كسرة تاع الزيت من مطبخي

صراحة انا ما كليتش هذا النوع من الكسرة غير كيما رحت لباتنة وجاتني صعيبة ناكل بيها نهارات لولين خاصة مع الجواز ومرق الخضر
ايا ومن بعد فورماتاوني الشاوية نتاع باتنة خخخ كي نروح للدار نعيا ناكل المطلوع هذاك نتاعنا شكرا ختي
ونتمنى من الاخوات خاصة العازبات ينشطو خخخخ خخخ
اهلا خويا هههههههههههه مالا راك تعودت عليها في باتنة
بصحتك ياسيدي عدت تنوع بين المطلوع في داركم وكسرة الرخسيس تاع الشاوية
نورت
 
mmmmmmmmmm
يشهي يعظيك الصحه اختي ,هههه ياسمين حابۃ تعحن ان شاء اﷲ تخرح كيما يماها هه
بصحتك اختي
ننتظر حديدك , مين يكملو الاختبارات عليك مني غير نحربو ان شاء اﷲ

ان شاالله عزيزتي هههه نورتي وفي انتظار كسرتك كاش مرة جربيها ووريلنا النتيجة
:kiss:
 
السلام عليكم

والله يا ام ياسمين هذا وين شفتك واضعة صورتو في ماذا ستطبخين سيدتي و سألتك على الوصفة نتاعو هو احنا في المنطقة نتاعنا ندير خبز عادي تع الخميرة و لا مطلوع
بصح الكسرة هذي مرة بعتتها لنا جارتنا عنابية و عجبتني بزاف و تمنيت نديرها مي الوقت ماسعدنيش علابيها كي شفتها اهنا قلت غير نسقسي خير و هي الوصفة ساهلة ان شاء الله برك تطلع معايا

اهلا عزيزتي نعم العنانبة تاني يديروها ان شاءالله تجربيها وتعجبك

طولت ههه تسلم دياتك
وراكي عارفة راني نحرك في يدي شوي و نزيد ان شاء الله ببعض المواضيع الجديدة والله مرات نصور و الشكل النهائي ما يخرج مليح :unsure:
لازم نجيبو غير الزين (y)
راكي ناشطة وتجربي الوصفات ماشاءالله
نورتي حبيبتي
 
احسن كسرة في العالم خخخ
يوم بعد يوم نطيبوها

انت راك كيما خاوتي
يموتو عليها كون يصيبو غدا وعشا هههه
نورت خويا حكيم
 
ما شاء الله أختي أم ياسمين كل يوم تجوعينا و تتحفينا بنوع من الكسرة الله يهديك ههههههههههه

حنا نسميها الفطير و تؤكل مع القهوة بالحليب في الصباح او بعد العصر

الله يسلمك خويا
نتم كي دار شيخي يحبوها مع الحليب
اما حنا تاع الشرق غدا وعشا وقهوة هههه
نورت خويا
 
السلام عليكم..!
حنا نسموها الكسرة لمبسة..نموت عليها سيرتووووو كي تكوووون سخونة..
والله ديفوا نطيبها مع صباح ونفطر بيها..
مام انا نديرها بهذي الطريقة
يعطيك الصحة اختي ام ياسمين تسلمي :)

الله يسلمك حبيبتي السطايفيات مشهورات بيها تاني :Love::Love::Love:نورتي عزيزتي
 
سلام عليكم
والله افتجأت كي شفت بلي كاين لي ما يعرفهاش !
احنا الرخساس هذا زعما اللي ماتعرفش تطيب خلاص وخاطيها الكوزينة تعرف ديرو
هي اسهل انواع الكسرة
جربي كوليها مع البن ولا الرايب ..روعة
مي ثاني اللي يعاني من لحريڨ تع ليستوما كيما حالتي..كي يجي ياكلها يحط حذاه چافيكسون ^^
سلمت الايادي
تحياتي
اهلا بيك
نعم كاين ناس لمسيلة والجلفة وولايات الغرب ميطيبوهاش
مع الرايب تكون طعم اخر
:Love::Love:
نورتي
 
darethena mama chafetha fi guelma 3andha benna special bin l matlo3 w l kessra ta3na, doonc khtare3nelha issm ana w khoya kessra matlo3iya hh
chouukran

جيتي لعندنا يامراحب :giggle:
بصحتكم اختي
منورة
 
السلام عليكم
يعطيك الصحة ختي أم ياسمين وصراحة نفس طريقتك نديروها في قسنطينة
عندك حق كي لميتي ناس الشرق كامل لأنو نشتاركو في نفس الكسرة
وتجي بنينة صح تقول قاطو سورتو مع الحليب ولا اللبن :Love: رائعة ماشاء الله
وهي الاسهل كيما قالت الأخت الباتنية ربما الصعب لي فيها فقط هو كثرة العجن كيما قلتي
مع أنو معظم بنات اليوم ماولاوش يعجنو ولاو إما بالعجان أو يعجنو شوي ويرميو لهيه هههه
يعطيك الصحة أختي على الموضوع وصراحة قسم الطبخ هو القسم الوحيد لي مانقدرش نشارك فيه
معرف علاه، خاطر مانقدرش نتخيل روحي نطيب ونصور هههه العام لي فات ماجيت نحط موضوع البوراك بالسيف هههه
يعطيك الصحة أختي وربي يحفظلك ياسمين باينة رايحة تخرج مرأة تاع دار وفحلة هههه
تحياتي

اهلا وسهلا بيك حبيبتي هي كسرة الناس الشرق التي توحدهم ههههه
وانا نرد سخفت عليها هههههههه زدتو قتولي اللبن يااي ريوقي ساحو لامزم غدوة نصبح عليها نخبزها مافيهاش هههه
نورتي حبيباتي وفي انتظار كاش نهار تخلعينا بموضوع طبخ
آمين يارب الله يهنيك
 
السلام عليكم
او او حتى حنا معروفة عندنا بزاف هذي خاصة القبايل
حنا يما طيبها بزاف تقريبا نفس الطريقة لي درتيها انت ختي

@لؤلؤة قسنطينة اياي ختي مريم كامل قالو مالفين نطيبوها هههههه
واقيل صح انت كي ختي ماتعرفش طيب ههههه
هذي ساهلا مافيها والو هههههه

يعطيك الصحة ختي ام ياسمين
الله يحفظلكم الميمة ان شاءالله
لاحظت بلي عايلتكم خويا مالك مدية من شحال في العادات
زيكم الوالدة قبايلية من ولاية والوالد من ولاية ههه علابيها راك الله يبارك مثقف في العادات والماكلة
نورت خويا
 
يعطيك الصحة حنونة تاكلوها بالصحة والهنا..
ربي يبارك في بنتك هذي الشطورة (ماشي انتي هههه)..اواه خسارة ماعنديش لشكون نخطبها
...

الله يبارك فيك عزيزتي
ههههه بنتي طيبتها وانا جيت نزوخ بروحي هههه
نزيدو نجيبو واخطبي خخخخخخ
نورتي
 
السلام عليكم
يمييي يميييي كسرتيي
نموووووووت عليها خلوني من كلش غير هي الي بنينة فور
بصحتكم أختي
أنا مشكلتي فيها هي العجين يديا ميقدرولهاش تجيني صعيبة نرفد غير بالشوييية ونحاول نعجن هههههه
 
السلام عليك
حنا نقولولها الفطيرة
كليتها في الشرق من يد مسيلية بصح هههه و عجبتني بزاف
يعطيك الصحة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top