" كلمة في حق عضـو " على اللمة الجزائرية { العدد الثاني }

ضآحكة مستبشرة

:: عضو بارز ::
أحباب اللمة
إنضم
27 جويلية 2014
المشاركات
15,117
نقاط التفاعل
39,535
النقاط
13,026
محل الإقامة
العاصمة
الجنس
أنثى
السلآم عليكم و رحمة الله تعالى و بركآته

كيف احوآلـكم احبتي ؟؟



الفكرة تقول :

اكيد انوا كل عضو عندوا علاقة طيبة ولا سيئة مع عضو اخر
ربما عضو شاف جانب ايجابي حب يعبرلوا عن شعوروا لكن لم يجد الفرصة
او منكم من اراد ان يصف عضو او يقول كلام جميلا طيبا في حقه و كذلكـ لم يجد الفرصة

قوآنين الموضوع :

- اختيار عضو منآسب تختاره لكي تعبر عنه
- يسمح للاعضاء باختيار نفس العضو لكن كل عضو يصفه باحساسه الخاص
- حبذا لو تصفون الجانب الايجابي في العضو
- لا مانع في ذكر الجانب السلبي للعضو لاكن ليس للتجريح او التفضيح فقط لنصح العضو في الجانب السيء و تقديم نصائح تحمل كلام طيب و نقي خالي من الشتم و السب

اتمنى ان تكون قد راقت لكم الفكرة و اتمنى ان تشآركونآ
و اي شخص لم يفهم الفكرة يسأل و رح نفهموا مليح



و لكم الخط و اطلقوا العنان لاقلامكم

العدد الاول

http://4algeria.com/forum/threads/430139/



فكرة و تقديم : عآشقة الجنة
 
رد: " كلمة في حق عضـو " على اللمة الجزائرية { العدد الثاني }

عاد الموضوع الجميل ...
تم الاعتماد ولنا عودة ان قدر الله وشاء ..
 
رد: " كلمة في حق عضـو " على اللمة الجزائرية { العدد الثاني }

السلام عليكم
سبحان الله والله العظيم البارح برك وين ضربت طلة على الموضوع السابق
وقلت في قلبي علاه الموضوع هادا علاه ولا مهجور؟ وكنت رايحة نجددو
بأحد الردود واليوم لقيت العدد الثاني
بوركتي حبيبتي اسماء ربي يحفظك من كل سوء
ورايحة نرجعلو بإذن الله لانو عندي بزااف اعضاء قراب للقلب
شكرا غاليتي

 
آخر تعديل:
رد: " كلمة في حق عضـو " على اللمة الجزائرية { العدد الثاني }

لؤلؤة قسنطينة

السلام عليكم شكرا على الموضوع هايل
انا حابا نشكر طاطا لؤلؤة بزاااف على خاطر هي من المشرفات اللي ترد على الناس كامل وتعطي كل واحد حقو حتى انا وليت ديما ندور في قسم اللي راهي مشرفة عليه ربي يخليها انا حابا نقلك نحبك طاطا وكاين بزاف في بالي كل دورة نجي هنا
يعطيكم الصحة
xx.gif

 
رد: " كلمة في حق عضـو " على اللمة الجزائرية { العدد الثاني }

السلام عليكم موضوع رائع
اسمحولي يا جماعة انا رجعت للمنتدى بعد مدة قصيرة وقدرت نحكم على اغلبكم
انا ماراحش نخير عضو واحد انا نقولكم ليكم كلكم
انكم هايلين ةناس ملاح انا كنت فمنتديات اخرى وعرفت اشخاص وتركو بصمة في حياتي سواء مليحة او لا ربي يسهللهم وين يكونو
بالنسبة ليكم نشكركم كلكم لانكم رائعون ولكن شخصان من دخولي هوما مقربان لي
الاخ الامين محمد ترك اثر كبير ولازال واقول له اعتبرك اخ لي ودائما بالي مشغول بوضعك
الاخ المحترم والذي هو قدوة لنا الاخ رابح66 نقولو ونعم الاخ والأب والصديق
شكرا كلم جميعا وان شاء الله نكون عند حسن ظنكم
 
رد: " كلمة في حق عضـو " على اللمة الجزائرية { العدد الثاني }

السلام عليكم
هذا الموضوع رايح يشهد على ردود كثيرة مني ^^
على كل حال كل عضو وعضوة راح يكون ليهم نصيب مني في هذا الموضوع ان شاء الله
ولكن كبداية رايحة نذكر ثلاث أخوات عزاز بزااف على قلبي ولكن غابو عن اللمة لأسباب معيّنة
مِلك له .. salam fleur .. perle blanche
ربي يهنيهم ويحفظهم ويسهلهم كل امورهم
حبيتهم ومازلت للآن نحبهم ومازالو عزاز على قلبي
لقيت فيهم الأُخوة .. المحبة .. الصداقة .. والقلب الطيب
دعواتي لهم بالتوفيق

 
رد: " كلمة في حق عضـو " على اللمة الجزائرية { العدد الثاني }

milina4algeria
ختي وحبيبتي نحبها بزاف
نتمنى ترجع للمة كيما كانت والاهم انها تكون بخير
ربي يحفضها ان شاء الله
ونحب نقولها معزتك قي قلبي
 
