كونك عاقل يابنادم ( ربما سلسلة )

الحالة
مغلق ولا يسمح بالمزيد من الردود.

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,542
الحلول
4
نقاط التفاعل
13,917
النقاط
2,156
الجنس
ذكر
كونك عاقل

مس الخير عليكم الجميع اللي واقف واللي قاعد اللي فاطن واللي راقد بلا ما ننسى اللي راهي في الكوزينة تكافح وتجاهد ربي يعوضلك بالخير والاجر والثواب والصحة والعافية
ان شاء الله تتفك عليا الطلاسم ونقدر نشارك ونساهم





في قديم الزمان ق ڨول من العصر الحجري وين كانت الحجرة بقيمتها والنار باطل كان التراس فينا عالعام ثناعش شهر على عمر تسعمية سنة حافي الرجلين عاري الكتفين الشعر واللحية ماكلاتو من كل جيهة لا سترة لا كهف لائق بيه ساكن في الفيافي والقفار والادغال يضرب الآپيي من الشرق للغرب من الجنوب للشمال يضل تالعا مهاجرا مسكين بعيالو وبني عمو وعرشو صون پاپي صون أفونير مستحمل كل التحديات والأخطار الديناصورات على كل انواع في الارض والسما من عشرة سنتيم ل 100 ميترة علا وعرض المذنبات تبونباردي كل دقيقة الصقيع والبراكين المتفجرة الفياضانات والجفاف البرد والحمان عارف ومتيقن بلي قوة التحمل والمواجهة والصراع مع بيئته هو ظمانته للعيش الحميد والرفاهية والبقاء على قيد الحياة عاش وخلف آثار أواني وأدوات وأسلحة ورسومات على الجدران ساحرة ومدهشة على مراحل الازمان

السبتي بن الجموعي من نهار زوجو باباه وجابلو طفيلة بنت فاميلة زوينة ومولات دار وبنالو دار بڨراجها وشرالو طراكتور خدم بيه نهار واحد راه الضروك أونپان من ذاك الوقت وهو حاكم الدار متكسل عالكنابي حتى السرير وجعوه رجليه من كثرة رقاد السبتي عليه لا خدمة ولا مشغلة و الليل والنهار دواليك

يخي حالة،،، متنوي وزعفان داخل خارج عالكوزينة في هذا رمضان موش عاجبوا طياب المخلوقة قعدلها في الدار كالماص في السيشوار ولا العجينة في الشعر ولا المهم كيما تحبو


قال على قيلة: من نهار تزوجت بيك ماشفت منك عفسة حنينة ولا ماكلة بنينة كيما لنشوفهم في SAMIRA
تعرفيش التحاضير و المقادير والملح منسي ديما هو و الديسير السبتي عايش في غبينا
الجاج حاب نشوفو محشي بالكاكاو والجوز الهندي حمريلي ديما وجهي واتهلاي في كرشي
لساني شبع مرار نوعيلي في التحلية كثريلي من الجينواز خليني من الغريبية
يدزيني من الخضار قادريني في الشخصية أنا ماشيني حمار قلشيني بالمهالبية

وقعد السبتي بن الجموعي طاش عقلو وخرفلو رمضان وحاشاه رمضان شهر التوبة والغفران

الطفيلة ضاق بيها الحال وطاحو دمعات عينيها حرق قلبها الكلام ماعرفت تشكي لعجوزتها ولا تحير بال والديها
علابالي يا البنات نتوما ثاني طيحتو دميعة وغاضتكم الطفيلة و الحق الحق محقوش هذا عبد ولا كويزينيار

النهار التالي عيطت ليهم كامل ودارتلهم عرضة زوينة خلاتهم يتعجبوا و يتشهاو في طياب وصنعة يديها
الطوابل والمواكل من كل صنف وجيهة
حتى السبتي اتعجب و حار في مولات الدار وكيفاش حتى تبدل الحال بين ليلة ونهار

