- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم أهل اللمة الكرام
وأسعد الله أوقاتكم وأيامكم
رمضان مبارك وربي يتقبل منا الصيام والقيام وصالح الأعمال ان شاء الله
نتمنى تكونو كامل بخير وبصحة وعافية
-أصحاب البكالوريا شدو الهمة غدوة يبدا الامتحان وربي يسهلكم كل ماهو صعب ان شاء الله-
أما البقية كل واحد ربي يحققلو ان شاء الله كل واش متمني سواء شفاء من مرض أو نجاح أو بحث عن عمل أو زواج
ربي يحققلكم أمانيكم ان شاء الله
المهم بالعودة للموضوع ولي من عنوانو نظن واضح، اليوم رايحة نبرد قلبي خاطر كل عام نشوفو نفس الظاهرة ونديرو توعية للناس وهكاك النافع ربي تقول علينا عايشين مع ناس من العصر الحجري مايفهموش الهدرة
موضوعي اليوم يا الخاوة هو على طعام ربي لي ناس مشتاقتو وناس ترميه في المزابل حاشاكم
لأنو هاد العام وخلال 15 يوم من رمضان دارو احصائيات لقاو أكثر من 200 مليار نظن (ولا اكثر خلاص بالاك حتى تلحق لـ 600 ماشفيتش) من المواد الغذائية تاكلها المزابل حاشاكم، علاه يعني المنكر هادا؟ ماتغيضكش تشوف الكمية تاع الخبز وتاع الطعام مرمية في المزبلة؟
يا عباد ربي علاه ديرو كونتيطي كبيرة ؟ جيش الصين جاي يفطر عندكم؟ تلقاهم في العايلة هوما في زوج برك في الدار ويديرو ماكلة قدر 10 أشخاص ومن بعد ياكلو شوي والباقي ارمي، يعني عارف روحك تاكل شوي علاه الخساير مالا؟ حرام علينا هاد الشي والله حرام، الناس راهي مشتاقة لقمة تعمر بيها كرشها وحنا لقينا الخير بزاف ولينا ناكلو ونرميو، دير كمية قدك واذا جات الكمية اكبر سخنها غدوة وكملها، لكن حنا في مجتمعنا كل نهار طياب جديد الماكة تاع البارح ماياكلهاش غدوة وكأنو زايد في القطن، إذا كان أفضل خلق الله الرسول عليه الصلاة والسلام ياكل أبسط حاجة وعمرو لا تكبر وحنا لي ناس عاديين نتكبرو؟ وعلاواه؟ على طعام ربي لي كن يقطعو علينا نوليو خبز يابس نشتاقوه
الناس في المجتمع تاعنا ماحبتش تفهم بلي رمضان شهر الصيام وشهر العبادة وشهر المغفرة ماش شهر الماكلة .. يعني عام كامل تفطر وتتغدا وتتعشا مابردتش قلبك في الماكلة؟ جاي لرمضان فيه وجبة وحدة برك حابة تدير فيها قد 10 وجبات؟
هادي 5 و6 أطباق على الطابلة وحتى ولو 6 أطباق دير كمية قليلة باه كل واحد ياكل قدرو والباقي أقل حاجة تقدر ديرها كونجيله يا سيدي وماتاكلوش غدوة المهم ماترميهش او حرام علينا والله نرميو كميات تاع خبز ونرميو ماكلة كبيرة،
أنا الحمد لله في عايلتي ماعندناش هاد العقلية إذا درنا جاري (شربة) يتاكل على يومين ويتسخن نورمال ونكملوه للآخر حاجة مانرميوها خاطر عشنا قبل سنوات ايام عصيبة وين كان رمضان في الشتاء والبرد والجوع وحنا نفطرو على بطاطا مقلية تتسخن على يومين وباطة ساردينة باردة وسط الشتاء، يعني نعرفو قيمة اللقمة مليح وماش معناها درك كي اكرمنا ربي وولينا ناكلو كل الخيرات معناها نبذرو ونرميو، خاطر ام كاينين عايلات صايمين الليل مع النهار لقمة ماطيحلهم وحنا ربي اكرمنا ناكلو كل الخيرات من لحم وفواكه وخضر ونزيدو نرميوها فوق هاد الشي يعني ربي يكرم فينا من هنا وحنا من جهة خلاف نرميو ونبذرو والله عيب
