كيفاش تهدري عالحب!!!

[الديباج الرقيق]

السلام عليكم
انا حبيت برك نهدر على واحد الحاجة محيرتني ..يا محاينك عقلية غريبة عجيبة ....زعما كي تجي تهدر عالحب ..يقولك انتي تصلي تصومي تقراي القران كيفاش تجيك نورمال تهدري عالحب وين راه دينك ...ياك راكي تصلي وتصومي كيفاش تقولي نحب..
ايه صح نحب بصح ماشي كل يوم طالعة هابطة معاه من بلاصة لبلاصة..
ابه صح نحب بصح ماشي كل يوم نضرب في السيلفي معاه مرة ع الفيس ومرة ع التويتر ومرة ماعلبليش وين !!
ايه صح نحب بصح ماشي كل يوم في القهاوي والسيبار معاه ...
ايه صح نحب ..نحب من بعيد يا خيي هههههه شوية غريبة نحب من بعيد ...بصح ايه نحب من بعيد واش فيها نحب من بعيد ندير كيما كاميرات المراقبة ههههه يقولك معناتو ماشي اون كوبل كل واحد سيلبتار وحدو..اون كوبل روسكم ان شاء الله وسليبتار وجوهكم لمسودة يا وجوه لمزرية..
واش فيها اذا هدرنا عالحب ولا قولنا حابين يحكمو علينا ديراكت راك واحد رخيص ومتسواش ..علاش الرسول صلى الله عليه وسلم قال " عن خديجة اني رزقت بحبها"بيان صريح على ان الحب عاطفة توهب تمنح وتهدى من السماء ...وحنا الافريقيين تاعنا يقولك كيفاش تحب وتهدر عالحب وانت تصلي وتصوم ...الحب ماشي عيب ولا حرام ..ياخيي حب ماشي تخلطلها جد يماها وتجي لعندي وتقولي كيفاش تحبي وانتي تصلي وتصومي ...هدا حب ..ماشي جريمة قتل ..كرهونا يلعبوها يفهموا في كلش.....

 

[Skor m@k]

السلام عليكم
أبابابابابا كي ختي كاري هدرت على الحب اواه فيها ان وبالشدة هههههه
آه يا ختي حسبونا لحجر تاع أبا لهب لي كان يعبدهم لا يأكلون ولا يشربون ولا يغني عنهم شيئا
والمشكلة كي تقوللهم علاه نتوما تحبو يقولولك بلي هوما مايصلوش هههههه
ضرك المشكلة ولات فالصلاة ماشي فالحب
نقدر نتلاقى صباح ربي ببوجغللو نولي نحبو مايسالوليش بصح شوفي هوما قصتهم مع الصلاة
وكيما قلت أنت ماشي لازم تمشي وخرج وتتصور ولا حتى تهدر باش تحب
تقدر في لمحت بصر وبقيزت زر تولي تحب المهم مايكون يغضب ربي برك
ولا الحب كامل نحبو ههاهاهاهاه
شكرا لك ختي كاري نورتي المنتدى بموضوعك ​

 

[العَنْقَاءُ]

أعطيك شطحة /
المسلمين + العرب بصفة خاصة لو كان لديهم علاقات حب وهيام مثل الغرب
أظن سوف يأخذ كلّ الجزائريين رتبة جنرال فيه
والمصريين يأخذون رتبة عقيد
والسعودين يأخذون رتبة ملوك أو أمراء
..الخ
الحمد الله على نعمة الدين
الحلال بين والحرامُ بين
طيب لو أحببت أنا إمراة خيالية
وجاءتنى خفقة في القلب على حق
أقسم ألا أحبّ بعدها
فيه حبّ غاية
فيه حبّ زواج
أفضل الأخيرة حتى تربت يداى
وكلام الصلاة ومجتمع ومعلباليش ونحن مسلمين وكذا وكذا
منذ عهد أبا عتاهية وهو منتشر
أعتبره كلام ريشة في الهواء
وبعدين لو كنا مسلمين ؟
من ينفى الحبّ أكبر كاذب على نفسه
موفقة إن شاء الله

