ان شاء الله تكونو ملاح مع رمضان
لحد الساعة مزال ماغلبني رمضان مرانيش نهدر برك ههههه
نحكيلكم كي كنت صغير كنا نروحو لوحد لبلاصا قدام لبحر
في لعشية يجو الزطايلية هههه يزطلو هناك عند لبحر
زعما يتخلواو هههه معلبلهمش بلي حنا الدراري نحو الخلوة هههه
نتلايمو مع مع ولاد عمتي وعمي ونروحو هناك نتخباو هوما يبداو يزطلو ونبداوهم بلحجر نتيريو ههههه
هوما ميفهمو فيها والو هههه مزطولين واش حبيتوهم يفيقو ههههه
يبداو يجرو مورانا ويطيحو فالارض ههههه
حنا ميتين بالضحك هههههه
ومرة كي لعادا تفاهمنا نروحو نهبلوهم شويا
كي رحا ملقيناهمش لقينا غير وحد السيد هناك
مريح وحط راسو على ركبتو هههه قلنا سور راهو للوحا ههههه
مرح مخلوي حتى يشوف لحجر فوقو يتلاوح هههه مفهم فيها والو ههههه
ممبعد ناض وبدا يجري مورانا حكم وحد اللوحا في يدو ويجري
حنا هربنا وتخبينا ضرب وحد الزوج سوايع وهو يحوس علينا فالطريق ههههه
انا كرهت قلت نخرج ندير روحي معلباليش واش صرالو
انا خرجت وبديت نمشي قدامو
حتى عيطلي قالي مشفتش وحد الدراري كانو هنا يلعبو قلتلو مشفتهمش علاه راك تحوس عليهم
قالي انا كنت مريح عند لبحر نسمع في حسني المشاكل عندي مع الطفلة والزواج والحالا
حتى بداو يتيريو عليا انا مدرتلهم والو
قالو لو نحكمهم نخرج زعافي فيهم ههههه
قلتلو بلاك عمبالهم زطايلية مفاقوش خلاص خليهم اسمحلهم
قالي حتى انا عييت خلاص نروح
ههههه آه لو فاق بلي انا هو المدبر الرئيسي للعملية يجيفني ههههه
بصح والله غير غاضني ممبعد مزدناش رحنا لهناك نتيريو عليهم
هههه بصح gووسطو كي تيري عليهم ويجرو موراك ههههه
ومرة انا وليد عمي ندورو بزاف كيف كيف
كنا صغا الزgينgاا معندناش الدراهم باش نشرو الجال ههههه
كنا صغار وحد 12 ولا 13 سنة
هناك زعمه بدات لامودا تاع الجال خرجت
جاتنا وحد الفكرة نديروها لشعارنا كي الجال هههه
كيما يقولو الحاجا تولد الإختراع هههه ولا ماشي هكذاك خخخخخ
رحنا لدارنا عسينا يما كي تكون فالكوزينة دخلنا لدوش ودرنا الشامبوا في شعرنا
كي يكون الشعر شاتف مترغونش الشامبوا يولي يبرق برك ههههه
معلومة حنا لي اكتشفناها ههههه
المهم عمرنا راسنا بالشامبوا وخرجنا ندورو هههه
بصح نسيت علاه حبينا نديرو الجال هههه
واقيل كانت طفلة دور فالحومه شابة كاش ما نعجبوها هههههه الصغر الجايح هههههه
المهم خرجنا ومع الشمس شعارنا يصطع
تقول ديكابريو فوق العود هههههه الشعر مسبسب اناقة يامحاينك هههه
درنا حتى كرهنا كي قرب العاصر قلنا ندخلو نصلو ههههه زعما هههه
رحنا نتوضاو انا وليد عمتي وهناك حدثت الكارثة ههههه
غسلنا يدنا ووفمنا ووجهنا وكي وصلنا لشعارنا هههه
نسينا بلي الشامبوا راهي دايرا كراعها فوق الراس هههههه
مسحنا شعارنا وبدات الرغوة تخرج منو ههههه
وكل ما نزيدو نمسحو تزيد الرغوة هههه
كثرنا بزاف قيس مايغسلو سمانا بيها ههههه
والمشكلة مبغاتش تخلاص الرغوه شعارنا ولا بيض وحنا طايحين فالارض بالضحك ههههه
يايما على يما ويدخل الامام ويلقانا بالرغوا في شعارنا ههههه
بدا يعيط علينا كيفاه بالصابون تاع الجامع تغسلو بيه شعاركم ووين يتوضاو الناس هههه
وعلاه قدرنا نفهموه بلي ماشي بالصابون
قلنالو ماشي صابون بالشامبوا والمشكلة الشامبوا معندناش القرعة تاعها ههههه
موحال يتامنا ههههه حصلنا بيه هههه
تلخرتنا نغسلو شعارنا مالعين ديركت بالبارد
ان شاء الله تكونو ضحكتو شويا معايا ههههه
ايا في اعداد قادمة
السلام عليكم
آخر تعديل:
