القَنَـــــوآتْ الجَـزَآئِريَـــــــــة وَ فعْلُ الخَيْــر !!!

[ضآحكة مستبشرة]

السلام عليكم و رحمة الله تعالـــــى و بركاته

وآش راكـم لباس ؟؟

عدت بعد غيـاب لهذا الركـن و معايا موضوع جديد

اليوم حبيت نحكي على حـاجة تخص القنوات الخاصة الجزائرية بعدما كنا نحكو غير على الجانب السلبي اليوم حبيت نخرج على هذا الجانب و نشوفوا جوانب اخرى في هاذ القنوات
و كيما علبالنا كل حاجة هي سلاح ذو حدين كيما فيها لقبيح فيها لمليح

تعودنا كي نحكو على القنوات الجزائرية نتفكروا غير السلبيات كيما الاشهارات و الحصص السياسية الساخرة و الرياضية ثاني

بصح ولا مرة حكينا على ذلك الجانب الخفي الي جامي واحد فينا سبق و حكا فيه و هو جانب المساعدات الخيرية و التعاون و التكافل الي يبين انو الشعب الجزائري شعب واحد يد وحدة كلمة وحدة شعب مزال فيه الخير و يحب يساعد غيروا بالشي الي قدر عليه كيما شفنا مؤخر غير في المنتدى موضوع الصاحفية السخرة ربي يذكرها بالخير لي دارت موضوع لمساعدة الاخت ليليا مرام و من هذا المنبر ندعي ربي يشافيها هي و جميع المسلمين

اليوم رح نحكي على الحصص الخيرية و الانسانية لي فيها روح التعاون و يسودها الجو العائلي الخيري
رح نحكي على بعض الحصص التلفزيونية في القنوات الخاصة

و نبدا بالقناة الرائدة لي هي قناة النهار :

من بين الحصص الفعالة حصة : ما وراء الجدران :

هي حصة ربما اغلبكم يعرفوها تقدمها احدى الصحفيات مع حضور الشيخ شمس الدين و احد اكبر المحامين في الجزائر
يجي احد الاشخاص عندو مشاكل اغلبهم أسرية شحال من مرة بكاونا و شحال من مرة تأثرنا معاهم و عشنا قصتهم بزاف ناس تفاعلت معاهم و لي مقدرش بذراعو عاونهم بدعاوي الخير
يحاول الشيخ سمشو مع الاستاذ المحامي في حل المشكل و اكيد بلا مننساو الشعب لي توجور واقف و يساعد
كاين لي عندو مشاكل عائلية يطلبوا المشورة و المساعدة و كاين لي مشاكل سكن و اجتماعية و كاين لي عندو حالة فقدان الاهل يجيو للحصة و يديروا نداء لي تعرف على المفقود يتصلوا بالحصة
و خلي شحال و شحــــــــــــال

نروحو لقناة الشروق :

و ربما هي اكثر قناة فيها حصص خيرية و اجتماعية للمساعدة و حل المشاكل العائلية و الاسرية و الاجتماعية
نبداو بحصة : الخط الاحمر :

و لي تقدمها الصحافية فضيلة الغنية عن التعريف رفقة طبيب نفساني و امم و محامي
حصة كل الشعب الجزائري يعرفها و هي الحصة لي اسرت قلوب الجزائريين ينتاظروها كل يومح أحد باش يعيشو القصص المأثرة معاهم و حصة عندها شعبية كبيرة بزاف
و هي حصة يجيو ليها أشخاص عندهم مشاكل كاين لي مهمشين من طرف المجتمع و حابين مساعدات باش يسرجعوا مكانتهم و كاين لي تبراو منهم والديهم و جاو باش يطلبو السماح و كاين لي كانوا مبحرين و جاو يحوسوا على أهلهم و كاين لي تودرولوا اهلو و جاي يحوس عليهم
و هي حصة غالبا ما تحل مشاكل الاشخاص الي يجيو للحصة و الشعب يوفق معاهم و يثبت روحوا العالية و الحمد لله دايمن ناجحين ان شاء الله

و حصة أخرى راهي ظهرت مؤخرا مع اللاعبة سليمة و الي هي :
افتح قلبك :

و هي حصة كانت في نسمة يقدمها الطيب تحت عنوان المسامح كريم و عاودوها بنسخة جزائرية تحت عنوان افتح قلبك يجيو ليها ناس حابين يكرموا والديهم عائلاتهم ناس وقفوا معاهم و كانوا دافع مهم للنجاح في حياتهم
ولا ناس حابة تتصالح مع غيرها سواء مع الوالدين يطلبوا السماح من اولادهم ولا الابناء و يطلبوا السماح من والديهم و حصة معندهاش بزاف الا أنها قدرت تحقق نسب مشاهدة عالية بزاف
حصة لها اثر في المجتمع قدرت تجمع بين بزاف ناس من جديد و تقوي المحبة و ترجع المياه لمجاريها
و حصة كان لازم منها في الجزائر




و كاين حصة : و افعلوا الخيـــــر :

