السلام عليكم ورحمة الله وبركاته
اولا صحا رمضانكم
انا ليوم قررت نحكيلكم حكايتي مع الصيام كي كنت صغيره
علابالكم الصغار كي يشوفو العائله تهدر على رمضان والصيام
ويشوفو المايده الله الله يعجبهم هادا الشي ويتشوقو باه يصومو مع لكبار باه يعرفو واش معناتو رمضان هدا لي الناس ديما تفرحلو .
المهم انا كي كان عمري ست سنين ، في وحد النهار صبت العائله فرحانه ونسمع فيهم يقولو رمضان جا ونصومو غدوا
انا كنت صغيره ومفهمت فيها والو ، وقلت شكون هادا رمضان
جامي شفتو ، واش يقربلنا حتان العائله كامل راهي تهدر
ومنبعد قالي بابا شيرين عمك رمضان غدوا يجي
أنا قلت إيه غدوا نشوفو ، وغدوا انا ستنينو نهار كامل
بصح ماجاش ، وكي لحق المغرب وجدو المائده الزينه وقعدو ياكلو ، ومن بعد سقسيت ماما قلتلها وين راه عمي رمضان مجاش ليوم ، ضحكت عليا وكي عرفت العائله شبعو عليا ضحك ، بصح في النهايه بابا فهمني وشيهوا رمضان
..............
وكي كان عمري 10 سنين حاولت ماما وقلتلها عيشك خليني نصوم
قاتلي معليش غدوا نوضك تسحري ، انا فرحت بزاااف
ومنبعد نوضتني ماما ،سحرنا مسفوف ، وصليت الفجر ورقدت ، وغدوا صباح نضت فرحانه وقلت لازم نصوم ليوم
ومنبعد خرجت نلعب مع خاوتي وكي لحق الظهر عطشت
رحت قلت لماما راني عطشانه قاتلي روحي صلي ومنبعد ارقدي شوي بالاك تنساي لعطش ، رحت رقدت
ومنبعد كي نضت على الساعه الثلاثه نسيت مره بلي راني صايمه وكي رحت للكوزينة صبت طبسي عنب هزيت عنقود وبديت ناكل ، ومنبعد دخلت عليا ماما وقلتلها ماما علابالك هاذا لعنب هايل وبنين ، ناضت تضحك وقاتلي يخي راكي صائمه ، وانا من الخلعه رميت عنقون لعنب ونضت نعيط ايييي نسيت ، وبديت نبكي ، قاتلي ماما معليش يخي مدرتيهاش بالعاني ، والواحد كي ينسا يكمل صيامو نورمال
انا فرحت ، ههههه بصح من لعنب راح لعطش وراح لجوع
وكي لحق المغرب فطرت معاهم
وكان يوم مليح بالنسبه ليا
اولا صحا رمضانكم
انا ليوم قررت نحكيلكم حكايتي مع الصيام كي كنت صغيره
علابالكم الصغار كي يشوفو العائله تهدر على رمضان والصيام
ويشوفو المايده الله الله يعجبهم هادا الشي ويتشوقو باه يصومو مع لكبار باه يعرفو واش معناتو رمضان هدا لي الناس ديما تفرحلو .
المهم انا كي كان عمري ست سنين ، في وحد النهار صبت العائله فرحانه ونسمع فيهم يقولو رمضان جا ونصومو غدوا
انا كنت صغيره ومفهمت فيها والو ، وقلت شكون هادا رمضان
جامي شفتو ، واش يقربلنا حتان العائله كامل راهي تهدر
ومنبعد قالي بابا شيرين عمك رمضان غدوا يجي
أنا قلت إيه غدوا نشوفو ، وغدوا انا ستنينو نهار كامل
بصح ماجاش ، وكي لحق المغرب وجدو المائده الزينه وقعدو ياكلو ، ومن بعد سقسيت ماما قلتلها وين راه عمي رمضان مجاش ليوم ، ضحكت عليا وكي عرفت العائله شبعو عليا ضحك ، بصح في النهايه بابا فهمني وشيهوا رمضان
..............
وكي كان عمري 10 سنين حاولت ماما وقلتلها عيشك خليني نصوم
قاتلي معليش غدوا نوضك تسحري ، انا فرحت بزاااف
ومنبعد نوضتني ماما ،سحرنا مسفوف ، وصليت الفجر ورقدت ، وغدوا صباح نضت فرحانه وقلت لازم نصوم ليوم
ومنبعد خرجت نلعب مع خاوتي وكي لحق الظهر عطشت
رحت قلت لماما راني عطشانه قاتلي روحي صلي ومنبعد ارقدي شوي بالاك تنساي لعطش ، رحت رقدت
ومنبعد كي نضت على الساعه الثلاثه نسيت مره بلي راني صايمه وكي رحت للكوزينة صبت طبسي عنب هزيت عنقود وبديت ناكل ، ومنبعد دخلت عليا ماما وقلتلها ماما علابالك هاذا لعنب هايل وبنين ، ناضت تضحك وقاتلي يخي راكي صائمه ، وانا من الخلعه رميت عنقون لعنب ونضت نعيط ايييي نسيت ، وبديت نبكي ، قاتلي ماما معليش يخي مدرتيهاش بالعاني ، والواحد كي ينسا يكمل صيامو نورمال
انا فرحت ، ههههه بصح من لعنب راح لعطش وراح لجوع
وكي لحق المغرب فطرت معاهم
وكان يوم مليح بالنسبه ليا
سما بقيتي تحوسي غير على هدا رمضان شكون إنسان ولا وش ههههه
