علاش نظرتنا سلبية

[afnene]

السلام عليكم
كيف احوالكم ؟؟ كاش بحر ولا gاعدين غير في الدار كيفي ؟
اليوم جايا نسقي روحي ياك المؤمن يبدا بروحو ونوجه السؤال ليكم
علاش دايما نميلو تقريبا في كل الامور للنظرة السلبية
هذا السؤال طرحتو بطريقة اخرى على معلمتي في السنة الرابعة ابتدائي كي gالتنا كتبوا في كراس الشواهد الصاحب ساحب
وبدات تفهم فينا وتقول لازم نخيروا الصحبة الصالحة باسكو اذا كان الصديق سيء ذو اخلاق رذيلة سيسحبك معه
واضافت قلي من تصاحب اقل لك من انت وبدات تبيننا ان الناس في المجتع تحكم عليك من الاشخاص لي تتمشى معاهم وتصاحبهم
وبقات مركزة على صديق السوء .
واخيرا كرت المثل وقالت هيا كتبوا الصاحب ساحب
هذا الموقف من اكثر المواقف لي مننساهاش من الابتدائي حسبتني المعلمة غايسة وقالت عاوديلي واش كنت نقول ولاول مرة كنت جريئة
وقلتلها اذا حبتيني نعاولك لازم تكملي معلومتك ربما حست بنوع من الاستهزاء لاني اول مرة نتصرف هكا مع معلمتي خاصة اني كنت المتفوقة في المؤسسة
مي للاسف محبتش تسال واش ينقص المعلومة ولا حتى تعرف اسكو فهمتنا المثل كيما يجب
صح انا مكملتلهاش المعلومة يومها مي درك ميهمش مي ليهم انو المحيط تاعنا يغرس فينا النظرة الخاطئة من الصغر
علاش لي قال الصاحب ساحب كان يقصد برك ان صديق السوء يسحبك لقاع الحفرة
علاش معلمتي مذكرتش انو قادر الصديق الصالح قادر يسحبك الى القمة بعدما كنت في تلك الحفرة المظلمة
علاش ركزت على الجانب السيء هو صح كان مجرد كلمتان ماشي نظرية غلطت فيها ولا قاعدة حفظتها لي تلاميذ وخاطئة لي تتحاسب عليها .
ولكن بهذه الطريقة ممكن تغرس في البعض النظر للامور بنظرة سلبية انو دائما يركزو على الجانب المظلم في الامور
قادر مواقف تصادف عدة اشخاص مالgري تكون نفسها مي كل واحد كيفاش يشوفها
كاين انسان ايجابي وكاين السلبي
مي هذا الانسان السلبي مزادش هاك نقدروا نعتبروه شرب من بئر فيه قطرات من السلب ولا كان ثمرة من شجرة كانو يسقوها من ذاك البير .
هذا مجرد تمثيل مي ينطبق على الواقع تلقى اهل دائما ينتاقدو في ولدهم ملي يكون صغير حاجة لي يديرها ما تعجبهم جامي مدحوه
كيفاش حابينه يكون ايجابي
علاش الاغلبية منا اذا صادف شخص او تعرفنا على صديق جديد نبقى نجبدو غير في عيوبه وسلبياته علاش ما نشوفوش ايجاباته واخلاقه .

وحابة نقول للاولياء خاصة اذا بنيت الساس راشي غير متقولش علاه طاح البنيان على راسي
انت لي تقدر تتحكم في تصرفات ابنك المستقبلية من خلال واش ربيته عليك زيد التربية ماشي بالعياط والضرب وهذا رح يكون موضوع ان شاء الله.
اسفة على الاطالة اليكم الخط​

 

[همس الوُرود]

