"حنا بكري" _ " بكري كانوا ".. دايرة حالة

[الصحافية الساخرة]

هااااي

واش حوالكم ليكيب ؟ يااو واش من هااي وليكيب هذي , ناس بكري كانوا يصبحوا عليك بالخير و الربح

وتاع دوك يا لطيف منكم هاي و باي و تشاو لاعبينها تاع حضارة


وقولولي وقتاش تخلاص حكاية البكري هذي ؟

يا عجبا تلقى واحد مزاله يلعب بالتراب برى كي تهدر معاه يقولك : اييه بكري كانوا .. وتبدا لاكاسيت تتوسع

؟؟ دوك واش تفهم , تدوخ صح , صغير يقول هكا فريمون تولي ترعش بالدانس هههه زعما يكونوا والديهم رباوهم

بيها

؟ ولا تالموا ولات هدرة شايعة حفظوها وتفننوا فيها ؟

كاينين منهم في زوج

الأولى تصرى فكل دار يا وذني كرهت تسمع

نفس الكلمة في وذنيك تدق دق


تقعد الطفلة مع يماها تبدا تقولها الوالدة : الجيل تاعكم هذا لا السلام عليه , حنا بكري كنا النحلة متهززناش

نحشموا منلبسوش العرى و نخرجوا مع أمنا و لا عمتنا ( قريب أمنت

لوكان ما شفتش تصاوركم

لابسين

الميني احااي وتسلم وتبوس حتى "دوك أخ راجلها" وتخرج قدامه نورمال بلا خيمار و تضحك وتزيد تقعد بجنبو وتضرب معاه

خمسة ههههههخخههه ) , اييييه يا بنتي خدمنا حماتنا و تاع بكري مزيريين

تخدم مكانش (هاهاها شدك رادار تسما بكري شواقر واعرين ) اييه حنا صبرنا و حرثنا وكنا كل صبع بصنعة ( ها

وينهم الصبعين هذوما وكلتونا عدس فوقه ماء مغلي هههه وكل يوم نجرعوا بالخبز ههههه , قالك صبروا هخخهه واليوم

خلاص صبرهم تقول للشيخ تاعها : من نهار جبتني لعندك مشفتش منك حتى خير لا كسوة كي النساء لا والوا رقدتني على

الارض )


وما صبغناش ارواحنا كما انتوما كنا نحطوا غير الكحل برك ( عليها وجوهكم مايبانوش فالتصاور ر يبانو غير عينيكم

) ومقبحناش حماتنا ولا لوساتنا كما تاع دوك ( اسكت برك بكري علاجال مقلة مشوية مصيتوا الدم

و مقبحش بكري ما يدعيش دوك بالشر فيهم ههخخههه) , كنا نخافوا ربي (وما كانوش يصلوا

) ها ورانا ربينا 10 تاع لولاد و

كبرناهم ووالو ما بينا ( وحصلتوا فيهم

دوك ههههه )

ونروحوا للطفل كي يريّح مع باباه واش يقوله : رووح تخدم على روحك نهار كامل و أنت قاعد ما قريت ما صلحت , بكري حنا

رفدنا السلاح

وخرجنا فرنسا فرنسا من بلادنا ( هوما كانوا مازال صغار شبعوا البنان كان بالصنادق فالدار

هههه ) , تحسب انتوما دوك شعر طالع كما الاورو و السروال هابط كما الدينار وجوه البخص حنا السروال

مزير بالسبتة و مكانش اللي تلقاه فوقتنا قاعد كامل نخدموا والجيب ما يبقاش فارغ ( السبتة مكانتش تقعد فالسروال ديما

تتزيّر على اللحم تاعنا

و الجيب دوك فارغ الشهرية تاع مليون زعما صح كانوا يخدموا ؟ ) وحنا بكري نرفدوا والدينا (ذرع

عليكم تحبوا رزقهم يا جدك الاورو راه فاللعب

ونزوروا عماتنا و نحبوهم ( اسسس خلي برك دوك حتى العراس و متعرضوهمش هههههه )

اممم تحسب كما انتوما تظلوا تبعوا فالبنات حنا بكري يماتنا خطبولنا ما شفنا ما حوسنا ( اه يكذب و يما حكاتلي بلي كنتوا

تتلاقاو فالحوش وكي يفوت باباها تتخبى تحت البقرة قالتلي عندك ماديت صكة من البقرة

وخلي مور الزرب

منحكيش هههخخخهه ويعني ما تبعتوش النساء بكري مي دوك الشيوخ راهم دايرين حالة فالساحة الرومانسية ههههه)


متخلاصش الحكاية هذي غير هنا برك ولات شايع المصطلح هذا , فالتلفزيون الصحافي يسقسي الناس حاجة و المصطلح

الشايع يدخل فالهدرة , فالأنثرنيت تان غير ليباج تاع ناس بكري , تكتب "ناس" تخرجلك بكري

فالسياسة وما خطاتش فالثقافة فالغنا فالفكاهة كلشي تاع بكري , السلاح بكري , الغنا بكري , التمثيل بكري , الخدمة بكري


, السكنة بكري , البنان بكري , الحشمة بكري , الفهامة بكري , رمضان بكري , الزلابية بكري , الخبزززززز بكري (علاه تاع

دوك حجر ؟ )

فالبلدية , فالقراية يا عجبا الاستاذ و يطرطقلك راسك بيها

فالدخلة تاع دار العجزة تان


كلشي تاع بكري الصحة بكري , لاطاي بكري , الزين و العينين بكري , السنان بكري , "العقل وبكري "

وحنا حنا شكوون هههه شكون حنا ؟ حنا بكري

بعد 60 سنة


@Skor m@k مسكين شيخ بالعصا عين وحدة تشوف و شعره سلاطة فالنص فارغة هههههه يقول لإبنو : " اييه


حنا بكري كلينا البنان ب 60 الف للكيلو _هههههه علاه تكذب تعفن وواحد ماكلاه ههه


@أم ياسمينdz الله يعينها مسكينة التجااعيد مخرجوش عليها ههه راها تحوس على وصفة لوجه اكثر شبابا


وبنتها الله يبارك بحذاها و تحكيلها على بكري تاعهم خخخ : حنا يا بنتي بكري كنا كل صبع بقرطة هه عفوا بصنعة

والمنتدى شاهد علينا ( ههه تكذبي رهجتونا نسيتي المطلوع تاعك كيفاه خرجتلي هههه)


@hakim story هههه اييه راه محافظ على لاطاي دوك ومزالوا يدير لجال تاع خويا أمين هههه

حكمه صحافي فالطريق قاله واش رايك فالشباب تاع دوك ايه الشيخ حكيم قاله ديراكت : "حنا بكري كنا نخدمو

ونجيبوا غير 100 الف فالشهر ونقنعو دوك تلقاهم 7 ملاين متقنعهمش (هههههههههههههه عجبتني احكيم شحال

تخرط اودي انت 100 الف تروح ريحة خاطي الجال و الفليسكي و اللبسة ههخخخخه)


@Soumia hadj mohammed يااا شحاال كبرتي بزااف ههههخخه مي عينيك صغارو بزاااف ههه اييه وتكتب

االشعر نجيبلكم بيت من قصيدتها على "حنا بكري"

حنا بكري لا كحل لا ماكياج

درنا لاطاي و غطيناها بالحجاب

هههخخخخخ (اخرطي على روحك )


@السحاب العابر ايييه راك شيخ الله يبارك واقيلا لقيت مرى تقبلك بلا ما شينا لافي

خخخخخ اسمعوا واش راه يقول للتلاميذ تاعه شبعهم ضرب هه و يقولهم حنا بكري ما كناش مشحاحين

ونمدواا للناس اللي معندهاش ( ههههه تكذب ماشينا لافي ما شريتهاش تالمو مشحاح وينك @الورد الأحمر

وريلهم الرسائل و المشاركات تاعه نكشفه هههههه)


@لؤلؤة قسنطينة ما هذه البشاعة الهرمة راها تدور كاش ما تصيد عروسة لوليدها ما تشرطش بزاف

هههه اسمعوا واش راها تخرط على عروستها مسكينة ضعيفة شوية ههه واللؤلؤة الهارمة تقولها : حنا بكري كنا صحاح

وين تحطنا فخاجيل اووه عفوا قادرين شقانا ( ههههخ اتمسخري مالقيتيش اللي يكشفك نسيتي موضوعك تاع "بنات


اليوم فخاجيل " )


@ليليا مرام ههههه مزالكي صغيرة الله يبارك غير سنيك طاحو ههههخخهه اييه عندها طفلة منارفية كيفها ههههه


زعما تضرب فيها و تقولها : " حنا بكري كنا عاقلين و منتقلقوش وانتيا خارجتلي شيطانة "


(هههههههه اكذبي حنا والاخص انتي كنتي غوولة تفترسي العباد خخخخخ )


@الامين محمد هههههه المجرم العجوز مسكين خرَف غير يضارب عهههههخخخ قالكم : قهوة خالتي دويخة الصح مكانش

قهوة بابيشة ههه هههههههههه



بالوراثة التقليدية ينتقل كلشي هههههههههه


لكم خط "حنا بكري و كانوا بكري ..