يعني صراحة نوجه كلام لهاد الناس ونقولهم بلي رمضان راهو شهر عبادة ومغفرة ماش شهر تاع "شكون هو الشاف" كي تفطر على كاس حليب وشوي شربة وسلاطة ولا على شربة وشوي بوراك اي ماخلاتش الدنيا والله تكفيك وماتجوعش على يومين حتى ولو ماتسحرتش وعن تجربة هادي، شوي جاري وشوي بوراك وكاس ماء في السحور والله لا نجوع، واذا سخفت معليش اشري قدرك برك علاه تشري بــ 10 خبزات ونتوما في زوج في عايلة؟ راهو رمضان يا جماعة ماش تسونامي رايح يضرب لبلاد يعني عندك الحق أنك تخرج غدوة تزيد تشري ماش رايحين يديرولك حضر تجول ههههه
بركاونا من اللهفة الزايدة خاطر ربي راهو يطيح البركة في رمضان حتى ولو في قطرة ماء تشربها تكفيك وترويلك عطش تاع يومين، مالا بلعقل برك على طعام ربي الله يستركم والله يجي يوم نتحاسبو عليه ولا يقطعهولنا ربي خاطر نتكبرو عليه وخاصة خاصة في شهر الرحمة .. يعني الشهر لي نترباو فيه نزيدو حنا نهيجو يا لطيف
المهم نتمنى تكون رسالتي وصلت خاطر تغيضني بزاف نشوف كمية ضخمة من المواد الغذائية تاكلها المزابل حاشاكم
المهم واش رايكم في هاد الظاهرة وكل شخص يحكيلنا على نفسو وعلى عايلتو وعلاقتها بهاد الظاهرة ماش عيب المهم نوعيو بعضانا
وصح فطوركم /سحوركم
سلام
وأسعد الله أوقاتكم وأيامكم
رمضان مبارك وربي يتقبل منا الصيام والقيام وصالح الأعمال ان شاء الله
نتمنى تكونو كامل بخير وبصحة وعافية
-أصحاب البكالوريا شدو الهمة غدوة يبدا الامتحان وربي يسهلكم كل ماهو صعب ان شاء الله-
أما البقية كل واحد ربي يحققلو ان شاء الله كل واش متمني سواء شفاء من مرض أو نجاح أو بحث عن عمل أو زواج
ربي يحققلكم أمانيكم ان شاء الله
المهم بالعودة للموضوع ولي من عنوانو نظن واضح، اليوم رايحة نبرد قلبي خاطر كل عام نشوفو نفس الظاهرة ونديرو توعية للناس وهكاك النافع ربي تقول علينا عايشين مع ناس من العصر الحجري مايفهموش الهدرة
موضوعي اليوم يا الخاوة هو على طعام ربي لي ناس مشتاقتو وناس ترميه في المزابل حاشاكم
لأنو هاد العام وخلال 15 يوم من رمضان دارو احصائيات لقاو أكثر من 200 مليار نظن (ولا اكثر خلاص بالاك حتى تلحق لـ 600 ماشفيتش) من المواد الغذائية تاكلها المزابل حاشاكم، علاه يعني المنكر هادا؟ ماتغيضكش تشوف الكمية تاع الخبز وتاع الطعام مرمية في المزبلة؟
