اللهجات الجزائرية المتنوعة من الشرق الى الغرب الى الجنوب

[Skor m@k]

يا @مالك ماكانش مشكل نعلمك
بصح تلمسان وحدها فيها شحال من لهجة خير لي تعجبك

هههههه لهجة تاع الغزاوات واعرة واقيل هههه ماشكيتش نقدر نتعلملها هههه
يعطيك الصحة ميمتي
واقيل ندورها تعلميني نطيب لgريوش خير من اللهجة هههه

 

[باتنية و نص]

ههههه هذي بلاد @مِلْكٌ لَهٌ ماحكاتناش كيفاه تهدر وأنا مانعرفش هههه
حبت تهرب من القائمة هههه إنتظري البشماق غتي شيماء ههههه
آه يا الباتنية آه كل واحد يقول فولي طياب ههه
أنا مانفهملكمش نتوما صحاب باتنة ههههه
المشكلة كي تكوني منهم لي تقولي لهجتكم مفهومة
كيما الوهراني والتلمساني والعنابي وحتى الجلفي يقولو كامل لهجتنا هي لي مفهومة هههه
مي لهجتكم تشبه شويا لتاع أم بواقي ولالا ؟؟؟؟
شكرا لك ختي الباتنية​

وش المعقد في لهجتنا ؟
منقولوش آو آو ..منقولوش كهوة ..منقولوش شتهولا..منقولوش تسسسلاتسة (قسنطينة) ..منقولوش ددددجعفر (سطيف)
نقولو برك نفلعسك ويا واحد الباص ههه
+ايه احنا وام لبواقي واحد

 

[Skor m@k]

وش المعقد في لهجتنا ؟
منقولوش آو آو ..منقولوش كهوة ..منقولوش شتهولا..منقولوش تسسسلاتسة (قسنطينة) ..منقولوش ددددجعفر (سطيف)
نقولو برك نفلعسك ويا واحد الباص ههه
+ايه احنا وام لبواقي واحد

ههه يا مهبولة عجبتني تاع نفلعسك هههه
ايه عندكم كلمات تاع الشاوية وهذيك حتى لقبايل ومايفهموهاش
يعني صعيبة شويا
وهذيك تاع تسلاتسة كي جي ختي @لؤلؤة قسنطينة نقوللها هههههه هاي تجري موراك هههه

 

[ام راس يابس]

ههههه وعلاه أنت تلمسانية ههههه ياك أنت وهرانية وين تعرفي التلمسانية هههه
يرحم والديك قوليلي واش معنتها لكتيبة في تعليقك
نحن لا ندلق هههه عادت توسوسني هذي الكلمة هههه

يااك وين تعرفي التلمسانية .... انا من 13.98:p ... و افهمو وحدكم :X3:.... اما وهران كبرت فيها و عايشة فيها هذا ما كان .....
نحن لا ندلق سقسي كاش وهراني يقولك واش معناتها الـ "تدلاق"

 

[لؤلؤة قسنطينة]

السلام عليكم
شوف الشرير هادا ولهجتنا وين راحت زعما زميلي في العمل وتنساني
اصلا القسنطينية تجيني ساهلة ومفهومة معرف اذا كي عادتي لهجتي ههههه يعني راني نتكلم معاكم هنا في اللمة مانظنش كاين كلمة صعبة
فقط انا ساعات نستبدل كلمة "يخي" بـ "ياك" باه تكون مفهومة وكلمات خلاف نبدلهم باه تكون هدرتي مفهومة بصح الباقي نورمال
امممم خليني نتفكر كاش كلام صعب في لهجتي:
كاينة كلمة "مشحر": معناها معسل، نقولو نشحرو المقرود يعني نعسلوه
كاين ايضا كلمة "تخنات": يعني تدلال يعني تدلل شخص معين
عندنا كلمة "تتربج": تتربج بشخص يعني تدلعو بإسم معين
أيضا سلحفاة مانقولولهاش فكرون نقولو "بوفكران" ههههه
وكاين بزاف كلمات كن نتفكرهم نقولهم واشوا حنا القسنطينيين معروفين حرف التاء تاعنا مسموع يعني نتكلمو بيه بزاف
المهم كاشما نتفكر كلمات راني نجي
بصح نظن لهجتنا مفهومة من عند كامل الناس ومعرف يعني الناس لي تحكم علينا
شكرا على الموضوع راك ظهرت تعرف تتكلم اللهجات كامل هههه
تحياتي​

