ماضي المرأة ...... أكبر وسواس للزوج

[ليليا مرام]

السلام عليكم ورحمة الله تعالى وبركاته
شكرا لما كتبت اناملك وامتعتِ به اعيننا
اما بعد

وعليكم السلام أختي
الشكر كل الشكر لكم على الوفاء تسلمي

سأجيب عن السؤال مباشرة

له الحق في ان يعلم في النهاية الزواج يبنى على المصدآقية
على سنة الله ورسوله ستجمعنا حياة طويلة ان شاء ربي
فالبدآية من الصفر بركيزة ثابتة أحسن وأفضل بكثير من البدآية من الوسط بركيزة شبه هشة
سأصآرحه بكل مايسألني عنه
وبالتالي لا حاجة للكذب
أصلا الكذب في العلاقآت كالسم رويدا رويدا ينتشر ثم ينتشر الا ان يشلّ الكل
فصديقتي المقربة التي تجمعني بها أكثر من 8 سنوات ادامها الله لي
لآزلت لحد الآن اخبرها بذكريات مضت قبل تعرفي عليها أحس انها يجب ان تعرف عني كل شيء لتساندني وتفهم شعوري
وعندما احدثها عن شخص ما تعرفه! وكذلك تفعل هي تماما
هكذا هو الامر بالنسبة للزوآج فالاصح بالنسبة لي أن تخبر الفتاة خطيبها او زوجها بماضيها
سواء كانت علاقات محرمة (مع الاسف)
او تجربة خطبة او زواج فشل من قبل(وهذا ليس عيبآ)
لتقربآ الى بعضهما وتزداد اواصر المحبة والالفة بينهما
انا انسانة يضيق صدري إن اخفيت حقيقة شيء مآ او كذبت في ابسط الامور فمآ أدرآك بــ...
ولكن الحمد لله
ليس لدي أي شيء أخفيه عن ماضيَّ بل على العكس أفتخر بذلك أمامه ولله الفضل في أن هدآنا الى ما يحبه ويرضاه
وفضّلنا على كثير ممن خلق تفضيلا♥
ولكـــــن
وكمآ له الحق في سؤالها
لها الحق في سؤاله أيضآ
إن هو سال اولا فالتخبره هي بان يخبرها هو اولا عن ماضيه لتعرف اي نقاط حدثها عنها هل هي كل النقاط التي تريد هي معرفتها ام لا؟
بعد ذلك يأتي دورها تتناول تلك النقاط التي تحدث هو عنها وفقط!
فليس من العدل من كلا الطرفين
ان يكون الاول صفحة بيضاء والثاني صندوق يظهر لك انه مفتوح ولكن تحته مكان لم يفتح بعد!
تقبلي مروري ليليآن♥​

ردك رائع ونفس ما افكره الكذب منذ البداية يجعل الحياة هشة من الأفضل المصارحة منذ البداية لو لم يكن هناك ما يخجل المرأة يجب ان تبدأ بداية سليمة وصحيحة من البداية وكذاك الرجل
شكرا لا أضيف كلمة فردك رائع وكافي ووافي اعطى للموضوع حقه
شكرا لك

 

[rycerz]

اهلا اخي لا أبدا لن يخدعني مظهره المتسامح لا أريده ان يسامحني فانا لم احتل غزة
انا احكي له من باب ان يكون واضح واكون واضحة منذ البداية ان نوى خطبتي ويفكر جيدا حتى لا يعيد سؤاله لي نتكلم مرة وينتهي الموضوع واترك له الوقت ليفكر
--
لا يا أخي انا افهمك تماما فالرجل الجزائري والعربي ككل ينظر للحب على انه الجسد والنزوة والعلاقات المحرمة
انا كنت مخطوبة وانتهت هل بمعنى يخطبني آخر اكذب واقول له لم اكلم خطيبي فالهاتف أو انه لم يزرني
لن اكون كاذبة انا هنا اتكلم عن نفسي ولست اتكلم عن علاقات فالحمد لله لم التقي رجلا ابدا بدافع الحب او غيره
أحببت خطيبي وانتهى الأمر وهذا الماضي الذي احب ان اصارح به رجل آخر مازال ما زادش فالحق مي راني برك ندير فليزونتيرمو --
كل واحدة وماضيها يا أخي لدي ماضي واحد وباقي تصرفاتي ليس لديه الحق فيها انا من نفسي ساحكي له عن خطيبي السابق رضى او لا يعود له