واش قاتلو المسكينة؟ حتى ميطوالش عليكم النهار ناس لمتنا الزينة


قالت وقولتها صحيحة : ﺇﻟﻲ ﻋﻴﻨﻮ ﻓﻲ ﺍﻟﺤﻮﺕ ﻳﻄﻮّﻝ ﻓﻲ ﺍﻟﺼﻨﺎﺭﺓ
ﻻ ﺗﻠﺒﺲ ﺣﺎﺟﺔ ﻣﻮﺵ ﻗﺪﻙ... ﻭ ﻻ ﺣﺎﺟﺔ ﻓﺎﺭﻏﺔ ﺗﻨﺪﺏ ﺣﻈّﻚ ﻭﻣﺎ ﻳﻮﻛﻠﻚ ﻓﻲ ﺍﻟﻌﻴﺶ ﻛﺎﻥ ﺍﺻﺒﺎﻋﻚ ﻭﻣﺎ ﻳﻄﻠﻌﻚ ﻣﻦ ﺍﻟﻀﻴﻢ ﻛﺎﻥ ﺫﺭﺍﻋﻚ

الا حابني نوكلك ماكلة السلاطين والملوك كونك تراس مدكوك و قوم صلَح الطراكتور شمر على ذراعتيك وابدى تخدم
اللي كليتها البارح ولقيت بنتها مليحة صيغتي شريت بيها المصروف بعتها وفرطت فيها

ويوم تجيبلي الشحم واللحم وعراجين التين و التمر وتلقى فوق المايدة الحشيش والنجم ساعتها اهدر وعاير واتكلم .

وصح عندها الحق وانتوما كيفاش راكم تشوفو فيها حكيمة ولا قبيحة ؟
 
آخر تعديل:
بكري الانسان الحجري كان عايش في اصعب الظروف وكان يحارب، باه يبقى وجرب كلش وعاش كلش.
هكا ناس تحارب في الحياة تحارب الظروف باه تعيش.
السبتي الفنيان لي راقد ويحوس مرتو تحطلو الخير والخمير مثال، لبزاف رجال .
هاذ الحاذڨة باعت صياغتها ودارت عرضة بالطبع والشان وبهدلاتو هو بالطبع والشان ههههه يعني يعطيها الصحة جابت حقها 😂😂😂

المفيد شمر على ذرعيك ومتكونش كيف السبتي


صحا فطورك عم فريد
 
وأنا نقولها كونك عاقلة، تخاف يوالف اليوم باعت ذهبها وغدوة تبيع حوايجها، توكله حقهم وتبقا تتفرج، هي حقا فضحاتو بصح ضيعت راس مالها الي هو ذهبها، خاطر الي ما يسوقش ما يخلفش الذهب.
الظاهرة موجودة وكاين بزاف كما السي السبتي، الي عندو الصحة والحرفة وفنيان، وما يخدم ما يسوق بصح يبغي الطابلة منوعة، وكاين بعض النساء الي شجعوهم على التفنيين كي تبقا هي تعجن الخبز وتبيع وتدبر عليه وتضل شاقيا، نورمال يوالف وبزاف نساء يخدمو على الرجال وهوما فاتحين الديار، الزمان نقلب ولاو النساء قوامات على الرجال😂😂😂
 
يعطيك الصحة الحاج فريد
ياتل السباتا راهم ياسرين خصوصا اللي تاكلين
على لاتريت تاع امهاتهم
راقد و يتقلش
كاين واحد من اسابي نفس حالت السبتي
راقد طول النهار ساكن في قراج و عطيها الزوخ و الدخان
و الله ق المخلوقة اللي معاه تعاني تاع الصح عايشة بفضل خاوتها و امها

اما زوجة السبتي
وصح عندها الحق وانتوما كيفاش راكم تشوفو فيها حكيمة ولا قبيحة ؟

والله بنت اصل و ناس و انا اوافقها على واش قالت
 
بكري الانسان الحجري كان عايش في اصعب الظروف وكان يحارب، باه يبقى وجرب كلش وعاش كلش.
هكا ناس تحارب في الحياة تحارب الظروف باه تعيش.
السبتي الفنيان لي راقد ويحوس مرتو تحطلو الخير والخمير مثال، لبزاف رجال .
هاذ الحاذڨة باعت صياغتها ودارت عرضة بالطبع والشان وبهدلاتو هو بالطبع والشان ههههه يعني يعطيها الصحة جابت حقها 😂😂😂

المفيد شمر على ذرعيك ومتكونش كيف السبتي


صحا فطورك عم فريد
واقع معاش لكثير من الزيجات تحول الى سلوك اجتماعي شائع وشكّل شبه قاعدة راسخة يوافق عليه الكثيرون للاسف او يتغاضون عنه فالرجل متواكل الى درجة عدم تحمل اي مسؤولية والاستمتاع بالانتقاد والاستفزاز واحباط الطرف الاخر كأسلوب خسيس يشعره دائما انه منزه عن الاخطاء والمسببات وتبقى كثير من النساء يدفعن ثمن ذلك.
وكيما يقولو ناس بكري اللي عينو في الشباح مايقول اااح
يعطيك الصحة اختنا السلطانة رمضان متقبل ان شاء الله. وصحا فطوركم وكل العائلة.
 
كونك عاقل

مس الخير عليكم الجميع اللي واقف واللي قاعد اللي فاطن واللي راقد بلا ما ننسى اللي راهي في الكوزينة تكافح وتجاهد ربي يعوضلك بالخير والاجر والثواب والصحة والعافية
ان شاء الله تتفك عليا الطلاسم ونقدر نشارك ونساهم





في قديم الزمان ق ڨول من العصر الحجري وين كانت الحجرة بقيمتها والنار باطل كان التراس فينا عالعام ثناعش شهر على عمر تسعمية سنة حافي الرجلين عاري الكتفين الشعر واللحية ماكلاتو من كل جيهة لا سترة لا كهف لائق بيه ساكن في الفيافي والقفار والادغال يضرب الآپيي من الشرق للغرب من الجنوب للشمال يضل تالعا مهاجرا مسكين بعيالو وبني عمو وعرشو صون پاپي صون أفونير مستحمل كل التحديات والأخطار الديناصورات على كل انواع في الارض والسما من عشرة سنتيم ل 100 ميترة علا وعرض المذنبات تبونباردي كل دقيقة الصقيع والبراكين المتفجرة الفياضانات والجفاف البرد والحمان عارف ومتيقن بلي قوة التحمل والمواجهة والصراع مع بيئته هو ظمانته للعيش الحميد والرفاهية والبقاء على قيد الحياة عاش وخلف آثار أواني وأدوات وأسلحة ورسومات على الجدران ساحرة ومدهشة على مراحل الازمان

السبتي بن الجموعي من نهار زوجو باباه وجابلو طفيلة بنت فاميلة زوينة ومولات دار وبنالو دار بڨراجها وشرالو طراكتور خدم بيه نهار واحد راه الضروك أونپان من ذاك الوقت وهو حاكم الدار متكسل عالكنابي حتى السرير وجعوه رجليه من كثرة رقاد السبتي عليه لا خدمة ولا مشغلة و الليل والنهار دواليك

يخي حالة،،، متنوي وزعفان داخل خارج عالكوزينة في هذا رمضان موش عاجبوا طياب المخلوقة قعدلها في الدار كالماص في السيشوار ولا العجينة في الشعر ولا المهم كيما تحبو


قال على قيلة: من نهار تزوجت بيك ماشفت منك عفسة حنينة ولا ماكلة بنينة كيما لنشوفهم في SAMIRA
تعرفيش التحاضير و المقادير والملح منسي ديما هو و الديسير السبتي عايش في غبينا
الجاج حاب نشوفو محشي بالكاكاو والجوز الهندي حمريلي ديما وجهي واتهلاي في كرشي
لساني شبع مرار نوعيلي في التحلية كثريلي من الجينواز خليني من الغريبية
يدزيني من الخضار قادريني في الشخصية أنا ماشيني حمار قلشيني بالمهالبية