 

[لؤلؤة قسنطينة]

وش المعقد في لهجتنا ؟
منقولوش آو آو ..منقولوش كهوة ..منقولوش شتهولا..منقولوش تسسسلاتسة (قسنطينة) ..منقولوش ددددجعفر (سطيف)
نقولو برك نفلعسك ويا واحد الباص ههه
+ايه احنا وام لبواقي واحد

آآه يا واحد الباتنية نحكمك نعتلك صار حنا نقولو تسلاتسة قولي يا لسلوسة ههههههه
حتى حنا نقولو نفلعصك اصلا الباتنية فيها تشابه شوي مع القسنطينية عندي عائلة من باتنة يتكلمو كيفنا تقريبا
بصح واشوا شتهولا هاديك ههههه راني نقرا في اللهجات ومشوكيا ماتقول عايشين في بلاد وحدة هههه
ماشاء الله بلادنا فيها تعدد اللهجات
ونسيت ماجاوبتش على سؤال خويا مالك حول اللهجة المفضلة، صراحة بكري كنت من لهجتي مانحب حتى لهجة غيرها هههه
وخاصة تاع الغرب ماكنتش نحبها بزاف بصح من نهار دخلت للمة كل لهجة فيها طعم خلاف
كي نتكلم مع هدهودة وتتكلم باللهجة تاعها هاديك تجيني حلوة عسل، كي خويا مالك يتكلم تاني نحب لهجتو
كاين خويا صلاح تاني نحسو يتكلم بالجلفاوية اكتر من خونا حكيم وفيولا وتعجبني كذلك
كاينة تاني ختنا مليكة كي تتكلم بالتلمسانية تعجبني بزااااف وكاينة ماجدة كي تحكي معايا نحسها بنت مدينتي هههه
خاطر لهجتها فوطوكوبي على لهجتي نحسها قسنطينية
يعني صراحة من نهار دخلت للمة حبيت اللهجات كامل ومن ناسها صراحة هوما لي حببوني فيها
بصح ماشاء الله كل جهة ولهجتها يعني تنوع ثقافي الله يبارك
المهم راني هدرت بزاف هههه
شكرا مجددا على الموضوع وحسابي معاك بعدين يا ستوتة هههه
تحياتي​

 

[Hakan]

خويا حكيم
راه اصلي من مسعد
ولو كان نبدا نهدر باللهجة تاع صحاب مسعد
راه واحد فيكم الضو ما يشوفوش معايا
ههه
نجرب نقلك و قلي وش المعنى
* واحد السيد راح لتاجر و سقساه
قالو عندك برم قرق و ما همش قلي ؟؟؟ *
ههه
وش رايك خويا حكيم
راك في وسارة و مسعد بعيدة عليكم
و الجلفة طويلة و عريضة
ههه​

هههههه صدقني بالله ما فهمت والو ههههه
اواه ياتل اني قتلك يقرى معايا واحد من مسعد
جماعة نتاع باتنة يقولولي ترجمنا كي شغل بيين سبور هههه
والله ما نفهملو ق شوي كلمات برك
صراحة مدينة عين وسارة هاربتلهم اللهجة الجلفاوية
صايرلنا كي الغراب اللي جا يعاند مشية الحمام تلفتلو هكاك ههه
ربي يهدينا مي نقدر نفهم اما عن شرح الجملة و فهمتي ق {ماهمش قلي :يعني اذا مكانش قلي }
وغابتلي في برم قرق هههه ​

 

[Hakan]

