واش رايكم ؟

[Princesse Diyor]

السلام على اهل اللمة الكرام
ان شاء الله تكونو كامل لباس



امس رحت لحفلة بنت عمتي ربحت الباك
و حنا في البيس شفت واحد المنظر يبكي


طلع شيخ كبير ملقاش بلاصة
شافو كامل فيه و واحد ما ناض و خلالوا بلاصة
كامل يتفرجوا ملgري كاين رجال بزاف
نضت انا قتلوا ريح في بلاصتي قالي لالا انت طفلة
مش راح توقف طريق كامل
قتلوا نورمال ريح انت برك مي محبش
و قبلني في راسي و راح
بكيت من الموقف
مفهمتش مكانش انسانية مكانش رحمة و لا مكانش رجولة


واش رايكم انتم ؟​

 

[Salah eddin]

السلام عليكم
يا حفيظ يا ستار
ضرك الرحمة ترفدت من القلوب و لا وش ؟
تفوووه الين ... اسم الله الرحمن الرحيم
قاشي لا حيا لا حشمة
كفاه هذا قاعدين و الشيخ المخلوق واقف ؟؟؟
الله لا تربحهم و تربح ربايعهم

و نتي يا اختي بارك الله فيك على الجاست الي درتيه
باينة نتي فحلة و بنت اصل
بارك الله فيك
و الله يهدي العباد و بصلح حال البلاد ​

 

[Princesse Diyor]

السلام عليكم
يا حفيظ يا ستار
ضرك الرحمة ترفدت من القلوب و لا وش ؟
تفوووه الين ... اسم الله الرحمن الرحيم
قاشي لا حيا لا حشمة
كفاه هذا قاعدين و الشيخ المخلوق واقف ؟؟؟
الله لا تربحهم و تربح ربايعهم

و نتي يا اختي بارك الله فيك على الجاست الي درتيه
باينة نتي فحلة و بنت اصل
بارك الله فيك
و الله يهدي العباد و بصلح حال البلاد ​

و عليكم السلام
ايه اخي الرحمة راحت بكري
و فيك بركة هادا واجب مش مزية درتها باش نبين روحي ولا حاجة
امييين ربي يهدينا

 

[أماني أماني]

اختي راني معاك بالنسبة لهاد الشيخ خاطرش الي كبير مايقدرش يوقف بزاف مع المرض ربي يكون فالعون من باب الشهامة كان لازم اينوضولو و الشابة بزاف كي يردو روحهم راقدين ولا غايسين زعما ماشافوهش بصح هاد الدنيا ادور و كيما اديري الخير تلقايه بصح كاين حاجة تزعفني كي النسا يبداو يهدرو و يقولو الرجلة خلاصة النسا واقفين و الرجال قعدين هنا منعطيلهمش الحق خاطرش الرجال لو كان ايتبعو النسا ميقعدوش مساكن الي خدامة الي حواسة كل واحدة و شغلها يعني كيف كيف انا نزعف برك كي اي واحد او وحدة ماينوضوش لاكبار برك

 

[لمعانُ الأحداق]

السلام عليكم و رحمة الله

أولا أبارك لابنة عمتك النجاح
الله يدوم الأفراح إن شاء الله

ثانيا
و الله وصلنا لزمان
ناس مايعرفو ني صغير ني كبير
ماعلابالهم بحتى واحد
قلوبهم جامدة
ني احساس ني والو
يمشوا هكاك برك
دركا كيفاه هذا الشيخ في مقام جدهم
ماقدرش واحد يقولو تفضل في مكاني
ياخي حالة وصلنا ليها

الله يهدي ما خلق

أختي ثبتك الله

في أمان الله
​

 

[Princesse Diyor]

اختي راني معاك بالنسبة لهاد الشيخ خاطرش الي كبير مايقدرش يوقف بزاف مع المرض ربي يكون فالعون من باب الشهامة كان لازم اينوضولو و الشابة بزاف كي يردو روحهم راقدين ولا غايسين زعما ماشافوهش بصح هاد الدنيا ادور و كيما اديري الخير تلقايه بصح كاين حاجة تزعفني كي النسا يبداو يهدرو و يقولو الرجلة خلاصة النسا واقفين و الرجال قعدين هنا منعطيلهمش الحق خاطرش الرجال لو كان ايتبعو النسا ميقعدوش مساكن الي خدامة الي حواسة كل واحدة و شغلها يعني كيف كيف انا نزعف برك كي اي واحد او وحدة ماينوضوش لاكبار برك

وي اختي عندك الحق
مي انا قصدت ينوضو للكبار برك
بارك الله فيك

 

[{هِشام}]

وعليكم السلام ورحمة الله

قبل كل شيء، أحيّيك على ما فعلتِ، الله يكثّر من أمثالك.

ثانيا، عن نفسي، مهما كان الوضع ننوض ونخلّيه يقعد.

أمّا عن الموضوع، فأنا أكره التّعميم، والنّظرة الضيّقة والـ speculation

مكانش اللي ناض للشّيخ ماشي معناها قاع ما يحشموش وقاع ما عندهمش رحمة، وقاع ما عندهمش نخوة ولا رجولة ولا إنسانية. هذا عن التّعميم.

أمّا عن النّظرة الضيّقة والتّخمين، فبدل ما نعاير الخلق اللي ما ناضوش، نحطّ روحي مكانهم وكما قيل:
" إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه."

ربّما فيهم اللي ما شافوش، وفيهم اللي مريض، وفيهم اللي مطوّل الطّريق وخايف ينوض ما يلقاش من بعد وين يقعد. فيهم اللي مجمّع مع حرمته،
فيهم اللي زعفان من كاش حاجة ونحّى الخير من قلبه ذيك السّاعة، فيهم اللي نعسان، فيهم اللي عيان.
فيهم اللي مزيّر قلبه ويقول: "خلّي جدّو الكلب واقف، شاف الكار معمّر علاش ركب ؟!"
فيهم ما علاباليش أنا، اللي سرواله تقطّع كي قعد، وحشمان يوقف، باغي كي يلحق وين ينزل ينزل يجري.
فيهم اللي يعرف الشيباني وعارفه ما يطوّلش وينزل، فيهم اللي يعرفه ويكرهه، دارله عفسة ماشي مليحة.
وإذا كملوا الأعذار وما كملوش الذكور في الكار، نقول عندهم عذر ما خمّمتش فيه.

المهم أنّو الواحد يحسن النيّة في الناس، ويدير اللي عليه، وانتي ما شاء الله عليك درتي اللي عليك ربي يجازيك.​

 

[يزيد 05]

مكانش انسانية مكانش رحمة و مكانش رجولة فالبيس هذاك برك
المواقف هذي تصير والحمد لله لبيس راني تقريبا يومي نركب فيه مرتين فاليوم ودايما نشوف الصغار يخلو بلايصهم للناس الكبار والمرضى والنساء الي بالحمل
موقف او اثنان او حتى عشره مانديروهش معيار نقيسو عليه
شكرا لك

 

[Princesse Diyor]

السلام عليكم و رحمة الله

أولا أبارك لابنة عمتك النجاح
الله يدوم الأفراح إن شاء الله

ثانيا
و الله وصلنا لزمان
ناس مايعرفو ني صغير ني كبير
ماعلابالهم بحتى واحد
قلوبهم جامدة
ني احساس ني والو
يمشوا هكاك برك
دركا كيفاه هذا الشيخ في مقام جدهم
ماقدرش واحد يقولو تفضل في مكاني
ياخي حالة وصلنا ليها

الله يهدي ما خلق

أختي ثبتك الله

في أمان الله
​

الله يبارك فيك اختي

صح مكانش قلوب
امين ربي يهدي كامل امة محمد

 

[الصراحة راحة]

بارك الله فيك
تحياتي لك

 

[Princesse Diyor]

وعليكم السلام ورحمة الله

قبل كل شيء، أحيّيك على ما فعلتِ، الله يكثّر من أمثالك.

ثانيا، عن نفسي، مهما كان الوضع ننوض ونخلّيه يقعد.

أمّا عن الموضوع، فأنا أكره التّعميم، والنّظرة الضيّقة والـ speculation

مكانش اللي ناض للشّيخ ماشي معناها قاع ما يحشموش وقاع ما عندهمش رحمة، وقاع ما عندهمش نخوة ولا رجولة ولا إنسانية. هذا عن التّعميم.

أمّا عن النّظرة الضيّقة والتّخمين، فبدل ما نعاير الخلق اللي ما ناضوش، نحطّ روحي مكانهم وكما قيل:
" إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه."

ربّما فيهم اللي ما شافوش، وفيهم اللي مريض، وفيهم اللي مطوّل الطّريق وخايف ينوض ما يلقاش من بعد وين يقعد. فيهم اللي مجمّع مع حرمته،
فيهم اللي زعفان من كاش حاجة ونحّى الخير من قلبه ذيك السّاعة، فيهم اللي نعسان، فيهم اللي عيان.
فيهم اللي مزيّر قلبه ويقول: "خلّي جدّو الكلب واقف، شاف الكار معمّر علاش ركب ؟!"
فيهم ما علاباليش أنا، اللي سرواله تقطّع كي قعد، وحشمان يوقف، باغي كي يلحق وين ينزل ينزل يجري.
فيهم اللي يعرف الشيباني وعارفه ما يطوّلش وينزل، فيهم اللي يعرفه ويكرهه، دارله عفسة ماشي مليحة.
وإذا كملوا الأعذار وما كملوش الذكور في الكار، نقول عندهم عذر ما خمّمتش فيه.

المهم أنّو الواحد يحسن النيّة في الناس، ويدير اللي عليه، وانتي ما شاء الله عليك درتي اللي عليك ربي يجازيك.​

شكرا اخي بلامزية
وي نعطوهم اعذار بصح كاين اللي شافوه و كملوا يسمعوا في الغنا
المهم اللي كان عندو عذر ربي يسمحلوا
و اللي شافوا و محبش ينوض ربي يعطيلوا على قد نيتو
شكرا لمرورك

 

[Princesse Diyor]

مكانش انسانية مكانش رحمة و مكانش رجولة فالبيس هذاك برك
المواقف هذي تصير والحمد لله لبيس راني تقريبا يومي نركب فيه مرتين فاليوم ودايما نشوف الصغار يخلو بلايصهم للناس الكبار والمرضى والنساء الي بالحمل
موقف او اثنان او حتى عشره مانديروهش معيار نقيسو عليه
شكرا لك

وي اكيد مش كاين
كاين اللي انسان صح
على العموم ربي يهدينا

 

[Princesse Diyor]

بارك الله فيك
تحياتي لك

و فيك بركة اخي
شكرا لمرورك