الحلم الموعود -- مسابقة مهبول ومهبولة 2 -- رمزية

Skor m@k

:: عضو شرفي::
إنضم
12 جويلية 2010
المشاركات
5,465
النقاط
2,901


اسمحولي راني روطار طولت عليكم بالموضوع هذا
الوقت الوقت ليزافير ليزافير ان لم تقطعه قطعك هههههه
ايا نبدالكم بقصة الحلم


بعما دخلوني للحبس على جال المليار جا لاقراس من عند فخامته وسرحوني
الحرية الحرية الحرية هههه
وراكم تعرفو لحكاية كي خرجت واش صرالي مع خدوج والضربة الاسطورية
بعد ما كان الحلم تاعي المانيا والهجرة بدون عودة
كي ما صدقتليش قلت نبدل الحلم تاعي
الوجهة الى آسيا الشرقية الى الصين الشعبية
آمليار شنوي يعشق فيك أنت --- في مولودية ماشي فالصين ههههههههه


وهذي الفكرة اللعينة تاع عزو صاحبي
أأأأأسكر نننننروحو نننننحححححططططو فففففيزا للللللصصصصين


وانا تعرفوني مانوليش للوراء قالتلو كوراج ايميلي غدوا ندفعوها
بصح قلتلو اللغة مانفهمولهمش ياجدك وشكون راح يعلمنا
أأأأأأسسكر سسسااااهلا ممممماهلا


قلتلو خلاص نشرو كتاب تعلم اللغة الصينية في أسبوع
ههههههههه انا يومين كنت نطير فيها ههههههه حتى لي ألفو لكتاب كذابين خخخخخخخ
ضرك نهدرلكم شويا بالشنوية ---- ماتخافوش نترجملكم بالعربية هاهاهاه

ني هاااو -- أهلا
شي شو يي -- صباح الخير
جامبو بالمايوناز --- صح فطورك
جاوجينو هيي --- لقد جعت
تارتينو كو -- أين المطعم
شيشي ني ي --- شكرا لك
تبتشي --- آسف
جي وي شو --- هل يوجد عمل
ولي الكلمة لي عجبتني هي
شان وون جان سيي --- سنتزوج هاهاهاهاه

لافونير يامحاينك
على بركة الله انطلقنا جبنا الفيزا ولحق اليوم الموعود
ضربت فيها حطة قمة وخارج من الدار ونقابل البالكون تاع خدوج ونلقاها تبكي
ونحكم يدي ونطلع شعري كي تاع مهند وندور راسي
حتى نسمع يماها تعيط جيبولي الماء وقرعة ريحة ههههههههههه
طلعت راسي سكيمي نلقى خدوج طاحت نصرعت هاهاهاهاهوهوهو
وانا زعما لا أبالي


ركبنا فالطيارة انا وعزو صاحبي على أنغام أغنية
يا الرايح تروح تسافر وماتولي
وايضا على انغام
نحرق فالبوطي ووالله مانولي -- بيناتنا جامي سمعت بالغنية هذي هههههه


وصلنا

وأخيرا تحقق حلمي الأبدي وهو المهم نخرج من جزائر الميزيرية
لم يكن الحلم الى الصين المهم وجهة أروبا أو الدول المتقدمة
وزيد الصين كي تتزوج تورث من عند الناس كامل خاطرش كامل يتشابهو هههه
ههههه علبالكم يوليو كامل نسابي ونساباتي ههههههه


وصلنا بعد عناء كبير وشخير عزو المتواصل والغير منقطع
ملي ديمارينا وهو راقد رقدة وحدة


فرينات الطيارة ونضرب عزو بكف
شي شو يي --- مانترجمهالكم عاودو ولو تقراو الترجمة هههههه
رانا وصلنا ليوم نشبعو روز وحوت ههه
خرجنا من المطار قلتلو جعنا لازم نروحو نحوسو كاش مطعم
قالي عزو انا نهدر راني حافظها مليح اللغة تاعهم
قلتلو ياو انت زهرك مكحوس حاب تباصينا
قالي أأأأأأسسسكر خخخخصااارا عععععععللللليك
خلاص هاوليك البوليسي نروحو نسقسيوه وين جاي المطعم


وصلنا ليه قالو عزو
نننننننييييي ههههههاو
رجعلو الشنوي شي شو يي
عزو قالو جامبو بالمايوناز جاوجينو هوو
البوليسي الشينوي حكم السلاح وبدا يعيط
هونتشو هو شي واش لابتيغتثغسستانتلاتاى هنا بدا يزرب فالهدرة


