الهدرة كيفاش تكون

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,542
الحلول
4
نقاط التفاعل
13,916
النقاط
2,156
الجنس
ذكر
السلام عليكم ورحمة الله.
كي مسيتو
معاكم خوكم فريد و ديما موضوع حصري وجديد والتعبان ق متحيرنيش اقراها بالتقسيط متى تريد.

FB_IMG_1661377703816.jpg

الانسان خلقو ربي ناطق وهدّار وعلمو الاسماء والحكمة وميزو بالعقل والاختيار والهداري طبايع وصنايع وغايات وزلات وأنواع اخرى تبعوها معايا و هي فرات :

الهدرة اللي نهدروها احنا بصيغة المتكلم والهدرة ياناس كالفاس كي يطيح عالراس و رصاصة بارود كي يخرج مايعود وانت وفهامتك عس راسك واحرز سلاحك واشفق على ناسك


كاين هدرة مقدرة و هدرة مزيرة و كاينة هدرة مدهونة و هدرة مودرة و هدرة مندمة وكاينة هدرة مردومة

الشرح على السبورة:

الهدرة المقدرة هي الكلام الموزون والمعجون بكلام معاني مخفية متقون كيما يقولو ناس بكري
الزيت يخرج من الزيتونة و الفاهم يفهم لغة الطير
اللي ما تخرج كلمته ميزونة يحجرها في فمو خير

وهاذي الهدرة نادرة وتقريبا راحت مع اللولين ومشات نتوحشوها مين ذاك ولازمها واحد مجرب ولبيب ويحفف للذيب وهو يجري. وشايعة في الارياف والبوادي انا مانقلك وانت مايخفاك نوصيك ما تتحدث بالمعاني حتى تكون معدي وقاري اصبر على حياتك هي اللي تنطقك بالحكمة.
وماتهد حتى تعدّ يعني ما تتفشخر وتفنطز بالهدرة والوعود حتى تكون مجهز العدة وحاسب الجنود.

الهدرة المزيرة مكمومة بكلمة " أمممم " " مانعرف " ولا السكات يكون بمعنى الكلام و تكون مزيرة بسنتورة وحزام حديد وكيما يقولو كلمتك كي بنتك اعرف وين تحطها واحفظ الميم تحفظك وماتهدر مع حد حتى توزن الخصايل وماداصر حتى تشوف الفعايل وساعات تهدر بعينيك يكفيك واش اداك لشي خاطيك.

والهدرة المدهونة هو الكلام الحلو المغمس في العسل ولا بزيت الزيتون ونقولو اللسان لحم ويهرس العظم ونستعملوه للي راسو خشين ويابس وما يفهم ما يلين غير بالكلام المعسول الزين وهاذو ما يتقنا الا الوالدين كي يكونو ولادهم فنيانين. ولا موظف حالف ما يخدم المواطنين ولا في الشجارات والمعارك تهدي بيه نفوس الساخطين ولا للمتزوجين كي يكونو زعفانين ومتخاصمين واحد عاطفي وحنين ولاخر قلبو جلد كوركوديل.

والهدرة المودرة هي الكلام في غير وقت و لاخاطي الطريق ومتخبط ولا مافيه برهان ودليل وغير يخرط بحكايات جايحين و الفم اللي ميقول خير يسكت خير. واحرز تتكلم في المجامع قدام المشايخ لا تتبهدل وتبان بهلول وجايح واهدر على حساب معريفتك ماشي تنقل من الاخرين والخبر غير زيد تيقين على المصدر منين و الزعاقة ديرها مع انتاجك وما تهدرش وانت نعسان ولّا تعبان ولّا جوعان ولّا تقرئ في القرءان.

والهدرة المندمة هي كي تكشف سرك للي مايستاهل يعوم في بحرك والسر اذا خرج من اثنين اتأكد بلي يشيع ويخطفوه الوذنين وايذا ضاق بيك و حاب تنفس شكون من غير ربي خير الساترين والحافظين ؟اسجد لربي ترتاح ولا تكون من النوايا الجيّاح. ولا تتسرع بكلام فاحش وشين ولا تفضح الفقراء والمساكين ولا تضحك الناس على الغافلين ولا تغتاب الغايبين ولا تعاود كلام الاخرين ولا تهدر هدرة الحاقدين ولا تجبد هدرات فات عليهم سنين ولا تهدر وانت تبكي ولّا تاكل ولّا تصلي.

والهدرة المردومة كي تشڨ قلبك وتفتح على جرحك وتنبش وتحكي على ضرك للي ماينفعك وما يشفي ضرك غير خليها مردومة مايحس بالجمرة غير العافس عليها وما يحكلك ظهرك غير ضفرك وما ينفعك غير دعوة ربك.
ولا تحكي بعلمك وثقافتك مع حجرة مصمومة انت تحكيلوا على خلق الكون وهو يخمم في الكيكوطا.
أهدر بالعلم في مجامع العلماء واهدر بالدين كي يحضرو الفقهاء واهدر في حياتك للناس الشرفاء. وماتهدر على مشروعك ولا على مصروفك ولا على مزيودك واحذر تحكي على محارمك وضيوفك.