السلام عليكم ورحمة الله وبركاته
أهلا حبيبتي إعتمدت موضوعك ورجعت لموضوعي نرد عليهم ورجعتلك ههههه
صراحة حبيبتي الهدف من كلامك راني معاك فيه صح لازم دايما نشوفو للجانب المشرق فالأمور بش على الأقل نعيشو مليح
ونحسنو الظن بالأمور
كيما هادي قل لي من تصاحب أقول لك من أنت صح هي فالحقيقة مش رايحة تصاحبي غير الي عندها تقريبا نفس عقليتك وإلا مكنتيش تتفاهمي معاها
لكن يبقى المفهوم غالط أصلا لأنو لو كنا هكذا ممكن منلقاوش الصديقة المناسبة أصلا لأنو تختلف الأفكار و بزاف أمور تبقاي تحكي سطحيا مع الفتاة
وتضحكي فأمور سطحية و أحيانا مش الإنسان الي يختار صديقو أحيانا الصديق يختارك ويظهرلك أنها صديقة جيدة ومع الوقت تفيقي بكوارثها أصلا الإنسان بعد عشرة بش تعرفي من يكون فالأصل
منقدروش نخيرو الصديق المناسب في زمن قصير يحبلك وقت بش تعرفي شكون صاحبتك الحقيقية ولا لا
معنتها مش الي تدوري معاها رايحة تكون مليحة كيما أنتي أو أو
لما تدوري مع الي مش مليحة كيما نسبة نتي تديها كيما نسبة هي تديك ومهما نتي مشيتيها لطريق صحيحة رايحة هي تديك بنسبة ولو قليلة لطريقها تاني وتتأثري بأفكارها ولو مش مقتنعة أنتي بيها
هكذا الإنسان يؤثر ويتأثر بوش محيط بيه مهما متحسيش بلي مكيش متأثرة إلا أنك تتأثري بالناس علابيها لازم تحاولي إختيار الأحسن لك

وبارك الله فيك حبيبتي​

 

[afnene]

السلام عليكم ورحمة الله وبركاته
أهلا حبيبتي إعتمدت موضوعك ورجعت لموضوعي نرد عليهم ورجعتلك ههههه
صراحة حبيبتي الهدف من كلامك راني معاك فيه صح لازم دايما نشوفو للجانب المشرق فالأمور بش على الأقل نعيشو مليح
ونحسنو الظن بالأمور
كيما هادي قل لي من تصاحب أقول لك من أنت صح هي فالحقيقة مش رايحة تصاحبي غير الي عندها تقريبا نفس عقليتك وإلا مكنتيش تتفاهمي معاها
لكن يبقى المفهوم غالط أصلا لأنو لو كنا هكذا ممكن منلقاوش الصديقة المناسبة أصلا لأنو تختلف الأفكار و بزاف أمور تبقاي تحكي سطحيا مع الفتاة
وتضحكي فأمور سطحية و أحيانا مش الإنسان الي يختار صديقو أحيانا الصديق يختارك ويظهرلك أنها صديقة جيدة ومع الوقت تفيقي بكوارثها أصلا الإنسان بعد عشرة بش تعرفي من يكون فالأصل
منقدروش نخيرو الصديق المناسب في زمن قصير يحبلك وقت بش تعرفي شكون صاحبتك الحقيقية ولا لا
معنتها مش الي تدوري معاها رايحة تكون مليحة كيما أنتي أو أو
لما تدوري مع الي مش مليحة كيما نسبة نتي تديها كيما نسبة هي تديك ومهما نتي مشيتيها لطريق صحيحة رايحة هي تديك بنسبة ولو قليلة لطريقها تاني وتتأثري بأفكارها ولو مش مقتنعة أنتي بيها
هكذا الإنسان يؤثر ويتأثر بوش محيط بيه مهما متحسيش بلي مكيش متأثرة إلا أنك تتأثري بالناس علابيها لازم تحاولي إختيار الأحسن لك