و لي هو برنامج إجتماعي خيري أسبوعي تحت عنوان "وافعلوا الخير" يعده الإعلامي "رشيد فضيل" ويرافقه فيه الشيخ الداعية فيزازي بغدادي يقدموا فيه مساعدات للفقراءو المحتاجين و المرضى و كامل الناس المحتاجة ، وكان عندو دور كبير و فعال في إحياء ثقافة التعاون والعمل الخيري خاصة عند فئة الشباب و الجمعيات الخيرية لي توجور واقفة خاصة كافل اليتيم مع اليتامى و جميعة لحباب و جمعية ناس الخير و بزاف جمعيات . و ساهم البرنامج في حل مشاكل بزآاف من الناس خاصة الحالات الاجتماعية التي تحتاج مساعدة و تضامن
هو برنامج يجيو فيه ناس مرضى او فقراء و محتاجين و غالبا ما يجيو لي يكون عندهم عمليات تحتاج مبالغ مالية عالية تفوق المليار و تكون في الخارج و أكيد تلقى مساعداااااات من طرف الشعب لي يوقف وقفة وحدة و يبداو يديروا في حملات خيرية و يلمو المبالغ سواء من عند الجمعيات ولا الناس المحسنين و لا في المساجد
و هي حصةةةةةةة اولى من نوعها في الجزائر ربي يبارك في القائمين عليها

و كاين حصة اليد في اليد :

و هي حصة كل مرة نشوفوها في قناة يعني فاتت تقريبا على معظم القنوات الجزائرية
ويهدف البرنامج إلى مساعدة العائلات الي معندهاش الامكانيات الكافية باش تغير حياتها التي انهكها الفقر و الحرمان و الظروف الاجتماعية القاسية وترسيخ روح التضامن الحقيقي بين افراد المجتمع خاصة الشباب و الناس كامل تعاون بالشيء لي قدرت عليه
و الحصة هاذي يتصلوا بيهم أشخاص باش يساعدوا عائلات محتاجة خاصة فيما يتعلق بالسكن يجيو يكملولهم البناء في وقت قصير و يجيبولهم القش و يعمرولهم الدار و كاش مريض من الاولاد يداوه
و مرة ساعدوا شاب كان محتاج صح دارولوا العرس بعدما بقى سبع سنين خاطب و مصابش باش يكمل و دارولو شهر العسل ثاني لتونس
يعني هذه الحصة تبين محبة الشعب الجزائري لبعضوا البعض و يروحوا لشركات كبرى يمدولهم الاثاث و الاحتياجات باطل
و بارك الله في القائمين عليها

قناة الهداف :
ثاني مننساوهاش خاصة في وقفتها مع الاخ عدلان لي ساهمت بدور كبير في مساعدة الفقراء و المحتاجين
و اغلب القنوان الجزائرية الخاصة ان لم نقل كلها ساهمت في التغيير و مساعدة الناس كل واحد و مقدوروا



يعني هذي صورة اخرى للقنوان الجزائرية من ناحية اخرى
كل حاجة فيها المليح و القبيح و هي كذلك قنواتنا و ان شاء الله ربي يكثر من امثال الناس المحسنين
و مزال الخير في بلادنا و مزالنا واقفين شعب واحد و كلمة واحدة و يد واحدة
و كل انسان يساعد بمقدوروا و لي ميقدرش كامل يقدر بدعوة صادقة دعوة خير دعوة من القلب

ان شاء الله ربي يفرج على كل مهموم
و ان شاء الله ربي يقدرنا و نكونوا دائمن من الناس المحسنين

و السلام عليكم

​

 

[لؤلؤة قسنطينة]

السلام عليكم
موضوع هاايل اسومة بارك الله فيك
يستاهل قعدة الله الله
راني راجعة حبيبتي
دقيقة ونولي
​

 

[أم أُنٌَيسة]

السلام عليكم و رحمة الله تعالى وبركاته
انا ضد تلك الحصص ، احببت و اعجبني مفهومها لكن فعل الخير يكون لوجه الله و يجب ان لا يعلم به احد
ادا ساعدت احدا دون علم الناس فقد ساعدته اما ادا ساعدته بعد علم الناس فقد فضحته
و في ديننا يجب ان يكون فعل الخير غير معروف و ليس يبرحو بيه في كل مكان
ثم الشكوى لغير الله مذلة
حقيقة لا احب تلك الحصص
و الدي يريد ان يفعل خيرا يبحث و يجد
هدا رايي و الله اعلم
تحياتي احترامي و تقديري لشخصكم الكريم​

 

[ليليا مرام]

السلام عليكم اختي اهلا وسهلا
موضوع هايل والحقيقة انو كاين برامج روعة مع انو حتى نذي الحصص كيما قلتي كاين مرات يفضحو امور الناس هي صح الناس يجو برجليهم ويشكو مي كاين مواضيع كان لازم ما يفتوش يعني امور كبار بزاف
مثلا حصة ماوراء الجدران انا نتفرجها من اول ما بدات هايلة وفيها مواضيع ولكن كاين امور سلبية انو اليوم راهم مع صاحب القضية لغدوة يجي الطرف الآخر ينقلبو على اللي جاهم فالاول وحكالهم القضية وهذي معروفة على النهار ككل انو دور وين المصلحة وين تضرب هي
برامج اخرين ما نعرفهمش نعرف غير خط احمر شابة بزاف ونحب فضيلة على خاطر حنينة بزاف
برامح الخير وخليني نقولهالك عن تجربة صدقيني نتوما تشوفو الناس يوروهوم جاو ودارو اعلانات وووقفو معاهم وعاونوهم شوفي اعرفي الناس هذوك مساكن اما راحو ورجعو وطلب وحطي ملف وزيدي كاين حتى يجو من ولايات اخرى ويباتو فالفنادق وفالاخير يشدو عليه رقم ويوقولو روح وكاين لالا عندهم المعارف يفوت من اول مرة يجي يهدر معاهم بعدو يومين يعيطلو يسجل معاهم راهم بزاف حكايات وامور مخفية ولكن اكيد ما ننكروش انهم يعاونو اللي محتاج وكاين ناس تحلت مشاكلها بعدما فاتو فالحصص هذي وربي يقدر كل واحد حسب نواياه
البارح الشيخ شمس الدين دار امر هايل انو شد الاولاد اللي جابهم باباهم باه يمدهم يا لطيف هذا مش اب ولا فيه الرحمة خلاهملو وراح حتى الحيوان ويحامي على ولادو يا لطيف غاضوني بزاف بزاف وداهم الشيخ شمس الدين لدارو الله يجازيه بالجنة
شكرا اختي