يبدو لي أنك لم تفهمي قصدي تماما ..
غدا إن شاء الله سأعود للتوضيح​

 

[ليليا مرام]

هههههههه ختي ليليا الغيرة نتاعك كامل هكدا هههه

السلام عليكم
هههه هذي كي والو يا مليكة ههههه انت طيبي وتغسلي ودللي فهذا الراجل ومتحملة هبالو وشخيرو وتقاشرو وفالتلي يروح يخدعك يا مليكة نعلقو كي علاوة فالنخلة ههههه

 

[ليليا مرام]

يبدو لي أنك لم تفهمي قصدي تماما ..
غدا إن شاء الله سأعود للتوضيح​

اواه نستناك حتى لغدوة الجمعة تاكل الطعام وتروح للجامع وبلاك تخرج تحوس اواه لالا
ما تروحش ترقد فهمني وروح هههه

 

[Malika Tlm]

السلام عليكم
هههه هذي كي والو يا مليكة ههههه انت طيبي وتغسلي ودللي فهذا الراجل ومتحملة هبالو وشخيرو وتقاشرو وفالتلي يروح يخدعك يا مليكة نعلقو كي علاوة فالنخلة ههههه

ايه ختي الراجل الخداع هدا مايليقلوا
اصلا ختي شكون هذا لي تكون مرته تحبوا تخاف عليه موفرتلوا كلشي ويروح يخدعها
هذا جاااااهل كبيييير ولازموا طريحة ههه

 

[GI Joe]

ماذا لو سألك الرجل عن ماضيك وهل ستكذبين؟ وهل من أساس تقبلي ان يسأل عن فترة لم يكن بالأساس موجود في حياتك ؟
manekdhebch non,
prc kima ana haba na3ref koolech 3lih men ha9ou howa thani ya3ref, w 3andi
,,يقين que madamni ngol sah howa thani sinon rabi yba3do 3liya
nhiir fi bnet tkhabo kolech meme ki tokhredj troh l tbiba fa maa balouk hwayedj kbar mais j pense mayendjhouch hakdek, zwedj li yebda b les secrets w lekhdhoub mayrohech b3id​

 

[لؤلؤة قسنطينة]

ختي ليليا اعذريني على التدخل حبيت نقولك أنو لي يقصدو الأخ @rycerz
ماش أنك تصارحي واحد جاي يخطبك ويروح ويخليك وانتهى هاداك لا غبار عليه
هو يتكلملك على هاداك لي تقوليلو حتى ولو أمر بسيط كيما قلتي نتي مثلا قلبي كان متعلق بانسان
حتى ولو ماكاين والو بيناتكم وهو يقولك عادي وشكرا كي صارحتيني ويقولك نكملو نورمال
بصح هو ماينساش، يعني الاخ يقصد بلي الرجل مهما بانلك متسامح ورايح يفتح صفحة بيضاء
بصح هو بالعكس ما ينساش وتزيد تكبر هاديك بذرة الشك في داخلو، شوفي برك اثنين كانو يخرجو كيف كيف
حتى ولو الشخص هاداك هو أول شاب في حياة الطفلة هاديك وكي يقرر يتزوج بيها يبقى دايما شاك فيها
ربما هادا واش يقصد الأخ والله اعلم​

 

[ليليا مرام]