​

 

[محمد إبن الصحراء]

مشكورة على الموضوع المميز
لكنك ماحددتيش إشكالية الموضوع بدقة
لكن نجوابك على حساب فهمي من الموضوع
الحب
مصطلح صبح راسخ في عقول بزاف غاشي بلي
يعبر على العلاقات الغرامية
وهدا هو السبب لي جعلهم يقولولك هداك لكلام

 

[حكاية قمر]

السلام عليكم
هاذي عجبتني
لحب شعور بريء من تصرفات جماعة راني اون كوبل هكا من بعيد برك
ومعاه دعوات صادقة باه يكون في الحلال
اما شي لي رانا نشوفو فيه غي تمسخير برك حتا ولا كان الطرفين صادقين نورمالمو لي يبغي وحدة يخاف ع سمعتها
والحمد لله مازالك كاين رجال كما هكا مهما بغاها جامي يخليها محل شبهات اذا قدر يخطب ويتزوج فيها خير واذا ماقدرش بنت الناس ماشي لعبة بين يديه
موفقة

 

[عاشقة الإحسان]

السلام عليكم
حبيبتي كاتي عجبني موضوعك ،هههههه باين كاشما واحد قلقك و لعبلك فالمورال و جيتي تجري كتبتي هذا الموضوع ،المهم غاليتي غير متتقلقيش حبي على روحك و مكانش اللي يسالك مدام حبك طاهرا نقيا عفيفا ،والحب لا يعني الخرجات و اللقاءات و المكالمات الجوفاء ، الحب شعور أسمى بكثير من هذا ،والواحد فينا لا يملك قلبه حتى يصرفه عن الحب ،لكن فقط عليه أن يتحكم فيه حتى لا ينجر عن هذا الحب ما يغضب الله .
وما ننساوش أن الحب يتعب القلب و ينهكه ، فإن علمت أن الشخص اللي أعجبني ليس كفؤا و أهل للزواج فلا داعي كي أتعب قلبي ،و أجلب لنفسي أزمات أنا في غنى عنها ، لأنو اللي يحب يكون معمي على قلبوا و مايشوف والو ، يولي يفكر بقلبو مش بعقلو ،حتى تهدأ النفس بعدين يفيق أنو هذا الحب لن ينتهي بالزواج .
و الحب الطاهر شيء مشروع و ليس حرام و لنا في التاريخ حكايات كثيرة .

وأخيرا نتمنالك السعادة حبيبتي و متعمريش راسك بيهم .

 

[sanaya]

ختي فكرتيني بواحد الموقف صرالي
خترة رحت نشري ايا شفت جينز مقطع. ونا نتبع لامود مي محجبة
ومنلبسش الجينز برا غير فالدار
أيا رحت سقسيت مول الحانوت شحال هادا؟
كانوا تما جماعة تاع لجان ايا واحد قالهم
أووووووه محجبة وتشري جينز وبزيادة مقطع
إتسما لمحجبة اللي تصلي وتصوم عندهم حرام تبع لامود حرام تحب حرام تشطح
هادو ناس عقليتهم يا طبقو الدين و يتشددوا فيه
ولا يخلطولها باباها و يماها
منكدبش عليك بزاف يخمموا هاك
ويغيضني الحال كجي يقولك منافقة
مكاش مودا فالإسلام ههه
حابين نلبس كما العصر الجاهلي ولا كيفاه
مهم حنونة هادو متعمريش راسك بيهم وخلاص سلام

 

[GI Joe]

l amour haayel sentiment mlih ta3 tethassi que lguiti ta moitié w nawiin ba3dhakom,
mais le3bad li 3aychin m3ahom dayrin l hob c 3ayb w mich m tarbia, men wech chafou bara biensur
almohim madam wahed sur men roho w ykhamem b 3a9lo w 3aref wech rah ydir maydirech 3la hadret ness

 

[rycerz]

السلام عليكم و رحمة الله و بركاته
تحية لكم إخواني و أخواتي أهل اللمّة
--
هاذ الموضوع لو كان نتوسعو فيه رايح يكون طويل .. و على هذا نقول ما قلّ و دلّ ، و نتمنى يكون مفهوم.
---
و حتى ما نكتبش حاجة قاسية نفضّل الإشارة للمعنى بالقليل :
واش شفت في حياتي هو أنو كثير من الناس يحسدو على النعمة و يشمتو في حال النكبة
لكن كاين نوع بالأخص أكثر ما يحسدوك عليه هو الحب العفيف .. تلقاهم يتمنّاو أنو يزول و إلاّ يطّور للرذيلة باش يفسد ، و كأنهم أباليس و العياذ بالله
لكن رايح نكون صريح و نقول : في وقتنا هذا رجع الحب العفيف خطير لأنو الكثير من الضروف المحيطة بيه تحاول تدفعو دفعا لأن يتحوّل إلى رذيلة.
و على هذا غلطة كبيرة الوثوق في آراء العامة ..

و الأولى نتبعو طريق ربّي قبل كل شيء و في كل شيء .. و أيضا في حياتنا و أمورنا نستنفعو بأكبر نعمة و هي العقل و الحكمة​

--
حاجة أخرى : قبل ما تحب تفهم شخص من أي نوع هو من البشر يلزم أوّلا تفهم إذا كان أصلا بشر و إلّا لا ..
فإذا كان بشر تقدر تجربو و تعرف إذا يصلح بيك ولاّ لا .. و إذا كان بعيد عن البشرية فأوّل شيء هو الممحاة و تمحيه من صفحة حياتك نهائيا بلا تكسار الراس ...
---
أما عن جذور الأزمة الأخلاقية اللّي شوهّت حقيقة الحب في روسنا و في نفسيتنا .. يلزمنا دراسة أكاديمية تاريخية.
لكن نشيرو لمرحلة هامة كانت منصة لكامل المشاكل اللي رانا نعيشوها كجزائريين .. و هي في ثورة التحرير لمّا استشهدو أغلب القادة التاريخيين صحاب المرجعية الصحيحة للثورة ، بعدهم صرا تنافس بين الطامحين للزعامة و السلطة و صبح التآمر هو المسيطر و بدات سلسلة من النزاعات الداخلية وهذا هو الشيء لي فتح الباب قدام فرنسا باش ترتب عملية اختراق للثورة و حشرت عملائها في الجيش و الادارة لي هوما من بعد عملو على منع ربط هوية الدولة بالمبادئ الاسلامية الشيء لي ترك الجزائر من بعد في دوامة فكرية و سياسية و إجتماعية و أخلاقية من أكثر من خمسين سنة
--
و على هذا بعد ما تمّ بترنا عن هويتنا الحقيقية كمجتمع مسلم و لصقو فينا كل قذارات العلمانية ما بقا شيء يصلح فينا حتى الحب.
---
اللهمّ طهّر قلوبنا و سدد خطانا.​

 

[الديباج الرقيق]

السلام عليكم
أبابابابابا كي ختي كاري هدرت على الحب اواه فيها ان وبالشدة هههههه
آه يا ختي حسبونا لحجر تاع أبا لهب لي كان يعبدهم لا يأكلون ولا يشربون ولا يغني عنهم شيئا
والمشكلة كي تقوللهم علاه نتوما تحبو يقولولك بلي هوما مايصلوش هههههه
ضرك المشكلة ولات فالصلاة ماشي فالحب
نقدر نتلاقى صباح ربي ببوجغللو نولي نحبو مايسالوليش بصح شوفي هوما قصتهم مع الصلاة
وكيما قلت أنت ماشي لازم تمشي وخرج وتتصور ولا حتى تهدر باش تحب
تقدر في لمحت بصر وبقيزت زر تولي تحب المهم مايكون يغضب ربي برك
ولا الحب كامل نحبو ههاهاهاهاه
شكرا لك ختي كاري نورتي المنتدى بموضوعك ​