 

[ليليا مرام]

السلام عليكم و رحمة الله تعالى وبركاته
انا ضد تلك الحصص ، احببت و اعجبني مفهومها لكن فعل الخير يكون لوجه الله و يجب ان لا يعلم به احد
ادا ساعدت احدا دون علم الناس فقد ساعدته اما ادا ساعدته بعد علم الناس فقد فضحته
و في ديننا يجب ان يكون فعل الخير غير معروف و ليس يبرحو بيه في كل مكان
ثم الشكوى لغير الله مذلة
حقيقة لا احب تلك الحصص
و الدي يريد ان يفعل خيرا يبحث و يجد
هدا رايي و الله اعلم
تحياتي احترامي و تقديري لشخصكم الكريم​

السلام عليكم
انا معك تماما في هذا انو رجعو يروحو ويصورو ويذلو فالانسان درنالو ودرنالو ولازم يجيبوه ويشوفوه يبكي ويطلب ويحلل يذل روحو باه يعاونوه انا ضد هذي تماما
وهوما بعد البرنامج فيديوات ويجمعو فالاعجابات انا ضد هذي مثلك من المفروض يعرضو الحالة على ضمانتهم يروحو يشوفو بلا كاميرات لما يطرحوها للناس يعرفو كيفاه بلاما يكون مس لمشاعر الناس لكنهم يحصدو فالمال من وراء هذا برامج لقنوات خاصة

 

[لؤلؤة قسنطينة]

السلااام عليكم
عودة من جديد
مرحبا بيك أسومتي هكا يا ستوتة تروحي وتخلينا نتوحشوك؟ راكي عنصر مهم بزاف في اللمة
اصلا سبحان الله دخلت اليوم نلقى اللمة زاهية ومواضيع في كل قسم يعني حقا نتي نحلة المنتدى
ربي يحفظك من كل سوء حبيبتي ونشكرك على الموضوع المختلف يعني موضوع يتطلب نقاش وربا نستفادو من الردود في النهاية
على كل حال نوافق الاخت ليليا في واش كانت تقول يعني صح كاينة قنوات راهي تقوم بجهود جبارة لمساعدة الغير وكتر خيرهم
خاصة حصة اليد في اليد هاد الحصة تقريبا كلما نتفرجها نبكي ماش نبكي من الالم ولكن نبكي من فرحة الناس يعني تشوفي الدموع في عينيهم
والفرحة على وجهم خاصة مرة زوج وزوجتو وعرسان جدد عندهم بالاك طفل واحد برك رضيع حسب واش نشفى دارولهم دار تقول قصر
ووفرولهم كل ظروف الحياة المناسبة حتى الانترنت لي ابسط شي ودخلوهالهم تشوفي الفرحة هاديك في عينيهم حتى لحمك تشوك على هادي الحصة
اذا بكيتي فيها رايحة تكون دموع فرح، ايضا حصة وافعلوا الخير حصة بزاف مليحة مافيها تقابيد ولا عياط فيها ناس مساكن مراض يحتاجو مساعدة
وناس الخير يساعدوهم هاد الحصة صراحة قليييل وين نشوفها بالاك من نهار داروها شفتها 3 مرات اصلا قلبي ويجعني نشوف انسان مريض يعاني
وخاصة طفل صغير ملايكة مريض في الفراش وماعندوش كيفاش قلبي يوجعني بزااااف، حصة خط أحمر تاني تعجبني لأنها تجمع الناس اكبر ما تفضح حكاياتهم
صراحة نشوف انها حصة تقدري تتفرجيها مع العائلة تاعك وفيها مواقف طيبة، آخر مرة شفت مرأة جات كرمت أخ زوجها ايماجيني أخ زوجها قاتلهم لقيتو خويا
في جنبي قاتلهم الحاجة لي نسخف عليها يجبهالي قاتلهم ولادي من نهار زادو عمري لا كسيتهم للعيد دايما هو لي يكسيهم وتشوفي الاولاد هادوك كيفاه يبكيو
كي شافوه حتى بكاوني معاهم هههه يعني ماشاء الله، هادو الحصص لي صح يدخلو لقلبي اما تاع افتح قلبك وخاصة تاع ماوراء الجدران فيها قصص كارثة
فيها قصص صح انتهت نهاية سعيدة وكاين لي يجي يفضح مرتو وينشر صور فاضحة ليها والعكس صحيح وواحد يجي يحارب باباه كاين فيها فضح بزاف
وكيما كانت تقول ختي ليليا البارح راجل ايماجيني طيش ولادو مكرا في مرتو خاطر ماحبتش تديهم ايماجيني الاولاد ولاو لعبة بين الاولياء وكن حتى متهلي
فيهم باباهم ايماجيني يرقدهم في كاميو تاع زبل حاشاك حتى ولا الشيخ شمس الدين قالو انا نديهم عندي وياكلو منهم من ولادي
يعني كيما كنت نقول كاين حصص لي هدفها المساعدة والاعمال الخيرية و حل مشاكل الناس وكاينة لي هدفها الفضح ولا بعبارة اوضح الشعب
يحب يفضح روحو، زعما واحد يكرم مرتو قدام الشعب ويقولها نحبك وطاطاطاطا يا ولدي عام وسنين وهي قدامك اشكرها وكرمها في دارك علاه فاضحين رواحكم
وكاين حتى لي تصبح بمقلة للوجه وهو يصبح بكف للوجه ههههه ويجيو للحصة يلعبوها رومانسيين يعني كاين فئات مختلفة
شكرا اسومة على الموضوع الشباب بارك الله فيك عزيزتي وماتزيديش تبعدي علينا
تحياتي​