ابقاو على خير يالناس الزينين.
 
آخر تعديل:
وهادي هدرة ثقيلة، وكلام صحيح وموزون
 
السلام عليكم ورحمة الله.
كي مسيتو
معاكم خوكم فريد و ديما موضوع حصري وجديد والتعبان ق متحيرنيش اقراها بالتقسيط متى تريد.


الانسان خلقو ربي ناطق وهدّار وعلمو الاسماء والحكمة وميزو بالعقل والاختيار والهداري طبايع وصنايع وغايات وزلات وأنواع اخرى تبعوها معايا و هي فرات :

الهدرة اللي نهدروها احنا بصيغة المتكلم والهدرة ياناس كالفاس كي يطيح عالراس و رصاصة بارود كي يخرج مايعود وانت وفهامتك عس راسك واحرز سلاحك واشفق على ناسك


كاين هدرة مقدرة و هدرة مزيرة و كاينة هدرة مدهونة و هدرة مودرة و هدرة مندمة وكاينة هدرة مردومة

الشرح على السبورة:

الهدرة المقدرة هي الكلام الموزون والمعجون بكلام معاني مخفية متقون كيما يقولو ناس بكري
الزيت يخرج من الزيتونة و الفاهم يفهم لغة الطير
اللي ما تخرج كلمته ميزونة يحجرها في فمو خير

وهاذي الهدرة نادرة وتقريبا راحت مع اللولين ومشات نتوحشوها مين ذاك ولازمها واحد مجرب ولبيب ويحفف للذيب وهو يجري. وشايعة في الارياف والبوادي انا مانقلك وانت مايخفاك نوصيك ما تتحدث بالمعاني حتى تكون معدي وقاري اصبر على حياتك هي اللي تنطقك بالحكمة.
وماتهد حتى تعدّ يعني ما تتفشخر وتفنطز بالهدرة والوعود حتى تكون مجهز العدة وحاسب الجنود.

الهدرة المزيرة مكمومة بكلمة " أمممم " " مانعرف " ولا السكات يكون بمعنى الكلام و تكون مزيرة بسنتورة وحزام حديد وكيما يقولو كلمتك كي بنتك اعرف وين تحطها واحفظ الميم تحفظك وماتهدر مع حد حتى توزن الخصايل وماداصر حتى تشوف الفعايل وساعات تهدر بعينيك يكفيك واش اداك لشي خاطيك.

والهدرة المدهونة هو الكلام الحلو المغمس في العسل ولا بزيت الزيتون ونقولو اللسان لحم ويهرس العظم ونستعملوه للي راسو خشين ويابس وما يفهم ما يلين غير بالكلام المعسول الزين وهاذو ما يتقنا الا الوالدين كي يكونو ولادهم فنيانين. ولا موظف حالف ما يخدم المواطنين ولا في الشجارات والمعارك تهدي بيه نفوس الساخطين ولا للمتزوجين كي يكونو زعفانين ومتخاصمين واحد عاطفي وحنين ولاخر قلبو جلد كوركوديل.

والهدرة المودرة هي الكلام في غير وقت و لاخاطي الطريق ومتخبط ولا مافيه برهان ودليل وغير يخرط بحكايات جايحين و الفم اللي ميقول خير يسكت خير. واحرز تتكلم في المجامع قدام المشايخ لا تتبهدل وتبان بهلول وجايح واهدر على حساب معريفتك ماشي تنقل من الاخرين والخبر غير زيد تيقين على المصدر منين و الزعاقة ديرها مع انتاجك وما تهدرش وانت نعسان ولّا تعبان ولّا جوعان ولّا تقرئ في القرءان.

والهدرة المندمة هي كي تكشف سرك للي مايستاهل يعوم في بحرك والسر اذا خرج من اثنين اتأكد بلي يشيع ويخطفوه الوذنين وايذا ضاق بيك و حاب تنفس شكون من غير ربي خير الساترين والحافظين ؟اسجد لربي ترتاح ولا تكون من النوايا الجيّاح. ولا تتسرع بكلام فاحش وشين ولا تفضح الفقراء والمساكين ولا تضحك الناس على الغافلين ولا تغتاب الغايبين ولا تعاود كلام الاخرين ولا تهدر هدرة الحاقدين ولا تجبد هدرات فات عليهم سنين ولا تهدر وانت تبكي ولّا تاكل ولّا تصلي.

والهدرة المردومة كي تشڨ قلبك وتفتح على جرحك وتنبش وتحكي على ضرك للي ماينفعك وما يشفي ضرك غير خليها مردومة مايحس بالجمرة غير العافس عليها وما يحكلك ظهرك غير ضفرك وما ينفعك غير دعوة ربك.
ولا تحكي بعلمك وثقافتك مع حجرة مصمومة انت تحكيلوا على خلق الكون وهو يخمم في الكيكوطا.
أهدر بالعلم في مجامع العلماء واهدر بالدين كي يحضرو الفقهاء واهدر في حياتك للناس الشرفاء. وماتهدر على مشروعك ولا على مصروفك ولا على مزيودك واحذر تحكي على محارمك وضيوفك.