​

 

[لؤلؤة قسنطينة]

السلام عليكم
هههههههه موضوع هايل يعطيك الصحة يا المهبولة
يستاهل الختم، درك راني بالتيليفون من بعد لا كتب ربي
نولي ونحطلك الختم ونردلك ان شاء الله
شكرا على الموضوع غاليتي ​

 

[السلطانة]

وعليكم السلام ورحمة الله وبركاته
عندنا شحال مشفناش موضوع فور كيما هك
يعطيك الصحة

هههه حنا بكري كنا نقراو على الشمع ونباتو نسهرو
ماشي كيما انتم درك
ايدسيون نبع الحنان هههه

حنا بكري كان صباط واحد يحكملنا عام كامل
وكراس واحد وسروال واحد بابا ربي يحفظو
ولي قاتلهم اسكتو عجوزتي الله يحفظها
حنا بكري كنا نربيو المعزات ونحلبوهم ونسردو القمح والشعير ونرحيو في الرحاية هههه
وانتم تحسبو روحكم درك راكم تعجنو ههههه اه اه

مالا بنتي عندها ماتقولي
بعد واش راح نقولها ؟
حنا بكري كنا عايشين بالنت والسمارت فون لي شرالي باباك ههههه وكان كلش واجد
نكمل خدمة الدار ونفوت ندير سالفيات هههه والى اللمة

يادرا في وقتهم كيفاه تكون الحياة ؟ ههههه
صحيتي اختي

 

[ام تسنيم واحلام]

السلام عليكم ورحمة الله وبركاته
موضوع هايل برك الله فيك
حتى أنا نتقلق من هذ الهدرة حنا بكري وحنا بكري
لكن خرجت بخلاصة بكري كانت الحشمة ومكاش الدين بزاف وضرك الحمد لله كاين الدين والحشمة اهاا علابلكم
يادرى كيفه رح يكون بكري تعنا ههههههه

 

[الأزرق الملكي]

السلام عليكم

موضوع جميل كون يديرو في المنتدى أوبسيون يطلع الموضوع كما الجنريك تاع الفيلم خاطر غلبت من الهبيط وأنا نقرا .

المهم سلسلة حنا بكري ماتخلصش خاطر كل جيل يشكر في وقتوا قبل بكري تاع بكري كانو يقولو حنا بكري كنا حاكمين البحر

المتوسط و البابور لي يفوت يمدلنا الضريبة و لي قبلهم كانو يقولو حنا بكري رحنا الحج بالحمار وقبلهم كانوا يقولو حنا بكري

كنا نعيشوا في الغابة حتى حنا درك نقولو كنا بكري نلعبوا الغميضة و عشنا وقت الارهاب و بعد خمسين سنة نحكوا لأحفادنا كنا

نقراو بالميكروا وهما يولوا يقراو بحاجة خلاف .

حكاية كنا بكري أصبح مثل يضرب به في المحافل التي لا تنتهي لأن الناس التي سبقت عانت أكثر من الناس التي بعدها و كل جيل

له ايجابيات و سلبيات على حساب المعيشة صح بكري وقت اجدادنا كانت الحشمة و النية و الرجولة و القعدات الزينة وكل شيء

بسيط بصح كانوا جاهلين لأنها فترة استعمار كانوا يوشمو و المساجد فارغة و الشراب و القمار و المرأة محقورة بزاف أما درك

حوايج تعدلوا ناس ولات تصلي و نقص الجهل تحضرنا شوي لكن فقدنا الحشمة و حوايج بزاف .

المهم كل وقت و معيشتوا حنا تاني تجي دالتنا ونفخوا على الأجيال القادمة

 

[ليليا مرام]

سلامووووووووو
مي احنا بكري ما كناش كيما انتي نعايرو هاكا كنا نحشمو شوي ههههه
انا بنتي ما نقولها لا كنت عاقلة لا والو تغلط نخبطها بكف يجي باباها يقولي الطفلة وين راهي نقولو شوف تشوف فالمعلقة فالحيط درتها كادر والو تغلط تخلص الا التربية حبتي نخرجها معايا تبهدلني وتولو تعايرو فيا لالا نعواج انا ونجيب ولادي مربيين
المهم يا لالة هطي نتاع بكري انا يمى صرعتني بها ونتتوما نتوما ونروح نجبدلها الارشيف ونقولها وشكون هذي الي لابسة الميني وشكون هذي لابسة سروال باديليفو وشكون هذا داير كوب كاري فالتصويرة وانتي بلا خمار قدامو ههههه ونبدا نعاير تقولي كانت النية نقولها بركاي واش من نية المرا هي مرا من ربي خلق الارض ضرك دخلتيلي النية نتوما كنتو تعشقو درتو كوارث واحنا جيلنا يعشق وخرجها طاي طاي ديركت نتوما ما خليتو تحت البالكو ما خليتو الحايك بوعوينة ورايحة للطبيب وتحرقسو العينين قرعة كحل الراجل يمشي يدخل فالبوطو يا حوجي قليل ما درتو ههها
واللي يقولو من هذا الجيل حنا بكري واش من بكري وقت الخناين وصنادل نتاع النيلو هذاك بكري عندو غير 15 سنة هههه
انا ما طاحو سنيا ما نقول بكري انا ماوزالت صغيرة شوفي احسبي معايا
عندي 36 الطفلة لما تتسمى بالغة وراشدة عندها 18 شعال تبقى 18 معاناها انا عندي 18 يا لالة من وعيت للدنيا ونعرف صلاحي وعلاه تحسبولي سنوات ما كنتش نعرف واش ندير فيهم هذا غش ههههه مازلت انوشة حنونة جامي تهبطولي المورال وسمية الحاج عاجل ادخلي قوليلهم شفتيني واش رايك ادخلي احرقيلي فاطيمة هذي قلقتني واااااااااااااااع انا بكري من كنت على ديداني والا نقولك ما نحكيش خير هعههههه
بكري راح يكري الدنيا تبدلت والحمد لله نطمعو فالخير مازال الدنيا مليحة
مشكوووووووورة

 

[لؤلؤة قسنطينة]

السلااام عليكم
عودة من جديد
هادا أول موضوع نرد عليه بعد مدة من التقشف في الردود هههه
الله غالب والله الانسان ساعات تتغلق في وجهو من كل جهة يولي الماكلة يرفضها خلي يا المشاركات، لولا ختي وحبيبتي ليليا مرام لي شفتها تضحك وتشارك
بقلب بشوش وهي لي في قلبها ما يعلم بيه غير ربي، كي شفتها هكاك حشمت بروحي قلت الانسان يشارك ويضحك ويبدل ساعة بساعة
في النهاية الهم ماش رايح يروح بالدموع ولا بالاكتئاب، المهم هيا نبدلو شوي الموضوع ونوليو لموضوعك الشباب
صار انا لؤلؤة هارمة -__- قولي يا واحد التستوسة (على اقوال ختنا الباتنية ونص) انا بالعكس كنتي خطرة خلاف نديرها اميرة هههه نديرو انقلاب انا وياها على ولدي
امممم صراحة نوافق واش قالو الخاوة قبلي، صح كل جيل يشوف وقتو بلي مليح واحسن من لي جاي وهو كل جيل وايجابياتو وسلبياتو
بالاك صح جيل بعد جيل أهم الامور تنقص، مثلا احترام الصغير للكبير يولي كلشي علنا ماكانش حشمة حتى ولو بكري كاين اخطاء
بصح كانت كاينة حشمة كانو الاولاد الصغار يباتو فليل يجريو بين الجبابن ههههه واحد مايقيسهم حتى الجنون مسالمين
بصح دركا يخرج ولدك زوج ثواني هووب تلقايه طار يوليلك اشلاء، مانقولكش الامهات ماش متهليين ولا خاطر حتى وقت بكري
كان عندها 12 طفل تبعتهم برا بصح كاين الامان برا واحد ماياذيهم والجيران كانو لبعض وخلي وخلي بزاف امور
انا صراحة مانقدرش ننكر انو كل جيل عندو ايجابيات بصح نأكد انو وقت بكري هو الافضل وكلما تقدم الزمن يبقى الزمن لي قبلو أفضل
خاطر عام بعد العام راهي تطير النية راهي تطير الحشمة تطير المحبة بين الجيران وبين الاهل، درك راهم ماش جيران اخوة يكرهو من بعض
ومايشوفوش بعضاهم غير من موسم لموسم وبزاف حوايج تبدلو، عجبتني ختي ليليا قاتلك شكون مول الكوب كاري هههههه
الانسان يقول الحمد لله على الوقت لي تخلقنا فيه خاطر مادام ربي حطنا هنا راهي لحكمة منو سبحانو مانقولوش علاه وكيفاه
خاطر كاين لي يقولك كن غير جيت عايش في وقت الرسول عليه الصلاة والسلام، بصح واش يضمنلك بلي كن عشت في الوقت هاداك
رايح تكون في صفوف المؤمنين بالاك كنت رايح تكون من صفوف الكفار والعياذ بالله خاطر ماتنساش الدين اليوم راهو جاك على طبق من ذهب
ماش كيما في عهد الرسول عليه الصلاة والسلام، يعني العبرة من كل هذا الحمد لله على الوقت لي عشنا فيه حتى ولو فيه سلبيات مادام
رانا عايشين فيه رايحين نتقبلو سلبياتو كيما تقبل كل جيل سلبيات الوقت لي عايش فيه صح لما يلحق الجيل لي بعدنا رايحين نحنو لوقتنا
لكن نضطرو انو نعيشو فيه ونتبعو القواعد تاعو ونوليو حتى حنا نقولو في وقتنا كنا نعيدو على بعضنا بالآس أم آس وبالفايس بوك
زعما كلي نتفاخرو ومانفرطوش في صلة الرحم ماشي كيما هوما ههههه، ربي يهدينا ان شاء الله ويثبتنا
شكرا صحافيتنا على الموضوع ربي يهنيك ختي
تحياتي
​