ههههههههه كانت فيها ان واخواتها وطارو في اتنين مع الريح ...شفت كيفاش دايرين ..واش علاقة الصلاة بالحب انا مافهمتش...
وهداك لبجغللو اواه نوصيك عندك تغلط وديرها وتحبو صح ..حرام علبالك في لافريك
هههههه هه مهابل ...
شكرا فرحت بمشاركتي .. استناوني في مواضيع وحدو خرا عندي بزاف واحد لحوايج دايريلي لكريز تاع الجنون حابة نهدر عليهم ....^_^

 

[الديباج الرقيق]

أعطيك شطحة /
المسلمين + العرب بصفة خاصة لو كان لديهم علاقات حب وهيام مثل الغرب
أظن سوف يأخذ كلّ الجزائريين رتبة جنرال فيه
والمصريين يأخذون رتبة عقيد
والسعودين يأخذون رتبة ملوك أو أمراء
..الخ
الحمد الله على نعمة الدين
الحلال بين والحرامُ بين
طيب لو أحببت أنا إمراة خيالية
وجاءتنى خفقة في القلب على حق
أقسم ألا أحبّ بعدها
فيه حبّ غاية
فيه حبّ زواج
أفضل الأخيرة حتى تربت يداى
وكلام الصلاة ومجتمع ومعلباليش ونحن مسلمين وكذا وكذا
منذ عهد أبا عتاهية وهو منتشر
أعتبره كلام ريشة في الهواء
وبعدين لو كنا مسلمين ؟
من ينفى الحبّ أكبر كاذب على نفسه
موفقة إن شاء الله

​

اعطيك شطحة ...هاذي مافهمتهاشههه
ايه ياخيي كثرلهم غير التبلعيط ..مسلمون ومانحبوش يافاقو الخبر يجيبوه التوالا .....العقل تاع عقلك يحبسوهلك ...
موووفق^_^

 

[الديباج الرقيق]

مشكورة على الموضوع المميز
لكنك ماحددتيش إشكالية الموضوع بدقة
لكن نجوابك على حساب فهمي من الموضوع
الحب
مصطلح صبح راسخ في عقول بزاف غاشي بلي
يعبر على العلاقات الغرامية
وهدا هو السبب لي جعلهم يقولولك هداك لكلام

العفوووو
ايه انا نهدر زعما كي تقول نحب يقولك كيفاش تحب وانت مسلم لا علاقة هههه
اساسا بطلنا لا حب ولا هم يحزنون يا محاينك قريب الحبس يدخلونا ..
اهلا وسهلا نووورت

 

[الديباج الرقيق]

السلام عليكم
هاذي عجبتني
لحب شعور بريء من تصرفات جماعة راني اون كوبل هكا من بعيد برك
ومعاه دعوات صادقة باه يكون في الحلال
اما شي لي رانا نشوفو فيه غي تمسخير برك حتا ولا كان الطرفين صادقين نورمالمو لي يبغي وحدة يخاف ع سمعتها
والحمد لله مازالك كاين رجال كما هكا مهما بغاها جامي يخليها محل شبهات اذا قدر يخطب ويتزوج فيها خير واذا ماقدرش بنت الناس ماشي لعبة بين يديه
موفقة

ههههه نديروا اسم جديد اون كوبل من بعيد هههه بصح نقلك والله هايلة كيما قولتي مع شوية دعوات ...ونخطوا هداك التمسخير ..كل يوم طالعين هابطين نشوفو بعضانا ..نخطوها هديك ...
ايه كاين لمزالو رجال ويخطبها ويتزوجها ما يخليش الناس تهرد لا عليه لاعليها ....
مشكووورة عالمروور بالتوفيق ليكي ..^_^
اهلا وسهلا

 

[الديباج الرقيق]

