آدم و حواء يتساألان (العدد الثاني)

[Hakan]

رد: آدم و حواء يتساألان (العدد الثاني)

............

خخخ واش ما فهمتيش
المشاكل قصدي واش راهو صاري عند لافامي نتاعي
مثلا اعمامي واخوالي وغيرهم
هكاك باش ما تحرقناش عند القوم
نتاعها ​

 

[لؤلؤة قسنطينة]

رد: آدم و حواء يتساألان (العدد الثاني)

3 اسئلة ضربة وحدة
تاع الباك وماش هكا ههههه

آدم الذي يحكي لزوجته قصة قبل النوم
او يكتب لها قصيدة يعبر لها فيها عن ولعه شخصيته كيف تحللينها ؟

الراجل لي حنين بزاف فيه اللوش هههه
غير نضحك، الراجل لي يكون حنين مع مرتو ويعاملها كطفلة صغيرة وكأنثى في نفس الوقت
انسان ذكي وحنين ويقدر الانثى لي راهي تتعب على جالتو ويعرف يتعامل معاها ويعرفلها نقاط الضعف تاعها
خاطر الانقى ماتحبش غير تحس روحها قوية تحتاج تحس روحها طفلة صغيرة مع زوجها

لو زوجك يكون من مدمني الانترنت او بالاخص منتدى اللمة تخليه يكمل يشارك مع الاعضاء وخاصة البنات ولا تمنعيه التحدث في المواضيع بدون دسارة

يشارك مع البنات في مواضيع وفي ردود معليش يعني كمناقشة
واكيد بلا الخروج على الحدود
اما تاع يديرلي معاهم ديوان هادي لالا -_-
واصلا هادي كي عادت اللمة برك كن الفايس بوك حاجة خلاف
لكن انا من النوع لي نكره نعس راجلي ولا يعسني خاطر الثقة تعتبر حاجة مهمة جدا بالنسبة ليا

سؤال لو يمنعك زوجك من الخالات والعمات واش يكون ردك ؟

نورمال مانروحش خاطر عندو حق وكاين اولاد عمات واولاد خالات
وماش من محارم مرتو وهذا يعني بلي يغير عليها يسمى نورمال بالنسبة ليا
​

 

["viola"]

رد: آدم و حواء يتساألان (العدد الثاني)

خخخ واش ما فهمتيش
المشاكل قصدي واش راهو صاري عند لافامي نتاعي
مثلا اعمامي واخوالي وغيرهم
هكاك باش ما تحرقناش عند القوم
نتاعها ​

لالا غلطت برك اني سقمتها :d

آدم و الغيرة تاع حواء يستحملها ولا ميقدرش ؟؟​

 

[Mr Brahim]

رد: آدم و حواء يتساألان (العدد الثاني)

لالا غلطت برك اني سقمتها :d

آدم و الغيرة تاع حواء يستحملها ولا ميقدرش ؟؟​

اذا كانت في حدود المعقول نورمال لانو المراة لي ما تغيرش على زوجها كاين حاجة ما نزوج يا اما دايرة فيها ثقة عمياء و هذي نادرة يا اما امراة ميتة :down:
​

 

[لؤلؤة قسنطينة]

رد: آدم و حواء يتساألان (العدد الثاني)

نسيت السؤال دوخوني الاسئلة هههه
صفة في امك تريدها ان تكون في زوجة المستقبل؟
​

 

[Mr Brahim]

رد: آدم و حواء يتساألان (العدد الثاني)

ما لاحظتوش حاجة غير البايرين و البايرات يدوروا هنا المزوجين ما قيموناش خلاص هههههههههههه
​

 

[Hakan]

رد: آدم و حواء يتساألان (العدد الثاني)

لالا غلطت برك اني سقمتها :d

آدم و الغيرة تاع حواء يستحملها ولا ميقدرش ؟؟​

نستغلها افضل استغلال :bravo01:

حواء لويمنعك زوجك من انو تدخلي للمة وتشاركي ويردو عليك لانو يغير عليك
واشيكون رايك والنت كامل ​

 

[Mr Brahim]

رد: آدم و حواء يتساألان (العدد الثاني)

نسيت السؤال دوخوني الاسئلة هههه
صفة في امك تريدها ان تكون في زوجة المستقبل؟
​

ان تفهمني دون ان انطق بحرف واحد
​

 

["viola"]

رد: آدم و حواء يتساألان (العدد الثاني)

ما لاحظتوش حاجة غير البايرين و البايرات يدوروا هنا المزوجين ما قيموناش خلاص هههههههههههه
​

ههههههههههههههههههههههههه​

 

[Hakan]

رد: آدم و حواء يتساألان (العدد الثاني)

نسيت السؤال دوخوني الاسئلة هههه
صفة في امك تريدها ان تكون في زوجة المستقبل؟
​

ممكن الصبر في اسوأ المراحل
وحواء ماهي الصفة الموجودة في الوالد وتريد ان يكون آدم فيها ​

 

["viola"]

رد: آدم و حواء يتساألان (العدد الثاني)

نستغلها افضل استغلال :bravo01:

حواء لويمنعك زوجك من انو تدخلي للمة وتشاركي ويردو عليك لانو يغير عليك
واشيكون رايك والنت كامل ​

نقعد نتمسكنلو حتى يخليني :p:p نحاول معاه نمدلو المودباس مهم ندير قااع الاجراءاات و اذا مقبلش باي باي و تهلاو في رواحكم :cray01:

ههههه أمنت :p​

 

[Hakan]