ههه
راك تشوف يا خويا حكيم
هههه
حكيم والو خاطيه
راه قريب للمدية
ههه
وحنا رانا قريب ببجنوب
امالا قلو يجبد روحو
خخخ
خويا حكيم
راني نقسر برك ..راني عارف ماك فاهم فيها والو
خخهه
نفهمك في العبارة
البرم : جمع برمة
قرق : يعني عميقة و نقولو عندنا قارgة و بالجمع قرg
ههه
ماهمش : اي ما راهمش
قلي : جمع كلمة قالية اي غالية
هههه
وش رايك خويا مالك ؟

​

ههههه حطيتوني في الاورجو ربي يهديك ا صالح
لالا نهدر شوي بالجلفاوية مي صراحة ميت في المصطلحات لخرى
يعني ممكن نبرة الصوت جلفاوية مي الكلمات مفهومة وهذي رسالة الكلام انو يفهموك الناس خخخخ
اما بالنسبة للاخت @باتنية و نص صراحة في باتنة لغتهم بسيطة عندهم صح التفخيمات نتاع بعض الحروف
مثل ضمير المتكلم انا قادر تسمع الصدى نتاعها في الجبال نتاع الاوراس ههه
مي على العموم مفهومة لكن صراحة اللغة ولا اللهجة المفهومة في الجزائر كامل هي نتاع بسكرة
على حساب ما تعاملت مع بزاف بساكرية يعني سامبل بدون تعقيدات ​

 

[باتنية و نص]

@لؤلؤة قسنطينة
هيه تقولو تسلاتسة يا تستوسة (شتي قابلت الاساءة بالإحسان ) هههه
ويا ارض اشتدي ماحدا قدي ههه..لالا حنا تع الشرق الرحمة فلخرين ..تحيا حنا ^^
@hakim story ..صحيت عجبتني كي اثبتت وجهة نظري +مدام رجلك مزالها تدوس ارض باتنة ..ممنوع عليك تنتقدها بحرف هه
ديجا جاي تقرا ولا ديرلنا فالتشويشات و الاضرابات ? عند من تخدم وشكون بعثك (detective باتنية و نص لول )
ايه مغلطتش هه حتى حرف العين
نشددو عليه..تسمعو من جبال الشلعلع هه
حنا ولقبايل بلاك كيعاد والفنا بالامازيغية
@Skor m@k
راني نهدر على الباتنية تع لي يحكيو بيها لعرب تع باتنة
اوتالي المصطلحات لي بالشاوية
كون نبدا نهدر بيهم . جارنا وميفهمهاش ههه

 

[Hakan]

@hakim story ..صحيت عجبتني كي اثبتت وجهة نظري +مدام رجلك مزالها تدوس ارض باتنة ..ممنوع عليك تنتقدها بحرف هه
ديجا جاي تقرا ولا ديرلنا فالتشويشات و الاضرابات ? عند من تخدم وشكون بعثك (detective باتنية و نص لول )
ايه مغلطتش هه حتى حرف العين
نشددو عليه..تسمعو من جبال الشلعلع هه
حنا ولقبايل بلاك كيعاد والفنا بالامازيغية

ههههه اواه يااختي انا انسان صريح مافياش نتاع نمدح للخوف خخخخ
الحمد لله صحابي نتاع باتنة ازاكت من احسن الناس
واغلبيتهم نتاع مسؤولية وكذالك محترمين وعندكم هذوك ليجون باتري فابل تقول قاع مش شاوية
مي صراحة اللهجة مفهومة مام هوما يفهموني كي نحكي ههه اما الاضرابات
خاطيني ياي نوقف برك حشيشة طالبة معيشة هههه ربي يهنيك
​

 

[حلم كبير]