السلام عليكم
حبيبتي كاتي عجبني موضوعك ،هههههه باين كاشما واحد قلقك و لعبلك فالمورال و جيتي تجري كتبتي هذا الموضوع ،المهم غاليتي غير متتقلقيش حبي على روحك و مكانش اللي يسالك مدام حبك طاهرا نقيا عفيفا ،والحب لا يعني الخرجات و اللقاءات و المكالمات الجوفاء ، الحب شعور أسمى بكثير من هذا ،والواحد فينا لا يملك قلبه حتى يصرفه عن الحب ،لكن فقط عليه أن يتحكم فيه حتى لا ينجر عن هذا الحب ما يغضب الله .
وما ننساوش أن الحب يتعب القلب و ينهكه ، فإن علمت أن الشخص اللي أعجبني ليس كفؤا و أهل للزواج فلا داعي كي أتعب قلبي ،و أجلب لنفسي أزمات أنا في غنى عنها ، لأنو اللي يحب يكون معمي على قلبوا و مايشوف والو ، يولي يفكر بقلبو مش بعقلو ،حتى تهدأ النفس بعدين يفيق أنو هذا الحب لن ينتهي بالزواج .
و الحب الطاهر شيء مشروع و ليس حرام و لنا في التاريخ حكايات كثيرة .

وأخيرا نتمنالك السعادة حبيبتي و متعمريش راسك بيهم .

وعليكم السلام نسومة
ههههههههههه قريب يدخلونا لحبس ياحفيظ ... تقولي جريمة ..
على هادا بطلنا لاحب ولا هم يحزنون يا بن عمي خطيهم الحب ..لالجيري ماشي بلاصة لتعيشي فيها الحب .....يامحاينك والله حبينا غير من بعيد كلاونا وكان جينا نخرجو ونتلاقاو ..وكان ولات حرب ...الحمد لله خطينا تاع العلاقات هديك
وكيما قولتي انتي الحب تاع الصح ينتهي بالزواج وتاع لالجي تاع تحرام تحبي بيدون يحبوه معاك ههههه نخلوهلهم يندبو بيه .....
اهلا وسهلا بك نووورتي ^_^ اعجبني ردك

 

[Mustapha Bita]

وعليكم السلام
معكي حق
ينقص العرب اشياء كثيرة(الحب.الوفاء.الاخلاص.التقة.الاتقان.الامان .الاحسان.الانسانية.) باختصار كل شيء جميل ..مفتقد عندهم وحرام.
هده حريتهم هم احرار فيها..ولاكن ان يفترضوها علينا فهم حتما مجانين.
هدا ليس انتقاد هده حقيقة.ليس كل الناس بصفة عامة.ولاكن الاغلبية الكثيرة.

 

[aljentel]

وحنا الافريقيين تاعنا يقولك كيفاش تحب وتهدر عالحب وانت تصلي وتصوم ...الحب ماشي عيب ولا حرام ..ياخيي حب ماشي تخلطلها جد يماها وتجي لعندي وتقولي كيفاش تحبي وانتي تصلي وتصومي ...هدا حب ..ماشي جريمة قتل ..كرهونا يلعبوها يفهموا في كلش.....

نسمع في الحب ونردده على المسامع كل حين لكننا لانعرفه ولم نفترب منه ...
ثم يجب ان تعلموا انه ليس شرطا ان تتزوج من تحب فالزواج قسمه ونصيب ..
...
اردت ان اسجل اعجابي بالمقتبس ...
شكرا .

 

[Lila 22]

الحب لمواليه،....

 

[الديباج الرقيق]

الحب لمواليه،....

هههههههههه وحنا ماناش ماليه ...ههههه عندك الحق ...

 

[الديباج الرقيق]

ختي فكرتيني بواحد الموقف صرالي
خترة رحت نشري ايا شفت جينز مقطع. ونا نتبع لامود مي محجبة
ومنلبسش الجينز برا غير فالدار
أيا رحت سقسيت مول الحانوت شحال هادا؟
كانوا تما جماعة تاع لجان ايا واحد قالهم
أووووووه محجبة وتشري جينز وبزيادة مقطع
إتسما لمحجبة اللي تصلي وتصوم عندهم حرام تبع لامود حرام تحب حرام تشطح
هادو ناس عقليتهم يا طبقو الدين و يتشددوا فيه
ولا يخلطولها باباها و يماها
منكدبش عليك بزاف يخمموا هاك
ويغيضني الحال كجي يقولك منافقة
مكاش مودا فالإسلام ههه
حابين نلبس كما العصر الجاهلي ولا كيفاه
مهم حنونة هادو متعمريش راسك بيهم وخلاص سلام