 

[حلم كبير]

السلام عليكم و رحمه الله تعالى وبركاته

اختي الفاضلة الصحافية المحظوظة موضوع رااااااائع يستحق ختم التميز وبامتياز .

بل نحن المحظوظين بك ومواضيعك الرائعه دائما
البكري هاذي دارت حالة بصح تعجبني انا شخصيا ما نعرف لاه نحس عندها هيبة مع انو كاين حوايج ما كانش منها .
كي يقول واحد ناس بكري كانو نحس بلي رايح يحكيلي على الزمن الجميل والناس النقية هذا انطباعي .
زودوها الرجال والنسا اللي يضالو حنا وحنا بكري وكثرو فيها حتى كرهت الشبيبة .
ما عندي ما نزيد فوق ما قلتي وفيتي وكفيتي يعطيك الصحة والعافيه
بارك الله فيك
تقبلي مروري مع فائق الاحترام والتقدير
حلم كبير​

 

[Malika Tlm]

السلام عليكم
واش راكي حبوبتي
تعرفي بلاك نختلف معاك في نقاط
صح بزاف حوايج كانوا بكري والله خير ن دروك
الحشمة كانت المراة بالحايك والعجار والرجال يقادروها ويحتارموها
صح ولاد بكري كانوا يحتارموا والديهم المعلمين الجيران ودروك راهم يسمعوهم كلام لي قداش
زيدي بكري عراسهم كانت فيهم الحشمة والعروسة تقعد مستورة حتي يشوفها راجلها عكس عرايسات الزمان هذا وزاااااف امور
المهم الله يعطيك الصحة والراحة
موضوع شبااااب بزاف
تحياتي
من جداتك مليكة هههههههههه

 

[أم منيــــــر]

على حساب ما فهمت من هدرتك ناس بكري كانو يخرطو علينا ول كفاش!؟
انا شفت كامل واش قاتلي امي ربي يخليها صح كانت الحشمة و الرجلة و الشهامة و الاحترام وبزاف صوالح فقدناهم اليوم
يا بنتي لوكان ما ناس بكري ما رانا احنا و ما راكم انتوما و ما خلاونا ما نقولو و انا نحترمهم و نقدرهم
هاد الهدرة ولات بالسلبي علينا لاخاطر تالمو شباب اليوم هدرها حتى ارجعنا كي نحبو ننصحو بناتنا وولادنا يبداو يتمسخرو علينا
من نهار استهزينا بواش قالو بكري ما بقا والو
كل جيل ووقتو و ناس بكري صح جاهدو من اجل لقمة العيش و صبرو و كافحو باش نجحو في قرايتهم
ايه صح زمان كاين لي قرا على الشمعة و راه اليوم كادر في الخارج و الجيل نتع اليوم لي كاين منهم ما يعرفش حتى يكتب اسمو يتمسخر عليهم​

 

[أم أُنٌَيسة]