جاو صحابو يجرو حتى نلقى روحي فالأرض بليمينوت مكتف
الله لا يربحك يا عزو واش قلتلو
علاه تباصي فينا علاه هكذا
قالي عزو وووواااالله مممممماااققققلتتتتلو وووووالو
ججججججعععت ببببرك --- جججججااامممبوووببببللللمممايوناز ججججااوجييينيو هووو
تهلكت علينا غلط فالكلمة
يا يما باصينا بدل هيي ب هوو
قالو راني نحوس وين يبيعو الزطلة والكيف اووووووووووو


وانا نتعافر معاهم ونسيي نهرب والو حتى تلخرتلي نحلل فيهم
تبتشي تبتشي تبتشي يعني آسف
وع لبكا ولعياط والجوع لي كنت فيه وليت نقول
تبشي تبشي تبشي
ويلهوي واش معنتها تبشي هههههه نحيتلها حرف التاء
ولات معنتها انتم حيوانات واع واع واع


دارونا فالحبس ممبعد ستناو حتى الطيارة راح تعاود تقلع للبلاد ويرجعونا معاهم
كي رجعونا مسلسلين لسركاجي ديركت
هنا فالبلاد قالك التهم المنسوبة إلينا
تكوين جماعة أشرار
تجارة المخدار والحشيش بكل أنواعها
إستعمال التهديد اللفظي مع النظام


المحكمة تصدر 5 أشهر نافذة مع الاأعمال الشاقة
وبقدرة قادر خو فخامته زاد عندو مزيود ههههههه
وتعم الأفراح في كل البلاد

ويمدونا لاgراس جوزت 3 أشهر برك


ونولي للحومة المنحوسة وأنا كلي حسرة في عودتي الى الميزيرية
بصح المهم تحقق حلمي




 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
هههههههههه الله يعطيك الربح والله قتلتني ضحك
سورتو يوليو كامل نسابي ونساباتي وجامبو بالمايونيز:ROFLMAO:
هاه هربت من بلادك صبحت جاوجينهو ولا معرف واش ساع داتك للحباس هههه
قصة هايلة تأقلمت معاها وتبعتها حرف بحرف

يعطيك الصحة خويا مالك عندك خيال واسع الله يبارك هههه
صح فطورك خويا
تحياتي
 

"viola"

*أستاذة*
إنضم
9 جويلية 2014
المشاركات
5,767
النقاط
851
محل الإقامة
اوساكا..
الجنس
أنثى
السلام عليكم
ههههههههههههههه باه متزيدش تلعب مع الشناوة تغلط تخلص خخخخخ
و تاع خو مول السطح وحدها ههههههههه هاذيك هي و الله هههههههههههههه
يا درا كي وليت للحومة واش صرا مع خدوج خخخخخ
يعطيك الصحة خو و جامبو بالمايوناز ههههههه
 

جيهان جوجو

:: عضو شرفي ::
إنضم
24 سبتمبر 2015
المشاركات
6,830
النقاط
851
محل الإقامة
...
الجنس
أنثى
السلام عليـكم
ههههه جا يحفر في حفرة طاح فيها ههه هربت من الجزائر بحال هه ورجعت ليها:ROFLMAO::ROFLMAO:
الشح فيك .حق مكنت رايح وحدك تتقلش تما وتخلينا وحدنا o_O
ضحكتني ههه خاصة غي قلت انا يومين كنت نطير فيها ههههههه حتى لي ألفو لكتاب كذابين خخخخخخخ
هانسيت باش تقولنا نزيد حرف ونقص حرف من عندي :cautious:ههه وخدت روحك :geek:
بصح قلي يا سكر قبل ما ننسى
هذوك الكلمات اللي كتبتهم وترجمتهملنا صحاح ولا والوا باش نحفظهم خخخخ راك عارف
راها وسوستني جامبو بالمايوناز:sick:
علابالك قتلتلني ضحك كامل هههه الله يبارك عندك خيال كبير ماشاءالله:giggle:
ههه يعطيك الصحة سكر
نستعرف بيك غي جاتك الجراة وخليت خدوووج:cool:خخخ واش صرا غي رجعت هاها

 

Skor m@k

:: عضو شرفي::
إنضم
12 جويلية 2010
المشاركات
5,465
النقاط
2,901
هههههههههه الله يعطيك الربح والله قتلتني ضحك
سورتو يوليو كامل نسابي ونساباتي وجامبو بالمايونيز:ROFLMAO:
هاه هربت من بلادك صبحت جاوجينهو ولا معرف واش ساع داتك للحباس هههه
قصة هايلة تأقلمت معاها وتبعتها حرف بحرف