هههههه تصرا معايا بزاف هادو لعفايس ...وكون قولتيلهم يقطع روسكم ان شاء الله يا وجوه الكويتشو لاتيين غير بينا حاطين روسكم لينا واش رانا نديروا ...2ملايين يعسو في 2ملايين يا خي حالة .ومافهمتش بوربلام نورمالمو تصلي ماديري والوو وقيلة من الدار ماتخرجيش ...
عقلية عجيبة ....

اهلا وسهلا بك ...

 

[الديباج الرقيق]

السلام عليكم و رحمة الله و بركاته
تحية لكم إخواني و أخواتي أهل اللمّة
--
هاذ الموضوع لو كان نتوسعو فيه رايح يكون طويل .. و على هذا نقول ما قلّ و دلّ ، و نتمنى يكون مفهوم.
---
و حتى ما نكتبش حاجة قاسية نفضّل الإشارة للمعنى بالقليل :
واش شفت في حياتي هو أنو كثير من الناس يحسدو على النعمة و يشمتو في حال النكبة
لكن كاين نوع بالأخص أكثر ما يحسدوك عليه هو الحب العفيف .. تلقاهم يتمنّاو أنو يزول و إلاّ يطّور للرذيلة باش يفسد ، و كأنهم أباليس و العياذ بالله
لكن رايح نكون صريح و نقول : في وقتنا هذا رجع الحب العفيف خطير لأنو الكثير من الضروف المحيطة بيه تحاول تدفعو دفعا لأن يتحوّل إلى رذيلة.
و على هذا غلطة كبيرة الوثوق في آراء العامة ..

و الأولى نتبعو طريق ربّي قبل كل شيء و في كل شيء .. و أيضا في حياتنا و أمورنا نستنفعو بأكبر نعمة و هي العقل و الحكمة​

--
حاجة أخرى : قبل ما تحب تفهم شخص من أي نوع هو من البشر يلزم أوّلا تفهم إذا كان أصلا بشر و إلّا لا ..
فإذا كان بشر تقدر تجربو و تعرف إذا يصلح بيك ولاّ لا .. و إذا كان بعيد عن البشرية فأوّل شيء هو الممحاة و تمحيه من صفحة حياتك نهائيا بلا تكسار الراس ...
---
أما عن جذور الأزمة الأخلاقية اللّي شوهّت حقيقة الحب في روسنا و في نفسيتنا .. يلزمنا دراسة أكاديمية تاريخية.
لكن نشيرو لمرحلة هامة كانت منصة لكامل المشاكل اللي رانا نعيشوها كجزائريين .. و هي في ثورة التحرير لمّا استشهدو أغلب القادة التاريخيين صحاب المرجعية الصحيحة للثورة ، بعدهم صرا تنافس بين الطامحين للزعامة و السلطة و صبح التآمر هو المسيطر و بدات سلسلة من النزاعات الداخلية وهذا هو الشيء لي فتح الباب قدام فرنسا باش ترتب عملية اختراق للثورة و حشرت عملائها في الجيش و الادارة لي هوما من بعد عملو على منع ربط هوية الدولة بالمبادئ الاسلامية الشيء لي ترك الجزائر من بعد في دوامة فكرية و سياسية و إجتماعية و أخلاقية من أكثر من خمسين سنة
--
و على هذا بعد ما تمّ بترنا عن هويتنا الحقيقية كمجتمع مسلم و لصقو فينا كل قذارات العلمانية ما بقا شيء يصلح فينا حتى الحب.
---
اللهمّ طهّر قلوبنا و سدد خطانا.​

بارك الله فيك اخي الكريم صدقت
...مشكوور على المروور نوورت
جزاك الله خيرا ...جميل جدا ردك ^_^