 

[أم أُنٌَيسة]

السلام عليكم
انا معك تماما في هذا انو رجعو يروحو ويصورو ويذلو فالانسان درنالو ودرنالو ولازم يجيبوه ويشوفوه يبكي ويطلب ويحلل يذل روحو باه يعاونوه انا ضد هذي تماما
وهوما بعد البرنامج فيديوات ويجمعو فالاعجابات انا ضد هذي مثلك من المفروض يعرضو الحالة على ضمانتهم يروحو يشوفو بلا كاميرات لما يطرحوها للناس يعرفو كيفاه بلاما يكون مس لمشاعر الناس لكنهم يحصدو فالمال من وراء هذا برامج لقنوات خاصة

و عليكم السلام و رحمة الله تعالى و بركاته
تماما
لما نشوف هكداك والله يوجعني قلبي و نبكي على حالهم
لكن هداك موش حل ، حابين تديرو خير تديروه بدون مايعرفو الناس
علاه تفضحو في الناس و ظروفهم
و زيد هدوك اللي يظهرو في البارمج و يحكو و يشكو و يبكو ، ياه يديرولي الضغط و السكر حتى يديرلي ضيق تنفس
كيفاه يخلو رب الناس الواهب الرزاق و يطلبو في الناس
صراحة انا نغير منهم فعلا ، لانو هداك كامل ابتلاء من عند رب العزة و اختبار ادا يشكروه على كل حال و يحمدوه ولا يقنطو من رحمتو
و للاسف لعباد تقنط من رحمة ربي
و اللي تخليني نجهل طول ، اللي تقول واش درت تحتك ياربي ياك انا نصلي و نصوم و نعبد و نخدم و ندير و نفعل
يا سبحان الله درتيهم لروحك و دنيتك و لاخرتك موش مزية في ربي سبحانو وموش باه يجازيك عليهم
وواش خصك ربي تفكرك و يحبك و ابتلاك
ادا ما صرالك والو في حياتك هو اللي نذب و زيد سود لانو ربي راه نساك و ادا نساك ربي واش بقالك في الدنيا ؟
في يوم دهب احد الصحابة للرسول عليه الصلاة و السلام و هو يبكي و يشهق ، فساله الرسول عليه الصلاة و السلام عما يبكيه فقال له يا رسول الله اسبوع لم يبتلني الله لا بمرض و لا بفقر و لا باي شيء ، اخاف ان يكون الله قد نساني
و حنا تمرض يومين ايه ياحوشي تقول ماعلاباليش واش
خلي برك بلا مانزيد نحكي
والله وجعني قلبي من الجهل و قلة العقل
الله سبحانو شدد على الصدقة اجل ، لكن ليس الجهر بها و ايضا ان تكون لوجه الله اولا
اللهم انا نسالك ان تجعلنا من المتصدقين في سبيلك و سبيل طاعتك و رضاك
تحياتي​

 

[أم أُنٌَيسة]