ابقاو على خير يالناس الزينين.
دي دي وهذا وجه بارود في خاطر فريد وابنه فيصل وهذ الكلام الزين
اااصاحبي منين جبت هذا على بالك قلتها بمعانيها ولي يفهمها يترحم على ماليها ويتذكر زمان الرزانة كي كان الكلام الموزون مع الخيل والبارود مقرون
 
دي دي وهذا وجه بارود في خاطر فريد وابنه فيصل وهذ الكلام الزين
اااصاحبي منين جبت هذا على بالك قلتها بمعانيها ولي يفهمها يترحم على ماليها ويتذكر زمان الرزانة كي كان الكلام الموزون مع الخيل والبارود مقرون
وانت كملت الحديث بالبارود والمديح الزين وانت من الناس الزينين الواعيين. شكرا اخي رافد.
 
الله الله .. الكلام الزين و موزون ..
كي نشوف موضوع مرتب و عنوان بحال هذا نعرف بلي الدا "فريد راح يهدر عفسة مليحة "
يستحق الختم
ركزلي على الهدرة المندمة و المردمة هههههه هذووو صعااااب .. نهدرلك كلمة عليهم صدقا تبغي تهدر برك من قلبك مين تصعب عليك على ما تطفي النار تاع قلبك المغموم و تحكي شا كاين اياا يندموك البعض لانه يا اما يحكو باسرارك واش قلت يا اما ما يحسوش بيك و يتمسخرو على قلبك .. ايييييييييييييييييييه
مهم تخص هذا الكلام عصيدة مودمة بالزيت الزيتون وأنت تشلفط سخوونة فالجو الخريفي هههههههههههههههههههههههههه ولا ..؟

 
وانت كملت الحديث بالبارود والمديح الزين وانت من الناس الزينين الواعيين. شكرا اخي رافد.
الشكر موصول لفيصل قبل فريد والي يقول فريد يقول الصنديد الي مايردعه لاخوف لاحديد
 
هم تخص هذا الكلام عصيدة مودمة بالزيت الزيتون وأنت تشلفط سخوونة فالجو الخريفي هههههههههههههههههههههههههه ولا ..؟
جينا للعصيدة بزيت الزيتون يعني مالقيت غير عصيدة يتشلفط بيها المسكين ماقولتيش مردومة نتاع دجاج وخوف ومعاها حمص الجمر ومونادة ويختمها بكاس تاي هكا حتى كي يتشلفط يتشلفط على الصح
قال عصيدة قال
 
جينا للعصيدة بزيت الزيتون يعني مالقيت غير عصيدة يتشلفط بيها المسكين ماقولتيش مردومة نتاع دجاج وخوف ومعاها حمص الجمر ومونادة ويختمها بكاس تاي هكا حتى كي يتشلفط يتشلفط على الصح
قال عصيدة قال
😂😅 ههههههههههههههههه لقيتها غير هي الحل في هذا الجو بنتها وجدها هي و عصيدة كابوية مع شوية شعير تختلط لتعطي ذوقا جميلا بزيت الزيتون هههههههههههههه .. انا حين اذهب لعمل او ادرس أبدأ رحلتي في الخريف و الشتاء بحكاية العصيدة هههههههههه مع تشينة او قريب وقتها عصير و كن مثل الغزال تسبق السبع نورمال 🤣😅
 
السلام عليكم
ويا خونا فريد خلتلي مخي كثر من راه مخلط بالصح نصائح فالقمة وفميزك عنظنا شعب يفرق بين هدرة موزونة والا مردومة يعرف غبر دجاجة مردومة وعندنا مثال @الامين محمد يعرف غبر دجاج المردوم ...
انا نصدم نقواك صح فمجالس نسا كبار لالا نغلق فمي ونسمع ونتعلم فمجالس لي قدي اغلبهدرتي ضحك ومداعبات وزعاقة مي لو فتحو مواضبع او قصدو يهينوني خاصة على مرضي او اني لحقت لهذا سن وما تزوجتش عندي هرة نوع جديد هدرة قصفية نقصف وعندي اسلحة من روس وسقسي مجربين هنا يعرفو

والله يا خويا انو انت نسيت تذكر امر واحد الهدرة مهما كانت نوعها وكيف تتعامل مواقف لازم تكون ذكي ومواقف العبها بهلول ومواقف تحتم عليك تكون ساكت عن حق حتى تبعد عالمشاكل. انك تقول نوع هدرة تبع نوع الناس لي رانا نتعاملو معاهم نحكي مع طبيب مش كما نحكي مع انسان عمرو ما قرا او مع طفل كما نحكي مع كبير او مرا كبيرة كما وحدة مم سني ودرجة قرب كاين انسان تقادرو هدرتك معاه ملتزمة وموزونة او انسان غير هاك هو هوايتوويتمسخر بناس تخليه تمسخيرة هذا نظامي فالحياة مع ناس لكل ذي قدر قدره مشكور عالموصوع الراقي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top