو توسويس معين خخ واش رايحة ديري معاه ؟

يووو نندب على زوجي خواف هههه
زعما يكون قاعد نقولو واش هادا لي وراك يصوطي وينوض يعيط هههههه
يا يما مانقدرش نتحمل المشهد هادا ههه لازم يكون كي ابو شهاب عينيه يريبو جبل -_-
اذا كان عندو خوف معين مثلا من المرتفعات ولا هادي نورمال بصح يجيبها كل دقيقة وهو يصوطي ولا يزيد يتخبا ورايا
ندخلو لغرفة مظلمة ونقفل عليه ونخليه هاهاها

واش رايكم في اشباه الرجال لي يديرو الماكياج في هذا الوقت خخخ

كيما قالتها هدى اشباه رجال وعيب تقولها عليهم بالاك اشباه نساء احسن

ماهي قيمة الهدية عند حواء وماهي اهمية نوعية الهدية في حد ذاتها
وماذا تفضل ؟

والله بالنسبة ليا المهم صاحب الهدية
حتى ولو يجيبلي وردة بلاستيك نقبلها ههه
على هادي تلقى المرأة بالاك راجلها نهار خطبها دارلها وردة في 1915 تلقاها مخبيتها في 2016 ههه
الهدية تكون عزيزة عليها بزاف
وخاصة كي يقولها الشخص لي قدمهالك راني تعبت باه جبتها ولا حسوست على حاجة توالم ذوقك
المهم يبينلها بلي الهدية مهمة ليه كتر من لي مهمة عندها هي

سؤال :

المهم كاين رجال يحبو يسمعو اغاني نتاع نساء
يعني الاغنية تغنيها طفلة خخخ
واش رايكم في رجال كيما هذو
يسمع اليسا مثلا وغيرها ونجوى كرم
وفيروز وام كلثوم ؟؟

واشوا هادا -_-
تقولي فيروز ولا ام كلثوم كان غناهم طربي والفن تاعهم عندو معنى
اما تقولي يسمع نانسي عجرم وهيفاء وهبي ولا معرف واش هادا ماش عبد
انا نفضل مايسمعش غناء واذا سمع نفضل اغاني اجنبية

سؤالي لآدم
شفت طفلة وعجبتك من كل النواحي
اخلاقها قمة وجميلة وتحشم ومتربية وكلشي
لكن كي جيت تتقدملها اكتشفت بلي مطلقة
تتزوجها وتكمل معاها ولا ترجع منين جيت؟



​

 

[همس الوُرود]

رد: آدم و حواء يتساألان (العدد الثاني)

والله سؤآل جآ لبآلي ويمآ يحيرني

علاه حوآء كيمآ تتخطب ولآ تتزوج تنسى صحآبآتهآ؟؟

الي تعرف الجوآب تقولي​

 

[Hakan]

رد: آدم و حواء يتساألان (العدد الثاني)

سؤال لآدم :
نغير في سؤال حكيم هههه
واش رايكم في المرأة لي تسمع الغناء ?​

شوفي انا ديري كل شيء قدامي الا انو تسمعي لغنا
قدامي نضربك نورمالمون اما تسمعي وحدك ربي يسهل عليك
المهم قدامي لا
​

 

[همس الوُرود]

رد: آدم و حواء يتساألان (العدد الثاني)

هل تقبل أن تدخل أمآم زوجتك يوم العرس ~ وسط النسآء

لتلبسهآ خآتم زفافكمآ؟؟​

 

[sosobibicha]

رد: آدم و حواء يتساألان (العدد الثاني)

والله سؤآل جآ لبآلي ويمآ يحيرني

علاه حوآء كيمآ تتخطب ولآ تتزوج تنسى صحآبآتهآ؟؟

الي تعرف الجوآب تقولي​

هههه انا ما عندي صحابات مننساهم ههههه :p
اما عن الباقي ربما تحس روحها فور عليهم "خصوصا كي تتخطب ههههه " او زوجها يمنعها تحكي معاهم ​

 

[Hakan]

رد: آدم و حواء يتساألان (العدد الثاني)

سؤالي لآدم
شفت طفلة وعجبتك من كل النواحي
اخلاقها قمة وجميلة وتحشم ومتربية وكلشي
لكن كي جيت تتقدملها اكتشفت بلي مطلقة
تتزوجها وتكمل معاها ولا ترجع منين جيت؟



​

خخخخ علاه تعيي فيا بهاذو الاسئلة
انا قتلك فاسخة الخطوبة نتاعها ما نقبلهاش فمابالك
مطلقة لا لا ختي غير كونك هانية
الا في حالة ممكن نكون انا مطلق اعوذ بالله من هذا الاسم خخخخ
​