وبارك الله فيك حبيبتي​

السلام عليكم
بوركت اختي على الاعتماد
انا صح ركزت في موضوعي على الصديق ولكن هذا ليس لب الموضوع هذاك كان مثال فقط
يعني قلت علاش المعلمة مقالتش الصديق ساحب وركزت غير كي يسحبك لطريق الخاطئ علاه مركزتش على الجانب المشرق وقالت يسحب لطريق الصواب
فصاحبو الصديق الصالح
هي صح كان هدفها ان كل شخص لازم يصاحب شخص ذو اخلاق حميدة مي غرست في التلاميذ حاجة ماشي مليحة انهم يفكرو بالشيء لي ماشي مليح قبل لي مليح
هكا تخليهم متشائمين .
هذا كان مثال فقط استندت عليه .
سررت بمرورك العطر

 

[Princesse Diyor]

السلام عليكم
و الله يا اختي عندك الحق
تربينا على انا نتفاداو الحاجة اللي مش مليحة قبل منديرو الحاجة المليحة
نشوف الغالط قبل صحيح و اللي خلاتنا متشائمين كيما قلتي
لدرجة ان كي نديرو كاش حاجة حتى لوكانت صح و مليحة نخافو
من ردة فعل الناس من ردة فعل اهلك المهم تخافي
الانسان يغلط مرة زوج باش يتعلم مي احنا ميعطولكش حتى الفرصة
مي معليش لازمنا نحاربوا باش نرجعوا النظرة الايجابية لمجتمعنا
بارك الله فيك عزيزتي

 

[Hakan]

اولا موضوع جميل
في الحقيقة لازم تفهمي ياختي انو المعلمة لما تكلمت من جهة الصديق السوء كانت تحت واقعية الآية الكريمة {ومااكثر الناس ولو حرصت بمومنين }
والاكثرية دائما سيئة اظافة الى انو نفسية الانسان تميل دائما الى العالم المظلم نورمالمون علابالك انو الكون 90 في المئة ظلام او اكثثر
لهذا الانسان معرض اكثر للضياع اكثر منو للاستقامة ومعلمتك كان خطئها الوحيد انو حكاتلكم على الظلمة ونسات تقلكم بلي الشمعة دير ب10دج
قادر تشعلها وتقدر تشوف الصرف اللي طاحلك في الارض خخخ النظرة السلبية يااختي مقتبسة من حقيقة انو الشحنات السالبة اللي يتعرضلها الانسان كثيرة
وتبدأ من اول يوم يخلق فيه الانسان ياك كي تزيد من كرش ماماك يقولوك يضربك الشيطان بنغزة وهل هناك اسوأ سلبية من الشيطان ربي يهنيك نتمنى تكوني فهمتي ردي..​

 

[يزيد 05]

وعليكم السلام
نعم المعلمة عندها حق في كلامها
الأولويه فالعلاقات هذه تكون للاحتراز وحفظ النفس من الناس السيئين لانهم يمكن يسحبونا معهم وتكون العواقب اسوأ والثقه الزائده هذه ليست في محلها
ويمكن يكون ذلك الهجران هو السبب في هدايه ذلك الصاحب لانه مع الوقت سيعرف انه بافعاله تلك يؤذي نفسه ويؤذي غيره سيبقى لوحده اذا استمر هكذا
يبقى اننا لا ننفي ان النصح له واجب لكن المخالطه واتخاذه صاحب لا
تجدين الولد الذي يريد الزواج يسعى للبنت التي يرى فيها الصلاح والبنت ايضا لانهم يبحثون عن الصلاح ونجاح ودوام العلاقه ولما يكون اي طرف فيه عيوب تؤثر على العلاقه يكون الرفض قبل اي شيء لتجنب الاسوأ
نفس الشيء ينطبق على الصداقه والصحبه هي علاقه لما تكون صادقه وتتوفر فيها شروط معينه تدوم لاعوام واعوام ولا تنقطع الا اذا كان احد الطرفين فيه عيوب يمكن ثؤثر على الطرف الاخر
عندما ابتعد عن شخص ما اضمن انه لن يسحبني معه لكن عندما اصاحبه لا اضمن ان كان سيتغير او لا مجرد مخاطره غير مضمونه بالاضافه الى نظره الناس التي ارى انهم محقين فيها

 

[afnene]

السلام عليكم
و الله يا اختي عندك الحق
تربينا على انا نتفاداو الحاجة اللي مش مليحة قبل منديرو الحاجة المليحة
نشوف الغالط قبل صحيح و اللي خلاتنا متشائمين كيما قلتي
لدرجة ان كي نديرو كاش حاجة حتى لوكانت صح و مليحة نخافو
من ردة فعل الناس من ردة فعل اهلك المهم تخافي
الانسان يغلط مرة زوج باش يتعلم مي احنا ميعطولكش حتى الفرصة
مي معليش لازمنا نحاربوا باش نرجعوا النظرة الايجابية لمجتمعنا
بارك الله فيك عزيزتي

وعليكم السلام
بوركت اختي على ردك العطر
هذا واش قصدت لانو اغلب الاعضاء ركزوا غير على فكرة الصديق ذاك كان مثال ارتكزت عليه فقط
ايه صح لازم نحاربوها كيما قلتي
وكل واحد فينا يبدى برحو
اسرني مرورك حبيبتي .​

 

[afnene]

اولا موضوع جميل
في الحقيقة لازم تفهمي ياختي انو المعلمة لما تكلمت من جهة الصديق السوء كانت تحت واقعية الآية الكريمة {ومااكثر الناس ولو حرصت بمومنين }
والاكثرية دائما سيئة اظافة الى انو نفسية الانسان تميل دائما الى العالم المظلم نورمالمون علابالك انو الكون 90 في المئة ظلام او اكثثر
لهذا الانسان معرض اكثر للضياع اكثر منو للاستقامة ومعلمتك كان خطئها الوحيد انو حكاتلكم على الظلمة ونسات تقلكم بلي الشمعة دير ب10دج
قادر تشعلها وتقدر تشوف الصرف اللي طاحلك في الارض خخخ النظرة السلبية يااختي مقتبسة من حقيقة انو الشحنات السالبة اللي يتعرضلها الانسان كثيرة
وتبدأ من اول يوم يخلق فيه الانسان ياك كي تزيد من كرش ماماك يقولوك يضربك الشيطان بنغزة وهل هناك اسوأ سلبية من الشيطان ربي يهنيك نتمنى تكوني فهمتي ردي..​

اهلاا وسهلا اخي نورت
على حساب ما فهمت من ردك
راك تقصد انو كيما تغلب الظلمة على النور
دائما تغلب الحاجة السلبية على الحاجة الايجابية بلاك عندك الصح مي هداك عند لي عندو شمعة تاع10 دج كيما قلت
مي لكان تحوس رح تتلاقا شمعة تاع 100دج ورح تكون تحل المشكل
ياك gاع كي كنا صغار تفرجنا رسومات ودائما الخير يغلب على الشر رغم المشاكل والصعوبات صح داك مجرد كرتون مي علاش منطبقوهش في حياتنا الواقعية
علاش دائما نستسلمو امام الامور الغير صائبة مخافة التاثر
صح انو الانسان ميظمنش روحو مي وين رح نزيدو بهاذ العقلية
حسيت انو ردك كان على موضوع فكاهي او ان ذلك اسلوبك وانا لم اعهده
بوركت اخي على مرورك .​

 

[afnene]

وعليكم السلام
نعم المعلمة عندها حق في كلامها
الأولويه فالعلاقات هذه تكون للاحتراز وحفظ النفس من الناس السيئين لانهم يمكن يسحبونا معهم وتكون العواقب اسوأ والثقه الزائده هذه ليست في محلها
ويمكن يكون ذلك الهجران هو السبب في هدايه ذلك الصاحب لانه مع الوقت سيعرف انه بافعاله تلك يؤذي نفسه ويؤذي غيره سيبقى لوحده اذا استمر هكذا
يبقى اننا لا ننفي ان النصح له واجب لكن المخالطه واتخاذه صاحب لا
تجدين الولد الذي يريد الزواج يسعى للبنت التي يرى فيها الصلاح والبنت ايضا لانهم يبحثون عن الصلاح ونجاح ودوام العلاقه ولما يكون اي طرف فيه عيوب تؤثر على العلاقه يكون الرفض قبل اي شيء لتجنب الاسوأ
نفس الشيء ينطبق على الصداقه والصحبه هي علاقه لما تكون صادقه وتتوفر فيها شروط معينه تدوم لاعوام واعوام ولا تنقطع الا اذا كان احد الطرفين فيه عيوب يمكن ثؤثر على الطرف الاخر
عندما ابتعد عن شخص ما اضمن انه لن يسحبني معه لكن عندما اصاحبه لا اضمن ان كان سيتغير او لا مجرد مخاطره غير مضمونه بالاضافه الى نظره الناس التي ارى انهم محقين فيها

اهلاا اخي
صح لي قلتو انو الانسان ملازمش يصاحب الناس السيئين باش ميتاثرش بيهم مي هاذا ماشي لب الموضوع انا ذكرت كمثال فقط وكان الهدف منو
اني نقول علاش دايرين في راسنا انو دائما هاذو الناس السيئين هوما لاثرو فينا علاش ماشي حنا لي ناثروا فيهم
صح الانسان ميضمنش انو هو لي رح ياثر قادر هو لي يتاثر ولي خاف سلم مي واش هي النهاية واش هو الحل
بهذ العقلية كل واحد يخمم في روحه

ماشي في مسالة الصديق فقط بزاف امور نميلو غير للحاجة لي ماشي مليحة فيها
وولينا مجتمع سلبي
مشكور على ردك ومرورك العطر ​

 

[يزيد 05]

اهلاا اخي
صح لي قلتو انو الانسان ملازمش يصاحب الناس السيئين باش ميتاثرش بيهم مي هاذا ماشي لب الموضوع انا ذكرت كمثال فقط وكان الهدف منو
اني نقول علاش دايرين في راسنا انو دائما هاذو الناس السيئين هوما لاثرو فينا علاش ماشي حنا لي ناثروا فيهم
صح الانسان ميضمنش انو هو لي رح ياثر قادر هو لي يتاثر ولي خاف سلم مي واش هي النهاية واش هو الحل
بهذ العقلية كل واحد يخمم في روحه

ماشي في مسالة الصديق فقط بزاف امور نميلو غير للحاجة لي ماشي مليحة فيها
وولينا مجتمع سلبي
مشكور على ردك ومرورك العطر ​

انا تكلمت على المقوله الصاحب ساحب وهي صحيحه
واذا لاحظتي في ردي السابق اني ذكرت ان الصاحب او الشخص هذا لا نتركه بدون نصح اذا راينا فيه عيب وانا هنا لما اتكلم عن العيوب في شخص ما اقصد العيوب الكبيره التي تكون فيها خطر على الطرف الآخر والتي يجمع الناس عليها بانها خطرة ويمكن تؤدي بالطرف الآخر لأذيه كبيره يندم عليها لهذا قلت الواجب هو الاحتراز اولا
أما الأمور الأخرى كما قلتي ونظرة الناس السلبية هنا فيه تفصيل على كل أمر وكل واحد فيه راي يختلف
ولا تنسي يا اختي ان هذه هي طباع اغلبيه الناس النظرة السلبيه وسوء الظن ولو كانت امور بسيطه
شكرا لك على الطرح وبالتوفيق

 

[أماني أماني]

و عليكم السلام أختي
انا ختي على حسابي المعلمة كان عندها جزء من الصواب خاطرش تلميذ فالابتدئي مازالو صغير مايقدرش ايميز الصواب من الغالط و الطفل الصغير و ان صح التعبير gاع الناس اتميل لزهو و تحب اجرب كلش و المعلمة حبت اتحذر من الامر الي ممكن ايميل ليه الانسان بطبيعته حتى ايخاف اصلا يدنا ليه و تغرس فيه انو الصديق الي هو اقرب الناس ليك لازم تخيرو بحذر بصح هاذا ماينفيش اننا لازم نحكيو على الجانب المشرق حتى يعرف الفرق