المُتَزَوِجَــــــة تُفيْد وَ المخْطُوبَـة تَسْتفيْـد { الضيفَـة 1 أم منـــــير }

[{مُدَلَّلَتُهُ}]

السلآم عليكم

الله يبارك عليك خالة أام منير أجوبتك يداوو القلب و يقلعو الحيرة ربي يهنيك ان شا الله و يفرحك بوليداتك

الزوج العامل خارج الولاية . . . كيف تستطيع زوجته التعامل مع الأمر ؟
​

 

[آمِيْرَتُه]

السلام عليك
مرحبا بك معنا
سؤالي : حكمة أو مقولة تتمشي بها في حياتك الزوجية ؟

 

[أم منيــــــر]

السلآم عليكم
و عليكم السلام

الله يبارك عليك خالة أام منير أجوبتك يداوو القلب و يقلعو الحيرة ربي يهنيك ان شا الله و يفرحك بوليداتك
بارك الله فيك حبيبة
آمين يا رب العالمين هادي الدعوة نحبها بزاف
و انت تاني ربي يفرحك و يفرح والديك بيك
الزوج العامل خارج الولاية . . . كيف تستطيع زوجته التعامل مع الأمر ؟
في البداية الامر شوي صعيب بصح مع ليامات توالف خلاص يرجع الامر عادي
طبعا اذا كان محتم عليه يخدم خارج الولاية
اولا بما انو مضطر لازم تتقبل الامر و تستوعب غياب زوجها عليها
لازم تصون عرضو و سمعتو في غيابو
ماشي هو يروح منا و هي تبدا دور و دودور هنا و لهيه بلا خبرو
لازم اي خطوة تجي تخطيها تفكر واش ممكن يكون رايو
لازم دايمن تشوف فيه قدام عينيها
و كي يجي ترحب بيه تتهلا فيه و تحاول تعوض قاع ليامات لي غابهم
ماشي يجي منا تبدا المشاكل منا و كان و صار و كان و صار حتى تكرهلو حياتو
الله يكون في عون الجميع



​

سلااااااااااااااام​

 

[أم منيــــــر]

السلام عليك
و عليك السلام
مرحبا بك معنا
ترحب بيك الجنة
سؤالي : حكمة أو مقولة تتمشي بها في حياتك الزوجية ؟

بعد الضيق ياتي الفرج و رحمة الله واسعة
شكرا على الاطلالة الخفيفة

 

[بشرى ملاك]

صباح النور

انا هدا وين شفت واش راكم ديرو دوماج مالحقتش عليكم حتى كملتو

 

[Mademoiselle carbone]

السلام عليكم
واش رايك @أم منيــــــر نوجدولك ملف من الأسئلة و انتي تجاوبي عليها في ملف هذاك
الله يفظك نتاجوك بزاف هههه شكرا

 

[بشرى ملاك]

صح سيدتي ام منير
انا عندي مشكل مع عزوجتي وحماتاتي قاع مايقيمونيش لوكان مانحوسش عليهم هما جامي يحوسو عليا لوكان تصرا عندهم حاجة نعيطلهم ونسقسي وهما مهما يصرا عندي مايحوسوش عليا وكي يتلاقاو راجلي يقولوله والله غير نبغوها هاديك الطفلة (عليا زعما ) وكي نتلاقاهم انا يسمعوني لكلام لوكان نشكي لراجلي يقولي يبغوك غير راهي تبانلك العكس.......
مافهمت والو

 

[Mademoiselle carbone]

صح سيدتي ام منير
انا عندي مشكل مع عزوجتي وحماتاتي قاع مايقيمونيش لوكان مانحوسش عليهم هما جامي يحوسو عليا لوكان تصرا عندهم حاجة نعيطلهم ونسقسي وهما مهما يصرا عندي مايحوسوش عليا وكي يتلاقاو راجلي يقولوله والله غير نبغوها هاديك الطفلة (عليا زعما ) وكي نتلاقاهم انا يسمعوني لكلام لوكان نشكي لراجلي يقولي يبغوك غير راهي تبانلك العكس.......
مافهمت والو

هههههههه انتي ديري في بالك يبغوك و خلاص اي خير تديريه فيهم انويه في سبيل الله و خلاص تفتحت المشكلة و تاني متشكيش لراجلك منهم مدام متعداوش حدودهم معاك انتي الي يهمك راجلك و خلاص و الباقي اذا مسقساوش عليك متزعفيش منهم بصح انتي سقسي في سبيل الله فهمتيني وين حابة نوصل

 

[أم منيــــــر]

صح سيدتي ام منير
انا عندي مشكل مع عزوجتي وحماتاتي قاع مايقيمونيش لوكان مانحوسش عليهم هما جامي يحوسو عليا لوكان تصرا عندهم حاجة نعيطلهم ونسقسي وهما مهما يصرا عندي مايحوسوش عليا وكي يتلاقاو راجلي يقولوله والله غير نبغوها هاديك الطفلة (عليا زعما ) وكي نتلاقاهم انا يسمعوني لكلام لوكان نشكي لراجلي يقولي يبغوك غير راهي تبانلك العكس.......
مافهمت والو

يعطيك الصحة
ما دام ما ضروكش خليهم في حالهم
انت من واجبك تسقسي عليهم على خاطر راجلك لي هو وليدهم و اذا ما سقساوش عليك شغلهم
من المفروض راكي طرف من العايلة يسقسو عليك و يهتمو بيك كما انت تعامليهم بصح اذا هذا هو طبعهم ما عندك ما ديري
اهم شي ما تقولي والو لراجلك بما انهم يشكروك قدامو و يمدحوك حتى و لو قلت عليهم واش صرا ما راحش يصدقك و تصغري في عينو
كاين ناس فيهم هاد الصفة نتع زوج وجوه الله يهديهم
المهم انت ما تعكريش حياتك مع راجلك على خاطر هاد الشي يجي اليوم وين يسقسو عليك و يحوسو عليك لاخاطر العشرة الطويلة و الطيبة تجيب المحبة
ربي يهنيك

 

[ضآحكة مستبشرة]

السلام عليكم
اولا أشكر خالتي ام منير على قبولها الدعوة و اشكر كل من الاخوات اللوآتي تفاعلن مع الفكرة
شكرا لصراحتك و شكرالك لانك لم تبخلي علينا بنصائِــــحكِ
نلتقي في مواضيع اخرى خالة

انتظروني في العدد القادم مع ضيفة أخرى​

 

[أم منيــــــر]

لا شكر على واجب حبيبتي اسماء
مشكورة لانك ضيفيتي عندك و نشكر كامل لبنات لي دارا فيا الثقة و سقساوني
ربي يحفظكم و يهنيكم كامل حبيباتي​