الجبن الاحمر ( فرماج روج ) صنع منزلي

ام سراج وملاك

:: عضو مُشارك ::
إنضم
26 ديسمبر 2012
المشاركات
243
النقاط
21




مرحبا بالجميع كنت شفت وصفة صنع الجبن الاحمر كيفاه يصنعوه في المنزل من قبل اخت مغربية في احدى المنتديات وكانت مقادير الوصفة بسيطة ومتوفرة في كل بيت جزاها الله كل خير على هذه الوصفة
طبعا جربت الوصفة و كانت الوصفة ناجحة صورت مراحل التحضير وقررت اني نحطها موضوع باش كامل تستافدو مكانش قد الحاجة لي تصنعيها بنفسك وتكون نظيفة و بدون مواد حافظة منطولش عليكم ونخليكم مع الصور وطريقة التحضير





نصف كاس زيت + نصف كا س ماء + كاس لحظة + مغرف كبيرة عصير حبة قارص + مغرف صغيرة ملح + 3 حبات فرماج او اثنين + 3 مغارف كبار نشاء + 2 صفار بيض





راح نشرحلكم مع الصور وطبعا نتبع الارقام لي في صور باش يكون الشرح واضح ومفهوم





1- نخلط الزيت مع الماء بالخلاط الكهربائي او المضرب اليدوي مليح حتان يبياض الخليط نضيف 3 حبات فرماج ونخلطهم مليح حتان يذوب الفرماج
2- نضيف البيض 2 صفار ونخلط مليح
3 - نزيدو نشاء ونخلط مليح ونزيدو مغرف عصير القارص ونزيدو الملح مغرف صغيرة ونزيدو كاس لحظة غبرة
4- نخلط اللحظة والمقادير لي حطيناهم مليح نتحصلو على الخليط لي في صورة





5-
ندهن صحونة مقاومين للحرارة بالزيت ونحضر قدر باش نحطو الجبن يغلي القدر نحطو فيه طرشونة باش الصحونة ميتحركوش من بلاصتهم
6- نفرغ الخليط نتاع الفرماج في صحونة
7- نصب الماء مغلي نكونو غليناه من قبل في القدر بشرط نخلي مسافة بين الصحونة منوصلش لماء للفوق باش كي يغلي الماء ميدخلش داخل الفرماج
8- نحط القدر لي فيه الفرماج فوق النار ونغطيه بغطاء ونقص لناء ونخليه يطيب بعقلو





9- واخيرا الجبن نتاعنا وجد ندخل سكين اوعود كي يخرج ناشف معناه انو الجبن نتاعنا وجد ونجحنا في تحضير نتاعو نخليه يبرد على برة ومبعد ندخلوه لثلاجة ليلة كاملة نخليوه في صحونة متنحيوهش غدوة من ذاك نشد الموس ندخلوه على الحاشية ونخبط الصحن في يدينا يخرج الفرماج من صحن اذا كنا حابين نحتافظو بيه في ثلاجة لتحت مدة الحفظ 20 يوم بشرط نغلفوه بلبلاستيك (بابي فيلم) اذا كنا حابين نخبيوه في المجمد نرابيوه ونخبيه





هنا في صورة هذي الجبن جربت رابيتو بصح مخليتوش يبات حبيت نشوف نتيجة نتاعو الله غالب مزروبة ههههه :d:d:d:d:d:d
كان رائع :thumb_up02::thumb_up02::thumb_up02: بصح طري مزال مشدش روحو من الاحسن يبات خير البنة عجبني بزاف بصح ذوقو ماشي كيما فرماج روج 100/100 بنين ويسلك في وقت الشدة ااكيد لفرماج لازم يكون نوعية مليحة
في الاخير نقلكم اي سؤال او اي استفسار راني هنا راني حاولت نشرحلكم بالتفصيل الخطوات باش تنجحو فيه في الاخير نقلكم
تحياتي للجميع اخواتي متنساونيش بدعوة خير ولكم بالمثل

هذي وصفة مصورة خدمتها لي تحب تحتافظ بيها عندها



 
آخر تعديل بواسطة المشرف:

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
46,557
النقاط
821
محل الإقامة
الشرق-الوسط
الجنس
أنثى
رد: الجبن الاحمر ( فرماج روج ) صنع منزلي

اهلا وسهلا بيك

الله يبارك اختي خرجلك هايل الفرماج روج

يعطيك الف صحة وعافية على الوصفة المجربة

بصحتكم اختي
 
أ

أم أمينة09

:: زائر/ ينتظر التفعيل ::
رد: الجبن الاحمر ( فرماج روج ) صنع منزلي

هلا
بعطيك الف عافية عالوصفة
مشكورة
 
Top