السلااام عليكم
عودة من جديد
مرحبا بيك أسومتي هكا يا ستوتة تروحي وتخلينا نتوحشوك؟ راكي عنصر مهم بزاف في اللمة
اصلا سبحان الله دخلت اليوم نلقى اللمة زاهية ومواضيع في كل قسم يعني حقا نتي نحلة المنتدى
ربي يحفظك من كل سوء حبيبتي ونشكرك على الموضوع المختلف يعني موضوع يتطلب نقاش وربا نستفادو من الردود في النهاية
على كل حال نوافق الاخت ليليا في واش كانت تقول يعني صح كاينة قنوات راهي تقوم بجهود جبارة لمساعدة الغير وكتر خيرهم
خاصة حصة اليد في اليد هاد الحصة تقريبا كلما نتفرجها نبكي ماش نبكي من الالم ولكن نبكي من فرحة الناس يعني تشوفي الدموع في عينيهم
والفرحة على وجهم خاصة مرة زوج وزوجتو وعرسان جدد عندهم بالاك طفل واحد برك رضيع حسب واش نشفى دارولهم دار تقول قصر
ووفرولهم كل ظروف الحياة المناسبة حتى الانترنت لي ابسط شي ودخلوهالهم تشوفي الفرحة هاديك في عينيهم حتى لحمك تشوك على هادي الحصة
اذا بكيتي فيها رايحة تكون دموع فرح، ايضا حصة وافعلوا الخير حصة بزاف مليحة مافيها تقابيد ولا عياط فيها ناس مساكن مراض يحتاجو مساعدة
وناس الخير يساعدوهم هاد الحصة صراحة قليييل وين نشوفها بالاك من نهار داروها شفتها 3 مرات اصلا قلبي ويجعني نشوف انسان مريض يعاني
وخاصة طفل صغير ملايكة مريض في الفراش وماعندوش كيفاش قلبي يوجعني بزااااف، حصة خط أحمر تاني تعجبني لأنها تجمع الناس اكبر ما تفضح حكاياتهم
صراحة نشوف انها حصة تقدري تتفرجيها مع العائلة تاعك وفيها مواقف طيبة، آخر مرة شفت مرأة جات كرمت أخ زوجها ايماجيني أخ زوجها قاتلهم لقيتو خويا
في جنبي قاتلهم الحاجة لي نسخف عليها يجبهالي قاتلهم ولادي من نهار زادو عمري لا كسيتهم للعيد دايما هو لي يكسيهم وتشوفي الاولاد هادوك كيفاه يبكيو
كي شافوه حتى بكاوني معاهم هههه يعني ماشاء الله، هادو الحصص لي صح يدخلو لقلبي اما تاع افتح قلبك وخاصة تاع ماوراء الجدران فيها قصص كارثة
فيها قصص صح انتهت نهاية سعيدة وكاين لي يجي يفضح مرتو وينشر صور فاضحة ليها والعكس صحيح وواحد يجي يحارب باباه كاين فيها فضح بزاف
وكيما كانت تقول ختي ليليا البارح راجل ايماجيني طيش ولادو مكرا في مرتو خاطر ماحبتش تديهم ايماجيني الاولاد ولاو لعبة بين الاولياء وكن حتى متهلي
فيهم باباهم ايماجيني يرقدهم في كاميو تاع زبل حاشاك حتى ولا الشيخ شمس الدين قالو انا نديهم عندي وياكلو منهم من ولادي
يعني كيما كنت نقول كاين حصص لي هدفها المساعدة والاعمال الخيرية و حل مشاكل الناس وكاينة لي هدفها الفضح ولا بعبارة اوضح الشعب
يحب يفضح روحو، زعما واحد يكرم مرتو قدام الشعب ويقولها نحبك وطاطاطاطا يا ولدي عام وسنين وهي قدامك اشكرها وكرمها في دارك علاه فاضحين رواحكم
وكاين حتى لي تصبح بمقلة للوجه وهو يصبح بكف للوجه ههههه ويجيو للحصة يلعبوها رومانسيين يعني كاين فئات مختلفة
شكرا اسومة على الموضوع الشباب بارك الله فيك عزيزتي وماتزيديش تبعدي علينا
تحياتي​

و الله يا اختي مريم بالنسبة ليا كل هدا رخس في رخس مع احتراماتي لكي و للكل
لانو هدا كامل دراهم يروحو هكداك تع الحصص التافهة هدي ، و شوف الناس كيفاه تعاني و كيفاه يديرو في سياسة التقشف
و الدراهم يودرو فيهم في الحصص هدو اللي اغلبهم يفضحو اكثر ما يساعدو و مانحكيش على الحصص التافهين الاخرين و خاصة تع الغناء
و الله رجعت نحس روحي في بلاد اجنبية موش في بلاد عربية
​

 

[ليليا مرام]

و عليكم السلام و رحمة الله تعالى و بركاته
تماما
لما نشوف هكداك والله يوجعني قلبي و نبكي على حالهم
لكن هداك موش حل ، حابين تديرو خير تديروه بدون مايعرفو الناس
علاه تفضحو في الناس و ظروفهم
و زيد هدوك اللي يظهرو في البارمج و يحكو و يشكو و يبكو ، ياه يديرولي الضغط و السكر حتى يديرلي ضيق تنفس
كيفاه يخلو رب الناس الواهب الرزاق و يطلبو في الناس
صراحة انا نغير منهم فعلا ، لانو هداك كامل ابتلاء من عند رب العزة و اختبار ادا يشكروه على كل حال و يحمدوه ولا يقنطو من رحمتو
و للاسف لعباد تقنط من رحمة ربي
و اللي تخليني نجهل طول ، اللي تقول واش درت تحتك ياربي ياك انا نصلي و نصوم و نعبد و نخدم و ندير و نفعل
يا سبحان الله درتيهم لروحك و دنيتك و لاخرتك موش مزية في ربي سبحانو وموش باه يجازيك عليهم
وواش خصك ربي تفكرك و يحبك و ابتلاك
ادا ما صرالك والو في حياتك هو اللي نذب و زيد سود لانو ربي راه نساك و ادا نساك ربي واش بقالك في الدنيا ؟
في يوم دهب احد الصحابة للرسول عليه الصلاة و السلام و هو يبكي و يشهق ، فساله الرسول عليه الصلاة و السلام عما يبكيه فقال له يا رسول الله اسبوع لم يبتلني الله لا بمرض و لا بفقر و لا باي شيء ، اخاف ان يكون الله قد نساني
و حنا تمرض يومين ايه ياحوشي تقول ماعلاباليش واش
خلي برك بلا مانزيد نحكي
والله وجعني قلبي من الجهل و قلة العقل
الله سبحانو شدد على الصدقة اجل ، لكن ليس الجهر بها و ايضا ان تكون لوجه الله اولا
اللهم انا نسالك ان تجعلنا من المتصدقين في سبيلك و سبيل طاعتك و رضاك
تحياتي​

