المُتَزَوِجَــــــة تُفيْد وَ المخْطُوبَـة تَسْتفيْـد { الضيفَـة 1 قطر الندى }

[ضآحكة مستبشرة]

السلام عليكم و رحمة الله تعالى و بركاته



أهلا وسهلا بكن عضوات اللمة الجزائرية نرحب بكن من جديد في ركن تجهيز العروس ولوازمها

​

نعود إليكن من جديد في عدد جديد مع فكرة استضافة لماوية متزوجة لتفيد مخطوبات و عازبات المنتدى بنصائح عن الحياة الزوجية و المسؤولية التي تقع على عاتق كل مقبلة على الزواج و ذلك عن طريق الإجابة عن أسئلة السائلات ^^
و قصد النهوض بالقسم و اخراجه من الركود الى النشاط​

نلتَقــــــي معكم هذه الامسية و لمدة أسبوع كــــــامل مع ضيفتي و ضيفتـــكم الاخت @قطر الندىdz

و هي ضيفة جديدة فرضت نفسها في ظرف قياسي امرأة ناجحة و طموحة طباخة ماهرة تتميز بالحكمة و العقلانية عزيزة علينا جميعا ​

​

تفضلوا اليوم و لمدة اسبوع كامل بالاسئلة و الاستفسارات و ستجيب عليكم جميعا ان شاء الله​

كما ستفيدنا بخبرتها الطويلة كانت ام القصيرة و تشاركنا تجاربها و تحدياتها البطولية لاستمرار الزوآج​

​

اتمنى لكم قضاء وقت ممتع مع هذه الضيفة العزيزة و المميزة​

الاخت قطر الندى​

فكرة الموضوع :
في كل أسبوع نستضيف احدى العضوات المتزوجات و نضعها تحت المجهر
و على المخطوبات و حتى العازبات و المتزوجات تقديم الاسئلة و كل استفساراتهن حول الزواج و فترة الخطوبة و كل ما يخص العروس​

و على الضيفة الاجابة على الاسئلة و تقديم نصائح و تدابير للمخطوبات​

و مشاركتهن تجاربها و تقديم كذلك برنامج جيد لسير الحياة الزوجية بدون مشاكل​

و كيفية التخلص من المشاكل في حالة وجودها​

​

​

مع تمنياتي أن تلقى هذه الفكرة تفاعل و الهدف هو أن نستفيد لكي نفيـد​

​

​

في امان الله ~

​

 

[ضآحكة مستبشرة]

@أم ياسمينdz
@أم منيــــــر
@بنقابي افتخر
@إشرآقة شمس
@فيتامين سي
@زهور الشوق
@أشــواق 19
@لؤلؤة قسنطينة
@الورد الأحمر
@آمِيْرَتُه
@سكون الفجر

@Queen Fati
@Soumia hadj mohammed
@Malika Tlm
@Lovely ღ smile
@Twinkle Stars

 

[قطر الندىdz]

شكرا على الإستضافة حبيبتي ان شاء الله نكون في مستوى
رب اشرح لي صدري ويسر لي أمري واحلل عقدة من لساني يفقهوا قولي

 

[زهور الأمل]

مشكورة حبيبتي @عاشقة الجنة على هذه المبادرة الطيبة
والشكر موصول كذلك لاختي @قطر الندىdz على المجهود المبذول
مع تمنياتي بالتوفيق​

 

[إشرآقة شمس]

سلام لله عليكم

اهلا بالاخت الكريمة

شحال من سنة عندك زواج

عندك اولاد؟ شحال؟
وفي رايك على اي اسس تبنى الاسرة الكريمة اي على اي منهاج اومقومات مثلا يجب توفر اشياء لكلتا الطرفين)زر وج وزوجة(
في انتظارك غاليتي

 

[قطر الندىdz]

السلام عليكم ورحمة الله وبركاته
أتحفظ على الأسئلة الأولى هذي من أسرار عائلتي أعذريني حبيبتي @إشرآقة شمس لأن زوجي ميحبش
نقدر نقلك
انا من ولاية البليدة وعايشة في ألمانيا
عمري 32سنة
تبنى الأسرة اكيد على الحب والمودة لأن إذا غاب الحب تبقى المودة والرحمة بين الطرفين
وبلا مننسى الثيقة تبدى اولا بالصراحة بين الطرفين مثلا أي حاجة تصرالك قولي هالو حتى وتعرفيه رح تزعفو لكن إختاري الوقت المناسب، أفضل مايسمعها من جهة أخرى خاصتا في الأعوام الأولى وهو أيضا رني عارفة إذا صرحك رح تسامحيه هنايا رني نحكي حاجات تصرالك كي تكوني متزوجة به؛ومن جهة أخرىإياك ثم إياك تحكيلوا اي حاجة صراتلك قبل الزواج حتى إذا هو حكالك زعما من باب الصراحة ونصفو النفوس (حنا في مجتمعنا الرجل إذا غلط ميتحاسبش لكن المرة بالعكس) فهمتي عليا نظن
وتبنى أيضا بحفظ الأسرار يعني من الغرفة ميخرجش
مثلا انت او هو واجهتو مشكلة تستدعي طرف أخر أحكي فقط الى أمك أو أختك او واحدة من العائلة تثقين فيها وهو أيضا
وان شاء الله تكوني فهمتي عليا وأي أسئلة أخرى إن شاء الله نكون في الخدمة
ربي ان شاء الله يجمع بينكم بخير حبيبتي

 

[السلطانة]

اهلا وسهلا بضيفتنا الكريمة ارحب بكي

-واش رايك في سكن الزوجة مع اهل الزوج مع او ضد ولماذا ؟
-ماهي الاسس التي ترتكز عليها الام لتربية الابناء ؟

 

[قطر الندىdz]

اهلا وسهلا بضيفتنا الكريمة ارحب بكي

-واش رايك في سكن الزوجة مع اهل الزوج مع او ضد ولماذا ؟
-ماهي الاسس التي ترتكز عليها الام لتربية الابناء ؟

السلام عليكم ورحمة الله وبركاته
ترحب بيك الجنة حبيبتي
سكن الزوجة مع أهل الزوج
بصرحة انا مجربتش سكنت مع أهل زوجي
أكيد كامل نتفقو بلي الزوجة تسكن وحدها أفضل تلقى رحتها مع زوجها وتتعلم تنظم حياتها وتكون عندها حرية في جميع النواحي
لكن مرات الظروف تتحتم تسكن مع أهل الزوج كاين لتتوفق والعكس
شفي كاين مثلا تكون الزوجة متدينة و تسكن مع ناسها تلقى صعوبات من نحية الخمار والأغاني والاختلاط هنايا لازم تسكن وحدها أحسن تتفدى المشاكل خاصتا إذا كانت عايلة كبيرة وهذا نربطو بسألك على تربية الأبناء مثلا انتي وسلافاتك (زوجات أخ الزوج) كل وحدة كيف تربية أولادها يقدرو أبنائك يرفدو عليهم أشياء المليحة والأشياء الخيبة مهما قلتي لهم هذا غلط يقلك فلان يعملوا عله أمو متزڨيش عليه هذا أيضا أسباب تأدي بالمشاكل
وكاين لي بالعكس هذي ترفد هذي و عايشين أحلا عيشة به يتحقق هذا الشيء يكون أهل الزوج مثلا اللوسات(سلافات) و العجوزة طيبين لٱن هما بيتهم والزوجات يكونو أيضا صابورات
تربية الأبناء تمر بمراحل
عندما يكون الطفل في مرحلة الطفولة يكون بين يديك كيما نقولو( تعجنيه كيما تحبي) وهذا هو لباز
أعطيلو من قتك قدما تقدري وأي سؤال يسألو جوبيه على حساب عقلو وألعبي معاه وخرجيه كي يكبر شوية ويصبح في المدرسة بدي تخوفيه من الله مثلا تقوليلو تعمل حاجة أنا مشفتكش لكن الله يشوفك وحكيلو قصص الأنبياءوالصلحين هنايا تعلمه الصبر على بالي كاين في اليوتيوب لكن لا يسمعها من عندك أفضل ترسخ في ذهنو ويلقاها غير كلامك بين عينيه كي يكبر
وإذا كانت طفلة علمها تحكي لك كلش وخرجيها معاك وخليها مرات تستقبل الضيوف وشاوريها في مثلا الأكل او ستايل اللبس او....
وإذا كان ذكر ايضا. و لازم الأب يديه معه الى المسجد ويخليه يخالط الكبار ويستشيرو في أمور
هكذا تعلمهم المسؤولية
وإذا سمعتي بلي دار خطئ إيك تقليلو قال لي فلان انك تعمل كذا هنايا يحس بلي ركي تتجسسي عليه بدريه بسؤال ماذا فعلت اليوم اذا قال لاشيء قولي لو قلبي يحس العكس بشوية أجبديه رح يحكيلك كلشي وتعالجو المشكل
تربية الأبناء قدما نهدرو نقولو قليل لأنهم هم أزواج المستقبل
********تحياتي*******