رد: " كلمة في حق عضـو " على اللمة الجزائرية { العدد الثاني }

سلام عليكم
فكرة هايلة
انا اختار اخ حكيم
هو افضل عضو يعجبني في منتدى
من مشاركاتو ومواضيعوا ومناقشلتوا مع الاعضاء
والله افضل عضو تلاقيت به هو اخ حكيم
ونشاله ربي يجعلك من ذو الحكمة
 
رد: " كلمة في حق عضـو " على اللمة الجزائرية { العدد الثاني }

فكرة تجنن
كاين انسان في بالي حاية نحكي عليه
لاسمحلي الوقت رح تكون لي عودة للموضوع
 
رد: " كلمة في حق عضـو " على اللمة الجزائرية { العدد الثاني }

سلام عليكم

~

صراحة..وكما كنت اقول دائما

انا لا اعرف احدا هنا حق المعرفة ..ربما البعض فقط من خلال المشاركات

لكن وددت ان اشكر عضوا هنا لطالما كان يسأل عني وينتبه لغيابي عن المنتدى على الرغم من عدم معرفتي له حقيقة

هو الاخ :العنقاء
فكل الشكر له ولصاحبة الموضوع
تحياتي :)
 
رد: " كلمة في حق عضـو " على اللمة الجزائرية { العدد الثاني }

السلام عليكم
نشكرك ختي اسماء على هذا الموضوع الجميل
فالموضوع الاول ماشاركتش محبيتش نذكر حتى اسم
والله غير نعزكم كامل كامل من صغيركم لكبيركم
مي اليوم عولت نكتب على وحد العضوة ماشي منوالا ههههه
ميمتي ربي يطول في عمرك ويحفظك من كل شر
ان شاء الله ربي يهنيك مع وليداتك وراجلك
نقولك ان شاء الله يخليك لينا هنا


ميمتي ام منير

وكاين بزاف لي نشكرهم هنا
متتقلقوش راني نولي هههههه​
 
رد: " كلمة في حق عضـو " على اللمة الجزائرية { العدد الثاني }

تحكي على 2بنات إلي دايما يقولوليي نسيتيني
للاسف.. أنا أغلب الأحيان نخمم فالناس ومانحكيش معاهم ومانقوللهمش..
ومش رايحة نذكر الاسم
أنت إلي راكي تقرأي فكلامي وشاكة.. أنت هي
 
رد: " كلمة في حق عضـو " على اللمة الجزائرية { العدد الثاني }

do.php


 
رد: " كلمة في حق عضـو " على اللمة الجزائرية { العدد الثاني }

مرحبا ، الفكرة رائعة و الموضوع اروع يسلمو
هي كاين اعضاء بزاف هنا و مقربين ليا
لكن تبقى ختي لعزيزة الاقرب ليا
و ادا كان عندي كلمة شكر نهديها لشخص غيري طبعا
تكون هي ختو ربي يحفظك ليا بلا منقول لاسم
و نقولها بلا بيك منسوا والو​
 
رد: " كلمة في حق عضـو " على اللمة الجزائرية { العدد الثاني }

سلام عليكم ورحمة الله تعالي وبركاته
صباح خير الاعضاء اللمة الكرام
موضوع جميل ويستحك مشاركة
كاين الاعضاء بزاففف هنا مشاء الله عليهم مي
نشكر وحدة قريبة بزاف ليا عفاف نحبك اختي
والله انا كنت نقول نكاش اصدقاء دروك مي نتي
غيرتلي راي مشاء الله عليك ربي يحفظك ويعزك
ننننننحححححبببببككككك
 