اهلا اختي
انا معاك فكل شي نقولك الصح انا ضد هذي انا من سنوات مريضة ومرضي كبير وخليتو فقلبي على العكس نخدم فالدار وندور ونخدم شغل وحدة بصحتها ما تخدموش مرات امي تشوفني مريضة بزاف هكذاك تقولي روحي يدوك يداووك المهم تبراي نقولها ابدا من جربت شعال من مرة وشفت الذل بعيني غير فالاستقبال خلي تخرجي قدام الناس لو نموت انا ما نخليش الناس تضحك عليا انا نقولك جاتني جمعية للدار يشوفو اوراقي نتاع الطبيب ويحكو معايا ولانو دار ورثة وخوال وراكي عارفة يا لو نقولك رجعت معاير ففم الصغير والكبير ويمى مسكينة درتلها المشاكل ورجعو يقولو راهي بنتها يجوها رجال للدار على جال العملية مناك حلفت لوكان نموت الناس ما ترحمش وانا ما نوصلش ونوصل يمى لهدرة الناس ويقول فلانة شفناها تبكي وتحلل اصلا والله ما نقدر نروح ونبكي ونحلل قدام الناس انا نشوف غيري نحمد ربي انو انا مهما كان حد الساعة واقفة على رجليا نحمد ربي انو بعقلي ولو مرات نهبل هنا معاكم هههه نحمد ربي مليار مرة نشوف للناس اللي راهي تعاني اكثر مني وما نروحش للحصص هذو لو نموت لانو معاونة بالذل لو عينهم يعاونوهم بلاما واحد يعرف تخيلي موقف الناس وكيفاه وين يسكنو مجتمعنا ما يرحمش تبقالهم لولاد ولادهم راحو للتليفيزو وطلبو هذي صراتلي من جمعية برك جاتني للدار
والناس هذو يحسن عونهم ما لقاو عليها وين راحو يحوسو على اللي يعاونهم راني في وقت دير الخير واتصور معاه شكرا

 

[أم أُنٌَيسة]

اهلا اختي
انا معاك فكل شي نقولك الصح انا ضد هذي انا من سنوات مريضة ومرضي كبير وخليتو فقلبي على العكس نخدم فالدار وندور ونخدم شغل وحدة بصحتها ما تخدموش مرات امي تشوفني مريضة بزاف هكذاك تقولي روحي يدوك يداووك المهم تبراي نقولها ابدا من جربت شعال من مرة وشفت الذل بعيني غير فالاستقبال خلي تخرجي قدام الناس لو نموت انا ما نخليش الناس تضحك عليا انا نقولك جاتني جمعية للدار يشوفو اوراقي نتاع الطبيب ويحكو معايا ولانو دار ورثة وخوال وراكي عارفة يا لو نقولك رجعت معاير ففم الصغير والكبير ويمى مسكينة درتلها المشاكل ورجعو يقولو راهي بنتها يجوها رجال للدار على جال العملية مناك حلفت لوكان نموت الناس ما ترحمش وانا ما نوصلش ونوصل يمى لهدرة الناس ويقول فلانة شفناها تبكي وتحلل اصلا والله ما نقدر نروح ونبكي ونحلل قدام الناس انا نشوف غيري نحمد ربي انو انا مهما كان حد الساعة واقفة على رجليا نحمد ربي انو بعقلي ولو مرات نهبل هنا معاكم هههه نحمد ربي مليار مرة نشوف للناس اللي راهي تعاني اكثر مني وما نروحش للحصص هذو لو نموت لانو معاونة بالذل لو عينهم يعاونوهم بلاما واحد يعرف تخيلي موقف الناس وكيفاه وين يسكنو مجتمعنا ما يرحمش تبقالهم لولاد ولادهم راحو للتليفيزو وطلبو هذي صراتلي من جمعية برك جاتني للدار
والناس هذو يحسن عونهم ما لقاو عليها وين راحو يحوسو على اللي يعاونهم راني في وقت دير الخير واتصور معاه شكرا

ترحب بيكي الجنة ان شاء الله يارب
تماما ، هدا واش نقصد
الناس المحتاجة مساعدة صح راكي تشوفي كيفاه يعاملوهم و يعانيو و انتي وحدة منهم اختي ليليا ، الله يجازيكي على قد صبرك و طهورا ان شاء الله يارب
و كاين ناس باف محتاجة مساعدة لكن ياحسراااااااااااااه هدوك اللي محتاجين صح محتاجة راهم وراء الظل
و صدقيني منهار شفت واحد الفيديو تع وحدة ظهرت في الاخبار و تشكي بمعلاباليش واش و من صوروها خفية تدي هي والدها في الدراهم جزاء التمثيل تاعها
رجعت مانامنش الاعلام وخاصة الجزائري
ربي يهدينا و يثبتنا ان شاء الله
في حياتي ما ناقشتش هكدا هههههههههههههه​

 

[ليليا مرام]

ترحب بيكي الجنة ان شاء الله يارب
تماما ، هدا واش نقصد
الناس المحتاجة مساعدة صح راكي تشوفي كيفاه يعاملوهم و يعانيو و انتي وحدة منهم اختي ليليا ، الله يجازيكي على قد صبرك و طهورا ان شاء الله يارب
و كاين ناس باف محتاجة مساعدة لكن ياحسراااااااااااااه هدوك اللي محتاجين صح محتاجة راهم وراء الظل
و صدقيني منهار شفت واحد الفيديو تع وحدة ظهرت في الاخبار و تشكي بمعلاباليش واش و من صوروها خفية تدي هي والدها في الدراهم جزاء التمثيل تاعها
رجعت مانامنش الاعلام وخاصة الجزائري
ربي يهدينا و يثبتنا ان شاء الله
في حياتي ما ناقشتش هكدا هههههههههههههه​