رد: آدم و حواء يتساألان (العدد الثاني)

ان تفهمني دون ان انطق بحرف واحد
​

ما تصعبلهمش ياخويا براهيم ههه هذي تقعد معاك مئة سنة وما تفهمكش ياحسراه هذي سبيسيال للتي رفداتك 9 اشهر ​

 

[لؤلؤة قسنطينة]

رد: آدم و حواء يتساألان (العدد الثاني)

حواء لويمنعك زوجك من انو تدخلي للمة وتشاركي ويردو عليك لانو يغير عليك
واشيكون رايك والنت كامل ​

نوافق اكيد
زوجي لما يأمرني بحاجة وفي صلاح نورمال
خاصة انك قلت يغير عليك وهادي النقطة حساسة عندي ههههه
ربما حكاية النت شوي
خاطر قادر نشوف اخبار ولا وصفات ولا حوايج تاع دين
يعني نقنعو اني ندخل للنت ساعات للضرورة بلا مانشارك في حاجة يكون فيها ارتباط مع الجنس الآخر


سؤالي لآدم
كي تحب تأنب زوجتك تأنبها قدام اهلك ولا بيناتكم
مصلا دارت غلطة قدام اهلك تأنبها تما بعد ولا تكلمها بينك وبينها ؟
​

 

["viola"]

رد: آدم و حواء يتساألان (العدد الثاني)

ممكن الصبر في اسوأ المراحل
وحواء ماهي الصفة الموجودة في الوالد وتريد ان يكون آدم فيها ​

يحتويني في كل حالاتي ..كي نبكي كي نزعف ...

آدم طيح بيك و تقعد بلا خدمة و زوجتك بدبلومها و انت مخليتهاش تخدم من الاول ..اسكو تبدل رايك و لا تشد في كلمتك مهما كااان ؟؟؟​

 

[Mr Brahim]

رد: آدم و حواء يتساألان (العدد الثاني)

ما تصعبلهمش ياخويا براهيم ههه هذي تقعد معاك مئة سنة وما تفهمكش ياحسراه هذي سبيسيال للتي رفداتك 9 اشهر ​

لالا نصعبوا و نزيدو راه 20 مليون مهر خويا لعزيز لازم تكون لاتوت اوبسيو لازم تكون مرسيدس المانية خخخخخخ
​

 

[Mr Brahim]

رد: آدم و حواء يتساألان (العدد الثاني)

نوافق اكيد
زوجي لما يأمرني بحاجة وفي صلاح نورمال
خاصة انك قلت يغير عليك وهادي النقطة حساسة عندي ههههه
ربما حكاية النت شوي
خاطر قادر نشوف اخبار ولا وصفات ولا حوايج تاع دين
يعني نقنعو اني ندخل للنت ساعات للضرورة بلا مانشارك في حاجة يكون فيها ارتباط مع الجنس الآخر


سؤالي لآدم
كي تحب تأنب زوجتك تأنبها قدام اهلك ولا بيناتكم
مصلا دارت غلطة قدام اهلك تأنبها تما بعد ولا تكلمها بينك وبينها ؟
​

قدام اهلي نظرة تكفي و الحساب من بعد :sport01:
​

 

[لؤلؤة قسنطينة]

رد: آدم و حواء يتساألان (العدد الثاني)

ممكن الصبر في اسوأ المراحل
وحواء ماهي الصفة الموجودة في الوالد وتريد ان يكون آدم فيها ​

خويا حكيم حرام عليك
غير نخلص الاسئلة ونفرح نلقى سؤال خلاف هههه
بصح او عاجبني الحال انا هههه

امممم صفة في الوالد
الصدق مايكدبش خلاص هههه وماعندوش النميمة يهدرهالك في وجهك عجبتك الهدرة ولا ماعجبتكش هههه اخبط راسك في الحيط
ومحافظ على صلاتو لدرجة من لي بداها جامي راحتلو صلاة حتى في المرض ويصلي ويخاف عليا حتى من النسمة
المهم ولاو صفات هههه

سؤالي لآدم
وكتاه تقدر تنعت دموعك لحواء؟


​

 

[Hakan]

رد: آدم و حواء يتساألان (العدد الثاني)

يحتويني في كل حالاتي ..كي نبكي كي نزعف ...

آدم طيح بيك و تقعد بلا خدمة و زوجتك بدبلومها و انت مخليتهاش تخدم من الاول ..اسكو تبدل رايك و لا تشد في كلمتك مهما كااان ؟؟؟​

اواه الاولوية للكلمة نتاعي لانو الدنيا فيها فرح وسعاادة
يعني هنا تتحمل معايا

حواء:
ماهي الافكار والصفات المتداولة عنك في عقل آدم وتريدين محوها من راسه ؟؟​

 

[لؤلؤة قسنطينة]

رد: آدم و حواء يتساألان (العدد الثاني)

قدام اهلي نظرة تكفي و الحساب من بعد :sport01:
​

خزرة تاع باتمان ولا واش :p
​

 

[Hakan]

رد: آدم و حواء يتساألان (العدد الثاني)

سؤالي لآدم
كي تحب تأنب زوجتك تأنبها قدام اهلك ولا بيناتكم
مصلا دارت غلطة قدام اهلك تأنبها تما بعد ولا تكلمها بينك وبينها ؟
​

انا حااجةما نقدرش نديرها في حياتي وما نديرهاش ولو نموت
انو نحشم واحد قدام الناس خااصة الزوجة لانو جرح كبير يقعدلها حتان تموت ​