وقعد السبتي بن الجموعي طاش عقلو وخرفلو رمضان وحاشاه رمضان شهر التوبة والغفران

الطفيلة ضاق بيها الحال وطاحو دمعات عينيها حرق قلبها الكلام ماعرفت تشكي لعجوزتها ولا تحير بال والديها
علابالي يا البنات نتوما ثاني طيحتو دميعة وغاضتكم الطفيلة و الحق الحق محقوش هذا عبد ولا كويزينيار

النهار التالي عيطت ليهم كامل ودارتلهم عرضة زوينة خلاتهم يتعجبوا و يتشهاو في طياب وصنعة يديها
الطوابل والمواكل من كل صنف وجيهة
حتى السبتي اتعجب و حار في مولات الدار وكيفاش حتى تبدل الحال بين ليلة ونهار

واش قاتلو المسكينة؟ حتى ميطوالش عليكم النهار ناس لمتنا الزينة


قالت وقولتها صحيحة : ﺇﻟﻲ ﻋﻴﻨﻮ ﻓﻲ ﺍﻟﺤﻮﺕ ﻳﻄﻮّﻝ ﻓﻲ ﺍﻟﺼﻨﺎﺭﺓ
ﻻ ﺗﻠﺒﺲ ﺣﺎﺟﺔ ﻣﻮﺵ ﻗﺪﻙ... ﻭ ﻻ ﺣﺎﺟﺔ ﻓﺎﺭﻏﺔ ﺗﻨﺪﺏ ﺣﻈّﻚ ﻭﻣﺎ ﻳﻮﻛﻠﻚ ﻓﻲ ﺍﻟﻌﻴﺶ ﻛﺎﻥ ﺍﺻﺒﺎﻋﻚ ﻭﻣﺎ ﻳﻄﻠﻌﻚ ﻣﻦ ﺍﻟﻀﻴﻢ ﻛﺎﻥ ﺫﺭﺍﻋﻚ

الا حابني نوكلك ماكلة السلاطين والملوك كونك تراس مدكوك و قوم صلَح الطراكتور شمر على ذراعتيك وابدى تخدم
اللي كليتها البارح ولقيت بنتها مليحة صيغتي شريت بيها المصروف بعتها وفرطت فيها

ويوم تجيبلي الشحم واللحم وعراجين التين و التمر وتلقى فوق المايدة الحشيش والنجم ساعتها اهدر وعاير واتكلم .

وصح عندها الحق وانتوما كيفاش راكم تشوفو فيها حكيمة ولا قبيحة ؟
السبتي ضحية مخو مادام التراكتور كاين !
وهي ضحية السبتي .
لذالك حكمت المحكمة بتوبيخ السبتي وانو ينوض لجد خدمة الارض مادام صحيح وعندو الادوات لذالك .

'ولكن هل تنطبق قصة السبتي على جميع افراد المجتمع او بعضهم!!؟ __في رأيي تنطبق على البعض وحتى هذا البعض غير معفي على كل حال... ببساطة لأنه يقدر يخدم مع السبتي مول التراكتور ولو بأجرة أقل وفي النهاية الارض تخدم والجميع ياكل " !