ههه امين
وانا نروح ديركت لاخر جملة زعمى انا جريتك تناقشي واااو المتفائلة وين راهي لازملها تخلصني ههه
ايه يا اختي الصح اللي محتاجين والله ما يبانو انا نقولك الصح حتى لو ننوي نصد ولو صدقة رمزية نروح للمريض اللي تشوف عيني انو مريض او يتيم لانو ماعندوش اب او ام هذاك تجوز فيه الصدقة اما واحد بصحتو يبيع الحمص مش عيب خير من انو يجيب بنتو او مرتو لقناة ويحلل ويذل روحو قدام الناس اللهم وين حالات المرض الله غالب الراجل يبقلا عاجز عمليات بالملاير انا نقول الله يحسن العون هذاك ما يقدرش يتفرج في وليدو او بنتو تموت قدامو هذاك الله غالب عليه
الله يهدينا والله يقدر كل واحد على فعل الخير
امين الله يشافي كل مرضانا ضرك وين تكوني نجيبها وراك حتى تناقشي ععععع نعييك اليوم

 

[أم أُنٌَيسة]

ههه امين
وانا نروح ديركت لاخر جملة زعمى انا جريتك تناقشي واااو المتفائلة وين راهي لازملها تخلصني ههه
ايه يا اختي الصح اللي محتاجين والله ما يبانو انا نقولك الصح حتى لو ننوي نصد ولو صدقة رمزية نروح للمريض اللي تشوف عيني انو مريض او يتيم لانو ماعندوش اب او ام هذاك تجوز فيه الصدقة اما واحد بصحتو يبيع الحمص مش عيب خير من انو يجيب بنتو او مرتو لقناة ويحلل ويذل روحو قدام الناس اللهم وين حالات المرض الله غالب الراجل يبقلا عاجز عمليات بالملاير انا نقول الله يحسن العون هذاك ما يقدرش يتفرج في وليدو او بنتو تموت قدامو هذاك الله غالب عليه
الله يهدينا والله يقدر كل واحد على فعل الخير
امين الله يشافي كل مرضانا ضرك وين تكوني نجيبها وراك حتى تناقشي ععععع نعييك اليوم

ايه ، هداك واش نقصد ، هداك اللي الله غالب عليه كون يديرو جمعيات خيرية احسن من البرامج التافهة هدي
و الجمعيات الخيرية ماراهمش يساعدو فيهم
ايه ماكاش تعب ، لكن القلب تعمر من الامر هدا و ديما نتشاجر مع اختي الصغيرة تقللي شوفي شوفي بلادنا فيها الخير
نقللها طيري من قدامي بالنسبة ليا ماهوش خير هدي فضايح
امين يارب و كل المؤمنين
لما نمرض نموووووووووووت من الفرحة ، لكن العام هدا بسبب احد الظروف والله راني جهلت حتى رجعت مانعرفش شكون انا و الحمد لله اني راجعة كيما كنت بحول الله
​

 

[ليليا مرام]

ايه ، هداك واش نقصد ، هداك اللي الله غالب عليه كون يديرو جمعيات خيرية احسن من البرامج التافهة هدي
و الجمعيات الخيرية ماراهمش يساعدو فيهم
ايه ماكاش تعب ، لكن القلب تعمر من الامر هدا و ديما نتشاجر مع اختي الصغيرة تقللي شوفي شوفي بلادنا فيها الخير
نقللها طيري من قدامي بالنسبة ليا ماهوش خير هدي فضايح
امين يارب و كل المؤمنين
لما نمرض نموووووووووووت من الفرحة ، لكن العام هدا بسبب احد الظروف والله راني جهلت حتى رجعت مانعرفش شكون انا و الحمد لله اني راجعة كيما كنت بحول الله
​

ايه هذوك متفاهمين يحسن عونهم لخرين بصحتهم وتلقاي مرات امر تافه يجو يبكو ويذلو ويحللو على واش الرزاق ربي هوو يعاون مررنا كلنا بظروف صعبة والله ما تجيني حتى نطبطب لجارة ونتسلف تجيني عيب بزاف والحمد لله الانسان يفوت بامور كبار ولازملو يصبر
واختك علاه طيري فيها مسكينة يا حقارة ههه
الحمد لله انك بريتي كلو عند ربي سبحانو الواحد يروح ليه ديركت ويدعيه
ربي يخليك ونشكرك على النقاش

 

[أم أُنٌَيسة]

ايه هذوك متفاهمين يحسن عونهم لخرين بصحتهم وتلقاي مرات امر تافه يجو يبكو ويذلو ويحللو على واش الرزاق ربي هوو يعاون مررنا كلنا بظروف صعبة والله ما تجيني حتى نطبطب لجارة ونتسلف تجيني عيب بزاف والحمد لله الانسان يفوت بامور كبار ولازملو يصبر
واختك علاه طيري فيها مسكينة يا حقارة ههه
الحمد لله انك بريتي كلو عند ربي سبحانو الواحد يروح ليه ديركت ويدعيه
ربي يخليك ونشكرك على النقاش

ههههههههههه ماهيش مسكينة عندها افكار تجهلني ديما نتقابض معاها
الحمد لله على كل حال ، مابريتش لكن الامور الاخرى بدات تتحل ان شاء الله
و يخليك و يبارك فيكي يارب
لا شكر على واجب باذن الله​