يعطيك الصحة خويا مالك عندك خيال واسع الله يبارك هههه
صح فطورك خويا
تحياتي
السلام عليكم
ههه ايه شفتي يا ختي قريب ولاو مليار نسيبي ههههه
كامل يتشابهو حتى لمرا شكيت مانفرقش بيناتهم هههه
ماشي هذيك لبلاد لي ماشي مليحة ههههه
ياو صاحبي لي وجه النحس
خلاص مانزيدش نتبعو هههههه
شكرا لك ختي مريم
صح فطورك
 

Skor m@k

:: عضو شرفي::
إنضم
12 جويلية 2010
المشاركات
5,465
النقاط
2,901
السلام عليكم
ههههههههههههههه باه متزيدش تلعب مع الشناوة تغلط تخلص خخخخخ
و تاع خو مول السطح وحدها ههههههههه هاذيك هي و الله هههههههههههههه
يا درا كي وليت للحومة واش صرا مع خدوج خخخخخ
يعطيك الصحة خو و جامبو بالمايوناز ههههههه
وعليكم السلام
شفتي علاه نقولك ماتبعيش الصحبة لي زهرها مسود ههههه
ايه وتانيت لوكان ماشي خو فخامته لوكان مزالني فالحبس
الله يطول في عمرو وينقص معمرنا ههههه
هههههه ولات متشختشخة كي شافتني وليت للحومة ههههههه
لا للجامبو بالمايوناز بعد الآن هههههه
 

Skor m@k

:: عضو شرفي::
إنضم
12 جويلية 2010
المشاركات
5,465
النقاط
2,901
السلام عليـكم
ههههه جا يحفر في حفرة طاح فيها ههه هربت من الجزائر بحال هه ورجعت ليها:ROFLMAO::ROFLMAO:
الشح فيك .حق مكنت رايح وحدك تتقلش تما وتخلينا وحدنا o_O
ضحكتني ههه خاصة غي قلت انا يومين كنت نطير فيها ههههههه حتى لي ألفو لكتاب كذابين خخخخخخخ
هانسيت باش تقولنا نزيد حرف ونقص حرف من عندي :cautious:ههه وخدت روحك :geek:
بصح قلي يا سكر قبل ما ننسى
هذوك الكلمات اللي كتبتهم وترجمتهملنا صحاح ولا والوا باش نحفظهم خخخخ راك عارف
راها وسوستني جامبو بالمايوناز:sick:
علابالك قتلتلني ضحك كامل هههه الله يبارك عندك خيال كبير ماشاءالله:giggle:
ههه يعطيك الصحة سكر
نستعرف بيك غي جاتك الجراة وخليت خدوووج:cool:خخخ واش صرا غي رجعت هاها

وعليكم السلام
ههههه ايه شفتي حتى تحقق الحلم الهجرة أولا وأخيرا هههه
حتى هاتشطاغيتها # لا للعودة الله غالب ديت معايا واحد مكحوس هههههههه
انا عمبالي كيما حنايا تزيد حرف تنقص نووووووورمال
ههههههه هوما حرف ترجمو بعشرة كلمات تاعنا هههههههه
ههههه ماشي كامل تاع الصح الكلمات كيما جامبو بالمايوناز ههههه
مي هذو الكلمات تاع الصح مالف نهبل بيهم هنا فالجزائر الشناوة كي نلقاهم هههههههه

ني هاااو -- أهلا
شيشي ني ي --- شكرا لك
تبتشي --- آسف​
شكرا لك ختي جيهانو
 

Skor m@k

:: عضو شرفي::
إنضم
12 جويلية 2010
المشاركات
5,465
النقاط
2,901
هههههه عجبتني القصة هايلة يعطيك الصحة.. المهم ضربت فيها تحويسة للصين وبدلت الهوا شويا
يعطيك الصحة​
السلام عليكم
ايه هذيك هي الصح هههه المهم تحقق الحلم الموعود ههههههههه
هنا فلبلاد غملنا لازم نحوسو شويا هههههه
شكرا لك ختي دعاء
 

ضآحكة مستبشرة

:: عضو شرفي ::
إنضم
27 جويلية 2014
المشاركات
15,079
النقاط
13,521
محل الإقامة
أزمير
الجنس
أنثى
السلام عليكم و رحمة الله تعالى وبركاته

هههه هههه شناوة خخخخخ واقيل عمبالك رح تصادف الحيآة السعيدة لثم ههههه باينة إذا كثرت سمانة و ترجع يا الطماع قالو باش نورث هههههه
حكاية بزاف بزاف هايلة عجبتني هههههه
الله يبارك عندك افكار جهنمية هههههه
بالتوفيق في المواضيع القادمة
 
Top