هربتلهم لاني عاقلة مش مهبولة

ليليا مرام

:: عضو بارز ::
أحباب اللمة
إنضم
16 جوان 2009
المشاركات
9,759
نقاط التفاعل
29,218
النقاط
1,656
محل الإقامة
اللمة
الجنس
أنثى
السلام عليكم
شباب وشابات اللمة حنا علجال دايما نقولو حنا اللماويون مهابل سي فتحي كلفني فمهمة لوين
لسبيطار مهابل ندير روبرتاج ونشوف شكون المهابل احنا والا هوما بلاك فتحي يحوس يدير الشانجما زرقة تغلب الصفرا ويبدلنا ايا فلننطلق


ونضرب فيها حطة قلت ما لقيتش عاقل ندي مهبول وفجرتي يستعقل ويا سلام حجة وفرجة منها راني خدامة ومنها ندي عريس سمعوني زغروتة
وصلت عند الباب وحتى العساس عاقل اه مهبول قالي لوغينا جيتي احوجي لوغينا قتلو لالا ليليا واش من لوغينا .....اواه السيد لوغينا خلات فيه مارا قلت فقلبي ضرك نعطيك يلاقيك الحيط تعرف لوغينا نتاع دزاير كيفاه دايرة خزرت فيه بلقتلو عينيا شخرتلو فوجهو اوفغ لابووووووخت حلها يجري ياو هاهي لوغينا احم احم

دخلت لاكوغ ومن زهري ماكان لاه نشقى للداخل نلقى واحد رافد تلفون نتاع نيلو .....الو الو دكتور جيبا لوشوا....قلت الشاب حسام هذا نونونو .....هذا الحبيب نتاع المنتدى قربت منو واش راك الحبيب ريحت شوي....قالي مال حبيبي مالو ...... بوه هذا واشبيه .....شاف فيا وقالي جلست والخوف بعينيها تتأمل فنجاني المقلوب ......قلتو قلبو بيك الارض مستر عبد الحليم ريح ضرك نرجعلك نسمعك التالية ....حبك تسونامي .....وبقا الحبيب قصدي اللي يشبهلو يغني حبك تسونامي

ونلقى وحدة الحطة نتاعهم شعرها حبل السلك رافد الحجر حاصل فيها التراب مغبرة ولابسة روب حمرا وشادة وردة تنتف فيها يحبني ما يحبنيش يحبني ما يحبنيش ...... قعدت قدامها قتلها ياااااا الورد الأحمر .....غاشي كبير راه يستشفى ياو .......وطارت فيا طيحتني فالارض من الخلعة ........انا صفرا .....انا الزرقا .....انا الكحلة .....نضت نجري كحل يماتاك يا من زينك يا الورد نتاعنا
نمشي ونشوف واحد رافد طيارة نتاع نيلو يجري طيري يا طيارة طيري طيري يا طيارة
قتلو مالك وين قالي لالمان قلت يااااه ذا صح مالك
خويا مالك واشبيك هبلت دعوتي خلصت فيك
ويبدا الرجاء من جميع المسافرين لألمانيا رحلة 33 التوجه للبوابة رقم 6
قتلو يا مالك واش من بوابة واش من المانيا تريح غير فبلادك وبدا يعيط فررررررر ويطير بالطيارة فررررر
قتلو فرفرو عليك بكري يا وليدي روح طير عليا




جات ليا وحدة تبان فرملية .....مادام ارواحي منا
قتلها مادام ديت راجلك..قاتلي نونو
انا مريومة معليكش يا ليليا ......قتلها مريومة الحبيبة وانا نعنق ونبوس وهي بدات تجيف فيا ديتي راجلي ...... يا السراقة وياحوجي عمري خرجت حسبتها مريومة
الخاوة سلكوني وقالولي مهبولة واللي سلكوني مهابل زعمى هوما عاقلين

ريحت عند واحد الشجرة عمري خرجت نتنفس قلت اواه واش جابني نرجع للمنتدى خير
وانا قاعدة ونشوف جماعة جايين يجرو جيهتي جايبين طابلية بيضا ......ياو قاللوهم مهبولة جديدة جات غلطو فيا ما لقيت واش ندير طلعت فوق الشجرة كي علاوة
المهابل يصفقو اهبطي اهبطي ......
وانا نشوف للزنقة ورا الحيط يا ليليا خيري يا تهبلي يا تهربي
ونسوطي من الشجرة للحيط ومنو للارض وطحت وتكسرت وهاني مكسورة فخاطر رسالة نبيلة
رحت ميسيو عالجالكم قريب هبلت

ونقولكم هبالكم ولا هبال هذوك


والله يشفيهم ويكون معاهم
 
هههههههه ايا وانتيا ديما تتكسري بلعقل شوية ..