السلام عليكم و رحمه الله تعالى وبركاته
خويا ربي يحفظك على الموضوع الجميل واللي يوريلنا كم هي بلادنا واااااسعة بثقافاتها بعاداتها بتقاليدها ولهجاتها.
أرواح للمسيلة تشوف
ولاد الحضنة وولاد بوسعادة
ولاد مقرة وبرهوم وولاد سيدي عيسى وحمام الضلعة
وولاد المعاضيد
ووووووو
ولا واحد فيهم يهدر كيما لاخر
نتاوع اولاد دراج يقولك
سافا ول ،جيت ول ،معاهم ول
كل سؤال خلفو ول
نتاوع المعاضيد يقولو
يا طفل هات المقرف
وهات القزالي ورواح تاكل ترا(القزالي تاجرة او صحن كبير نتاع طين ياكلو فيه العيش والمقطعة والشخشوخة...)
نتاوع بوسعادة يقولو
الحليب المدردر(بالكسرة على الحاء ،والمدردر معناه الرايب)
نتاوع ونوغة حكمتلهم كلمة من الجامعة
ياتل (معناتها يا طفل)
وكلمات مشتركة كيما
القرفية،الكانون ،المايدة،
وكلمات غريبة من أغرب ما سمعت في البلديات كامل مثل
طريق البايلك(الطريق العام)
والقبراج(سطل صغير يحمل به الماء)
الجاريك(سطل يصنع من قارورات الزيت الكبير)
الكانطيلة(صندوق كبير حديدي)
القيز والزيدوم (نباتات صغيرة مثل البصل والثوم لكنها حلوة المذاق تنبت في الحمادة)
كنت اكل منها بشراهة
الفقاع والترفاس والجوبر(انواع من الفطر تنبت في الحمادة)
طماع الرعيان(طائر ماكر نتا توصل ليه وهو يطير)
المعgال(يحطو فيه الحجرة ويلاوحو كيما نتاوع فلسطين الله يعينهم)
......
كبرت في دوار ووسط مزرعة وجنانات على ذيك اللي جبتلكم كلمات من الدوار

يعطيك الصحة تفكرت ايامات زمان
بارك الله فيك
تقبل مروري مع فائق الاحترام والتقدير
حلم كبير
​

 

[،كارينا،]

هههه يا خيي مالك انا من الجلفة بصح هديك هدرة الجلفة لي قلتها ماتسعاش فيها قاع كلمة من تاع الجلفة اساسا والله مفهمت فيها والو غير حكيم وصلاح نظن ..
وخويا @hakim story علاش المسعدي ماتفهملوا والوو نورمال اني انا من مسعد منظنش عندك صعوبة وباش تفهمني بلاك تلقيت في كاش ماواحد ولازوج مازالو في الهدرة النايلية تاع بكري بكري اما ضرك تفهمهم عادي ...
ام ختي @"viola" نقولك عندك الحق حتى انا مافهمتش واش قال تقولي جابها من العصر الحجري ههه
واللغة لي تعجبني انا والله مانكذب عليك اساسا مانفرقش بيناتهم ونهدر بلي نفهمها وخلاص ....
وراك نسيت جهة ورقلة وتقرت يهدروا حشاني وراسك ماتفهم والووو تقعد تبوووه
وصحيت عالمووضوع الزين

 

[miss victoria]

السلااااام عليكم ههههههه
راكي جايبتهم كاامل ههههه و سيرتو نتاع البلييدة رحتلها فلعطلة نتاع الشتاء و هاد الكلمة حنونيغير هي تدوووور ههههههه
شكرااااااااا

 

[Salah eddin]