 

[ضآحكة مستبشرة]

السلام عليكم اختي @قطر الندىdz

واش راكي ختي لباس ؟

الموضوع رآه راقد شوي نحاولو نشطوه ^^

- واش تنصحي المقبلة على الزواج بخصوص التعامل مع الزوج ؟

- واش هي الحاجة لي تخلي الزوج راضي على زوجتو و ميشوفوش في غيرها ؟

- اسكو تعتبري اهتمام الزوجة بمظهرها لزوجها حاجة مهمة ؟

- نصيحة للمخطوبة على المطبخ و كيفاش تحافظ على نظافتو ؟


@لؤلؤة قسنطينة
@الورد الأحمر
@صمت المشاعر
@الصحافية الساخرة
@دعاء الجنات
@بشرى ملاك
@ليليا مرام
@آمِيْرَتُه
@أم منيــــــر
@أم ياسمينdz
@حروف تائهة
@Princesse Diyor
@Queen Fati
@Twinkle Stars
@Malika Tlm
​

 

[الصحافية الساخرة]

السلام عليكم و رحمة الله

شكرا اختي على هذا الموضوع الجميل و المفيد أيضا ، ومشكورة على الاشارة ?

و مرحبا بالأخت @قطر الندىdz نشكرها لتلبية الدعوة و اتمنى أن نستفيد منها ولو القليل ?


اولا حاجة نسالها للاخت هي : " هل الطبخ من أساسيات الرجل يعني لازم تكوني طيبي مليح با???" ،

ها انا خهذا واش عندي نسأل @عآشقة الجنـة اضحكي ولا اقعدي ههههه @أم ياسمينdz المطلوع مادار فيا فيا فياااااااا ??? @ليليا مرام مصيبة ارواحي تستفادي من الاخت انتيا حابة تتزوجي بوووه ماكيش عارفة والو ??

 

[الورد الأحمر]

السلام عليكم ورحمة الله وبركاته

أهلا بقطر الندى منورة ومشكورات ع الموضوع حبيباتي ...

أنا ما عندي أسئلة رح نتبع فقط الأسئلة والأجوبة تاعكم وتاع قطر الندى وأكيد إلا ما رح نستفيد من الموضوع .

في المتابعة حبيباتي ?

 

[توبة توتة]

سلام ۈعـْليگمٌ-ٱلسّلٱمّ:ﯙرحـّمَة ٱللـّہ ۈبٌرگـّاتہ
شفت موضوع حبيت نشارك فِيَھ
باسم •اللّـہ̣̥ نبدا علـّۓ. بركة •اللّـہ̣̥
اولا دخص مكانش مع بيت الشيخ احترام لآزٍمٍ عليك ولقدر لآزٍمٍ بيناتكم و مدخصيش بزاف ساكنة مع بيت شيخك اقضي حوايجك و شايخي شوي روحي شمبرتك متخرجيش ‏‏منـِْهـ♡̨̐ـِْا حت تبقاي توجدي لعشا بلاكي تروحي تدخسي و تقسي الاسالة بزاف ماشي مليحة احكمي فمك ولسانك و مدخليش فيهم مررره مليحة ولت ماشي مليحة سمعتيهم يهدرو في الناس اقعدي معاهم شوية و نوضي اخطيهم يوجعك راسك منهم و متهدريش ومتعطيش رايك لٱ يقولو مرت فولان هدرت و قالت وقالت جيبي لعمرك غي لهم
متحكيش اسرار داركم راجلك ولا ببت شيخك بلاكي انا راه جاني فاس في راس كنت راقدة وعينيا مغمضين حت تقست و تحلو عينيا فقت بلي منزيدش نهدر حوايج تاع دارنا راجلي خليه هو يفرغ قلبو اسمعي بلاكي تتكلي عل لغاشي ادعي رَبّـ❤ـيٌ يعطيك صحتك
اي استفسار قولولي و سقسيوني هندي عامين زواج تقول عِنـ.̷̷̸̷̐ـديّ 10سنين ملي تزوجت

 

[الأميرة الخجولة]

موضوع في غاية الروعة تسفيد منه أي فتاة مقبلة على زواج بارك الله فيكي ?