ومالقيتي واش تديري روبورتاج جهة المهابل ههخخه اوااه

صعبة مزيا ما حطوكش معاهم لوكان السبيطار يتڨلب منك

ههخخهه ..

موضوع جميل كالعادظة و بالتوفيق ..
 
هههههههه ايا وانتيا ديما تتكسري بلعقل شوية ..

ومالقيتي واش تديري روبورتاج جهة المهابل ههخخه اوااه

صعبة مزيا ما حطوكش معاهم لوكان السبيطار يتڨلب منك

ههخخهه ..

موضوع جميل كالعادظة و بالتوفيق ..
السلام عليكم فطيطمة ان شاء الله راكي بخير
ايه فتحي واش يدير حب يعرف الهبال وين فالسبيطار والا عندنا ورحت كالقافزة شعرة وندخل هناك مي انا يمدولي شمبرة 5 ايتوال داخلة عندهم بهبال برا ونزيد عليه معناها مهبولة سبيسيال
لقيتكم عاقلين وبعاد على الهبال
حوست عليك الداخل قالولي كنت مع التصديرة نتاع فيولا هههه
بالشفا عليكم
 
السلام عليكم
هام جاو لمهابل اون بيرصون هههههههه
وتحصلي فينا حنا لي هبلنا اواه دوزاولك بزاف فالدواء
قوليلي برك شحال هذو الى مزالكي تعقلي برك
هاه شفتي بلي انت لي هبلتي ههههه هذوك زوج هذا واحد (y)
ياويلي والطيارة انا قلت نمتيني حتى قلت ضرك بلاك يتحقق الحلم هههههه
بصح الى نجري ونعيط فرررررر اواه غير ديزاكتيفي لمنام هذا هههه
بصح علاه مابقيتيش فالدار تكونكتي لو هكذاك مايصرالك والو خخخخخخ

المهابل لا يليق بك ههههه انت لي تليقي بلهبال هههههههههه
يعطيك الصحة ليلوش
بصح شكون لوغينا هذي جامي سمعت بهذا الاسم خخخخخ

 
السلام عليكم
هام جاو لمهابل اون بيرصون هههههههه
وتحصلي فينا حنا لي هبلنا اواه دوزاولك بزاف فالدواء
قوليلي برك شحال هذو الى مزالكي تعقلي برك
هاه شفتي بلي انت لي هبلتي ههههه هذوك زوج هذا واحد (y)
ياويلي والطيارة انا قلت نمتيني حتى قلت ضرك بلاك يتحقق الحلم هههههه
بصح الى نجري ونعيط فرررررر اواه غير ديزاكتيفي لمنام هذا هههه
بصح علاه مابقيتيش فالدار تكونكتي لو هكذاك مايصرالك والو خخخخخخ

المهابل لا يليق بك ههههه انت لي تليقي بلهبال هههههههههه
يعطيك الصحة ليلوش
بصح شكون لوغينا هذي جامي سمعت بهذا الاسم خخخخخ

وعليكم السلام
انا العاقلة فيكم عليها بعثني فتحي ندير غوبوختاج احم احم
غاضك الحال كي فقتلك ولقيتك الداخل مع الطيارة غير اتهنى اقعد تلعب بيها ودور ماكانش لالمان هنا يموت قاسي
لوغينا انا احم احم العساس بكري كان يعرفها شافني حطة وزين قالك هذي ميقرية الله الله عليا وباينة انت ما حملتهاش علبالي بيك
مسيو سكر محروق شرفتني اقامة طيبة فسبيطار المهابل بالشفا عليك
 
