مشآرگتي في مسآبقة - طفولتِي فيْ رمضٙـآن -

ضآحكة مستبشرة

:: عضو بارز ::
أحباب اللمة
إنضم
27 جويلية 2014
المشاركات
15,117
نقاط التفاعل
39,535
النقاط
13,026
محل الإقامة
العاصمة
الجنس
أنثى
السلام عليكم و رحمة الله تعالى و بركآته
وآش راكم يا لحباب مع الصيـــآم غالبكم ولا مغلوبيــــــــــن

اليوم حبيت نشارك في مسابقة رمضآن و الطفولة هآ باش تخلي البصمة ولآ عشنا الصغر غير في الباطل
هاكم تعرفوا رمضان تاع الصغر فيه بنة سبيسيال
امالا اليوم رح نحكيلكم على مقتطفآت من حيآتي الرمضانية الطفوليـة


بسم الله

المهم واش نحكي واش نخلي
رح نحكيلكم اول حكاية و هي في خطرة من الخطرات عمتي زعمآ عرضتني انا و ختي باش نفطروا ايا زعمآ و رحنا فرحانين وآش نقولك هههههه أحنا صغار و كبروا بينا و عرضونا ايه رحنا و وصلنا سلمنا على العايلة و كان هذاك النهار نشفا مزال الحال بعيد على الأذان عمتي قاتلنا روحو تلعبو و كي يوصل الفطور ارواحو و كانو قدام جداتي جيران عندهم بنآت قدنا نلعبو معاهم و كانوا عندهم النعاج يروحو يسرحوا بيهم انا و ختي كنا نروحو معاهم منين ذاك ايا قلنا نروحو معاهم و كيما كان الحال رحنا غير لوحد البلاص مقابل الدار كاين شجر اللوز و الكرم زعمآ و بدينا نلعبو و الشجر هذوك درناهم ديار و كنت ديت معايا صاشي باش نلم شوية كرموس نفطر بيه و نبدا نطلع و نتسلق في الشجرة كي الشادي و وين تكون الحبة نكون معاها ههههه هذي اليد تنح و لوخرا تدس في الصاشي لملمت حبيبات و يا فرحي و سعدي بروحي ههههه و زعما في داري قاعدة لي هي الشجرة حتى نصيب في روحي نمص الكرموس لي في الصاشي بعد ما ثقبتها هههههه نعمممم لقد مصيت الكرموس و أنا زعمآ صايمة و البروبلام مفقتتشششش حتى رحت للدار و قاتلي عمتي ورااه الكرموس كي شافتو صابتو رايح منو النص هههههه و شبعو عليا ضحك هههههه
و كملنا العشوة نتفرجوا في خاتم سليمان حتى وصل الفطور هههههه

___________

و رمضان في الصغر كنا كي نروحو لدار جدي نعيطوا لبنات الجيران و نتلمو و نروحوا لوحد البلاص مور الدار و نلعبو ( بيتة ) ههههه معلباليش واش تقولولها
و نبداو نحضرو في مختلف الاطباق بعد ما نلمو كامل القشور لي خلاوهم في الدار كي دارو الفطور هذي شربة زعما و هذا طاجين الزيتون و البوراك هههههههه
اصبروا نحكيلكم على البوراك باش كنا نديروه هههههه كنا نديروه بهذيك الورقة الرقيقة لي تجي في القشرة تاع البصلة و خدمنا الطماطم المصبرة بالزلابية هههههه
المهم رمضان تاع الصغر وحدو عندو بنة خآصة


و نشفى كي كنت نرجع من المسيد و نلقى ماما خباتلي قلب اللوز و الزلابية نستقهوا بيهم و الشربة الماسية نتغدا بيها هههههه
و نروحوا نشريو الفلاش و نغيرو لي يكونوا صايمين خخخخخخ

هههههه و اصبروا نزيدكم خطرة زعما كنت صايمة و كان بقا على الأذان غير شوي و ندخل رأسي في التاقة و نصيب زريعة تاع البتيخ خخخخخ مين جات ماما لقاتني المهم قولوا خرجت فيها هههههه

إن شاء الله نكون وفقت في الحكاية
و بالتوفيق ليا في المسابقة ^^ و بالتوفيق للجميع ان شاء الله -_^

 
السلام عليكم
والله مالقيت مانقول راح بالي بعيييييد دخلت في عالم خلاف صعيب بزاف باه تخرج منو
يا حسراه على يامات زمان ورمضان زمان وبراءة زمان
كن ترجع نسبة 0.00001 بالمائة برك من بنة الزمان وتتحط في هاد الوقت كن واحد ماراهو زعفان
يعني زمن مايتعوضش والله
شكرا اسومة موضوع هايل بارك الله فيك
تحياتي
 
السلام عليكم
والله مالقيت مانقول راح بالي بعيييييد دخلت في عالم خلاف صعيب بزاف باه تخرج منو
يا حسراه على يامات زمان ورمضان زمان وبراءة زمان
كن ترجع نسبة 0.00001 بالمائة برك من بنة الزمان وتتحط في هاد الوقت كن واحد ماراهو زعفان
يعني زمن مايتعوضش والله
شكرا اسومة موضوع هايل بارك الله فيك
تحياتي

و عليكم السلام
ايه يا حبيبتي واش تحبي رآهم يبقاو ذكريات نتفكروهم متين ذاك
و لوكان نطمعو يرجعوا غير شووي برك شوووي لكان نسمح في كلشي
و فيك بارك الرحمن غاليتي
نورتي
 
السلام عليكم ورحمة الله وبركاته
والله يا أختي نشفى على روحي كي قريت مشاركتك و شاركت فيها بصح دوك لاحظت بلي ما شاركتش مفهمتش وش لهاني
ماعليش
مالا أختي أسماء كانت تتسلق الأشجااار وتلم الثمر ههههه علابالك كانت هوايتنا فالحومة فالصغر روووعة
عجبتني تع كيما زعما كنتي صايمة وتلمي فالكرموس هاي ليك رحتي حتى لقيتي نص الشكارة خالصة ههههههههه :LOL:
والله صح فالصغر كنا نغلطوا بزاااف ناكلو بلاما علابالنا
وهاديك تع عشة ههههه راكم تديرو البوراك تاني الله يبارك:LOL: ايييه يا يامات الصغر وحدهم مكانش كيفهم صح
بارك الله فيك أختي أسماء موضوعك شباب وبالتوفيق في المسابقة:giggle:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top