السلام عليكم ورحمة الله تعالى وبركاته
ضحكني موضوعك وطريقة سردو مع اني مانتوافقكش معاك
ناس بكري كيما قالت خالتي ام منير ،نتمنى نرجعو كيما بكري خاصة فلقراية تع بكري ، ياحسراه قراية صح موش لعب وتمسخير
التحية ،تحية الاسلام هي :السلام عليكم ورحمة الله تعالى وبركاته ،اما عن هاي تقدري تقولي عادية لكن باي فهي حرام روحو حوسو على معناها ،صح التقدم وتعلم اللغات وغيرو لكن كل حاجة في مكانها
واللي تقول كانو النساء يلبسو الميني ويتمعشقو ماتنسوش انهم كانو تحت الاستعمار الفرنسي ل 134 سنة وكانو يعتبرو دولة جاهلة تقريبا ،امي كانت تلبس الميني وغيرو لكن لما عرفت بالدين وكل شيء رجعت تلبس الحجاب والحمد لله
ناس بكري كان احترام بين الولد ووالدو ياحسراه عينو مايحطهاش في عين والده ،يقلو موت يموت
يحكيلي بابا وحكالي جدي ربي يرحمو روعة روعة
لكن لما يقولو انو حنا جيل فاسد فاكيد عندهم الحق ،هوما لما كانو يلبسو الميني ويمعشقو ماكانوش يعرفو انو حرام
لكن حنا يعرفو معلابالهم بكل شيء ويتعاماو على روحهم
نتمنى من كل قلبي نرجعو كيما كنا
ضوك الوحدة لما تدير راي والديها في اللبس مثلا تجيك وحدة من هيه تقللك وبابا واش دخلو نلبس واش نحب
والدين يقللك ممنوع اي وحدة تدير اي حاجة بدون اذن ولي الامر لما تكون طفلة الاب ديالها لما تكون امراة زوجها
وامور بزاف لي توجعلي قلبي
نسال الله الهداية والثبات لنا ولكل المسلمين ان شاء الله يارب
أرجو تقبل مروري
تحياتي احترامي وتقديري
في امان الله وحفظه​

 

[ام تسنيم واحلام]

السلام عليكم ورحمة الله وبركاته ماشاء الله الموضوع اثر فينا بزاف به نرجعو إلى حياة بكري مستحيل صح كانت الحياة حلوة بنسبة لهم وحتى حنا كي يحكولنا نتشهو ومنتمناو كون كونا معهم لكن ميخفاش عليكم كان الجهل بزاف لذالك ميقدروش يربو ولدهم على الدين الحقيقي مثل بسيط يجي الأب و الام يقلك صلي كي تسقسيه علاه نصلو يقلك صلي وسكوت هذا اكيد معظمكم صرتلو
ومعظم الناس ليقلك بكري خير تلقه عكس ميحكي في وقتنا خلي البير بغطاه
مثل لي قلك حنا بكري في العيد نصدقو الخبز مطلوع او السفنج قبل صلاة العيد ونزورو بعضنا وضرك راحت هذي العادة ياحسراه على زمان
مدام مزلتي عايشة والحمد لله طبقي عله هذا الوقت يمنعك وخلونا نرفدو السيرة ونتعلو ونعيشو معكم الايام لي تقولو عليها كانت حلوة انتم تركتوها كيف حبتونا حنا نديروها
في الأخير الحمد لله حنا مسليمين مهما تروح عادة وتجي عادة قيمنا وعقيدتنا ان شاء الله ثابتة
ونحولو نتعلمو دينا صح به نربو ولدنا تربية سليمة
والسلام عليكم

 

[الامين محمد]

هههههههههههههههه ياااااااااا مجرمة اصبري علي
نريح و نرجع لميضوعك

 

[الورد الأحمر]

السلام عليكم

هههههه يعطيك الصحة موضوع روعة قريتو للحرف اللخر يدون ملل أو كلل :p.

هلكونا باحنا بكري ولي يرهجني أنا حكاية احنا بكري كانت فينا النية والقلب الصافي وهوما طل عليهم تلقاهم على بيدون زيت عاداو خاوتهم عشرين سنة وهنا هنا كي كبرنا احنا وين تصالحو وتلقى الجيل تاع درك لي صالحهم أما لي المنية ما ساعفتوش يلحق يتصالح راه تدفن وهو معادي خوه على حبة قرنون لقطها من الجنان تاعو ولاخر على شبر من لرض تاعو كي جا ولد عمو يزرب على القطعة تاعو قاسلو شبر منها عاداه وتفاهات في تفاهات ولي تقعد معاها تحكيلك على حماتها لي وافتها المنية من عشرين سنة تجبدها وهي في قبرها مسكينة وتقولك كانت وكانت وعملتلي وعملتلي مبعد زيهم ينساو الموشحات لي أطربونا بيها ويقلبوها مواعظ على الهواء وزريعتهم حفظناها .

سأترك لنفسي سمعة سيئة حتى لا أكون شخصا ينسى بسهولة وحتى يتكلم الجميع عني ويشتمني بعد مماتي وأكسب حسناتهم . أنا ناويتها هك صدقة جارية لعمري . باه تبقى عروستي تحكي عليا بالشر .

 

[الصحافية الساخرة]

على حساب ما فهمت من هدرتك ناس بكري كانو يخرطو علينا ول كفاش!؟
انا شفت كامل واش قاتلي امي ربي يخليها صح كانت الحشمة و الرجلة و الشهامة و الاحترام وبزاف صوالح فقدناهم اليوم
يا بنتي لوكان ما ناس بكري ما رانا احنا و ما راكم انتوما و ما خلاونا ما نقولو و انا نحترمهم و نقدرهم
هاد الهدرة ولات بالسلبي علينا لاخاطر تالمو شباب اليوم هدرها حتى ارجعنا كي نحبو ننصحو بناتنا وولادنا يبداو يتمسخرو علينا
من نهار استهزينا بواش قالو بكري ما بقا والو
كل جيل ووقتو و ناس بكري صح جاهدو من اجل لقمة العيش و صبرو و كافحو باش نجحو في قرايتهم
ايه صح زمان كاين لي قرا على الشمعة و راه اليوم كادر في الخارج و الجيل نتع اليوم لي كاين منهم ما يعرفش حتى يكتب اسمو يتمسخر عليهم​

السلام عليكم
اختي. واش بيك اضحكي شوية ههههه داخلتها حرب وتيريهههههه ، انا متهفنيش تاع بكري باسكو بكري تان كاين الخدع و الخبت و القتيلة ووووو ماشي قضية والدينا يكذبو بصح زادو فيها يعني الانبياء والصحابة ما شافوش اخلاقهم وووو ونروحو لبكري نقدسو فيهم لهذي الدرجة ، متقوليش كاينة الحشمة باسكو كانو قدام لوسانهم رجال يخرجو بلا خيمار فكيفاه تقولي كاين حشمة ؟ وخلي وخلي وحكاتليعمة أمي ربي يرحمها حوايج فريمون يبينو العكس ، انا منهدرش على بكري نهدر دوك ، ماشي هذوما العجايز اللي يقولو لبناتهم يشرطو على رجالتهم و زيد ماشي يماتنا كي يزعفو من وحدة تاع لافامي يحوسوا رجعوا ولادهم اعداءها ههههه اه بزاااف حوايج زادو فيها ، دوك حنا تاع دوك ماشي عباد ؟ ياك كاين اللي صالحين وكل زمان تلقى الطالح و الصالح يعني اكيدة ، ماشي نقللو من جيلنا تاع دوك ، كاين ناس ما شاء الله تخدم تدير الخير وتحشم ... احنا رجعنا كي اللي جيل فاسق وفاسد مفهمتش علاه ؟ ماشي كامل واونبليس شكون ربى الجيل هذا يا تاع بكري ، مالا ميقولوش عليهم شياطن ويا لطيف هذا واش جابوا هوما ماشي جاو من المريخ ، والحنة ما يدخلوهاش ناس بكري برك حتى الجيل هذا تان وبلاك عند ربي نلقاو بزاف من الجيل هذا يدخل للجنة
سلام ومرسي ه

 

[أم منيــــــر]

السلام عليكم
اختي. واش بيك اضحكي شوية ههههه داخلتها حرب وتيريهههههه ، انا متهفنيش تاع بكري باسكو بكري تان كاين الخدع و الخبت و القتيلة ووووو ماشي قضية والدينا يكذبو بصح زادو فيها يعني الانبياء والصحابة ما شافوش اخلاقهم وووو ونروحو لبكري نقدسو فيهم لهذي الدرجة ، متقوليش كاينة الحشمة باسكو كانو قدام لوسانهم رجال يخرجو بلا خيمار فكيفاه تقولي كاين حشمة ؟ وخلي وخلي وحكاتليعمة أمي ربي يرحمها حوايج فريمون يبينو العكس ، انا منهدرش على بكري نهدر دوك ، ماشي هذوما العجايز اللي يقولو لبناتهم يشرطو على رجالتهم و زيد ماشي يماتنا كي يزعفو من وحدة تاع لافامي يحوسوا رجعوا ولادهم اعداءها ههههه اه بزاااف حوايج زادو فيها ، دوك حنا تاع دوك ماشي عباد ؟ ياك كاين اللي صالحين وكل زمان تلقى الطالح و الصالح يعني اكيدة ، ماشي نقللو من جيلنا تاع دوك ، كاين ناس ما شاء الله تخدم تدير الخير وتحشم ... احنا رجعنا كي اللي جيل فاسق وفاسد مفهمتش علاه ؟ ماشي كامل واونبليس شكون ربى الجيل هذا يا تاع بكري ، مالا ميقولوش عليهم شياطن ويا لطيف هذا واش جابوا هوما ماشي جاو من المريخ ، والحنة ما يدخلوهاش ناس بكري برك حتى الجيل هذا تان وبلاك عند ربي نلقاو بزاف من الجيل هذا يدخل للجنة
سلام ومرسي ه