السلام عليكم فطيطمة ان شاء الله راكي بخير
ايه فتحي واش يدير حب يعرف الهبال وين فالسبيطار والا عندنا ورحت كالقافزة شعرة وندخل هناك مي انا يمدولي شمبرة 5 ايتوال داخلة عندهم بهبال برا ونزيد عليه معناها مهبولة سبيسيال
لقيتكم عاقلين وبعاد على الهبال
حوست عليك الداخل قالولي كنت مع التصديرة نتاع فيولا هههه
بالشفا عليكم


وعليكم السلام

هههه والله ضحكتيني صح دوك كي قلتي داخلة عندهم بهبال برا ههه الله يشفيك امجنونة .. انا راني تعافيت

خلاص هههه و التصديرة تاع فيولا هذاك ماخصني عهه

بالتوفيق في المسابقة ليلوثا ^^
 
وعليكم السلام

هههه والله ضحكتيني صح دوك كي قلتي داخلة عندهم بهبال برا ههه الله يشفيك امجنونة .. انا راني تعافيت

خلاص هههه و التصديرة تاع فيولا هذاك ماخصني عهه

بالتوفيق في المسابقة ليلوثا ^^
اهلا فطوم
ايه انا نستعرف دخلت بشوي هبال ما شفتنيش اللي يهدر ناكلو ههههه مي ما حبيتش ندخل ضرك مع لخرين قلت نبقى معاكم شوي نهبل جماعة ونروحو في رحبة مريومة والورد الاحمر والحبيب ومالك دخلو خلاص وفيولا دايرة تصديرة وعرفتها شكون اللي كانت تزغرت ميلينا باتنية يا وسمك تزغرتها فباتنة ترعدها فوهرن راهي كانت فرحانة بفيولا تزوجت هههه
العاقبة لهبالكم وتجو معايا
ربي يحفظك
 
ههه عودة ميمونة ليليا مرحبا بك و بالهبال
صح فطورك
شكون هاذي ميموني ههههههههههههه
شفت كيف ليليا لاعبتها عاقلة بصح هي أكبر مهبولة
 
شكون هاذي ميموني ههههههههههههه
شفت كيف ليليا لاعبتها عاقلة بصح هي أكبر مهبولة
ايه نعرفها مليح مافي مهبولة مثلها
لمسة الهبال في اللمة خاصة بها
 
السلام عليكم العاقلة
خخخخ هاني هربت لعندك نتي الوحيدة لي تسلكيني و تقدري تفهميني الشعب ثما قاع طايرلو بولون خخخخ
بالصح لي قتلوني مريم و مالك هههههههههههههههههه و الله تخيلتهم خخخخخخخخخ سيرتو مريم ههههههههه
و على سلامتك كولي الروينة مليحة للكسر خخخخخخخ لن تندمي خخخ
بالتوفيق
 
شكون هاذي ميموني ههههههههههههه
شفت كيف ليليا لاعبتها عاقلة بصح هي أكبر مهبولة
السلام عليكم
شكرا على المشاركة الطيبة بارك الله فيك
 
السلام عليكم العاقلة
خخخخ هاني هربت لعندك نتي الوحيدة لي تسلكيني و تقدري تفهميني الشعب ثما قاع طايرلو بولون خخخخ
بالصح لي قتلوني مريم و مالك هههههههههههههههههه و الله تخيلتهم خخخخخخخخخ سيرتو مريم ههههههههه
و على سلامتك كولي الروينة مليحة للكسر خخخخخخخ لن تندمي خخخ
بالتوفيق
السلام عليكم
تهربي عندي والا نهرب عندك ههههه
انت راك العروسة خلاوني نجي لاصال الداخل ياو قريب شنشفوني
مالك بطيارتو يفرفر والحبيب زاهي ما طالق لا راي لا شرقي. الورد الاحمر مازالت تأمن بالوردة يحبني وما يحبنيش. مريومة خايفة يسرقو راجلها وهو اصلا واقيل مازال ما زادش ههههه
قريب امنتك وكليت الروينة الله يعطيك روينة بالعسل يا عسل
مشكورة حقا شكون العريس ههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top