السلام عليكم و رحمه الله تعالى وبركاته
خويا ربي يحفظك على الموضوع الجميل واللي يوريلنا كم هي بلادنا واااااسعة بثقافاتها بعاداتها بتقاليدها ولهجاتها.
أرواح للمسيلة تشوف
ولاد الحضنة وولاد بوسعادة
ولاد مقرة وبرهوم وولاد سيدي عيسى وحمام الضلعة
وولاد المعاضيد
ووووووو
ولا واحد فيهم يهدر كيما لاخر
نتاوع اولاد دراج يقولك
سافا ول ،جيت ول ،معاهم ول
كل سؤال خلفو ول
نتاوع المعاضيد يقولو
يا طفل هات المقرف
وهات القزالي ورواح تاكل ترا(القزالي تاجرة او صحن كبير نتاع طين ياكلو فيه العيش والمقطعة والشخشوخة...)
نتاوع بوسعادة يقولو
الحليب المدردر(بالكسرة على الحاء ،والمدردر معناه الرايب)
نتاوع ونوغة حكمتلهم كلمة من الجامعة
ياتل (معناتها يا طفل)
وكلمات مشتركة كيما
القرفية،الكانون ،المايدة،
وكلمات غريبة من أغرب ما سمعت في البلديات كامل مثل
طريق البايلك(الطريق العام)
والقبراج(سطل صغير يحمل به الماء)
الجاريك(سطل يصنع من قارورات الزيت الكبير)
الكانطيلة(صندوق كبير حديدي)
القيز والزيدوم (نباتات صغيرة مثل البصل والثوم لكنها حلوة المذاق تنبت في الحمادة)
كنت اكل منها بشراهة
الفقاع والترفاس والجوبر(انواع من الفطر تنبت في الحمادة)
طماع الرعيان(طائر ماكر نتا توصل ليه وهو يطير)
المعgال(يحطو فيه الحجرة ويلاوحو كيما نتاوع فلسطين الله يعينهم)
......
كبرت في دوار ووسط مزرعة وجنانات على ذيك اللي جبتلكم كلمات من الدوار

يعطيك الصحة تفكرت ايامات زمان
بارك الله فيك
تقبل مروري مع فائق الاحترام والتقدير
حلم كبير
​

السلام عليكم
وش الحالة خويا ؟
هه
بصح راك جيبها وش نقلك
ههه
الهدرة تاع ناس المسيلة و تاع ناس الجلفة متقاربة جدا و اصلا كل وين متمركزين ولاد نايل تلقى نفس الهدرة و اللهجة تاع * ول ..و أيه و أي و كشفتي و عيبي و ...هههه*
المهم
الله يجازيك و يحفظك و راك محافظ على اللهجة الله يبارك
كمّل كيما راك
هههه​

 

[حلم كبير]

السلام عليكم
وش الحالة خويا ؟
هه
بصح راك جيبها وش نقلك
ههه
الهدرة تاع ناس المسيلة و تاع ناس الجلفة متقاربة جدا و اصلا كل وين متمركزين ولاد نايل تلقى نفس الهدرة و اللهجة تاع * ول ..و أيه و أي و كشفتي و عيبي و ...هههه*
المهم
الله يجازيك و يحفظك و راك محافظ على اللهجة الله يبارك
كمّل كيما راك
هههه​

السلام عليكم و رحمه الله تعالى وبركاته
اهلا خويا صلاح هاذي غيبة
لهجتي ما نسيتها وما راح ننساها
كي نروح يقولولنا تكذبو ما كنتوش في فرنسا كنتو في كاش دوار وتكذبو علينا
يعطيك الصحة يا النايلي الحر
سلام مني لناس الجلفة
احترامي وتقديري
حلم كبير

 

[Salah eddin]

السلام عليكم و رحمه الله تعالى وبركاته
اهلا خويا صلاح هاذي غيبة
لهجتي ما نسيتها وما راح ننساها
كي نروح يقولولنا تكذبو ما كنتوش في فرنسا كنتو في كاش دوار وتكذبو علينا
يعطيك الصحة يا النايلي الحر
سلام مني لناس الجلفة
احترامي وتقديري
حلم كبير

هذاك هو خويا
و عليك سلام من عند ولاد نايل و ناس الجلفة و المسيلة و مسعد و بوسعادة والمجبارة و سلمانة و المعلبة و القاهرة و تعظميت و قطارة و ام العظام و سيدي بايزيد و دار الشيوخ و عين معبد و الشارف و المويلح و المليليحة .. و الفيض و عمورة و كل انحاء مناطق ولاد نايل و زيد ...وزيد ..الخ
ههه
بارك الله فيك

​

 

[ضآحكة مستبشرة]