ايه ختي الراجل الخداع هدا مايليقلوا
اصلا ختي شكون هذا لي تكون مرته تحبوا تخاف عليه موفرتلوا كلشي ويروح يخدعها
هذا جاااااهل كبيييير ولازموا طريحة ههه

ايه يا مليكة هي لو تشوفي لي تقولي نحرقهم مكاريين يا أختي مي كي نحرقوهم مع من نعيشوا وعلى شكون نقرشوا ههههههه
ايه يا أختي ياك ذوع الخداعين كامل تلقاي نساهم متهليين فيهم جابلي ربي يحبو المعفونات وذوك اللي ما علاباهمش بيهم راهي لامود هههه
تحت شعار خليكي مسخة ومعفونة يقولي محال نبدلك يا الحنونة ههههه شفت كي نشعر هذي كامل من @ملامح شاعر هههه وليت نرد عليه بزاف وليت نشعر
ههههه
تسلمي

 

[rycerz]

لازم تستناها فالماتيرنيتي غير تزيد خبيها تكبر تزوج بها

--
نتي شكون قالك على هاذي الجملة ؟؟ .. هاذي موالفين يقولوها الرجال بيناتهم على سبيل النكتة

​

 

[ليليا مرام]

ماذا لو سألك الرجل عن ماضيك وهل ستكذبين؟ وهل من أساس تقبلي ان يسأل عن فترة لم يكن بالأساس موجود في حياتك ؟
manekdhebch non,
prc kima ana haba na3ref koolech 3lih men ha9ou howa thani ya3ref, w 3andi
,,يقين que madamni ngol sah howa thani sinon rabi yba3do 3liya
nhiir fi bnet tkhabo kolech meme ki tokhredj troh l tbiba fa maa balouk hwayedj kbar mais j pense mayendjhouch hakdek, zwedj li yebda b les secrets w lekhdhoub mayrohech b3id​

اهلا اختي هذي غيبة ان شاء الله انت بخير ومازال الكلافي نتاعك بالفرنسي
والله وانا معاك الصراحة والصراحة من الأول نظن اهم شي لانو هي دير الثقة عجبوا اهلا ما عجبوش ربي يسهل وما عندك ما ديري براجل ما يوثقش فيك
ربي يحفظك أختي

 

[rycerz]

تحية كبيرة لك اخي

--

أحييك يا أخت مليكة .. و يسعدني ذلك
--​

 

[ليليا مرام]

--
نتي شكون قالك على هاذي الجملة ؟؟ .. هاذي موالفين يقولوها الرجال بيناتهم على سبيل النكتة

​

ههه خاطر انا مولاتها الأصلية ههههه

 

[dahman kz]

موضوع حساس وفي غاية الاهمية
وشخصيا كرجل اول شي واكثر شي يهمني في المرأة هو ماظيها وهذا من حقي وكل رجل يتمنى تكون شريكة حياته امرأة عفيفية و نظيفة من ناحية الافعال المشينة والكبيرة

ومن ناحية ربي والشرع صح ماعندناش لحق باش ننبشو في سيرة الناس وماضيهم على خاطر ربي وحده هو للي حاسب وللي تاب ربي يغفرله وربي يعفي عليه بالصح المشكلة في المراة للي عندها ماضي مشين احتمال تتوب واحتمال لا ؟؟
وحتى لو كان تابت احتمال ترجع والدنيا جابت ما فيها وشفنا من الامثلة هذي حتى روسنا حبست

 

[ليليا مرام]

ختي ليليا اعذريني على التدخل حبيت نقولك أنو لي يقصدو الأخ @rycerz
ماش أنك تصارحي واحد جاي يخطبك ويروح ويخليك وانتهى هاداك لا غبار عليه
هو يتكلملك على هاداك لي تقوليلو حتى ولو أمر بسيط كيما قلتي نتي مثلا قلبي كان متعلق بانسان
حتى ولو ماكاين والو بيناتكم وهو يقولك عادي وشكرا كي صارحتيني ويقولك نكملو نورمال
بصح هو ماينساش، يعني الاخ يقصد بلي الرجل مهما بانلك متسامح ورايح يفتح صفحة بيضاء
بصح هو بالعكس ما ينساش وتزيد تكبر هاديك بذرة الشك في داخلو، شوفي برك اثنين كانو يخرجو كيف كيف
حتى ولو الشخص هاداك هو أول شاب في حياة الطفلة هاديك وكي يقرر يتزوج بيها يبقى دايما شاك فيها
ربما هادا واش يقصد الأخ والله اعلم​

اهلا مريومة
عادي اختي ردي نورمال
خليه ما ينساش يا مريومة انا نصارح وهو ينسى او يحكمو زهايمر وانا واش نديرلو إذا قلبو كحل وديجا انا ما نديش راجل قلبو كحل وإذا كل خطوة يفكرني ماكان لاه
ما نديه ما يديني راني مريحة هاكا ههههه
شعب موسوس خلاص بطلت نبقى بلا زواج
تسلمي

 

[لؤلؤة قسنطينة]

اهلا مريومة
عادي اختي ردي نورمال
خليه ما ينساش يا مريومة انا نصارح وهو ينسى او يحكمو زهايمر وانا واش نديرلو إذا قلبو كحل وديجا انا ما نديش راجل قلبو كحل وإذا كل خطوة يفكرني ماكان لاه
ما نديه ما يديني راني مريحة هاكا ههههه
شعب موسوس خلاص بطلت نبقى بلا زواج
تسلمي

ههههههههه هيه أفضل حل ولله هههه​

 

[ليليا مرام]

موضوع حساس وفي غاية الاهمية
وشخصيا كرجل اول شي واكثر شي يهمني في المرأة هو ماظيها وهذا من حقي وكل رجل يتمنى تكون شريكة حياته امرأة عفيفية و نظيفة من ناحية الافعال المشينة والكبيرة

ومن ناحية ربي والشرع صح ماعندناش لحق باش ننبشو في سيرة الناس وماضيهم على خاطر ربي وحده هو للي حاسب وللي تاب ربي يغفرله وربي يعفي عليه بالصح المشكلة في المراة للي عندها ماضي مشين احتمال تتوب واحتمال لا ؟؟
وحتى لو كان تابت احتمال ترجع والدنيا جابت ما فيها وشفنا من الامثلة هذي حتى روسنا حبست

السلام عليكم خويا دحمان شكرا على المشاركة
انا فالماضي الشين والواعر راني معاك انو لازم يعرف ولهذا نقول انو حتى اللي يسقسي الناس لو الناس تشوف الطفلة هذي تخلط وخلاطة ووليد الناس عاقل ما لازمش يخدعوه ويقولو الحق اما لو ماضي مشاعر قادرة هي تحكيلو وفكل الاحوال ما عندوش الحق والراجل يسقسي الناس ويتبع ويدير التحقيقات باه يدنى ويخطب امالا اصلا جا وهو متأكد تبقى امور يعرفها منها ديركت انا نشوف تحكيلو اللي كاين وعلى هذا قلت انا الصراحة
ربي يحفظك

 

[ليليا مرام]

ههههههههه هيه أفضل حل ولله هههه​

ايه هاني قررت ههههه

 

[بشرى ملاك]