يا عباد ربي علاه ديرو كونتيطي كبيرة ؟ جيش الصين جاي يفطر عندكم؟ تلقاهم في العايلة هوما في زوج برك في الدار ويديرو ماكلة قدر 10 أشخاص ومن بعد ياكلو شوي والباقي ارمي، يعني عارف روحك تاكل شوي علاه الخساير مالا؟ حرام علينا هاد الشي والله حرام، الناس راهي مشتاقة لقمة تعمر بيها كرشها وحنا لقينا الخير بزاف ولينا ناكلو ونرميو، دير كمية قدك واذا جات الكمية اكبر سخنها غدوة وكملها، لكن حنا في مجتمعنا كل نهار طياب جديد الماكة تاع البارح ماياكلهاش غدوة وكأنو زايد في القطن، إذا كان أفضل خلق الله الرسول عليه الصلاة والسلام ياكل أبسط حاجة وعمرو لا تكبر وحنا لي ناس عاديين نتكبرو؟ وعلاواه؟ على طعام ربي لي كن يقطعو علينا نوليو خبز يابس نشتاقوه
الناس في المجتمع تاعنا ماحبتش تفهم بلي رمضان شهر الصيام وشهر العبادة وشهر المغفرة ماش شهر الماكلة .. يعني عام كامل تفطر وتتغدا وتتعشا مابردتش قلبك في الماكلة؟ جاي لرمضان فيه وجبة وحدة برك حابة تدير فيها قد 10 وجبات؟
هادي 5 و6 أطباق على الطابلة وحتى ولو 6 أطباق دير كمية قليلة باه كل واحد ياكل قدرو والباقي أقل حاجة تقدر ديرها كونجيله يا سيدي وماتاكلوش غدوة المهم ماترميهش او حرام علينا والله نرميو كميات تاع خبز ونرميو ماكلة كبيرة،
أنا الحمد لله في عايلتي ماعندناش هاد العقلية إذا درنا جاري (شربة) يتاكل على يومين ويتسخن نورمال ونكملوه للآخر حاجة مانرميوها خاطر عشنا قبل سنوات ايام عصيبة وين كان رمضان في الشتاء والبرد والجوع وحنا نفطرو على بطاطا مقلية تتسخن على يومين وباطة ساردينة باردة وسط الشتاء، يعني نعرفو قيمة اللقمة مليح وماش معناها درك كي اكرمنا ربي وولينا ناكلو كل الخيرات معناها نبذرو ونرميو، خاطر ام كاينين عايلات صايمين الليل مع النهار لقمة ماطيحلهم وحنا ربي اكرمنا ناكلو كل الخيرات من لحم وفواكه وخضر ونزيدو نرميوها فوق هاد الشي يعني ربي يكرم فينا من هنا وحنا من جهة خلاف نرميو ونبذرو والله عيب
يعني صراحة نوجه كلام لهاد الناس ونقولهم بلي رمضان راهو شهر عبادة ومغفرة ماش شهر تاع "شكون هو الشاف" كي تفطر على كاس حليب وشوي شربة وسلاطة ولا على شربة وشوي بوراك اي ماخلاتش الدنيا والله تكفيك وماتجوعش على يومين حتى ولو ماتسحرتش وعن تجربة هادي، شوي جاري وشوي بوراك وكاس ماء في السحور والله لا نجوع، واذا سخفت معليش اشري قدرك برك علاه تشري بــ 10 خبزات ونتوما في زوج في عايلة؟ راهو رمضان يا جماعة ماش تسونامي رايح يضرب لبلاد يعني عندك الحق أنك تخرج غدوة تزيد تشري ماش رايحين يديرولك حضر تجول ههههه
بركاونا من اللهفة الزايدة خاطر ربي راهو يطيح البركة في رمضان حتى ولو في قطرة ماء تشربها تكفيك وترويلك عطش تاع يومين، مالا بلعقل برك على طعام ربي الله يستركم والله يجي يوم نتحاسبو عليه ولا يقطعهولنا ربي خاطر نتكبرو عليه وخاصة خاصة في شهر الرحمة .. يعني الشهر لي نترباو فيه نزيدو حنا نهيجو يا لطيف
المهم نتمنى تكون رسالتي وصلت خاطر تغيضني بزاف نشوف كمية ضخمة من المواد الغذائية تاكلها المزابل حاشاكم
المهم واش رايكم في هاد الظاهرة وكل شخص يحكيلنا على نفسو وعلى عايلتو وعلاقتها بهاد الظاهرة ماش عيب المهم نوعيو بعضانا
وصح فطوركم /سحوركم
سلام
آخر تعديل:
