~ تحلية الطبقآت بالفوآكه ~
الطبقة الاولـى:
نرحي حبآت فرآولة بالميكسور، ونحطهم في كآسرول ونضيفلهم نصف لتر حليب، علبة فلان فرآز (75غ او اللي عندك المهم علبة صغيرة)، 2 م ك نشآء، ونحطهم فوق نآر هادئة مع التحريك حتى تعقد ونفرغ الكريمة في الكؤوس
رح تمد لون يهبـــل :thumb_up02:
الطبقة الثــــــآنية:
بنفس الطريقة، نرحي خوخ بالميكسرو، وفي كآسرول نضيف نصف لتر حليب، علبة فلآن فآني، 2 م ك نشآء ونحطها فوق نار هادئة حتى تعقد
الطبقة الثــــــآلثة:
نصف لتر عصير برتقآل ( رآمي او تشينآ)، 3 م ك سكر او حسب الحلاوة، 3 م ك نشآء، ونحطهم فوق نآر هادئة حتى تعقد الكريمة ونفرغها فوق الطبقة الثانية
وندخلهم للثلآجة ونزينهم من فوق بالمكسرآت او اي شيء آخر
ملآحظة: هاد المقآدير عملولي كمية كبيرة للضيآف، لعائلة صغيرة من الاحسن استعمآل نصف المقآدير المذكورة
ســـــلآمي