ألفت إنتباهك بشدّة يا أخت .. و لجميع الفتيات
أبدا أبدا ..
لا يخدعنّك المظهر المتسامح و المتفهّم للرجل ..
حذاري حذاري .. فلتستري ما ستر الله.. و لا تسايري الزوج أو الخطيب في حماقته إن هو سأل .. حتى و إن ألحّ في السؤال
قد تأتيك لحظات ضعف و إعتبار بالعاطفة عوض العقل فتنساقي وراء فكرة تبدو لك منطقية (و هي قمّة في الخطأ) فتخدعك نفسك بأن تنساقي وراء عواطفك و تكشفي للزوج أو للخطيب علاقات سابقة .. فتكوني بذلك زرعت بذرة ما تفتأ جذورها حتى تنتشر بسرعة و بقوة فتنشق جدران القلعة و قد تهوي
و أعيد للمرّة الثانية و الثالثة و للمرّة المليار .. أبدا أبدا .. لا يخدعنك المظهر المتسامح و المتفهّم للرجل
ربما لا يمكنك أن تفهمي تماما عمق و مفهوم كلامي هذا ، طبعا لأنك إمرأة و لست رجل
هذا الكلام يقوله لك رجل يعرف جيدا جيدا و تماما حقيقة الرجال بإختلافاتهم .. فكوني واثقة بما قلته لك .. حذاري.
--
أتمنى أن تسنح لي الفرصة للعودة و إعطاء نبذة مختصرة عن جوهر القضية و خباياها النفسية .. سيكون ذلك بإختصار لكن بكل تفصيل.​

شفت قتلك رايك واقعي جدا وعندك الف حق...
راكي غالطة ليليا حتى ولو عرف شيء ابدا ماتقوليش قتلك ربي يامر بالستر وانت تقولي لا مانكدبش غادية تحل باب على نفسك حامي يعاود يتبلع...

 

[rycerz]

ختي ليليا اعذريني على التدخل حبيت نقولك أنو لي يقصدو الأخ @rycerz
ماش أنك تصارحي واحد جاي يخطبك ويروح ويخليك وانتهى هاداك لا غبار عليه
هو يتكلملك على هاداك لي تقوليلو حتى ولو أمر بسيط كيما قلتي نتي مثلا قلبي كان متعلق بانسان
حتى ولو ماكاين والو بيناتكم وهو يقولك عادي وشكرا كي صارحتيني ويقولك نكملو نورمال
بصح هو ماينساش، يعني الاخ يقصد بلي الرجل مهما بانلك متسامح ورايح يفتح صفحة بيضاء
بصح هو بالعكس ما ينساش وتزيد تكبر هاذيك بذرة الشك في داخلو ...

تماما .. أحييك يا أخت على التوضيح و بشكل دقيق
سيبقى السؤال مطروح لدى الرجل في أعماق نفسه : كم كان حجم العلاقة و إلى أي مدى و مرحلة وصلت ؟؟
فيخلق الصراع النفسي الداخلي للرجل الذي سيسبب له الإحباط و التوتر .. و قد يسبب للبعض الميول للإنحراف مثل الخيانة
--

... شوفي برك اثنين كانو يخرجو كيف كيف
حتى ولو الشخص هاداك هو أول شاب في حياة الطفلة هاديك وكي يقرر يتزوج بيها يبقى دايما شاك فيها
ربما هادا واش يقصد الأخ والله اعلم ...

في هذا ليس دائما .. لكن الأمر شائع على ذلك النحو الذي ذكرتيه في العلاقات التي انجرفت إلى عدم العفّة
--
مشكورة الأخت لؤلؤة على التوضيح​

 

[Malika Tlm]

موضوع حساس وفي غاية الاهمية
وشخصيا كرجل اول شي واكثر شي يهمني في المرأة هو ماظيها وهذا من حقي وكل رجل يتمنى تكون شريكة حياته امرأة عفيفية و نظيفة من ناحية الافعال المشينة والكبيرة

ومن ناحية ربي والشرع صح ماعندناش لحق باش ننبشو في سيرة الناس وماضيهم على خاطر ربي وحده هو للي حاسب وللي تاب ربي يغفرله وربي يعفي عليه بالصح المشكلة في المراة للي عندها ماضي مشين احتمال تتوب واحتمال لا ؟؟
وحتى لو كان تابت احتمال ترجع والدنيا جابت ما فيها وشفنا من الامثلة هذي حتى روسنا حبست

اخي سامحني ولكن ليس لكل امرأة ماض هي ليست عفيفة وطاهرة خصوصا اذا كان هذا الماضي بدون محرمات