 

[ضآحكة مستبشرة]

لي عودة للاجابة ان شاء الله
شكرا على مروركن غالياتي​

 

[لؤلؤة قسنطينة]

و الله يا اختي مريم بالنسبة ليا كل هدا رخس في رخس مع احتراماتي لكي و للكل
لانو هدا كامل دراهم يروحو هكداك تع الحصص التافهة هدي ، و شوف الناس كيفاه تعاني و كيفاه يديرو في سياسة التقشف
و الدراهم يودرو فيهم في الحصص هدو اللي اغلبهم يفضحو اكثر ما يساعدو و مانحكيش على الحصص التافهين الاخرين و خاصة تع الغناء
و الله رجعت نحس روحي في بلاد اجنبية موش في بلاد عربية
​

بالفعل حبيبتي شيماء نوافقك على كلامك ماكانش قد انسان يدير حاجة لوجه ربي بعيدا عن الناس
وماكانش قد لي مايشكيش غير لربي سبحانو يعني رانين تكلم مقارنة بحصص اخرى هادي حصص تعتبر مليحة
وماش شرط تاع الصدقة والمرض كاين لي يجي يحوس على يماه كاين مشاكل اخرى نقدرو نتقبلوها وكاين حصص خيرية هي تقرب هاد المرضى
وفاعل الخير يعاونهم لكن في الخفاء يعني مايبانش قدام الشعب يعني تبقى الحصص هادي بين وبين مانقدروش نحكمو عليها كليا
ولكن نوافقك في بعض من كلامك صراحة بارك الله فيك​

 

[أم أُنٌَيسة]

بالفعل حبيبتي شيماء نوافقك على كلامك ماكانش قد انسان يدير حاجة لوجه ربي بعيدا عن الناس
وماكانش قد لي مايشكيش غير لربي سبحانو يعني رانين تكلم مقارنة بحصص اخرى هادي حصص تعتبر مليحة
وماش شرط تاع الصدقة والمرض كاين لي يجي يحوس على يماه كاين مشاكل اخرى نقدرو نتقبلوها وكاين حصص خيرية هي تقرب هاد المرضى
وفاعل الخير يعاونهم لكن في الخفاء يعني مايبانش قدام الشعب يعني تبقى الحصص هادي بين وبين مانقدروش نحكمو عليها كليا
ولكن نوافقك في بعض من كلامك صراحة بارك الله فيك​

بالنسبة لي توجد جمعيات خيرية هي اولى بتلك الاموال بدل الخرطي اللي يدروه في هدوك الحصص
اما الحصص ككل بالنسبة ليا رخس
على امور اخرى يقلك تطبيق سياسة التقشف و يقتلو في الناس بالمصاريف الزايدة حتى الفقير مسكين مالقاش كيفاه يعيش
يقللك الدراهم ماكاه و هم راهم يودرو فيهم في حصص كيما هدو
و فيكي بركة اختي الغالية​

 

[حلم كبير]

السلام عليكم و رحمه الله تعالى وبركاته
تستحقين ختم التميز فقد سلطتي الضوء على الحصص الجزائرية الفاعلة للخير .
ممكن في نظرهم هوما ،أو ناس اخرين يحسبوه خير لا علينا .
المذيعة اللي تدير في الحصة ومعاها شيخ ورع يفتي فتاوى ما صراتش من قبل. تقولو واحدة مقهورة قلبها يتفطر من الالم يا شيخ راجلي زاد تزوج عني درقة مع واحدة تونسية ولا مغربية الله اعلم باه ما نكذبش المهم من الدول الشقيقة ،شوفو الرد يققولها وانتي واش دخلك فيه يديها مروكية وتونسية وليبية ويدير الاتحاد المغاربي عندو فالدار،.... شوفو ذيك الرحمة بالنساء.!!!!!

ويجي يدير حصة ما وراء الجدران ما عدا العنوان يكفي ،وهو قاري من ستر مسلما في الدنيا ستره الله يوم القيامه .

تقولو لي يعاونو فيهم يحلو مشاكلهم ،نقولكم يدير جمعية بعيدا عن عدسات الكاميرا. هوما عندهم قد ما فضحت قد ما تخلص مليح .
لا حول ولا قوه الا بالله العلي العظيم.

والا اللي قالتلهم اسكتو سليمة سواكر ما تعرفش تهدر العربية مليح ،ولا تعرف تدير حصتها كما ينبغي.

انا ضد هذه الحصص سواء جزائرية أو عربية أو غربية

هذا رأيي
تقبلي مروري مع فائق الاحترام والتقدير
حلم كبير

 

[الامين محمد]

حصة و افعلوا الخير أفضل حصة
مع الشيخ فزازي روووعة
اما باقي الحصص عليها ما عليها
خصوصا افتح قلبك السيدة سماتي بعيدة عن الاحترافية
و ماهيش عارفة تمشيها مليح
ايضا اليد في اليد مليحة عندها طابع انساني رائع
الشيخ شمس الدين اوقات يهردها خلاص
خط احمر و ما وراء الجدران حصتان ماهمش متوازيتان يعني اغلب حلقاتهم
ماهيش مضبوطة

 

[ضآحكة مستبشرة]

السلام عليكم
موضوع هاايل اسومة بارك الله فيك
يستاهل قعدة الله الله
راني راجعة حبيبتي
دقيقة ونولي
​

و عليكم السلام مريوم
تسلمي حبيبتي ربي يحفظك
و فيكي بارك الله
نورتي​