@hakim story
@habchisalaheddin
@"viola"
@،كارينا،

خاوتي لعزاز لهجتكم هي افضل لهجة مع تاع الشرق خاصة سوق اهراس
نحب هدرتكم بزاااااف
اتمسكو بلهجتكم و متغيروهاش و لا تعوجوها كي تخرجوا من ولا من لانو انتم متميزين بيها

 

[،كارينا،]

@hakim story
@habchisalaheddin
@"viola"
@،كارينا،

خاوتي لعزاز لهجتكم هي افضل لهجة مع تاع الشرق خاصة سوق اهراس
نحب هدرتكم بزاااااف
اتمسكو بلهجتكم و متغيروهاش و لا تعوجوها كي تخرجوا من ولا من لانو انتم متميزين بيها

اهلا وسهلا خيتي الغالية طبعا واكيد وانتوما تاني هايلين هايلين وناس ملاح وكلشي فيكم يعجب ..وحنا نحبوكم ونحبو كي تحبو لهجتنا تحبي نعلمك لهجتنا كل يوم كلمة ههه نتمسخر برك اصلا شفتك في صريح /صريحة الله يبارك عليك تهدري كيفنا قلت نحسبك وحدة من بنات عمي ههههه
واهلا وسهلا بك في الجلفة وقت ماتحبي تشرفينا ..وان شاء الله رايحين نحافظو فقط احيانا نبعدو شوية هاك وهاك وباش يفهموونا لكن تبقى لغتنا ونفتخروا بيها
مشكووورة خيتي لغالية دمتي متميزة ومتالقة ودائما مبدعة
مووووفقة وبارك الله فيك

 

["viola"]

@hakim story
@habchisalaheddin
@"viola"
@،كارينا،

خاوتي لعزاز لهجتكم هي افضل لهجة مع تاع الشرق خاصة سوق اهراس
نحب هدرتكم بزاااااف
اتمسكو بلهجتكم و متغيروهاش و لا تعوجوها كي تخرجوا من ولا من لانو انتم متميزين بيها

مام انا نشتي هدرتنا خخخ والو يختي منبدلش هدرتي مدامها مفهومة معندي علاه نبدلها و كي نقول كلمة مش مفهومة اني نطرجم نورمال ههه
صحيتي اسوم ^^​

 

[السلطانة]

السلام عليكم
شوف الشرير هادا ولهجتنا وين راحت زعما زميلي في العمل وتنساني
اصلا القسنطينية تجيني ساهلة ومفهومة معرف اذا كي عادتي لهجتي ههههه يعني راني نتكلم معاكم هنا في اللمة مانظنش كاين كلمة صعبة
فقط انا ساعات نستبدل كلمة "يخي" بـ "ياك" باه تكون مفهومة وكلمات خلاف نبدلهم باه تكون هدرتي مفهومة بصح الباقي نورمال
امممم خليني نتفكر كاش كلام صعب في لهجتي:
كاينة كلمة "مشحر": معناها معسل، نقولو نشحرو المقرود يعني نعسلوه​

كاين ايضا كلمة "تخنات": يعني تدلال يعني تدلل شخص معين​

عندنا كلمة "تتربج": تتربج بشخص يعني تدلعو بإسم معين​

أيضا سلحفاة مانقولولهاش فكرون نقولو "بوفكران" ههههه
وكاين بزاف كلمات كن نتفكرهم نقولهم واشوا حنا القسنطينيين معروفين حرف التاء تاعنا مسموع يعني نتكلمو بيه بزاف
المهم كاشما نتفكر كلمات راني نجي
بصح نظن لهجتنا مفهومة من عند كامل الناس ومعرف يعني الناس لي تحكم علينا
شكرا على الموضوع راك ظهرت تعرف تتكلم اللهجات كامل هههه
تحياتي​

هههه هاذو الكلمات حنا تاني نgولوهم
تعجبني ناكلو التسليتلي تاعكم هههه
ماما عندها صحبتها قسنطينية كي تجي عندنا تجيب معاها بنتها نقولها قوليلي ناكل تسليتلي
(تليتلي )
تعجبني هاد الكلمة