مرحبا بك من جديد قسم التصميم توحش مواضيعك اخي الكريم ههههه
التصميم بصفة عامة رائع
لكن اكيد كاين ملاحظات هههه
1- لوكان نقسمو التصميم على زوج كيما من كلمة 6 اقراص و اهبط لتحت لا غبار عليه قمة خويا يعطيك الصحة
مي لوكان نطلعو لفوق كاين مشكلة واضحة هي تداخل الكتابة مع الخلفية لانو خيرت الوان الخطوط قريبة لالوان الخلفية عليها ما ولاتش الكتابة باينة مليح
2- الملصق اللي مكتوب فيه 25GB لوكان درتو مقلوب احسن يعني الجهة اللي فيها New المقصوصة هاديك تجي مع حد التصميم علاخاطر هكا ما خرجتش مليحة
3- هي حاجة بسيطة مي لوكان عملت اكثر على الملصق اللي مكتوب فيه حصري كان يخرج احسن ... باين تفنينت فيه و حطيتو هكاك برك ههههه
يعني الملاحظة الاساسية هي التركيز على جودة و وضوح الكتابة خاصة في مجال الاعلان علاخاطر اذا ما قدرش المشاهد يقرا بسهولة وراحة مش رح يبقى يشوف مع الاعلان
و منه قد تكون خسرت زبون محتمل
يعطيك الصحة على التصميم اخي الكريم
في انتظار جديد ابداعك
و مزيد من التالق و الابداع في المستقبل ان شاء الله
في امان الله