على كل حال... قصة وعبرة .. يعطيك الصحة خونا فريد
 
وأنا نقولها كونك عاقلة، تخاف يوالف اليوم باعت ذهبها وغدوة تبيع حوايجها، توكله حقهم وتبقا تتفرج، هي حقا فضحاتو بصح ضيعت راس مالها الي هو ذهبها، خاطر الي ما يسوقش ما يخلفش الذهب.
الظاهرة موجودة وكاين بزاف كما السي السبتي، الي عندو الصحة والحرفة وفنيان، وما يخدم ما يسوق بصح يبغي الطابلة منوعة، وكاين بعض النساء الي شجعوهم على التفنيين كي تبقا هي تعجن الخبز وتبيع وتدبر عليه وتضل شاقيا، نورمال يوالف وبزاف نساء يخدمو على الرجال وهوما فاتحين الديار، الزمان نقلب ولاو النساء قوامات على الرجال😂😂😂
اهلا اختنا ذكريات يومك مبارك
كاينة نساء اخذن القرار بالاستمرار ومجابهة تحديات الحياة ربما شبه وحيدات رغم وجود سبتي عندها لكن لاحياة لمن تنادي فيا إما تعيش وسط عقيما مضني ومنهد واما تستمر نحو الامام لا تلتفت للوراء ولا تلتفت لما سقط من قافلتها.
لا يجب سلوك هذا الطريق من البداية والاستسلام لهذا المصير بسهولة لكن مسارات الحياة متعددة وأخف الاضرار أن نختار بدل ان نحتار تتحكم عدة أمور في قرارات المرأة ليس من السهل الحكم عليها فكل حالة لها عقبات مختلفة لكن لا يجب اسقاط قاعدة القوامة والفطرة السليمة كما يحصل في الغرب
الاسلام كرم المرأة
مجتمعنا لا يساهم في حل المشاكل بقدر ما يساهم في تأزيمها وهذا عيب وجب ترقيعه وفق الشريعة الاسلامية لا شريعة الغاب.
بارك الله فيك وربي يتقبل منكم رمضان.
 
يعطيك الصحة الحاج فريد
ياتل السباتا راهم ياسرين خصوصا اللي تاكلين
على لاتريت تاع امهاتهم
راقد و يتقلش
كاين واحد من اسابي نفس حالت السبتي
راقد طول النهار ساكن في قراج و عطيها الزوخ و الدخان
و الله ق المخلوقة اللي معاه تعاني تاع الصح عايشة بفضل خاوتها و امها

اما زوجة السبتي
وصح عندها الحق وانتوما كيفاش راكم تشوفو فيها حكيمة ولا قبيحة ؟

والله بنت اصل و ناس و انا اوافقها على واش قالت
اهلا شيخنا الامين

حاجة ما تدوم يجي نهار يفتح عينوا على واقع لم يحسب له حساب
الراجل لا يبني حياته على حياة غيره ولا خيره على خير نفسه
اللي ينجح وينجوا من السقطات والطيحات هو من بنى واقعه بنفسه وبذراعه وعرف أن دوام كل حال محال.

يعطيك الصحة وربي يتقبل منا ومنكم
 
السبتي ضحية مخو مادام التراكتور كاين !
وهي ضحية السبتي .
لذالك حكمت المحكمة بتوبيخ السبتي وانو ينوض لجد خدمة الارض مادام صحيح وعندو الادوات لذالك .

'ولكن هل تنطبق قصة السبتي على جميع افراد المجتمع او بعضهم!!؟ __في رأيي تنطبق على البعض وحتى هذا البعض غير معفي على كل حال... ببساطة لأنه يقدر يخدم مع السبتي مول التراكتور ولو بأجرة أقل وفي النهاية الارض تخدم والجميع ياكل " !

على كل حال... قصة وعبرة .. يعطيك الصحة خونا فريد
بالفعل اخي آدم الناس ضحايا ما يفكرون حتما
نشوفو بزاف ناس عندها مهن وحرف ولكن بمجرد انو المرأة تاخذ بزمام الامور حتى يتقاعد مسبقا متحججا بحجج يصطنعها في مخه ويختم عليها بتواكله وكسله وهذه مصيبة اذا كان العبد صحيح ويستطيع العمل لكنه يركن للكسل والخمول بدل ان ينمي حياته وينوع مداخيله اذا ماكانت المراة في الاصل عاملة
اما اذا اجبرها على دخول معترك العمل الشاق وهو متكسل لاشغل لا مشغله فهذا يحق فيه حكم المطلق
يعطيك الصحة ادم أثرت نقطة التفكير السلبي والمخ الحابس وهي كارثة وطامة في مجتمعنا.
تقبل الله منا ومنكم.
 
فعلا اخي الكريم من خلال موضوعك ارجعتنا الى زمان قديم ذلك الزمان الهائل
الذي كان يمتز بسعة القلوب عكس اليوم التي ضاقت فيه قلوبنا لا شيء الا لاسباب تافهة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top