نضحك و علاش ما نضحكش راكي تشوفي فيها حرب !!!! اكثر كلامك ما فهمتوش
بصح هاد المقولة نتع احنا كنا و انتوما راكم راها تمشي بزااف في وسط هاد الجيل لي العالم الخارجي اثر عليه اكثر من التربية نتع الوالدين و تجي تهدر معاه يقولك خلاص درك تبداني
كي ما نسمعوش للناس لكبار لعقال لي عندهم تجارب في الحياة من عند من نتعلمو ؟؟من الفايسبوك و تويتر و انستغرام وووووووومن الشارع لي مخلط بالخماج و لفساد
انت راكي تقولي شكون رباهم ؟ الوادين صح بصح هاد الجيل عاد يسمع لصحابو اكثر ما يسمع لوالديه
انا ما قلتش كلو جيل فاسد فيهم المليح و لقبيح بصح القبيح اكثر من لمليح و رانا نشوفوبعينينا في الشارع و في كل بلاصة
نعطيك مثال برك زمان كان لما يوقف راجل كبير في الحومة كل واحد يحكم بلاصتو
و اليوم يتحرشو بالبنات عيناني و يطيحو الهدرة و يسبو الدين و الرجال كبار رايحين جايين ما احتارمهم ما قادروهم و كي يهدرو معاهم يقولولهم واش دخلك و يحبو يضربوهم هادي حالة ؟
و انا ما قلتش ناس بكري ملايكة بصح انا شفت يما و كامل المحيط نتاعي يحشمو من لوايسهم و كانو يديرو الخمار حتى من باباهم قدام رجالهم و نا شفت المحيط نتعي نتع حشمة و حرمة
الجيل هادا ولادنا و بناتنا و نتمنى لهم كل خير على هاديك ماراناش حابينهم يتاثروا بالمحيط الفاسد لي قاعد و يكريتيكي
الصح يبان في المعاملة و في النتائج الدراسية و في التصرفات مع الناس ماشي بالهدرة برك
الجنة ندخلوها باعمالنا الصالحة ما فيهاش فرق بين ناس بكري وناس اليوم العمل الصالح برك هو لي يفصل
و عليك سلام و لا مرسي على واجب​

 

[زاد الرحيل]

مقولة احنابكري صحيحة و راح ايجي النهار التكباروا و تقولوا احنا بكري و كوني على ثقة تامة في ذلك
بكري البساطة مع الفقر و الامية يقابلها التواضع و القناعة و الاخلاق
بكري الرجل
كي يتزوج يغادر داره اسبوع من الحشمة انتاع ضرك العكس اهله هما الراح يغادروا دارهم 15يوم كيعاد ميحشمش
عجبتني يا ليليا عبارة الطفلة تتخبي تحت البقرة هذا دليل على الحشمة انتاع اليوم تروح تشكي بوالديها و يقولوا له لكان تزيد تمسها السجن امالة اشكون مليح بكري و لا ضرك

 

[صانعة الإبتسامة]

ههههههههه ايه والله غير عندك الحق وأكثر حاجه نكرها ليقولك بكري نقراو عالشمعة ههههههه

 

[أم منيــــــر]

ههههههههه ايه والله غير عندك الحق وأكثر حاجه نكرها ليقولك بكري نقراو عالشمعة ههههههه

تكرهيها ول تحبيها هادي هي الحقيقة
قراو على الشمعة و راهم دي كادغ في اوروبا و امريكا
احنا واش درنا ؟ لكريتيك برك

 

[صانعة الإبتسامة]

تكرهيها ول تحبيها هادي هي الحقيقة
قراو على الشمعة و راهم دي كادغ في اوروبا و امريكا
احنا واش درنا ؟ لكريتيك برك

ههههههههههههههههه ولا غير عندك الحق هههههههه