رد: " كلمة في حق عضـو " على اللمة الجزائرية { العدد الثاني }

وعليكم السلام و الرحمة و الاكرام
نشكرك اختي عالموضوع اللي رح يقرب القلوب لبعضها اكثر و يعطي لناس حقها من الشكر و الثناء ناس اللمة عزاز على قلبي و ما نحب نزعل حتى واحد مني لكن ربما تواجدي هنا كان متزامن مع تواجد ناس اثرت فيا
الاخت ام منير : شخصيا لك مني كل الاحترام غاليتي ربي يحفضلك العائلة الكريمة من كل سوء اول اعتماد لاول موضوع لي كان من عندها وسرقت توقيعي من عندها.
الاخت ام ياسمين: اقرب شخص مني لحد الان في اللمة وسري كلو عندها ربي يعطيك حتى يرضيك غاليتي
الاخت سكون الفجر: شخصيا احس خيوط محبة منسوجة بيني و بينك غاليتي اخت شفافة كالزجاج لا تستطيع سوا محبتها ربي يلاقينا في العافية
الاخوات اللي كنت حابة نتعرف عليهم اكثر و دائما في بالي و اعترف اني مقصرة في حق نفسي اولا اني ما تسناليش الوقت نعطيهم حقهم:
الاخت بنت ٢٥: صراحة اخت متواضعة و تخليك تعرف آراءها اللي صراحة نعتبرها قيمة ربي يخليك غاليتي و يحفضك و يتمملك على خير نتمنى نتلاقاو في يوم ما
الاخت لؤلؤة قسنطينة: غاليتي ما شاء الله عليك و بحق تمثل احسن ما في بنات قسنطينة اللسان الحلو الرزانة العقالة الحشمة انسانة كيما نقولو حنا مخدومة انت ايضا غاليتي نتمنى تجمعنا الاقدار يوما ما
الاخت ملك له : لفترة ما كان تواجدها مكثف التقينا في كذا موضوع لا اعلم سبب غيابها ربي يردها لينا في العافية
الاخت بنقابي افتخر : عزيزة على قلبي جدا دائمة السؤال نعتبرها قدوة نتمانلك كل الخير
اما الاخوة:
الاخ محمد الامين : متواضع و خلوق ربي ينولك ما تتمنى و يجعل الفرج قريب
الاخ بقايا انسان : من فترة لم ارى مشاركاته لكنها كلها مشاركات في المستوى رجاحة عقل ومنطق مقنع ان شاء الله تكون بخير
الاخ مالك skormen: عمري ما ننسى هلوساته في رمضان اللي فات نتذكر اني كنت لازم نقراهم باش نواصل اليوم بابتسامة متفائل دوما ربي يرزقك ما تتمنى و يحفضلنا جميعا ام منير
الاخ نجيب: كذلك من فترة لم اقرأله غيابه واضح جدا نقاشاته كانت دائما تثري المواضيع نتمنالو في الدنيا حسنة وفي الاخرة حسنة
الاخ رابح٦٦: اخونا الكبير نشهدله برحابة صدره و جمال كلماته الشكر دائما على لسانه و ما يخبي والو في قلبو صراحته ممزوجة بحكمته
الاخ arachid 2016: القبائلي الحر صريح جدا ويذهب معك في النقاش لاقصى حد ممكن ونقلك تحرى الحقيقة ولا تخشى بعدها لومة لائم
الاخ حكيم story: اخ حقيقة حسيت مشاركاته تغيرت كثيرا ولا اتكلم فقط عن المناظرة لكن من ما يقارب الثلاث اشهر على ما أظن تغير للاحسن و نضج واضح. ربي يزيدك حكمة
الاخ الخليل: مثقف مطلع يحب يخلي بصمة تفاؤل لكل موضوع و مشاركة
اسعدني كلكم قراءة كتاباتكم و التعرف على جزء من أفكاركم ربي يجعلكم كما نظنكم و احسن و يجمعنا في جنات الخلد كما جمعنا هنا اليوم في اللمة
وباقي اعضاء اللمة كذلك ربي يفتح لكم ابواب الخير كلها و يسعدنا بمعرفتكم.
والسلام مسك الختام.
 
رد: " كلمة في حق عضـو " على اللمة الجزائرية { العدد الثاني }

السلام عليكم
شكرا على الفكرة رائعة جدا
تجعل الاعضاء يحبون بعضهم اكثر

منذ انضمامي الى المنتدى
اعجبتني عضوة واحدة و لفتت انتباهي هي الاخت لؤلؤة قسنطينة
عضوة رائعة جدا نشيطة و مثابرة نراها في كل مكان
اكثر ما يجذبني فيها هي مدونتها قمة في الروعة
واصلي ايتها العضوة النشيطة​
 
رد: " كلمة في حق عضـو " على اللمة الجزائرية { العدد الثاني }

كاين أعضاء بزـاف في بداية مشواري فاللمة كنا مقربين كثيرا
أما الأان كلنا ندخلوا لكن منحكوش.. وفاتت سنوات
صح الدنيا غريبة
ربي يهنيكم:)
 
رد: " كلمة في حق عضـو " على اللمة الجزائرية { العدد الثاني }

Twinkle Stars

ان شاء الله تعجبك المفآجأة:love01:
حبيبتي عبير صح مانعرفكش وماحكيناش من قبل مي نعرفك من مواضيعك ومشاركتك خاصة في قسم واش راك تهدر ...
بانتيلي ناس ملاح وعاقلة
ربي يهنيك ان شاء الله وينجحك غلاتو
وان شاء الله ماتغيبيش علينا
سلام ♥

 
رد: " كلمة في حق عضـو " على اللمة الجزائرية { العدد الثاني }

Twinkle Stars

ان شاء الله تعجبك المفآجأة:love01:
حبيبتي عبير صح مانعرفكش وماحكيناش من قبل مي نعرفك من مواضيعك ومشاركتك خاصة في قسم واش راك تهدر ...
بانتيلي ناس ملاح وعاقلة
ربي يهنيك ان شاء الله وينجحك غلاتو
وان شاء الله ماتغيبيش علينا
سلام ♥

قريب نبكي يا. طفلة ههههه
ربي يحفظك امانـي ختي.. أنا شكيت نعرفك من قبل
ربما تتذكري سلسبيل4اافر!!
المهم أنا نشفى عليك أختي ونعرفك أنسانة موزونة وواعية..
الله يحفظك
.كي شفت اسمي تخلعت ههه ميرسي أختي ربي يهنيك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top